ಪ್ರವಾದಿ ಮಹಮ್ಮದ್ ಇರುತ್ತಿದ್ದರೆ ಮುಸ್ಲಿಮರ ಹುಚ್ಚಾಟ ನೋಡಿ ಶಾಕ್ ಆಗುತ್ತಿದ್ದರು ; ತಸ್ಲೀಮಾ ನಸ್ರೀನ್

11-06-22 04:45 pm HK News Desk ದೇಶ - ವಿದೇಶ

ಪ್ರವಾದಿ ಅವಹೇಳನದ ನೆಪದಲ್ಲಿ ದೇಶಾದ್ಯಂತ ಪ್ರತಿಭಟನೆ, ಹಿಂಸಾಚಾರ ನಡೆಸುತ್ತಿರುವ ವಿಚಾರದಲ್ಲಿ ಬಾಂಗ್ಲಾದೇಶ ಮೂಲದ ಲೇಖಕಿ ತಸ್ಲೀಮಾ ನಸ್ರೀನ್ ಖಾರ ಪ್ರತಿಕ್ರಿಯೆ ನೀಡಿದ್ದಾರೆ.

ನವದೆಹಲಿ, ಜೂನ್ 11 : ಪ್ರವಾದಿ ಅವಹೇಳನದ ನೆಪದಲ್ಲಿ ದೇಶಾದ್ಯಂತ ಪ್ರತಿಭಟನೆ, ಹಿಂಸಾಚಾರ ನಡೆಸುತ್ತಿರುವ ವಿಚಾರದಲ್ಲಿ ಬಾಂಗ್ಲಾದೇಶ ಮೂಲದ ಲೇಖಕಿ ತಸ್ಲೀಮಾ ನಸ್ರೀನ್ ಖಾರ ಪ್ರತಿಕ್ರಿಯೆ ನೀಡಿದ್ದಾರೆ. ಈಗೊಂದ್ವೇಳೆ ಪ್ರವಾದಿ ಮಹಮ್ಮದ್ ಬದುಕಿರುತ್ತಿದ್ದರೆ, ಜಗತ್ತಿನಾದ್ಯಂತ ಮುಸ್ಲಿಮರು ನಡೆಸುತ್ತಿರುವ ಹುಚ್ಚಾಟವನ್ನು ನೋಡಿ ಆಘಾತಗೊಳ್ಳುತ್ತಿದ್ದರು ಎಂದು ಟ್ವೀಟ್ ಮಾಡಿದ್ದಾರೆ.

ಟೀಕೆಯಿಂದ ಹೊರತಾದವರು ಯಾರೂ ಇಲ್ಲ. ಯಾವುದೇ ಮಾನವ, ಯಾವುದೇ ಸಂತನೂ ಇಲ್ಲ. ಯಾವುದೇ ಪ್ರವಾದಿ, ಯಾವುದೇ ದೇವರೂ ಇಲ್ಲ. ಟೀಕೆ, ವಿಮರ್ಶೆಗಳು ಜಗತ್ತು ಇನ್ನಷ್ಟು ಉತ್ತಮಗೊಳ್ಳಲು ಅಗತ್ಯವಾಗಿರುವ ಅಂಶಗಳು ಎಂದು ತಸ್ಲೀಮಾ ನಸ್ರೀನ್ ಅಭಿಪ್ರಾಯಪಟ್ಟಿದ್ದಾರೆ. ಆಮೂಲಕ ಪ್ರವಾದಿಯನ್ನು ಟೀಕಿಸಿದ ಮಾತ್ರಕ್ಕೆ ಮುಸ್ಲಿಮರು ಕೋಪಗೊಳ್ಳುವುದು, ಪ್ರತಿಭಟನೆ ನೆಪದಲ್ಲಿ ಹುಚ್ಚಾಟ ತೋರುವ ಅಗತ್ಯವಿಲ್ಲ ಎಂದು ಟೀಕಿಸಿದ್ದಾರೆ.

59 ವರ್ಷದ ತಸ್ಲೀಮಾ ನಸ್ರೀನ್ ಅವರು ಮುಸ್ಲಿಮ್ ಸಮಾಜದ ಮೂಲಭೂತವಾದ, ವೈರುಧ್ಯಗಳ ಬಗ್ಗೆಯೇ ಪ್ರಶ್ನೆ ಮಾಡಿದ ಕಾರಣಕ್ಕಾಗಿ ಬಾಂಗ್ಲಾದೇಶದಲ್ಲಿ ಕೊಲ್ಲುವ ಬೆದರಿಕೆಗಳು ಬಂದಿದ್ದವು. ಹಾಗಾಗಿ, 1994ರಲ್ಲಿಯೇ ದೇಶ ಬಿಟ್ಟು ಅಮೆರಿಕ, ಯುರೋಪ್ ನಲ್ಲಿ ನೆಲೆಸಿದ್ದರು. ಎರಡು ದಶಕಗಳಿಂದ ಸ್ವೀಡನ್ ಪ್ರಜೆಯಾಗಿ ಅಲ್ಲಿಯೇ ನೆಲೆಸಿದ್ದಾರೆ. ಭಾರತದಲ್ಲಿ ನಡೆಯುತ್ತಿರುವ ಬೆಳವಣಿಗೆ ಹಿನ್ನೆಲೆಯಲ್ಲಿ ತಸ್ಲೀಮಾ ಮುಸ್ಲಿಮರ ನಡೆಯನ್ನು ಟೀಕಿಸಿ ಟ್ವೀಟ್ ಮಾಡಿದ್ದಾರೆ.

Even if prophet Muhammad was alive today, he would have been shocked to see the madness of the Muslim fanatics around the world.
— taslima nasreen (@taslimanasreen) June 10, 2022

Bangladeshi author Taslima Nasreen has waded into the ongoing row over remarks on the Prophet Muhammad by the Bharatiya Janata Party’s now-suspended spokesperson Nupur Sharma. Taking to Twitter, Taslima Nasreen denounced the violent protests that have erupted over the issue.The Bangladeshi author tweeted, “Even if Prophet Muhammad was alive today, he would have been shocked to see the madness of the Muslim fanatics around the world.”