Fake Currency Notes, Mangalore, Crime: ಕಾಸರಗೋಡು ಬಳಿಕ ಬಂಟ್ವಾಳದಲ್ಲಿ ಖೋಟಾ ನೋಟು ಜಾಲ ಪತ್ತೆ ; ಗ್ರಾಹಕರ ಸೋಗಿನಲ್ಲಿ 500ರ ಕಳ್ಳ ನೋಟು ಚಲಾವಣೆ ಯತ್ನ, ಕಾಸರಗೋಡಿನ ಮಹಿಳೆ ಸಹಿತ ಇಬ್ಬರ ಸೆರೆ

ಬ್ರೇಕಿಂಗ್ ನ್ಯೂಸ್

Dharmasthala Case, SIT, CM Siddaramaiah: ಧರ್ಮಸ್ಥಳ ಪ್ರಕರಣ ; ಪೊಲೀಸರ ವರದಿ ಆಧರಿಸಿ ಎಸ್ಐಟಿ ಬೇಕೊ, ಬೇಡವೋ ಅಂತ ನಿರ್ಧರಿಸುತ್ತೇವೆ, ಸಿಎಂ ಸಿದ್ದರಾಮಯ್ಯ ಖಡಕ್ ನುಡಿ | Mangalore South ACP Vijayakranti: ಮಂಗಳೂರು ದಕ್ಷಿಣ ಎಸಿಪಿ ಹುದ್ದೆಗೆ ಮತ್ತೆ ಲೇಡಿ ಅಧಿಕಾರಿ ; ಯಾದಗಿರಿ ಬದಲು ಮಂಗ್ಲೂರು ಗಾಡಿ ಹತ್ತಿದ ವಿಜಯಕ್ರಾಂತಿ, ಚನ್ನಾರೆಡ್ಡಿ- ತೇಲ್ಕೂರ್ ಜಗಳಕ್ಕೆ ಮದ್ದರೆದ ರಾಜ್ಯ ಸರ್ಕಾರ | Mangalore, Floodwater, Kumpala death: ಎಡೆಬಿಡದ ಮಳೆಗೆ ಕುಂಪಲದಲ್ಲಿ ವ್ಯಕ್ತಿ ನೀರುಪಾಲು ; ಪಿಲಾರು ರಾಜಕಾಲುವೆಗೆ ಬಿದ್ದು ನಾಪತ್ತೆ, ಸೋಮೇಶ್ವರ ಹೊಳೆಯಲ್ಲಿ ಶವ ಪತ್ತೆ |

Fake Currency Notes, Mangalore, Crime: ಕಾಸರಗೋಡು ಬಳಿಕ ಬಂಟ್ವಾಳದಲ್ಲಿ ಖೋಟಾ ನೋಟು ಜಾಲ ಪತ್ತೆ ; ಗ್ರಾಹಕರ ಸೋಗಿನಲ್ಲಿ 500ರ ಕಳ್ಳ ನೋಟು ಚಲಾವಣೆ ಯತ್ನ, ಕಾಸರಗೋಡಿನ ಮಹಿಳೆ ಸಹಿತ ಇಬ್ಬರ ಸೆರೆ

12-05-24 01:53 pm Mangalore Correspondent ಕ್ರೈಂ

ಖೋಟಾ ನೋಟು ಚಲಾವಣೆ ಮಾಡುತ್ತಿದ್ದ ಕೇರಳದ ಕಾಸರಗೋಡು ಮೂಲದ ತಂಡವೊಂದನ್ನು ಬಂಟ್ವಾಳ ನಗರ ಪೊಲೀಸರು ಪತ್ತೆಹಚ್ಚಿದ್ದು, ಮಹಿಳೆ ಸಹಿತ ಬಿ.ಸಿ. ರೋಡಿನಲ್ಲಿ ಇಬ್ಬರನ್ನು ಬಂಧಿಸಿದ್ದಾರೆ.

ಮಂಗಳೂರು, ಮೇ 12: ಖೋಟಾ ನೋಟು ಚಲಾವಣೆ ಮಾಡುತ್ತಿದ್ದ ಕೇರಳದ ಕಾಸರಗೋಡು ಮೂಲದ ತಂಡವೊಂದನ್ನು ಬಂಟ್ವಾಳ ನಗರ ಪೊಲೀಸರು ಪತ್ತೆಹಚ್ಚಿದ್ದು, ಮಹಿಳೆ ಸಹಿತ ಬಿ.ಸಿ. ರೋಡಿನಲ್ಲಿ ಇಬ್ಬರನ್ನು ಬಂಧಿಸಿದ್ದಾರೆ. 500 ರೂ. ಮುಖಬೆಲೆಯ ನೋಟುಗಳ ಸಹಿತ ನಗದು-ಮೊಬೈಲ್‌ಗ‌ಳನ್ನು ವಶಕ್ಕೆ ಪಡೆದಿದ್ದಾರೆ.

ಕಾಸರಗೋಡಿನ ಕೂಡ್ಲು ಗ್ರಾಮದ ಚೂರಿ ನಿವಾಸಿಗಳಾದ ಮೊಹಮ್ಮದ್‌ ಸಿ.ಎ. (61) ಹಾಗೂ ಕಮರುನ್ನೀಸಾ (41) ಬಂಧಿತರು. ಪೊಲೀಸ್‌ ಕಾರ್ಯಾಚರಣೆ ವೇಳೆ ಇವರ ಜೊತೆಗಿದ್ದ ಶರೀಫ್‌ ಎಂಬಾತ ಪರಾರಿಯಾಗಿದ್ದಾನೆ. ಆರೋಪಿಗಳಿಂದ 500 ರೂ. ಮುಖಬೆಲೆಯ 46 ಖೋಟಾ ನೋಟುಗಳು, 5,300 ರೂ. ನಗದು ಹಾಗೂ 3 ಮೊಬೈಲ್‌ಗ‌ಳನ್ನು ವಶಪಡಿಕೊಳ್ಳಲಾಗಿದೆ.

ಬಿ.ಸಿ ರೋಡಿನಲ್ಲಿ ಹೆದ್ದಾರಿ ಬದಿ ಕೇರಳ ನೋಂದಣಿಯ ಕಾರು ಅನುಮಾನಾಸ್ಪದ ರೀತಿಯಲ್ಲಿ ನಿಂತಿದ್ದಾಗ, ಬಂಟ್ವಾಳ ನಗರ ಠಾಣೆ ಪಿಎಸ್‌ಐ ರಾಮಕೃಷ್ಣ ಹಾಗೂ ಸಿಬಂದಿ ಕಾರಿನ ಬಳಿ ತೆರಳಿದಾಗ ಕಾರಿನಲ್ಲಿದ್ದ ಇಬ್ಬರು ಪರಾರಿಯಾಗಲು ಯತ್ನಿಸಿದ್ದಾರೆ. ಪೊಲೀಸರು ಕಾರಿನಲ್ಲಿದ್ದ ಓರ್ವ ಮಹಿಳೆ ಹಾಗೂ ಪುರುಷನನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ ಖೋಟಾ ನೋಟು ಬಯಲಿಗೆ ಬಂದಿದೆ.

ಆರೋಪಿಗಳು ಖೋಟಾ ನೋಟುಗಳನ್ನು ತಂದು ಬಂಟ್ವಾಳ ಆಸುಪಾಸಿನ ತುಂಬೆ, ಬಿ.ಸಿ. ರೋಡು ಭಾಗದ ಸಣ್ಣ ಅಂಗಡಿಗಳಿಗೆ ತೆರಳಿ ವಿನಿಮಯ ಮಾಡುತ್ತಿರುವುದಾಗಿ ತಿಳಿಸಿದ್ದಾರೆ. ಇಲ್ಲಿನ ಫ್ಯಾನ್ಸಿ ಸಹಿತ ಸಣ್ಣ ಅಂಗಡಿಗಳಿಗೆ ಗ್ರಾಹಕರ ಸೋಗಿನಲ್ಲಿ ತೆರಳಿ ಕಡಿಮೆ ಬೆಲೆಯ ಸಣ್ಣಪುಟ್ಟ ವಸ್ತುಗಳನ್ನು ಖರೀದಿಸಿ 500 ರೂ. ಮುಖಬೆಲೆಯ ಕಳ್ಳ ನೋಟುಗಳನ್ನು ನೀಡುತ್ತಿದ್ದರು. ಅಂಗಡಿಯವರಿಂದ ಬಾಕಿ ಮೊತ್ತವನ್ನು ಪಡೆದು ಅಲ್ಲಿಂದ ತೆರಳುತ್ತಿದ್ದರು. ತಮ್ಮಲ್ಲಿರುವ ಖೋಟಾ ನೋಟುಗಳನ್ನು ಹಲವಡೆ ಅಂಗಡಿಗಳಿಗೆ ತೆರಳಿ ಚಲಾವಣೆ ಮಾಡುವುದು ಯೋಜನೆ ಅವರದ್ದಾಗಿತ್ತು. ಘಟನೆಯ ಕುರಿತು ಬಂಟ್ವಾಳ ನಗರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.

ಕಾಸರಗೋಡಿ‌ನಲ್ಲಿ ಕಳ್ಳನೋಟು ಜಾಲ ಸಕ್ರಿಯ

ಇದೇ ವೇಳೆ, ಕೇರಳದ ಕಾಸರಗೋಡು, ಕಣ್ಣೂರಿನಲ್ಲಿಯೂ ಖೋಟಾ ನೋಟು ಜಾಲ ಪತ್ತೆಯಾಗಿದ್ದು ಕಾಸರಗೋಡು ಪೊಲೀಸರು ಮಹಿಳೆ ಸಹಿತ ಇಬ್ಬರನ್ನು ಬಂಧಿಸಿದ್ದಾರೆ. ಚೀಮೇನಿಯ ಡ್ರೈವಿಂಗ್ ಸ್ಕೂಲ್ ಸಿಬಂದಿ ಶೋಭಾ ಹಾಗೂ ಪಯ್ಯನ್ನೂರಿನಲ್ಲಿ ಮೆಕ್ಯಾನಿಕ್ ಆಗಿರುವ ಶಿಜು ಎಂಬವರನ್ನು ಬಂಧಿಸಿ.

ಪಯ್ಯನ್ನೂರಿನ ಶಿಜು ಕಣ್ಣೂರು ನಗರದಲ್ಲಿ ಬಾರ್ ಒಂದಕ್ಕೆ ತೆರಳಿ 2600 ರೂ. ಬಿಲ್ ಪಾವತಿಸಿದ್ದರು. ಅದರಲ್ಲಿ ಐನೂರು ಮುಖಬೆಲೆಯ 5 ಕಳ್ಳ ನೋಟುಗಳಿದ್ದವು. ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ಹೋಗಿದ್ದರಿಂದ ತನಿಖೆ ನಡೆಸಿ ಶಿಜು ಮತ್ತು ಡ್ರೈವಿಂಗ್ ಸ್ಕೂಲ್ ಸಿಬಂದಿ ಶೋಭಾಳನ್ನು ಬಂಧಿಸಿದ್ದಾರೆ. ಶೋಭಾ ಮನೆಯಲ್ಲಿ ನೋಟು ಮುದ್ರಿಸುವ ಯಂತ್ರವನ್ನು ವಶಕ್ಕೆ ಪಡೆಯಲಾಗಿದೆ. ಕಣ್ಣೂರು ಎಸ್ಪಿ ಖೋಟಾ ನೋಟು ಪ್ರಕರಣದ ತನಿಖೆಗಾಗಿ ವಿಶೇಷ ತಂಡವನ್ನು ರಚಿಸಿದ್ದಾರೆ. ಇದೇ ವೇಳೆ, ಕಾಸರಗೋಡಿನಲ್ಲಿ ನೀಲೇಶ್ವರ ನಿವಾಸಿ ಮುನೀರ್ ಎಂಬಾತನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

Bantwal Town police arrested two persons, including a woman, for possessing counterfeit currency. The arrested accused are Mohammed CA,61, and Kamarunissa,41, from Kasaragod in Kerala.