PG murder, Crime, Koramangala CCTV: ಲೇಡೀಸ್ ಪಿಜಿಯಲ್ಲಿ ಯುವತಿಯ ಬರ್ಬರ ಕೊಲೆ ; CCTVಯಲ್ಲಿ ಸೆರೆಯಾಯ್ತು ಭಯಾನಕ ಕೃತ್ಯ, ಕಣ್ಣೆದುರು ಕೃತ್ಯ ನಡೆದರೂ ಯುವತಿ ನೆರವಿಗೆ ಬಾರದ ಗೆಳತಿಯರು, ಆಸರೆ ಕೊಟ್ಟವಳನ್ನೇ ಕೊಂದ ಪ್ರಿಯತಮ !

ಬ್ರೇಕಿಂಗ್ ನ್ಯೂಸ್

Mangalore, Help: ಅಪಘಾತದಲ್ಲಿ ಬಡ ಮಹಿಳೆಯ ತಲೆಗೆ ತೀವ್ರ ಪೆಟ್ಟು ; ಶಸ್ತ್ರಚಿಕಿತ್ಸೆಗೆ 15 ಲಕ್ಷ ವೆಚ್ಚ, ದಾನಿಗಳ ನೆರವು ಯಾಚಿಸಿದ ಸುಬ್ರಹ್ಮಣ್ಯದ ಮಹಿಳೆ ಕುಟುಂಬಸ್ಥರು | Mangalore News: ಸಾರಿಗೆ ಕಚೇರಿಗಳಿಗೆ ಸ್ವಂತ ಕಟ್ಟಡ ನಿರ್ಮಾಣ, ರಾಜ್ಯಕ್ಕೆ ಅತೀ ಹೆಚ್ಚು ಡ್ರೈವಿಂಗ್ ಟ್ರ್ಯಾಕ್ ಹೆಗ್ಗಳಿಕೆ ; ಸಚಿವ ರಾಮಲಿಂಗ ರೆಡ್ಡಿ, ಉಳ್ಳಾಲ ಕಂಬಳಪದವಿನಲ್ಲಿ ವಿದ್ಯುನ್ಮಾನ ವಾಹನ ಚಾಲನಾ ಪರೀಕ್ಷಾ ಪಥಗಳ ಕೇಂದ್ರ ಉದ್ಘಾಟನೆ | Mangalore, E Bus, MP Chowta: ಕೇಂದ್ರ ಸರ್ಕಾರದಿಂದ ಮಂಗಳೂರು ನಗರಕ್ಕೆ 100 ಹೊಸ ಇಲೆಕ್ಟ್ರಿಕ್‌ ಬಸ್‌ ಮಂಜೂರು, ಶೀಘ್ರದಲ್ಲೇ ಸಂಚಾರ ; ಸಂಸದ ಕ್ಯಾ.ಬ್ರಿಜೇಶ್‌ ಚೌಟ |

PG murder, Crime, Koramangala CCTV: ಲೇಡೀಸ್ ಪಿಜಿಯಲ್ಲಿ ಯುವತಿಯ ಬರ್ಬರ ಕೊಲೆ ; CCTVಯಲ್ಲಿ ಸೆರೆಯಾಯ್ತು ಭಯಾನಕ ಕೃತ್ಯ, ಕಣ್ಣೆದುರು ಕೃತ್ಯ ನಡೆದರೂ ಯುವತಿ ನೆರವಿಗೆ ಬಾರದ ಗೆಳತಿಯರು, ಆಸರೆ ಕೊಟ್ಟವಳನ್ನೇ ಕೊಂದ ಪ್ರಿಯತಮ !

26-07-24 03:42 pm Bangalore Correspondent ಕ್ರೈಂ

ನಗರದ ಕೋರಮಂಗಲದ ಪಿಜಿಯಲ್ಲಿ ಇತ್ತೀಚೆಗೆ ನಡೆದ ಮಧ್ಯಪ್ರದೇಶ ಮೂಲದ ಯುವತಿಯ ಹತ್ಯೆ ಪ್ರಕರಣದ ತನಿಖೆಯನ್ನು ಪೊಲೀಸರು ಚುರುಕುಗೊಳಿಸಿದ್ದಾರೆ.

ಬೆಂಗಳೂರು, ಜುಲೈ.26: ನಗರದ ಕೋರಮಂಗಲದ ಪಿಜಿಯಲ್ಲಿ ಇತ್ತೀಚೆಗೆ ನಡೆದ ಮಧ್ಯಪ್ರದೇಶ ಮೂಲದ ಯುವತಿಯ ಹತ್ಯೆ ಪ್ರಕರಣದ ತನಿಖೆಯನ್ನು ಪೊಲೀಸರು ಚುರುಕುಗೊಳಿಸಿದ್ದಾರೆ. ಕೃತಿ ಕುಮಾರಿ ಎಂಬ ಯುವತಿಯನ್ನು ಆಕೆಯ ಸ್ನೇಹಿತನೇ ಚಾಕುವಿನಿಂದ ಮನಬಂದಂತೆ ಇರಿದು ಹತ್ಯೆ ಮಾಡಿರುವ ಸಿಸಿಟಿವಿ ದೃಶ್ಯ ದೊರೆತಿದೆ.

ಜುಲೈ 23ರಂದು ರಾತ್ರಿ ಪಿಜಿಗೆ ನುಗ್ಗಿದ ಅಭಿಷೇಕ್, ತನ್ನ ಗೆಳತಿ ತಂಗಿದ್ದ ಕೊಠಡಿಯ ಬಾಗಿಲು ತಟ್ಟಿದ್ದಾನೆ.‌ ಬಾಗಿಲು ತೆರೆಯುತ್ತಿದ್ದಂತೆ ಆಕೆಯ ಮೇಲೆ ಮನಸೋ ಇಚ್ಛೆ ಚಾಕುವಿನಿಂದ ಇರಿದಿದ್ದಾನೆ.‌ ಪ್ರಾಣ ಉಳಿಸಿಕೊಳ್ಳಲು ಯುವತಿ ತೀವ್ರ ಪ್ರತಿರೋಧ ವ್ಯಕ್ತಪಡಿಸಿದರೂ ಆರೋಪಿ ಹೊಟ್ಟೆ, ಕುತ್ತಿಗೆ ಸೇರಿದಂತೆ ದೇಹದ ವಿವಿಧ ಭಾಗಗಳಿಗೆ ಇರಿದು ಹತ್ಯೆ ಮಾಡಿದ್ದಾನೆ. ಬಳಿಕ ಸ್ಥಳದಿಂದ ಪರಾರಿಯಾಗಿದ್ದ.

ಭೋಪಾಲ್ ಮೂಲದ ಅಭಿಷೇಕ್ ಮತ್ತು ಕೃತಿ ಕುಮಾರಿ‌ ಪರಸ್ಪರ ಪ್ರೀತಿಸುತ್ತಿದ್ದರು. ಇಬ್ಬರೂ ಖಾಸಗಿ ಕಂಪನಿಯೊಂದರಲ್ಲಿ‌ ಕೆಲಸ ಮಾಡುತ್ತಿದ್ದರು. ಯುವತಿ ನೆಲೆಸಿದ್ದ ಪಿಜಿಗೆ ಅಭಿಷೇಕ್ ಬಂದು ಹೋಗುತ್ತಿದ್ದ. ಇತ್ತೀಚೆಗೆ ಪ್ರೀತಿಯಲ್ಲಿ ಬಿರುಕು ಮೂಡಿತ್ತು. ತಾನು ಕೆಲಸ ಮಾಡುತ್ತಿದ್ದ ಕಂಪನಿ ತೊರೆದಿದ್ದ ಅಭಿಷೇಕ್ ನಿರುದ್ಯೋಗಿಯಾಗಿದ್ದ. ಭೋಪಾಲ್ಗೆ ತೆರಳಿ ಕೆಲಸ ಮಾಡುತ್ತಿರುವುದಾಗಿ ಯುವತಿಗೆ ಸುಳ್ಳು ಹೇಳುತ್ತಿದ್ದ. ಈ ವಿಷಯ ತಿಳಿಯುತ್ತಿದ್ದಂತೆ ಆಕೆ, ನೀನು ಕೆಲಸಕ್ಕೆ ಹೋಗು ಎಂದು ಹೇಳುತ್ತಿದ್ದಳು. ಹೀಗಿದ್ದರೂ ಕೆಲಸಕ್ಕೆ ಹೋಗದೆ ಸುತ್ತಾಡುತ್ತಿದ್ದ‌. ಇದನ್ನರಿತ ಕೃತಿ, ಆತನನ್ನು ದೂರ ಮಾಡುತ್ತಿದ್ದಳು. ಹೀಗಾಗಿ, ಆಗಾಗ್ಗೆ ಪಿಜಿ ಸಮೀಪ ಬಂದು ಅಭಿಷೇಕ್ ಗಲಾಟೆ ಮಾಡುತ್ತಿದ್ದ. ಮನನೊಂದ ಕೃತಿ ಪಿಜಿಯನ್ನೂ ಬದಲಿಸಿದ್ದಳು. ಇದರಿಂದ ಕಂಗೆಟ್ಟ ಆರೋಪಿ ಹಲವು ಬಾರಿ ಫೋನ್ ಮಾಡಿದ್ದಾನೆ. ಯುವತಿ ಉತ್ತರಿಸುತ್ತಿರಲಿಲ್ಲ. ಕೊನೆಗೆ, ಹೇಗೋ ಯುವತಿ ನೆಲೆಸಿದ್ದ ಪಿಜಿಯ ವಿಳಾಸ ಕಂಡುಹಿಡಿದು ಚಾಕುವಿನಿಂದ ಹತ್ಯೆ ಮಾಡಿದ್ದಾನೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.

ರೂಮ್ ಕಾರಿಡಾರ್ ನಲ್ಲಿ ಘಟನೆ ನಡೆದಿದ್ದು ಇವರ ಕೂಗಾಟ ಕೇಳುತ್ತಿದ್ದಂತೆ ಅಕ್ಕಪಕ್ಕದ ರೂಮ್ ನಲ್ಲಿದ್ದ ಯುವತಿಯರು ಹೊರ ಬರ್ತಾರೆ. ಆದರೆ ಅದಾಗಲೇ ಕೃತಿ ಕುತ್ತಿಗೆಯಿಂದ ರಕ್ತ ಸೋರುತ್ತಿದ್ದರಿಂದ ಭಯಗೊಂಡ ಯುವತಿಯರು ಕೃತಿ ಬಳಿ ಹೋಗಲು ಭಯಪಟ್ಟಿದ್ದರು. ಕೂಡಲೇ ಪಿಜಿಯ ಸೆಕ್ಯೂರಿಟಿಗೆ ಮಾಹಿತಿ ನೀಡಿದ್ದರು.

ಸದ್ಯ ಕೋರಮಂಗಲ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಆರೋಪಿ ಅಭಿಷೇಕ್ ಗಾಗಿ ಹುಡುಕಾಟ ನಡೆಸಿದ್ದು, ಕೊಲೆ ಮಾಡಿದ ಬಳಿಕ ಬಟ್ಟೆ ಬದಲಿಸಿಕೊಂಡು ಆರೋಪಿ ಭೋಪಾಲ್ ಗೆ ಪರಾರಿಯಾಗಿರುವ ಮಾಹಿತಿ ಇದೆ. ಆರೋಪಿಯ ಬಂಧನಕ್ಕೆ ಪೊಲೀಸರು ಮೂರು ತಂಡಗಳನ್ನು ನಡೆಸಿ ಕಾರ್ಯಾಚರಣೆ ನಡೆಸಿದ್ದಾರೆ.

#CCTV footage surfaces ⚠️ #BengaluruShocker

The assailant broke in and slit her throat late Tuesday night between 11:10 and 11:30 PM.

The attacker entered the PG armed with a knife. Kriti was killed instantly near her room on the third floor.

Koramangala police believe the… https://t.co/qH8s3BSDPd pic.twitter.com/7EuwmEEk0Y
— Sneha Mordani (@snehamordani) July 26, 2024

PG murder in Bangalore, deadly murder recorded in CCTV, murder by her own lover, cops trace accused. A 24-year-old private firm employee was stabbed to death at her paying guest accommodation in VGR Layout, Koramangala, on Wednesday (July 23). The deceased, Kruthi Kumari, was a native of Bihar and worked in a private firm in sales and marketing.