ರುಪಾಯಿಗೆ ನಾಲ್ಕು ಪಟ್ಟು ಯುಕೆ ಪೌಂಡ್ ಕರೆನ್ಸಿಯ ಆಮಿಷ ; ಅಪರಿಚಿತನ ಮೋಸದ ಬಲೆಗೆ ಬಿದ್ದ ವಾಮಂಜೂರಿನ ಮಹಿಳೆಯರು, ಜುಜುಬಿ ಸಿಕ್ಕಿದರೆ ತಮಗೂ ಇರಲೆಂದು 79 ಲಕ್ಷ ಹಣ ವರ್ಗಾಯಿಸಿದರು..!

ಬ್ರೇಕಿಂಗ್ ನ್ಯೂಸ್

ಬಹುಕೋಟಿ ವಂಚಕ ರೋಷನ್ ಸಲ್ದಾನಗೆ ಸೇರಿದ 2.85 ಕೋಟಿ ಮೌಲ್ಯದ ಬೋಟ್, ಇನ್ನಿತರ ಆಸ್ತಿ ವಶಕ್ಕೆ ; ಮುಟ್ಟುಗೋಲು ಹಾಕಿದ ಇಡಿ ಅಧಿಕಾರಿಗಳು | ಇಪಿಎಫ್ ಸೊಸೈಟಿಯಲ್ಲಿ 70 ಕೋಟಿ ದುರ್ಬಳಕೆ ; ಅಕೌಂಟೆಂಟ್ ಮನೆಯಲ್ಲಿ ಅರ್ಧ ಕೇಜಿ ಚಿನ್ನ, ಐಷಾರಾಮಿ ಕಾರುಗಳು ಪೊಲೀಸರ ವಶಕ್ಕೆ, ಹಲವು ಖಾತೆಗಳಿಗೆ ಹಣ ವರ್ಗಾವಣೆ ಪತ್ತೆ | ಕೋಮುದ್ವೇಷದ ಕೊಲೆ ; ಪ್ರತೀಕಾರಕ್ಕೆ ಪ್ರಚೋದಿಸಿ ಇನ್ ಸ್ಟಾ ಗ್ರಾಮ್ ನಲ್ಲಿ ಪೋಸ್ಟ್, ಬೆಂಗ್ರೆ ನಿವಾಸಿ ಯುವಕ ಪೊಲೀಸ್ ವಶಕ್ಕೆ |

ರುಪಾಯಿಗೆ ನಾಲ್ಕು ಪಟ್ಟು ಯುಕೆ ಪೌಂಡ್ ಕರೆನ್ಸಿಯ ಆಮಿಷ ; ಅಪರಿಚಿತನ ಮೋಸದ ಬಲೆಗೆ ಬಿದ್ದ ವಾಮಂಜೂರಿನ ಮಹಿಳೆಯರು, ಜುಜುಬಿ ಸಿಕ್ಕಿದರೆ ತಮಗೂ ಇರಲೆಂದು 79 ಲಕ್ಷ ಹಣ ವರ್ಗಾಯಿಸಿದರು..!

14-10-25 11:19 am Mangalore Correspondent ಕ್ರೈಂ

ಮಹಿಳೆಯೊಬ್ಬರಿಗೆ ನೀವು ನೀಡುವ ಹಣಕ್ಕೆ 4 ಪಟ್ಟು ಹೆಚ್ಚು ಯುಕೆ ಪೌಂಡ್ ಕರೆನ್ಸಿಗಳನ್ನು ನೀಡುವುದಾಗಿ ನಂಬಿಸಿ ಆನ್ ಲೈನ್ ಮೂಲಕ 79,19,850 ರೂ. ವರ್ಗಾಯಿಸಿಕೊಂಡು ವಂಚಿಸಿದ ಬಗ್ಗೆ ಮಂಗಳೂರಿನ ಸೈಬರ್ ಕ್ರೈಂ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಮಂಗಳೂರು, ಅ.14 : ಮಹಿಳೆಯೊಬ್ಬರಿಗೆ ನೀವು ನೀಡುವ ಹಣಕ್ಕೆ 4 ಪಟ್ಟು ಹೆಚ್ಚು ಯುಕೆ ಪೌಂಡ್ ಕರೆನ್ಸಿಗಳನ್ನು ನೀಡುವುದಾಗಿ ನಂಬಿಸಿ ಆನ್ ಲೈನ್ ಮೂಲಕ 79,19,850 ರೂ. ವರ್ಗಾಯಿಸಿಕೊಂಡು ವಂಚಿಸಿದ ಬಗ್ಗೆ ಮಂಗಳೂರಿನ ಸೈಬರ್ ಕ್ರೈಂ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ದೂರುದಾರರಿಗೆ ಇಬ್ಬರು ಹೆಣ್ಣು ಮಕ್ಕಳಿದ್ದು, ಒಬ್ಬಾಕೆ ದುಬೈಯಲ್ಲಿದ್ದಾರೆ. ಮನೆ ಕೆಲಸಕ್ಕೆಂದು ವಾಮಂಜೂರಿನ ಮಹಿಳೆಯೊಬ್ಬರನ್ನು ಮಹಿಳೆ ತನ್ನ ಮನೆಗೆ ಕರೆಸಿಕೊಂಡಿದ್ದರು. ಆಕೆ ಫೇಸ್‌ಬುಕ್‌ನಲ್ಲಿ ಯುಕೆ(ಲಂಡನ್) ಮೂಲದ ಅಪರಿಚಿತ ವ್ಯಕ್ತಿ ಮ್ಯಾಕ್ಸ್ ಅಲೆಕ್ಸಾಂಡರ್ ಎಂಬಾತನೊಂದಿಗೆ ಸಂಪರ್ಕದಲ್ಲಿರುವುದನ್ನು ತಿಳಿಸಿದ್ದಳು.

ಅಲ್ಲದೆ, ಅಪರಿಚಿತ ವ್ಯಕ್ತಿ ಭಾರತಕ್ಕೆ ಬರುತ್ತಿದ್ದು ರೂಪಾಯಿಗೆ 4 ಪಟ್ಟು ಹೆಚ್ಚು ವಿದೇಶಿ ಪೌಂಡ್ಸ್ ತರುವುದಾಗಿ ತಿಳಿಸಿದ್ದಾನೆ. ಆನಂತರ ತನ್ನನ್ನು ದೆಹಲಿ ವಿಮಾನ ನಿಲ್ದಾಣದಲ್ಲಿ ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ ಎಂದು ಮಹಿಳೆಗೆ ತಿಳಿಸಿದ್ದು, ಹಣ ಕಳುಹಿಸುವಂತೆ ಕೇಳಿಕೊಂಡಿದ್ದ. ಮಹಿಳೆ ಈ ಸಂದರ್ಭದಲ್ಲಿ ವ್ಯಕ್ತಿಗೆ ಹಣದ ಸಹಾಯವನ್ನೂ ಮಾಡಿದ್ದಾಳೆ. ಈ ನಡುವೆ ದೂರುದಾರ ಮಹಿಳೆಯೂ ಅಪರಿಚಿತ ವ್ಯಕ್ತಿಯೊಂದಿಗೆ ವಾಟ್ಸಾಪ್ ಮೂಲಕ ಸಂಪರ್ಕದಲ್ಲಿದ್ದು ಪೌಂಡ್‌, ಡಾಲರ್ ತರುತ್ತಿರುವ ವಿಷಯ ತಿಳಿಸಿದ್ದಾನೆ.

ಅಪರಿಚಿತ ವ್ಯಕ್ತಿ ಹೆಚ್ಚಿನ ವಿದೇಶಿ ಪೌಂಡ್‌ಗಳನ್ನು ನೀಡುವುದಾಗಿ ಹೇಳಿಕೊಂಡು, ಮಂಗಳೂರಿನಲ್ಲಿ ಮನೆ ಎಲ್ಲಿ ಎಂದು ವಿಳಾಸ ಪಡೆದು ಭೇಟಿ ನೀಡುವುದಾಗಿ ತಿಳಿಸಿದ್ದಾನೆ. ಆ.21ರಂದು ನೀಗ್ರೋ ವ್ಯಕ್ತಿಯೊಬ್ಬ ಮಹಿಳೆಯ ಮನೆಗೆ ಬಂದಿದ್ದು ಸ್ಟೀವ್ ಎಂದು ತನ್ನ ಹೆಸರನ್ನು ಪರಿಚಯಿಸಿದ್ದಾನೆ. ಬಳಿಕ ವಿದೇಶಿ ಡಾಲರ್ ಇರುವುದನ್ನು ತೋರಿಸಿದ್ದಾನೆ. ಇದನ್ನು ನೋಡಿದ ಮಹಿಳೆ ಸತ್ಯವೆಂದೇ ನಂಬಿದ್ದಾರೆ.

ಪೌಂಡ್ ಮತ್ತು ಡಾಲರ್ ನೋಟುಗಳನ್ನು ನೋಡಿ ಎಲ್ಲವನ್ನೂ ಸತ್ಯವೆಂದೇ ನಂಬಿದ ದೂರುದಾರ ಮಹಿಳೆ, ಈ ವಿಚಾರವನ್ನು ತನ್ನ ಪರಿಚಯದ ನೀರುಮಾರ್ಗದ ಮಹಿಳೆಗೂ ತಿಳಿಸಿದ್ದಾರೆ. ತನಗೂ ವಿದೇಶಿ ಪೌಂಡ್ ಕಡಿಮೆ ದರಕ್ಕೆ ಸಿಗಬಹುದು ಎಂದು ಆಕೆಯೂ ಆಸೆಯಿಂದ 25 ಲಕ್ಷ ಮೊತ್ತವನ್ನು ದೂರುದಾರರಿಗೆ ವರ್ಗಾಯಿಸಿದ್ದಾರೆ. ಇದೇ ವೇಳೆ, ವಿಷಯ ತಿಳಿದು ಇನ್ನೊಬ್ಬ ಮಹಿಳೆಯೂ 2 ಲಕ್ಷ ರೂ. ನೀಡಿದ್ದಾರೆ. ಇದಕ್ಕೆ ಪ್ರತಿಯಾಗಿ ದೂರುದಾರ ಮಹಿಳೆಯಿಂದ ಗ್ಯಾರಂಟಿಗೆಂದು ಚೆಕ್ ಪಡೆದಿದ್ದಾರೆ. ತನ್ನಲ್ಲಿರುವ ಹಣವನ್ನೆಲ್ಲ ಸೇರಿಸಿ ಅಪರಿಚಿತ ವ್ಯಕ್ತಿಗೆ ಒಟ್ಟು 79,19,850 ರೂ. ವನ್ನು ದೂರುದಾರ ಮಹಿಳೆ ನಾನಾ ಬ್ಯಾಂಕ್ ಖಾತೆಗಳಿಗೆ ವರ್ಗಾಯಿಸಿದ್ದಾರೆ. ಆದರೆ ಅಪರಿಚಿತ ವ್ಯಕ್ತಿ ಪೌಂಡ್ ನೀಡಲು ಇನ್ನೂ ಹೆಚ್ಚಿನ ಹಣ ವರ್ಗಾಯಿಸುವಂತೆ ಒತ್ತಾಯಿಸಿದ್ದು, ಅನುಮಾನ ಬಂದು ಮಕ್ಕಳಲ್ಲಿ ವಿಚಾರಿಸಿದಾಗ ಮೋಸದ ಅರಿವಾಗಿದೆ.

A shocking online scam has surfaced in Mangaluru, where women from Vamanjoor fell prey to a fraudster who promised four times the value of their money in UK pounds. Believing the offer, the victims transferred ₹79.19 lakh to multiple bank accounts. The scam began when a woman’s domestic help introduced her to a man named “Max Alexander” from the UK via Facebook, who claimed he would bring high-value pounds to India. Later, another man posing as “Steve” visited her home and showed fake foreign currency, convincing the women of its authenticity.