ನಕಲಿ ನೋಟು ಸಪ್ಲೈ , ಇನ್ಶೂರೆನ್ಸ್‌ ಹೆಸ್ರಲ್ಲಿ ಜನರಿಗೆ ಟೋಪಿ ; ಇಬ್ಬರು ಹೆಂಡ್ರು, ಒಂಬತ್ತು ಮಕ್ಕಳು, 6 ಗರ್ಲ್‌ ಫ್ರೆಂಡ್ಸ್ ಮೇಂಟೈನ್ ಮಾಡ್ತಿದ್ದ ವಂಚಕ ಪೊಲೀಸರ ಬಲೆಗೆ

ಬ್ರೇಕಿಂಗ್ ನ್ಯೂಸ್

Minister Parameshwara, Yatnal: 'ನೀವು ಸಾಬರಿಗೆ ಮುತ್ತು ಕೊಡಿ, ಕೆ.ಜಿ ಹಳ್ಳಿ, ಡಿ.ಜೆ ಹಳ್ಳಿ ಆರೋಪಿಗಳಿಗೆ ಕಿಸ್ ಕೊಡಿ ; ಗೃಹ ಸಚಿವರ ವಿರುದ್ಧ ಯತ್ನಾಳ್ ವಾಗ್ದಾಳಿ | CM Siddaramaiah, Kambala Mangalore, Naringana: ತುಳುವನ್ನ ರಾಜ್ಯದ ಎರಡನೇ ಭಾಷೆಯನ್ನಾಗಿಸಲು ಗಂಭೀರ ಪರಿಗಣನೆ, ನರಿಂಗಾನ ಕಂಬಳದಲ್ಲಿ ಸಿಎಂ ಸಿದ್ದರಾಮಯ್ಯ ಭರವಸೆ | ಕೊಪ್ಪದ ಮೇಗೂರು ಅರಣ್ಯದಲ್ಲಿ ಶರಣಾಗಿದ್ದ ನಕ್ಸಲರ ಶಸ್ತ್ರಾಸ್ತ್ರಗಳು ಪತ್ತೆ ; ಎಕೆ 56, ಕಂಟ್ರಿಮೇಡ್ ಪಿಸ್ತೂಲ್ ವಶಕ್ಕೆ |

ನಕಲಿ ನೋಟು ಸಪ್ಲೈ , ಇನ್ಶೂರೆನ್ಸ್‌ ಹೆಸ್ರಲ್ಲಿ ಜನರಿಗೆ ಟೋಪಿ ; ಇಬ್ಬರು ಹೆಂಡ್ರು, ಒಂಬತ್ತು ಮಕ್ಕಳು, 6 ಗರ್ಲ್‌ ಫ್ರೆಂಡ್ಸ್ ಮೇಂಟೈನ್ ಮಾಡ್ತಿದ್ದ ವಂಚಕ ಪೊಲೀಸರ ಬಲೆಗೆ

30-11-23 07:24 pm HK News Desk ಕ್ರೈಂ

ಇಬ್ಬರು ಹೆಂಡತಿಯರು, ಒಂಬತ್ತು ಮಕ್ಕಳು ಮತ್ತು ಆರು ಗೆಳತಿಯರನ್ನು ಹೊಂದಿದ್ದ ಸಾಮಾಜಿಕ ಮಾಧ್ಯಮದಲ್ಲೂ ಪ್ರಭಾವ ಬೆಳೆಸಿಕೊಂಡಿದ್ದ ವಂಚಕನೊಬ್ಬನನ್ನು ಪೊಲೀಸರು ಬಂಧಿಸಿದ್ದಾರೆ.

ಲಕ್ನೋ, ನ 30: ಇಬ್ಬರು ಹೆಂಡತಿಯರು, ಒಂಬತ್ತು ಮಕ್ಕಳು ಮತ್ತು ಆರು ಗೆಳತಿಯರನ್ನು ಹೊಂದಿದ್ದ ಸಾಮಾಜಿಕ ಮಾಧ್ಯಮದಲ್ಲೂ ಪ್ರಭಾವ ಬೆಳೆಸಿಕೊಂಡಿದ್ದ ವಂಚಕನೊಬ್ಬನನ್ನು ಪೊಲೀಸರು ಬಂಧಿಸಿದ್ದಾರೆ.

ಅಜಿತ್ ಮೌರ್ಯ (41) ಎಂಬಾತನನ್ನು ನಕಲಿ ಪೋಂಜಿ ಯೋಜನೆ ನಡೆಸಿರುವುದು, ನಕಲಿ ಕರೆನ್ಸಿ ನೋಟುಗಳ ಚಲಾವಣೆ ಮಾಡುವುದು, ವಿಮಾ ಯೋಜನೆಗಳೊಂದಿಗೆ ಜನರನ್ನು ವಂಚಿಸಿರುವುದು ಮತ್ತು ಹಲವಾರು ಇತರ ಪ್ರಕರಣಗಳಿಗೆ ಸಂಬಂಧಿಸಿ ಬಂಧಿಸಲಾಗಿದೆ.

Youth arrested in Assam in a suspected case of child marriage - The Statesman

ಮೌರ್ಯ ತನ್ನ ಪತ್ನಿಯೊಬ್ಬಳೊಂದಿಗೆ ಹೋಟೆಲ್‌ನಲ್ಲಿ ಊಟ ಮಾಡುತ್ತಿದ್ದು, ಹೊಸ ವರ್ಷಾಚರಣೆಗಾಗಿ ವಿದೇಶ ಪ್ರವಾಸಕ್ಕೆ ತೆರಳಲು ಯೋಜಿಸುತ್ತಿದ್ದಾಗ ಸರೋಜಿನಿ ನಗರ ಪೊಲೀಸರು ಬಂಧಿಸಿದ್ದಾರೆ.

ಇಬ್ಬರು ಪತ್ನಿಯರು, ಒಂಬತ್ತು ಮಕ್ಕಳು ಮತ್ತು ಆರು ಮಂದಿ ಗೆಳತಿಯರ ಹೊಟ್ಟೆ ತುಂಬಿಸಬೇಕಾಗಿರುವ ಕಾರಣ ತಾನು ಇಷ್ಟೆಲ್ಲ ಅಪರಾಧ ಎಸಗಿದ್ದೇನೆ ಎಂದು 6ನೇ ತರಗತಿಯನ್ನಷ್ಟೇ ಕಲಿತಿರುವ ತೊರೆದ ಮೌರ್ಯ ಪೊಲೀಸರಿಗೆ ತಿಳಿಸಿದ್ದಾನೆ. ಆತ ಸಾಮಾಜಿಕ ಜಾಲತಾಣಗಳಲ್ಲಿ ರೀಲ್ಸ್ ಗಳನ್ನು ಮಾಡುವ ಮೂಲಕ ಜನಪ್ರಿಯತೆಯನ್ನೂ ಪಡೆದಿದ್ದ.

ಧರ್ಮೇಂದ್ರ ಕುಮಾರ್ ಎಂಬುವರು ಎಫ್‌ಐಆರ್ ದಾಖಲಿಸಿದ ನಂತರ ಪೊಲೀಸರು ಬಂಧಿಸಿದ್ದು, ಗುಂಪೊಂದು ಹಣವನ್ನು ದ್ವಿಗುಣಗೊಳಿಸುವ ಹೆಸರಿನಲ್ಲಿ 3 ಲಕ್ಷ ರೂ. ವಂಚಿಸಿದ್ದಾರೆ ಎಂದು ಆರೋಪಿಸಿದ್ದಾರೆ.

ಸರೋಜಿನಿನಗರ ಎಸ್‌ಎಚ್‌ಒ ಶೈಲೇಂದ್ರ ಗಿರಿ ಮಾತನಾಡಿ, ಮುಂಬೈನಲ್ಲಿ ಸುಳ್ಳು ಪ್ಲಾಸ್ಟರ್ ಆಫ್ ಪ್ಯಾರಿಸ್ ಸೀಲಿಂಗ್‌ಗಳನ್ನು ತಯಾರಿಸುತ್ತಿದ್ದ ಮೌರ್ಯ ಕೆಲಸ ಪಡೆಯುವುದನ್ನು ನಿಲ್ಲಿಸಿದ ನಂತರ ಇದೆಲ್ಲವೂ ಪ್ರಾರಂಭವಾಗಿದೆ ಎಂದು ತಿಳಿಸಿದ್ದಾರೆ.

ಮುಂಬೈನಲ್ಲಿ ಇರುವಾಗಲೇ ಈತ 2000ನೇ ಇಸ್ವಿಯಲ್ಲಿ ಸಂಗೀತಾ ಎಂಬುವರನ್ನು ಮದುವೆಯಾಗಿದ್ದ. ಆಕೆಗೆ ಈಗ 40 ವರ್ಷ ವಯಸ್ಸು. ಈ ದಂಪತಿಗೆ 7 ಮಕ್ಕಳು ಇದ್ದಾರೆ. 2010ರಲ್ಲಿ ಕೆಲಸ ಕಳೆದುಕೊಂಡು ಉತ್ತರ ಪ್ರದೇಶದ ಗೊಂಡಾಗೆ ಬಂದ ಈತ ಆಗಿನಿಂದಲೇ ತನ್ನ ಆರ್ಥಿಕ ಅಪರಾಧಗಳನ್ನು ಶುರು ಮಾಡಿದ್ದ.

FIR: First Information Report and Police Complaint - How It Works - iPleaders

2016ರಲ್ಲಿ ಈತನ ವಿರುದ್ಧ ಮೊದಲ ಕೇಸ್ ದಾಖಲಾಗಿತ್ತು. ಅಂದಿನಿಂದ ಇಂದಿನವರೆಗೆ 9ಕ್ಕೂ ಹೆಚ್ಚು ಪ್ರಕರಣಗಳು ಈತನ ವಿರುದ್ಧ ದಾಖಲಾಗಿವೆ. ಇದೇ ಸಮಯದಲ್ಲಿ ಸುಶೀಲ ಎಂಬಾಕೆಯ ಸಂಪರ್ಕಕ್ಕೆ ಬಂದ ಅಜೀತ್ ಮೌರ್ಯ, ಆಕೆಯ ಜೊತೆ ಸೇರಿ ನಕಲಿ ನೋಟುಗಳ ಹಂಚಿಕೆ ಹಾಗೂ ನಕಲಿ ಹಣ ಹೂಡಿಕೆ ಯೋಜನೆಗಳನ್ನ ಆರಂಭಿಸಿದ್ದ. 2019ರಲ್ಲಿ ಅಜೀತ್ ಮೌರ್ಯ ಹಾಗೂ ಸುಶೀಲಾರನ್ನು ಪೊಲೀಸರು ಬಂಧಿಸಿದ್ದರು. ಅಷ್ಟಲ್ಲಾಗಲೇ ಅಜೀತ್ ಮೌರ್ಯ ಸುಶೀಲಾರನ್ನ ಮದುವೆಯಾಗಿದ್ದ. ಈ ದಂಪತಿಗೆ 2 ಮಕ್ಕಳಿದ್ದವು.

ಅಕ್ರಮವಾಗಿ ಗಳಿಸಿದ್ದ ಹಣದಲ್ಲಿ ಅಜೀತ್ ಮೌರ್ಯ 2 ಮನೆಗಳನ್ನೂ ನಿರ್ಮಿಸಿದ್ದ. ಒಂದು ಮನೆಯಲ್ಲಿ ಮೊದಲ ಪತ್ನಿ ಸಂಗೀತಾ ಇದ್ದರೆ, ಮತ್ತೊಂದು ಮನೆಯಲ್ಲಿ ಎರಡನೇ ಪತ್ನಿ ಸುಶೀಲಾ ತಮ್ಮ ಮಕ್ಕಳೊಂದಿಗೆ ಇದ್ದರು. ಅಚ್ಚರಿ ಅಂದ್ರೆ ಆರೋಪಿ ಅಜೀತ್ ಮೌರ್ಯ ಇಬ್ಬರೂ ಪತ್ನಿಯರ ಜೊತೆ ವಾಸಿಸುತ್ತಿರಲಿಲ್ಲ. ಆತ ಬಾಡಿಗೆ ಮನೆಯೊಂದರಲ್ಲಿ ವಾಸವಿದ್ದ. ಪತ್ನಿಯರಿಗೆ ವಿಲಾಸಿ ಭೋಗ ಜೀವನಕ್ಕೆ ಬೇಕಾದ ಎಲ್ಲಾ ವ್ಯವಸ್ಥೆ ಮಾಡಿದ್ದ ಆರೋಪಿ, ತಾನೂ ಕೂಡಾ ಬಾಡಿಗೆಗೆ ಇದ್ದ ಮನೆಗೆ ತನ್ನ ಗರ್ಲ್‌ ಫ್ರೆಂಡ್ಸ್‌ಗಳನ್ನ ಕರೆಸಿಕೊಳ್ತಿದ್ದ.

ಆರೋಪಿ ಅಜೀತ್ ಮೌರ್ಯನ ಮೊಬೈಲ್ ಕಾಲ್‌ ಡೀಟೇಲ್ಸ್‌ ಪರಿಶೀಲಿಸಿದ ಪೊಲೀಸರಿಗೆ ಆತನಿಗೆ ಇಬ್ಬರು ಪತ್ನಿಯರು ಹಾಗೂ 6 ಗರ್ಲ್ ಫ್ರೆಂಡ್‌ಗಳು ಇರೋದು ಗೊತ್ತಾಗಿತ್ತು. ಎಲ್ಲರನ್ನೂ ಸಂಪರ್ಕಿಸಿದ ಪೊಲೀಸರು, ಎಲ್ಲರಿಗೂ ಆತನ ಅಸಲಿ ಬಣ್ಣವನ್ನ ಬಯಲು ಮಾಡಿದ್ದಾರೆ

ಇವೆಲ್ಲದರ ಮಧ್ಯೆ ಸಾಮಾಜಿಕ ಜಾಲತಾಣಗಳಲ್ಲೂ ಆಕ್ಟೀವ್ ಆಗಿದ್ದ ಅಜೀತ್ ಮೌರ್ಯ, ತನ್ನ ರೀಲ್ಸ್‌ಗಳ ಮೂಲಕ ಇದ್ದಕ್ಕಿದ್ದಂತೆಯೇ ಸೋಷಿಯಲ್ ಮೀಡಿಯಾ ಸ್ಟಾರ್ ಕೂಡಾ ಆಗಿದ್ದ. ಸೋಷಿಯಲ್ ಮೀಡಿಯಾ ಮೂಲಕವೂ ಯುವತಿಯರ ಪರಿಚಯ ಮಾಡಿಕೊಂಡು ಅವರೊಂದಿಗೆ ಸಂಬಂಧ ಬೆಳೆಸುತ್ತಿದ್ದ ಎಂದು ಪೊಲೀಸರು ವಿವರಿಸಿದ್ದಾರೆ.

Ajeet Maurya, a social media influencer was dining with his wife at a hotel in Lucknow’s Sarojini Nagar and planning for an overseas trip for the New Year celebrations when Uttar Pradesh police arrested him on Wednesday. A class 6 dropout, Maurya (41) was arrested for running fake ponzi- like schemes, circulating fake Indian currency notes, duping people with insurance schemes, and several other cases.