ಕಾಂಗ್ರೆಸ್ ಬಿಟ್ಟು ಬರುವುದಕ್ಕೆ ಬಿಜೆಪಿಯಿಂದ ಭಾರೀ ಆಫರ್ ಕೊಟ್ಟಿದ್ದು ನಿಜ ; ಶ್ರೀಮಂತ ಪಾಟೀಲ್

11-09-21 10:45 pm Headline Karnataka News Network ದೇಶ - ವಿದೇಶ

ನಾನು ಕಾಂಗ್ರೆಸ್ ಪಕ್ಷ ಬಿಟ್ಟು ಬರುವುದಕ್ಕೆ ಬಿಜೆಪಿಯವರು ಹಣದ ಆಫರ್ ಕೊಟ್ಟಿದ್ದು ನಿಜ. ಎಷ್ಟು ಬೇಕಾದ್ರೂ ಕೇಳಿ ಎಂದು ನನಗೆ ಆಫರ್ ಮಾಡಿದ್ದರು.

ಬೆಳಗಾವಿ, ಸೆ.11: ನಾನು ಕಾಂಗ್ರೆಸ್ ಪಕ್ಷ ಬಿಟ್ಟು ಬರುವುದಕ್ಕೆ ಬಿಜೆಪಿಯವರು ಹಣದ ಆಫರ್ ಕೊಟ್ಟಿದ್ದು ನಿಜ. ಎಷ್ಟು ಬೇಕಾದ್ರೂ ಕೇಳಿ ಎಂದು ನನಗೆ ಆಫರ್ ಮಾಡಿದ್ದರು. ಆದರೆ, ನಾನು ಹಣದ ಆಫರನ್ನು ನಯವಾಗಿಯೇ ತಿರಸ್ಕರಿಸಿದ್ದೆ ಎಂದು ಕಾಗವಾಡ ಶಾಸಕ ಶ್ರೀಮಂತ ಪಾಟೀಲ ಸ್ಫೋಟಕ ಹೇಳಿಕೆ ನೀಡುವ ಮೂಲಕ ತಿರುಗುಬಾಣ ಇಟ್ಟಿದ್ದಾರೆ.

ಪತ್ರಕರ್ತರೊಂದಿಗೆ ಮಾತನಾಡಿದ ಅವರು, ನಾನು ಹಣದ ಆಫರ್ ಕೇಳಿದಾಗ ನಿರಾಕರಿಸಿದ್ದೆ. ಬದಲಿಗೆ, ನನಗೆ ಸೂಕ್ತ ಸ್ಥಾನಮಾನ ನೀಡಿ ಎಂದಿದ್ದೆ. ಸರಕಾರ ಬಂದ ನಂತರ ಒಳ್ಳೆಯ ಸ್ಥಾನ ಸಿಕ್ಕರೆ ಜನಸೇವೆ ಮಾಡುತ್ತೇನೆ ಎಂದು ಹೇಳಿ ಬಿಜೆಪಿ ಸೇರಿದ್ದೆ. ಆದರೆ ಯಾವ ಕಾರಣದಿಂದ ನನಗೆ ಸಚಿವ ಸ್ಥಾನ ಕೊಟ್ಟಿಲ್ಲವೋ ಗೊತ್ತಿಲ್ಲ. ಮುಂದಿನ ತಿಂಗಳು ಸಂಪುಟ ಪುನಾರಚನೆ ಆದಾಗ ಖಂಡಿತವಾಗಿಯೂ ನನಗೆ ಸಚಿವ ಸ್ಥಾನ ಸಿಗಲಿದೆ ಎಂಬ ವಿಶ್ವಾಸ ಇದೆ ಎಂದು ಹೇಳಿದ್ದಾರೆ.

ನಾನು 20 ವರ್ಷ ಒಕ್ಕಲುತನ ಮಾಡಿದ್ದೇನೆ. ಕೃಷಿ ಖಾತೆ ನೀಡಿದರೆ, ಖಂಡಿತವಾಗಿಯೂ ಉತ್ತಮವಾಗಿ ನಿರ್ವಹಿಸುತ್ತಿದ್ದೆ. ಕಳೆದ ಬಾರಿ ಜವಳಿ ಮತ್ತು ಅಲ್ಪಸಂಖ್ಯಾತ ಖಾತೆ ನೀಡಿದ್ದರು. ಅದನ್ನು ಚೆನ್ನಾಗಿಯೇ ನಿಭಾಯಿಸಿದ್ದೇನೆ. ಶೀಘ್ರದಲ್ಲೇ ಸಚಿವ ಸ್ಥಾನ ಕೊಡುವುದಾಗಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಹೇಳಿದ್ದಾರೆ. ಕೃಷಿ ಖಾತೆ ಕೊಟ್ಟರೆ ಒಳ್ಳೆಯದಾಗಿ ನಿರ್ವಹಿಸುತ್ತೇನೆ ಎಂದು ಹೇಳಿದರು.

Shrimant Patil, a former Bharatiya Janata Party (BJP) cabinet Minister in Karnataka and the party's Kagwad MLA, on Saturday said he was offered money at the time of quitting Congress by the BJP government. "But I declined the offer of money and demanded that I should be given a good position in the BJP-led government so that I can do social service," he added."It was true that I was given an offer of money. I did not take the money and asked for a good portfolio. Accordingly, I was given a cabinet berth. Now, they (BJP) have dropped me from the new cabinet. However, I have the confidence of getting a cabinet berth in the coming days," he said.