ನಾಳೆ, ನಾಡಿದ್ದು ದಕ್ಷಿಣ ಕನ್ನಡದಲ್ಲಿ ವೀಕೆಂಡ್ ಲಾಕ್ಡೌನ್ ! ಮಧ್ಯಾಹ್ನ ವರೆಗೆ ಅಗತ್ಯ ಸಾಮಗ್ರಿ ಖರೀದಿಗೆ ಅವಕಾಶ

13-08-21 10:52 pm Mangaluru Correspondent ಕರಾವಳಿ

ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ನಾಳೆ, ನಾಡಿದ್ದು ಶನಿವಾರ, ಭಾನುವಾರ ಎಂದಿನ ರೀತಿ ವೀಕೆಂಡ್ ಲಾಕ್ಡೌನ್ ಇರಲಿದೆ. ಆದರೆ, ಮಧ್ಯಾಹ್ನ ವರೆಗೆ ಅಗತ್ಯ ಸಾಮಗ್ರಿ ಖರೀದಿಗೆ ಅವಕಾಶ ಇರಲಿದೆ.

ಮಂಗಳೂರು, ಆಗಸ್ಟ್ 13: ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ನಾಳೆ, ನಾಡಿದ್ದು ಶನಿವಾರ, ಭಾನುವಾರ ಎಂದಿನ ರೀತಿ ವೀಕೆಂಡ್ ಲಾಕ್ಡೌನ್ ಇರಲಿದೆ. ಆದರೆ, ಮಧ್ಯಾಹ್ನ ವರೆಗೆ ಅಗತ್ಯ ಸಾಮಗ್ರಿ ಖರೀದಿಗೆ ಅವಕಾಶ ಇರಲಿದೆ.

ಮೀನು, ಮಾಂಸದ ಮಾರುಕಟ್ಟೆ, ದಿನಸಿ ಅಂಗಡಿಗಳು ಸೇರಿದಂತೆ ಅಗತ್ಯ ಸಾಮಗ್ರಿಯ ಅಂಗಡಿಗಳನ್ನು ಹೊರತುಪಡಿಸಿ ಉಳಿದೆಲ್ಲ ರೀತಿಯ ವಹಿವಾಟು, ಸೇವಾ ಕ್ಷೇತ್ರಗಳು ಬಂದ್ ಇರಲಿದೆ. ಅಗತ್ಯ ಸಾಮಗ್ರಿ ಖರೀದಿಗೆ ಮಧ್ಯಾಹ್ನ 2 ಗಂಟೆ ವರೆಗೆ ಮಾತ್ರ ಅವಕಾಶ ಇರಲಿದೆ.

ಉಳಿದಂತೆ ಕ್ಷೌರದಂಗಡಿ, ಇನ್ನಿತರ ಸ್ಪಾಗಳು, ಇತರೇ ವ್ಯಾಪಾರ ಸಂಕೀರ್ಣಗಳು, ಶಾಲೆ, ಕಾಲೇಜುಗಳು ಪೂರ್ತಿಯಾಗಿ ಬಂದ್ ಇರಲಿದೆ. ಅದೇ ರೀತಿ ಬಸ್ ಇನ್ನಿತರ ಖಾಸಗಿ, ಸರಕಾರಿ ಸಾರಿಗೆಯೂ ಇರುವುದಿಲ್ಲ.

ಆಟೋ, ಟ್ಯಾಕ್ಸಿ ವಾಹನಗಳು ಕೇವಲ ರೈಲು ನಿಲ್ದಾಣ ಮತ್ತು ವಿಮಾನ ನಿಲ್ದಾಣದಿಂದ ಪ್ರಯಾಣಿಕರನ್ನು ಒಯ್ಯುವುದಕ್ಕೆ ಮಾತ್ರ ಅವಕಾಶ ಇರಲಿದೆ. ಕಳೆದ ವಾರ ಈ ಬಗ್ಗೆ ಜಿಲ್ಲಾಧಿಕಾರಿ ಆದೇಶ ಹೊರಡಿಸಿದ್ದು ಅದೇ ಮಾರ್ಗಸೂಚಿ ಅನ್ವಯ ಆಗಲಿದೆ. ಗಡಿಭಾಗದಲ್ಲಿ ಸಂಚಾರ ನಿಯಮ ಎಂದಿನಂತೆ ಇರಲಿದ್ದು ಕೇರಳ ಭಾಗದ ನಿವಾಸಿಗಳು ಕೋವಿಡ್ ನೆಗೆಟಿವ್ ಸರ್ಟಿಫಿಕೇಟ್ ಇದ್ದರೆ ಮಾತ್ರ ಪ್ರವೇಶ ಇರಲಿದೆ.

The weekend curfew which came into place last week will continue this weekend too in Mangalore. The exams scheduled for degree and postgraduate students on August 14 have been postponed due to the weekend curfew. The general public are allowed to purchase essential commodities till from 5 am to 2 pm. KSRTC and private buses will ply as usual.