ಪಾಕಿಸ್ತಾನದ ಮಾಜಿ ಅಧ್ಯಕ್ಷ ಪರ್ವೇಜ್ ಮುಷರಫ್ ದುಬೈನಲ್ಲಿ ನಿಧನ

ಬ್ರೇಕಿಂಗ್ ನ್ಯೂಸ್

Mangalore commissioner Anupam Agarwal, Protest: ಕಮಿಷನರ್ ಅನುಪಮ್ ಅಗರ್ವಾಲ್ ಅಮಾನತಿಗೆ ಒತ್ತಾಯ ; ಜನಪರ ಸಂಘಟನೆಗಳಿಂದ ಸಾಮೂಹಿಕ ಧರಣಿ, ಕಾಂಗ್ರೆಸ್ ನಾಯಕರ ಮೌನದ ಬಗ್ಗೆ ಪ್ರಶ್ನೆ | Mangalore, BJP, Congress, Dinesh Gundurao: ಹಲ್ವಾ ತಿನ್ನೋಕೆ ಕೆಡಿಪಿ ಸಭೆಗೆ ಬರೋದಾ..? ಐವಾನ್ ಉಸ್ತುವಾರಿ ಬಕೆಟ್ ಹಿಡಿಯುತ್ತಿದ್ದಾರೆಯೇ? ಅನುದಾನ ಇಲ್ಲದ್ದಕ್ಕೆ ಕೆಡಿಪಿ ಸಭೆಯಿಂದ ಹೊರನಡೆದ ಬಿಜೆಪಿ ಶಾಸಕರು, ಪ್ರೀ ಪ್ಲಾನ್ಡ್ ಆಗಿ ಬಂದಿದ್ದೀರಾ ಎಂದು ಕಿಚಾಯಿಸಿದ ಉಸ್ತುವಾರಿ | Bangalore crime, Affair: ಲಾರಿ ಡ್ರೈವರ್ ಆಗಿದ್ದರು ಪತ್ನಿಯನ್ನ ಓದಿಸಿದ ಪತಿ ; ಚೆನ್ನಾಗಿದ್ದ ಸಂಸಾರದ ಮಧ್ಯೆ ಬಂದ ಮಾಜಿ ಉಪಕುಲಪತಿ, ಹೆಂಡತಿಯ ಪಲ್ಲಂಗದಾಟಕ್ಕೆ ಗಂಡ ಬಲಿ! |

ಪಾಕಿಸ್ತಾನದ ಮಾಜಿ ಅಧ್ಯಕ್ಷ ಪರ್ವೇಜ್ ಮುಷರಫ್ ದುಬೈನಲ್ಲಿ ನಿಧನ

10-06-22 07:29 pm HK News Desk ದೇಶ - ವಿದೇಶ

ಪಾಕಿಸ್ತಾನದ ಮಾಜಿ ಪ್ರಧಾನಿ ಪರ್ವೇಜ್ ಮುಷರಫ್ (78) ಶುಕ್ರವಾರ ದುಬೈನಲ್ಲಿ ನಿಧನರಾದರು.

ಇಸ್ಲಾಮಾಬಾದ್, ಜೂ 10: ಪಾಕಿಸ್ತಾನದ ಮಾಜಿ ಪ್ರಧಾನಿ ಪರ್ವೇಜ್ ಮುಷರಫ್ (78) ಶುಕ್ರವಾರ ದುಬೈನಲ್ಲಿ ನಿಧನರಾದರು.

ಕ್ಷಿಪ್ರ ಸೇನಾ ಕ್ರಾಂತಿಯಲ್ಲಿ ಪಾಕಿಸ್ತಾನದ ಅಧಿಕಾರ ಕೈವಶ ಮಾಡಿಕೊಂಡಿದ್ದ ಪರ್ವೇಜ್ ಮುಷರಫ್ ನಂತರದ ದಿನಗಳಲ್ಲಿ ನಡೆದ ಹಲವು ರಾಜಕೀಯ ಬೆಳವಣಿಗೆಗಳಿಂದಾಗಿ ದೇಶದಿಂದ ದೂರವೇ ಉಳಿಯಬೇಕಾಯಿತು. ಭಾರತದ ಜೊತೆಗೆ ಪಾಕಿಸ್ತಾನವು ಶಾಂತಿ ಸ್ಥಾಪನೆಗೆ ಯತ್ನಿಸುತ್ತಿದ್ದಾಗ ಲೇಹ್-ಕಾರ್ಗಿಲ್ ಹೆದ್ದಾರಿ ಸಮೀಪ ಪಾಕಿಸ್ತಾನದ ಸೇನೆಯನ್ನು ಗಡಿ ನಿಯಂತ್ರಣ ರೇಖೆ ದಾಟಿಸಿ, ಯುದ್ಧಕ್ಕೂ ಕಾರಣರಾಗಿದ್ದರು.

The Musharraf family in an exclusive interview - Aaj.tv

ಇತ್ತೀಚಿನ ದಿನಗಳಲ್ಲಿ ತೀವ್ರ ಅನಾರೋಗ್ಯಕ್ಕೀಡಾಗಿದ್ದ ಮುಷರಫ್ ಅವರನ್ನು ದುಬೈನಲ್ಲಿರುವ ಅಮೆರಿಕದ ಆಸ್ಪತ್ರೆಯಲ್ಲಿ ಚಿಕಿತ್ಸೆಗಾಗಿ ದಾಖಲಿಸಲಾಗಿತ್ತು. ವೆಂಟಿಲೇಟರ್ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಮುಷರಫ್ ಅವರನ್ನು ನೋಡಲು ಅವರ ಕುಟುಂಬದ ಸದಸ್ಯರು ತರಾತುರಿಯಲ್ಲಿ ವಿಮಾನದಲ್ಲಿ ದುಬೈಗೆ ಬಂದಿದ್ದರು. ಪರ್ವೇಜ್ ಮುಷರಫ್ ಅವರು 1999ರಿಂದ 2008ರವರೆಗೆ ಪಾಕಿಸ್ತಾನದಲ್ಲಿ ಆಡಳಿತ ನಡೆಸಿದ್ದರು. ನವಾಜ್ ಷರೀಫ್ ಸರ್ಕಾರವನ್ನು ಸೇನಾ ಕ್ರಾಂತಿಯ ಮೂಲಕ ಪದಚ್ಯುತಿಗೊಳಿಸಿದ್ದರು.

Former Pakistan President Pervez Musharraf passes away
ದೇಶ ವಿಭಜನೆ ವೇಳೆ ಕರಾಚಿಗೆ ಹೋದ ಕುಟುಂಬ;

ಪರ್ವೇಜ್ ಮುಷರಫ್ ಅವರು ಆಗಸ್ಟ್ 11, 1943ರಂದು ದೆಹಲಿಯಲ್ಲಿ ಸೈಯದ್ ಮುಷಾರಫುದ್ದೀನ್ ಮತ್ತು ಬೇಗಂ ಜರೀನ್ ಮುಷರಫ್ ಅವರ ಪುತ್ರನಾಗಿ ಜನಿಸಿದರು. ಮುಷರಫ್ ಅವರ ತಾಯಿ ಬೇಗಂ ಜರೀನ್ ಲಖನೌ ಮೂಲದವರು. ಅವರು ಅಲ್ಲಿಯೇ ತಮ್ಮ ಶಾಲಾ ಶಿಕ್ಷಣ ಪಡೆದರು. ದೆಹಲಿ ವಿಶ್ವವಿದ್ಯಾಲಯದ ಇಂದ್ರಪ್ರಸ್ಥ ಕಾಲೇಜಿನಲ್ಲಿ ಪದವಿ ಪಡೆದ ಅವರು ಇಂಗ್ಲಿಷ್ ಸಾಹಿತ್ಯದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ಮುಷರಫ್ ಅವರ ಅಪ್ಪ ಸೈಯದ್ ಮುಷಾರಫುದ್ದೀನ್ ಬ್ರಿಟಿಷರ ಆಡಳಿತದ ಭಾರತ ಸರ್ಕಾರದ ವಿದೇಶಾಂಗ ವ್ಯವಹಾರಗಳ ಕಚೇರಿಯಲ್ಲಿ ಅಕೌಂಟೆಂಟ್ ಆಗಿದ್ದರು. ನಂತರ ಅಕೌಂಟಿಂಗ್ ಡೈರೆಕ್ಟರ್ ಆದರು.

Former president Gen Pervez Musharraf's mother passes away

1947ರಲ್ಲಿ ದೇಶ ವಿಭಜನೆ ವೇಳೆ ಮುಷರಫ್ ಕುಟುಂಬ ದೆಹಲಿಯಿಂದ ಕರಾಚಿಗೆ ಹೋಯಿತು. 1949-56ರ ಅವಧಿಯಲ್ಲಿ ಮುಷರಫ್ ಕುಟುಂಬ ಟರ್ಕಿಯಲ್ಲಿ ವಾಸವಾಗಿತ್ತು. 1964ರಲ್ಲಿ ಸೇನೆ ಸೇರಿದ ಮುಷರಫ್, ಕ್ವೆಟ್ಟಾದಲ್ಲಿನ ಆರ್ಮಿ ಕಮಾಂಡ್ ಮತ್ತು ಸ್ಟಾಫ್ ಕಾಲೇಜಿನಿಂದ ಪದವಿ ಪಡೆದರು.ನಂತರ ಲಂಡನ್‌ನ ರಾಯಲ್ ಕಾಲೇಜ್ ಆಫ್ ಡಿಫೆನ್ಸ್ ಸ್ಟಡೀಸ್‌ಗೆ ಸೇರಿದರು. ಫಿರಂಗಿ, ಶಸ್ತ್ರಾಸ್ತ್ರ ಕಮಾಂಡೋ ಘಟಕಗಳಲ್ಲಿ ಕಾರ್ಯನಿರ್ವಹಿಸಿದ್ದು ಕ್ವೆಟ್ಟಾದಲ್ಲಿನ ಸಿಬ್ಬಂದಿ ಕಾಲೇಜಿನಲ್ಲಿ ಮತ್ತು ರಾಷ್ಟ್ರೀಯ ರಕ್ಷಣಾ ಕಾಲೇಜಿನ ಯುದ್ಧ ವಿಭಾಗದಲ್ಲಿ ಬೋಧಕರಾಗಿದ್ದರು.

Pakistan's Prime Minister Nawaz Sharif vows to fight terror after deadly blast in Lahore | Daily Sabah

1965 ಮತ್ತು 197ರ ಯುದ್ಧದಲ್ಲಿ ಭಾರತ ವಿರುದ್ಧ ಹೋರಾಡಿದ್ದ ಮುಷರಫ್ ಅವರನ್ನು 1998ರಲ್ಲಿ ಪಾಕ್ ಪ್ರಧಾನಿ ನವಾಜ್ ಷರೀಫ್, ಸೇನಾಪಡೆಯ ಮುಖ್ಯಸ್ಥರನ್ನಾಗಿ ಮಾಡಿದರು. 1999ರಲ್ಲಿ ನಡೆದ ಕಾರ್ಗಿಲ್ ಕದನದಲ್ಲಿ ಪಾಕ್ ಸೇನೆ ನಡೆಸಿದ ಆಕ್ರಮಣದಲ್ಲಿ ಮುಷರಫ್ ಪ್ರಮುಖ ಪಾತ್ರ ವಹಿಸಿದ್ದರು. ಅಕ್ಟೋಬರ್ 12, 1999ರಂದು, ಮುಷರಫ್ ವಿದೇಶದಲ್ಲಿದ್ದಾಗ ಅವರನ್ನು ಸೇನಾ ಮುಖ್ಯಸ್ಥರ ಹುದ್ದೆಯಿಂದ ಅಂದಿನ ಪ್ರಧಾನಿ ನವಾಜ್ ಷರೀಫ್ ವಜಾ ಮಾಡಿದ್ದರು. ಮುಷರಫ್ ಅವರನ್ನು ತವರಿಗೆ ಕರೆತರುತ್ತಿದ್ದ ವಿಮಾನವನ್ನು ಕರಾಚಿ ವಿಮಾನ ನಿಲ್ದಾಣದಲ್ಲಿ ಇಳಿಯದಂತೆ ತಡೆಯಲು ಷರೀಫ್ ಪ್ರಯತ್ನಿಸಿದರು.

ಆದರೆ ಕ್ಷಿಪ್ರ ಕಾರ್ಯಾಚರಣೆ ನಡೆಸಿದ ಸಶಸ್ತ್ರ ಪಡೆಗಳು ವಿಮಾನ ನಿಲ್ದಾಣ ಮತ್ತು ಇತರ ಸರ್ಕಾರಿ ಸಂಸ್ಥೆಗಳ ನಿಯಂತ್ರಣವನ್ನು ಸುಪರ್ದಿಗೆ ತೆಗೆದುಕೊಂಡಿತು. ರಾತ್ರೋರಾತ್ರಿ ಷರೀಫ್ ಅವರನ್ನು ಪದಚ್ಯುತಗೊಳಿಸಿದ ಮುಷರಫ್, ಮಿಲಿಟರಿ ಸರ್ಕಾರ ಸ್ಥಾಪಿಸಿದರು.

Former Pakistan President Pervez Musharraf today passed away at the age of 78, various Pakistani media channels reported. The former president was on a ventilator in an American hospital in Dubai. His family members have reportedly flown to Dubai to see him. The 78-year-old self-exiled Pervez Musharraf ruled Pakiatan from 1999 to 2008. He had come into power by removing the then prime minister Nawaz Sharif in a bloodless coup.