Mangalore Catholic priest Nelson Olivera, Attack Video; ವೃದ್ಧ ದಂಪತಿಗೆ ಮನಬಂದಂತೆ ಥಳಿಸಿದ ಕ್ಯಾಥೋಲಿಕ್ ಚರ್ಚ್ ಪಾದ್ರಿ, ವೃದ್ದೆಗೆ ಕಾಲಿನಲ್ಲಿ ಒದ್ದು ದರ್ಪ, ಹಲ್ಲೆ ಘಟನೆಯ ವಿಡಿಯೋ ವೈರಲ್, ಪೆರಿಯಾಲ್ತಡ್ಕ ಚರ್ಚ್ ಪಾದ್ರಿ ವಿರುದ್ಧ ಆಕ್ರೋಶ

ಬ್ರೇಕಿಂಗ್ ನ್ಯೂಸ್

Air India Plane Crash, Black Box Recovered: ವಿಮಾನ ದುರಂತದಲ್ಲಿ 265ಕ್ಕೂ ಹೆಚ್ಚು ಸಾವು ; ಒಂದು ಬ್ಲಾಕ್ ಬಾಕ್ಸ್ ಪತ್ತೆ, ನೇರ ಲಂಡನ್ ಸಂಚಾರಕ್ಕಾಗಿ 1.25 ಲಕ್ಷ ಲೀಟರ್ ಇಂಧನ ತುಂಬಿದ್ದರು, ಕಟ್ಟಡಕ್ಕೆ ಬಡಿಯುತ್ತಲೇ ಬ್ಲಾಸ್ಟ್..! ತನಿಖೆಗೆ ಬಂದ ಯುಕೆ, ಅಮೆರಿಕನ್ ಏಜನ್ಸಿಗಳು | ಉಳ್ಳಾಲ ನಗರಸಭೆ ನಿರ್ಲಕ್ಷ್ಯ ; ಹೊಂಡ ರಸ್ತೆಗೆ ಮತ್ತೆ ರಕ್ತತರ್ಪಣ, ಗುಂಡಿ ತಪ್ಪಿಸಲು ಹೋದ ಸ್ಕೂಟರ್ ಪಲ್ಟಿ, ನಿವೃತ್ತ ಪೊಲೀಸ್ ಸಿಬಂದಿ ಗಂಭೀರ | Bike Taxi, Ola, Uber, Karnataka: ರ‍್ಯಾಪಿಡೋ, ಉಬರ್ ಸಂಸ್ಥೆಗಳಿಗೆ ಬಿಗ್ ಶಾಕ್ ; ಜೂನ್ 16 ರಿಂದ ಕರ್ನಾಟಕದಲ್ಲಿ ಬೈಕ್‌ ಟ್ಯಾಕ್ಸಿ ಸಂಪೂರ್ಣ ಬಂದ್‌, ಆದೇಶ ಎತ್ತಿಹಿಡಿದ ಹೈಕೋರ್ಟ್! |

Mangalore Catholic priest Nelson Olivera, Attack Video; ವೃದ್ಧ ದಂಪತಿಗೆ ಮನಬಂದಂತೆ ಥಳಿಸಿದ ಕ್ಯಾಥೋಲಿಕ್ ಚರ್ಚ್ ಪಾದ್ರಿ, ವೃದ್ದೆಗೆ ಕಾಲಿನಲ್ಲಿ ಒದ್ದು ದರ್ಪ, ಹಲ್ಲೆ ಘಟನೆಯ ವಿಡಿಯೋ ವೈರಲ್, ಪೆರಿಯಾಲ್ತಡ್ಕ ಚರ್ಚ್ ಪಾದ್ರಿ ವಿರುದ್ಧ ಆಕ್ರೋಶ

02-03-24 02:43 pm Mangaluru Correspondent ಕ್ರೈಂ

ವಿಟ್ಲ ಠಾಣೆ ವ್ಯಾಪ್ತಿಯ ಪುಣಚ ಗ್ರಾಮದ ಪೆರಿಯಾಲ್ತಡ್ಕ ಎಂಬಲ್ಲಿ ಚರ್ಚ್ ಪಾದ್ರಿಯೊಬ್ಬರು ವೃದ್ಧ ದಂಪತಿಯ ಮೇಲೆ ಮರದ ಸೋಂಟೆಯಿಂದ ಹಲ್ಲೆಗೈದ ಘಟನೆ ನಡೆದಿದ್ದು, ಇದರ ದೃಶ್ಯ ಮನೆಯ ಸಿಸಿಟಿವಿಯಲ್ಲಿ ದಾಖಲಾಗಿದೆ.

ಮಂಗಳೂರು, ಮಾ.2: ವಿಟ್ಲ ಠಾಣೆ ವ್ಯಾಪ್ತಿಯ ಪುಣಚ ಗ್ರಾಮದ ಪೆರಿಯಾಲ್ತಡ್ಕ ಎಂಬಲ್ಲಿ ಚರ್ಚ್ ಪಾದ್ರಿಯೊಬ್ಬರು ವೃದ್ಧ ದಂಪತಿಯ ಮೇಲೆ ಮರದ ಸೋಂಟೆಯಿಂದ ಹಲ್ಲೆಗೈದ ಘಟನೆ ನಡೆದಿದ್ದು, ಇದರ ದೃಶ್ಯ ಮನೆಯ ಸಿಸಿಟಿವಿಯಲ್ಲಿ ದಾಖಲಾಗಿದೆ.

ಪೆರಿಯಾಲ್ತಡ್ಕ ಕ್ರೈಸ್ಟ್ ಕಿಂಗ್ ಚರ್ಚ್ ಫಾದರ್ ನೆಲ್ಸನ್ ಓಲಿವೆರಾ ಅವರು ವೃದ್ಧ ದಂಪತಿಗೆ ಹಲ್ಲೆ ಮಾಡಿದವರು. ಚರ್ಚ್ ವ್ಯಾಪ್ತಿಯ ಮನೆಗಳಿಗೆ ಪ್ರತಿವರ್ಷ ಪಾದ್ರಿಗಳು ಭೇಟಿಯಾಗಿ ಸನ್ಮಾನ, ವಂತಿಗೆ ಪಡೆಯುವ ಕ್ರಮ ಇದೆ. ಅದೇ ರೀತಿ ಫೆ.29ರಂದು ವೃದ್ಧ ಗ್ರೆಗರಿ ಮತ್ತು ಫಿಲೋಮಿನಾ ದಂಪತಿಯಿದ್ದ ಮನೆಗೆ ಪಾದ್ರಿ ನೆಲ್ಸನ್ ಒಲಿವೆರಾ ಬಂದಿದ್ದರು. ಪಾದ್ರಿಯ ಜೊತೆಗೆ ವಾರ್ಡ್ ಗುರುಕಾರ್ ಅಲ್ಫೋನ್ಸ್ ಮೊಂತೇರೊ ಎಂಬವರು ಕೂಡ ಜೊತೆಗಿದ್ದರು.

ಫಾದರ್ ಬಂದಿದ್ದಾಗ ಗ್ರೆಗರಿಯವರು ಕೆಲವು ವಿಷಯದಲ್ಲಿ ಚರ್ಚ್ ಜೊತೆ ಮನಸ್ತಾಪ ಇದ್ದುದರಿಂದ ನಿಮ್ಮ ಆಶೀರ್ವಾದ ನಮಗೆ ಬೇಕಾಗಿಲ್ಲ. ಮನೆಗೆ ಬರುವ ಅಗತ್ಯವಿಲ್ಲ ಎಂದು ಹೇಳಿದ್ದಾರೆ. ಈ ಬಗ್ಗೆ ಮಾತಿಗೆ ಮಾತು ಬೆಳೆದು ಸ್ವತಃ ಪಾದ್ರಿಯೇ ವೃದ್ಧ ವ್ಯಕ್ತಿಯನ್ನು ಕುತ್ತಿಗೆಯಲ್ಲಿ ಹಿಡಿದು ಮನೆಯತ್ತ ದೂಡಿಕೊಂಡು ಬಂದಿದ್ದಾರೆ. ಅಲ್ಲದೆ, ಮರದ ಸೋಂಟೆಯಲ್ಲಿ ಹಲ್ಲೆ ನಡೆಸಿದ್ದಾರೆ. ಈ ವೇಳೆ, ಅಡ್ಡ ಬಂದ ಪತ್ನಿ ಫಿಲೋಮಿನಾ ಅವರಿಗೂ ಕಾಲಿನಲ್ಲಿ ಒದ್ದು ಹಲ್ಲೆ ನಡೆಸಿದ್ದಾರೆ. ಮನೆಯ ಒಳಗೆ ತಳ್ಳಿಕೊಂಡು ಹೋಗುತ್ತಿರುವ, ಎಳೆದಾಡುವ ವಿಡಿಯೋ ಮನೆಯ ಸಿಸಿಟಿವಿಯಲ್ಲಿ ರೆಕಾರ್ಡ್ ಆಗಿದ್ದು, ಸ್ಥಳೀಯರು ಅದನ್ನು ವೈರಲ್ ಮಾಡಿದ್ದಾರೆ.

ಈ ಬಗ್ಗೆ ವಿಟ್ಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸದೆ ಪಾದ್ರಿಯೇ ವೃದ್ಧ ದಂಪತಿಯನ್ನು ಮನವೊಲಿಸಿ ಕೇಸು ಆಗದಂತೆ ನೋಡಿಕೊಂಡಿದ್ದಾರೆ ಎನ್ನಲಾಗುತ್ತಿದೆ. ಹಲ್ಲೆಗೀಡಾದ ವೃದ್ಧ ದಂಪತಿ ವಿಟ್ಲ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಫಾ.ನೆಲ್ಸನ್ ಒಲಿವೆರಾ ಮೂಲತಃ ಉಡುಪಿ ಜಿಲ್ಲೆಯ ಕಲ್ಯಾಣಪುರದವರಾಗಿದ್ದು, ಚರ್ಚ್ ಪಾದ್ರಿಯಾಗಿದ್ದುಕೊಂಡು ತಮ್ಮದೇ ಸಮುದಾಯದ ವೃದ್ಧ ದಂಪತಿಗೆ ಹಲ್ಲೆ ನಡೆಸಿರುವುದಕ್ಕೆ ವ್ಯಾಪಕ ಆಕ್ರೋಶ ವ್ಯಕ್ತವಾಗಿದೆ. ಈ ಹಿಂದೆಯೂ ಪಾದ್ರಿ ವಿರುದ್ಧ ಗೂಂಡಾ ವರ್ತನೆ ಆರೋಪ ಕೇಳಿ ಬಂದಿದೆ. ವಿಡಿಯೋ ವೈರಲ್ ಆಗಿರುವ ಹಿನ್ನೆಲೆಯಲ್ಲಿ ವೃದ್ಧ ದಂಪತಿಯ ಹೇಳಿಕೆ ಪಡೆದು ಪೊಲೀಸರು ಎಫ್ಐಆರ್ ದಾಖಲಿಸುವ ಸಾಧ್ಯತೆಯಿದೆ.

#NelsonOlivera, a #Mangalore #Catholicpriest, viciously beats an elderly couple of the #Church in #Vitla. A video of this has gone viral on social media. Priest Nelson Olivera is shown aggressively attacking the elderly couple and kicking the elderly woman #BREAKINGNEWS pic.twitter.com/QrSI1a7uHq
— Headline Karnataka (@hknewsonline) March 2, 2024

Nelson Olivera, a Mangalore Catholic priest, viciously beats an elderly couple of Christ the King Church, Periyalthadka, Manela, Vitla. A video of this has gone viral on social media. Priest Nelson Olivera is shown aggressively attacking the elderly couple and kicking the elderly woman who rescues her husband.