ಹಾಡಹಗಲೇ ಪಡೀಲ್ ಕಾರು ಶೋರೂಂ ಒಳನುಗ್ಗಿದ ಕಾಡು ಹಂದಿ ; ವಿಡಿಯೋ ವೈರಲ್ 

27-11-21 04:42 pm       HK Desk news   ಕರಾವಳಿ

ಕಾರು ಶೋರೂಂ ಆವರಣದ ಒಳಗೆ ಕಾಡು ಹಂದಿಯೊಂದು ನುಗ್ಗಿದ ಘಟನೆ ನಗರದ ಪಡೀಲ್ ನಲ್ಲಿ ನಡೆದಿದೆ.

ಮಂಗಳೂರು, ನ.27: ಕಾರು ಶೋರೂಂ ಆವರಣದ ಒಳಗೆ ಕಾಡು ಹಂದಿಯೊಂದು ನುಗ್ಗಿದ ಘಟನೆ ನಗರದ ಪಡೀಲ್ ನಲ್ಲಿ ನಡೆದಿದೆ. ಇದರ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು ವಿಡಿಯೋ ಜಾಲತಾಣದಲ್ಲಿ ವೈರಲ್ ಆಗಿದೆ.

ಮಂಗಳೂರಿನ ಪಡೀಲ್‌ ರೈಲ್ವೆ ಬ್ರಿಡ್ಜ್ ಬಳಿಯ ಕಾರು ಶೋರೂಂನಲ್ಲಿ ಈ ಘಟನೆ ನಡೆದಿದೆ. ಕಳೆದ ನ.24ರ ಬುಧವಾರ ಮಧ್ಯಾಹ್ನದ ವೇಳೆಗೆ ಹೆದ್ದಾರಿಯ ಇನ್ನೊಂದು ಬದಿಯಿಂದ ಬಂದ ಕಾಡು ಹಂದಿ ನೇರವಾಗಿ ಕಾರು ಶೋರೂಂ ಒಳಕ್ಕೆ ನುಗ್ಗಿದೆ. ದಾರಿ ತಪ್ಪಿ ಬಂದಿದ್ದರಿಂದ ಅತ್ತಿತ್ತ ಎರಡು ಬಾರಿ ಓಡಾಡಿದ್ದು, ಅಲ್ಲಿದ್ದ ಓರ್ವನನ್ನು ನೋಡಿ ತಿವಿಯಲು ಯತ್ನಿಸಿದೆ. 

ಕಾಡು ಹಂದಿ ಇನ್ನೇನು ತಿವಿಯುತ್ತೆ ಎಂಬ ಭಯದಿಂದ ಅಲ್ಲಿದ್ದ ಜನರು ಕಕ್ಕಾಬಿಕ್ಕಿಯಾಗಿ ಓಡಿದ್ದಾರೆ. ಶೋರೂಂ ಆಸುಪಾಸಿನಲ್ಲಿ ಓಡಾಡಿದ ಕಾಡು ಹಂದಿ ಬಳಿಕ ಅಲ್ಲಿಂದ ಪೊದೆಗಳ ನಡುವೆ ನುಗ್ಗಿ ಪರಾರಿಯಾಗಿದೆ.

Wild boar enters car showroom near Padil in Mangalore video goes viral. Luckily no two Wheeler riders were hurt as the boar suddenly crosses national highway near railway bridge.