7-8 ಬಾರಿ ಎದೆ, ಹೊಟ್ಟೆಗೆ ತಿವಿದಿದ್ದಾನೆ, ನೆಲಕ್ಕೆ ಬಿದ್ದಾಗಲೂ ಕರುಣೆಯಿಲ್ಲದೆ ಒದೆದಿದ್ಜಾನೆ ; ದೆಹಲಿ ಸಿಎಂ ನಿವಾಸದಲ್ಲಿಯೇ ಕೇಜ್ರಿವಾಲ್ ಆಪ್ತನಿಂದ ರಾಜ್ಯಸಭೆ ಸಂಸದೆ ಸ್ವಾತಿಗೆ ಹಲ್ಲೆ !

ಬ್ರೇಕಿಂಗ್ ನ್ಯೂಸ್

Mangalore, Help: ಅಪಘಾತದಲ್ಲಿ ಬಡ ಮಹಿಳೆಯ ತಲೆಗೆ ತೀವ್ರ ಪೆಟ್ಟು ; ಶಸ್ತ್ರಚಿಕಿತ್ಸೆಗೆ 15 ಲಕ್ಷ ವೆಚ್ಚ, ದಾನಿಗಳ ನೆರವು ಯಾಚಿಸಿದ ಸುಬ್ರಹ್ಮಣ್ಯದ ಮಹಿಳೆ ಕುಟುಂಬಸ್ಥರು | Mangalore News: ಸಾರಿಗೆ ಕಚೇರಿಗಳಿಗೆ ಸ್ವಂತ ಕಟ್ಟಡ ನಿರ್ಮಾಣ, ರಾಜ್ಯಕ್ಕೆ ಅತೀ ಹೆಚ್ಚು ಡ್ರೈವಿಂಗ್ ಟ್ರ್ಯಾಕ್ ಹೆಗ್ಗಳಿಕೆ ; ಸಚಿವ ರಾಮಲಿಂಗ ರೆಡ್ಡಿ, ಉಳ್ಳಾಲ ಕಂಬಳಪದವಿನಲ್ಲಿ ವಿದ್ಯುನ್ಮಾನ ವಾಹನ ಚಾಲನಾ ಪರೀಕ್ಷಾ ಪಥಗಳ ಕೇಂದ್ರ ಉದ್ಘಾಟನೆ | Mangalore, E Bus, MP Chowta: ಕೇಂದ್ರ ಸರ್ಕಾರದಿಂದ ಮಂಗಳೂರು ನಗರಕ್ಕೆ 100 ಹೊಸ ಇಲೆಕ್ಟ್ರಿಕ್‌ ಬಸ್‌ ಮಂಜೂರು, ಶೀಘ್ರದಲ್ಲೇ ಸಂಚಾರ ; ಸಂಸದ ಕ್ಯಾ.ಬ್ರಿಜೇಶ್‌ ಚೌಟ |

7-8 ಬಾರಿ ಎದೆ, ಹೊಟ್ಟೆಗೆ ತಿವಿದಿದ್ದಾನೆ, ನೆಲಕ್ಕೆ ಬಿದ್ದಾಗಲೂ ಕರುಣೆಯಿಲ್ಲದೆ ಒದೆದಿದ್ಜಾನೆ ; ದೆಹಲಿ ಸಿಎಂ ನಿವಾಸದಲ್ಲಿಯೇ ಕೇಜ್ರಿವಾಲ್ ಆಪ್ತನಿಂದ ರಾಜ್ಯಸಭೆ ಸಂಸದೆ ಸ್ವಾತಿಗೆ ಹಲ್ಲೆ !

17-05-24 05:38 pm HK News Desk ಕ್ರೈಂ

ಆಮ್ ಆದ್ಮಿ ಪಕ್ಷದ ರಾಜ್ಯಸಭೆ ಸದಸ್ಯೆ ಸ್ವಾತಿ ಮಾಲಿವಾಲ್ ಅವರ ಮೇಲೆ ದೆಹಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್ ನಿವಾಸದಲ್ಲಿ ಹಲ್ಲೆ ನಡೆಸಲಾಗಿದೆ.

ನವದೆಹಲಿ, ಮೇ.17: ಆಮ್ ಆದ್ಮಿ ಪಕ್ಷದ ರಾಜ್ಯಸಭೆ ಸದಸ್ಯೆ ಸ್ವಾತಿ ಮಾಲಿವಾಲ್ ಅವರ ಮೇಲೆ ದೆಹಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್ ನಿವಾಸದಲ್ಲಿ ಹಲ್ಲೆ ನಡೆಸಲಾಗಿದೆ. ಕೇಜ್ರಿವಾಲ್ ಆಪ್ತ ಮತ್ತು ಪರ್ಸನಲ್ ಅಸಿಸ್ಟೆಂಟ್ ಆಗಿರುವ ಬಿಭವ್ ಕುಮಾರ್ ಎಂಬಾತ ತನ್ನ ಮೇಲೆ 7-8 ಬಾರಿ ತಿವಿದು ಹಲ್ಲೆ ನಡೆಸಿದ್ದಾನೆಂದು ಸ್ವಾತಿ ಮಾಲಿವಾಲ್ ದೂರು ನೀಡಿದ್ದು, ಪೊಲೀಸರು ಎಫ್ಐಆರ್ ದಾಖಲಿಸಿದ್ದಾರೆ.

ದೆಹಲಿ ಮಹಿಳಾ ಆಯೋಗದ ಮಾಜಿ ಅಧ್ಯಕ್ಷೆಯೂ ಆಗಿರುವ ಸ್ವಾತಿ ಮಾಲಿವಾಲ್ ಮೇ 13ರಂದು ಬೆಳಗ್ಗೆ 9 ಗಂಟೆಗೆ ದೆಹಲಿಯ ಸಿಎಂ ನಿವಾಸಕ್ಕೆ ತೆರಳಿದ್ದರು. ಡ್ರಾಯಿಂಗ್ ರೂಮಿನಲ್ಲಿ ಕುಳಿತುಕೊಂಡಿದ್ದಾಗ, ಬಿಭವ್ ಕುಮಾರ್ ಅಲ್ಲಿಗೆ ಬಂದು ಅವಾಚ್ಯ ಪದಗಳಿಂದ ನಿಂದಿಸಿದ್ದಾನೆ. ನೀವು ಹೇಸಿಗೆಯಿಲ್ಲದ ಮಹಿಳೆಯರು. ನಮ್ಮ ಮಾತನ್ನು ಯಾಕೆ ಕೇಳುತ್ತಿಲ್ಲ ಅಂತ ನೋಡುತ್ತೀನಿ, ನಿಮಗೆಲ್ಲ ಪಾಠ ಕಲಿಸುತ್ತೀನಿ ಎಂದು ರೇಗಾಡಿದ್ದಾನೆ.

ನೇರವಾಗಿ ಬಂದು ಎದೆ, ಹೊಟ್ಟೆಯ ಭಾಗಕ್ಕೆ ಏಳೆಂಟು ಬಾರಿ ಗುದ್ದಿದ್ದಾನೆ. ತಿಂಗಳ ಪೀರಿಯಡ್ ನಲ್ಲಿ ಇದ್ದುದರಿಂದ ಹೊಟ್ಟೆ ನೋವಿನಿಂದ ಚೀರಾಡಿ ನೆಲಕ್ಕೆ ಬಿದ್ದೆ. ಆದರೂ ಆತ ಕೇಳದೆ ಕಾಲಿನಲ್ಲಿ ಒದ್ದಿದ್ದಾನೆ. ನನ್ನ ಶರ್ಟ್ ಹರಿದಿತ್ತು. ನೆಲಕ್ಕೆ ಬಿದ್ದು ಕಾಪಾಡಿ ಕಾಪಾಡಿ ಎಂದು ಬೊಬ್ಬೆ ಹೊಡೆದರೂ ಯಾರೂ ನನ್ನತ್ತ ಬರಲಿಲ್ಲ. ಅಲ್ಲಿ ಬೇರೆ ಯಾರೂ ಇರಲಿಲ್ಲ. ಕೆಲ ಹೊತ್ತಿನಲ್ಲಿ ಬಿಭವ್ ಕುಮಾರ್ ಹೊರಗೆ ಹೋಗಿದ್ದು, ಸೆಕ್ಯುರಿಟಿ ಗಾರ್ಡ್ ಜೊತೆಗೆ ಮತ್ತೆ ಒಳಗೆ ಬಂದಿದ್ದಾನೆ. ನನ್ನನ್ನು ಹೊರಗೆ ಹೋಗಲು ಹೇಳಿದ್ದಾನೆ. ನನಗೆ ಅನಿರೀಕ್ಷಿತವಾಗಿ ಆದ ಘಟನೆಯಿಂದ ಶಾಕ್ ಆಗಿತ್ತು. ಅಲ್ಲಿಂದ ಹೊರಬಂದು ಆಟೋದಲ್ಲಿ ನೇರವಾಗಿ ಸಿವಿಲ್ ಲೈನ್ಸ್ ಪೊಲೀಸ್ ಠಾಣೆಗೆ ತೆರಳಿದ್ದೆ ಎಂದು ದೂರಿನಲ್ಲಿ ತನಗಾದ ಹಲ್ಲೆಯನ್ನು ಸ್ವಾತಿ ವಿವರಿಸಿದ್ದಾರೆ.

ಅಂದು ನಡೆಯುವುದಕ್ಕೂ ಆಗದೆ ಠಾಣೆಯಲ್ಲಿ ಹೆಚ್ಚು ಕಾಲ ನಿಲ್ಲದೆ ಆಸ್ಪತ್ರೆಗೆ ಹೋಗಿದ್ದೆ. ಲಿಖಿತ ಹೇಳಿಕೆಯನ್ನು ಅಂದು ನೀಡಲು ಆಗಿರಲಿಲ್ಲ. ಲಕ್ಷಾಂತರ ಮಹಿಳೆಯರಿಗೆ ಸಹಾಯ ಮಾಡಿದ್ದೇನೆ. ನನಗೇ ಹೀಗಾಗುತ್ತೆ ಎಂದುಕೊಂಡಿರಲಿಲ್ಲ. ಬಹುಕಾಲದಿಂದ ನನಗೆ ಗೊತ್ತಿರುವ ವ್ಯಕ್ತಿಯೇ ನನಗೆ ಈ ರೀತಿ ಹಲ್ಲೆ ಮಾಡಿದ್ದಾನೆ ಎಂದು ಸ್ವಾತಿ ದೂರಿನಲ್ಲಿ ಹೇಳಿಕೊಂಡಿದ್ದಾರೆ. ಶುಕ್ರವಾರ ಅವರನ್ನು ದೆಹಲಿಯ ಏಮ್ಸ್ ಆಸ್ಪತ್ರೆಗೆ ದಾಖಲಿಸಿದ್ದು, ಮೂರು ಗಂಟೆ ಕಾಲ ವೈದ್ಯರು ತಪಾಸಣೆ ನಡೆಸಿದ್ದಾರೆ.

ಇದೇ ವೇಳೆ, ಆರೋಪಿ ಬಿಭವ್ ಕುಮಾರ್ ತಲೆಮರೆಸಿಕೊಂಡಿದ್ದು, ಅಮೃತಸರದಲ್ಲಿದ್ದಾನೆ ಎಂದು ಹೇಳಲಾಗಿತ್ತು. ಇದಲ್ಲದೆ, ಆಪ್ ಪಕ್ಷದಿಂದ ಆತನ ವಿರುದ್ಧ ಕ್ರಮ ತೆಗೆದುಕೊಳ್ಳಲಾಗುವುದು ಎಂದೂ ಪಕ್ಷದ ನಾಯಕರು ತಿಳಿಸಿದ್ದಾರೆ. ಆದರೆ, ಇದೇ ವೇಳೆ, ಲಕ್ನೋ ಏರ್ಪೋರ್ಟಿನಲ್ಲಿ ಅರವಿಂದ ಕೇಜ್ರಿವಾಲ್ ಅವರನ್ನು ಸ್ಥಳೀಯ ಮುಖಂಡರು ಸ್ವಾಗತಿಸುತ್ತಿದ್ದಾಗ ಅಲ್ಲಿ ಬಿಭವ್ ಕುಮಾರ್ ಜೊತೆಗಿದ್ದುದು ಕ್ರಮದ ವಿಚಾರ ಸಂಶಯಕ್ಕೆ ಕಾರಣವಾಗಿದೆ.

The FIR filed in connection with the alleged assault of AAP Rajya Sabha MP Swati Maliwal reveals disturbing details of abuse and the sequence of events that took place at Delhi Chief Minister Arvind Kejriwal's residence on May 13. As per the FIR, Maliwal alleged how Kejriwal's personal assistant and aide Bibhav Kumar slapped her 7–8 times and repeatedly kicked her in her stomach and pelvis as she pleaded for him to stop and mentioned that she was on her periods.