ಬೋಳಿಯಾರಿನಲ್ಲಿ ಸ್ಕೂಟರ್ ಸವಾರರ ಸಾವು ಪ್ರಕರಣ ; ಅಪಘಾತಕ್ಕೂ ಮುನ್ನ ಪಿಕಪ್ ಚಾಲಕ -ಸ್ಕೂಟರ್ ಸವಾರರ ಹೊಡೆದಾಟ! ಟಾರ್ಗೆಟ್ ಕೊಲೆಯೆಂದು ಕೋಣಾಜೆಯಲ್ಲಿ ಕೇಸು ದಾಖಲು

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ಬೋಳಿಯಾರಿನಲ್ಲಿ ಸ್ಕೂಟರ್ ಸವಾರರ ಸಾವು ಪ್ರಕರಣ ; ಅಪಘಾತಕ್ಕೂ ಮುನ್ನ ಪಿಕಪ್ ಚಾಲಕ -ಸ್ಕೂಟರ್ ಸವಾರರ ಹೊಡೆದಾಟ! ಟಾರ್ಗೆಟ್ ಕೊಲೆಯೆಂದು ಕೋಣಾಜೆಯಲ್ಲಿ ಕೇಸು ದಾಖಲು

20-10-26 05:06 pm HK News Staffer ಕ್ರೈಂ

ಬೋಳಿಯಾರಿನ ಪೆಟ್ರೋಲ್ ಬಂಕ್ ಬಳಿ ಪಿಕಪ್ ಡಿಕ್ಕಿಯಾಗಿ ಸ್ಕೂಟರ್ ಸವಾರರಿಬ್ಬರು‌ ಸಾವನ್ನಪ್ಪಿದ ಘಟನೆ ಹಿಂದೆ ಕೊಲೆ ಕೃತ್ಯದ ಆರೋಪ ಕೇಳಿಬಂದಿದೆ. ಅಪಘಾತಕ್ಕೂ ಮುನ್ನ‌ ಪಿಕಪ್ ಚಾಲಕ ಹಾಗೂ ಸ್ಕೂಟರ್ ಸವಾರರ ನಡುವೆ ಹೊಡೆದಾಟ ನಡೆದಿರುವ ವಿಚಾರ ಬೆಳಕಿಗೆ ಬಂದಿದ್ದು, ಪಿಕಪ್ ಚಾಲಕನೇ ಉದ್ದೇಶಪೂರ್ವಕ ಕೊಲೆ ನಡೆಸಿರುವುದಾಗಿ ಮೃತ ಯುವಕನ ತಂದೆ ಕೊಣಾಜೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.

ಉಳ್ಳಾಲ, ಅ.20: ಬೋಳಿಯಾರಿನ ಪೆಟ್ರೋಲ್ ಬಂಕ್ ಬಳಿ ಪಿಕಪ್ ಡಿಕ್ಕಿಯಾಗಿ ಸ್ಕೂಟರ್ ಸವಾರರಿಬ್ಬರು‌ ಸಾವನ್ನಪ್ಪಿದ ಘಟನೆ ಹಿಂದೆ ಕೊಲೆ ಕೃತ್ಯದ ಆರೋಪ ಕೇಳಿಬಂದಿದೆ. ಅಪಘಾತಕ್ಕೂ ಮುನ್ನ‌ ಪಿಕಪ್ ಚಾಲಕ ಹಾಗೂ ಸ್ಕೂಟರ್ ಸವಾರರ ನಡುವೆ ಹೊಡೆದಾಟ ನಡೆದಿರುವ ವಿಚಾರ ಬೆಳಕಿಗೆ ಬಂದಿದ್ದು, ಪಿಕಪ್ ಚಾಲಕನೇ ಉದ್ದೇಶಪೂರ್ವಕ ಕೊಲೆ ನಡೆಸಿರುವುದಾಗಿ ಮೃತ ಯುವಕನ ತಂದೆ ಕೊಣಾಜೆ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.

ನಿನ್ನೆ ಸಂಜೆ‌ ಬೋಳಿಯಾರಿನಿಂದ ಮುಡಿಪು ಕಡೆಗೆ ಸಾಗುತ್ತಿದ್ದ ಸ್ಕೂಟರ್ ಒಂದಕ್ಕೆ‌ ಪಿಕಪ್ ವಾಹನ ಡಿಕ್ಕಿ ಹೊಡೆದಿದ್ದು ರಸ್ತೆಗೆಸೆಯಲ್ಪಟ್ಟು ಗಂಭೀರ ಗಾಯಗೊಂಡಿದ್ದ ಸ್ಕೂಟರ್ ಸವಾರರು ಕಿನ್ಯ ಗ್ರಾಮದ ಉಕ್ಕುಡ ನಿವಾಸಿಗಳಾದ ಮಹಮ್ಮದ್ ಅಫ್ರಾಝ್ ( 23) ಮತ್ತು ಮಹಮ್ಮದ್ ಝುನೈದ್(23) ದಾರುಣವಾಗಿ ಮೃತಪಟ್ಟಿದ್ದರು. ಆರಂಭದಲ್ಲಿ ಸ್ಥಳೀಯರು ಅಪಘಾತವೆಂದು ಭಾವಿಸಿ ಗಾಯಾಳು ಯುವಕರನ್ನ ಕೂಡಲೇ ಆಸ್ಪತ್ರೆಗೆ ದಾಖಲಿಸಿದ್ದರು.

ಆದರೆ ಅಪಘಾತಕ್ಕೂ ಮುನ್ನ ಪಿಕಪ್ ಚಾಲಕ ಹಾಗೂ ಸ್ಕೂಟರ್ ಸವಾರರ ಮಧ್ಯೆ ಗಲಾಟೆ ನಡೆದಿದ್ದು, ಸ್ಕೂಟರ್ ಸವಾರರನ್ನ‌ ಹಿಂಬಾಲಿಸಿದ ಪಿಕಪ್ ಚಾಲಕ ಅಪಘಾತ ನಡೆಸಿ ಕೊಲೆ ಮಾಡಿರುವುದಾಗಿ ವ್ಯಕ್ತಿಯೋರ್ವರು ಹೇಳಿಕೊಂಡಿರುವ ಆಡಿಯೋ ತುಣುಕು ಜಾಲತಾಣಗಳಲ್ಲಿ ವೈರಲ್ ಆಗಿತ್ತು. ಇದಕ್ಕೆ‌ ಪುಷ್ಟಿ‌ ನೀಡುವಂತೆ ಅಪಘಾತ ನಡೆಸಿದ ಪಿಕಪ್ ಚಾಲಕನೂ ಸ್ಥಳದಿಂದ ಪರಾರಿಯಾಗಿದ್ದ.

ನಿನ್ನೆ ಮಧ್ಯಾಹ್ನದ ವೇಳೆ ಝುನೈದ್ ನೆರೆಮನೆಯ ಅಫ್ರಾಝ್ ಜೊತೆಗೆ ಸ್ಕೂಟರಿನಲ್ಲಿ ಬೋಳಿಯಾರಿಗೆ ತೆರಳಿದ್ದ. ಸಂಜೆ 4 ಗಂಟೆ ವೇಳೆ ಬೋಳಿಯಾರಿನ ರಂತಡ್ಕ ಕ್ರಾಸ್ ಬಳಿ ಅಲ್ಲಿನ ಸ್ಥಳೀಯ ಪಿಕಪ್ ವಾಹನ ಚಾಲಕ ಹಫೀಝ್ ಯಾನೆ ಅಪ್ಪಿ ಎಂಬವನಲ್ಲಿ‌‌ ಝುನೈದ್ ಹಾಗೂ ಅಫ್ರಾಝ್ ಅವರು ಯಾವುದೋ ವಿಚಾರಕ್ಕೆ ತಗಾದೆ ಎತ್ತಿದ್ದು, ಮೂವರ ಮಧ್ಯೆ ಹೊಡೆದಾಟ ನಡೆದಿತ್ತು. ಬಳಿಕ ಪಿಕಪ್ ಚಾಲಕ ಸ್ಕೂಟರ್ ಸವಾರರನ್ನ ಹಿಂಬಾಲಿಸಿ ಮುಡಿಪು ಕಡೆಗೆ ತೆರಳಿರುವ ಬಗ್ಗೆ ಪ್ರತ್ಯಕ್ಷದರ್ಶಿಗಳು ಝುನೈದ್ ತಂದೆ ಇಸ್ಮಾಯಿಲ್ ಅವರಲ್ಲಿ ತಿಳಿಸಿದ್ದಾರೆ.

ಇದೇ ಹೇಳಿಕೆಯನ್ನು ಆಧರಿಸಿ ಮೃತ ಝುನೈದ್ ತಂದೆ ಇಸ್ಮಾಯಿಲ್ ಅವರು ಪಿಕಪ್ ಚಾಲಕ ಹಫೀಝ್ ಉದ್ಧೇಶಪೂರ್ವಕ ಅಪಘಾತ ನಡೆಸಿ ಕೊಲೆ ಮಾಡಿರೋದಾಗಿ ಕೊಣಾಜೆ ಪೊಲೀಸ್ ಠಾಣೆಗೆ ದೂರು ನೀಡಿದ್ದು, ದೂರಿನನ್ವಯ ಪೊಲೀಸರು‌ ಆರೋಪಿ ಹಫೀಝ್ ವಿರುದ್ಧ ಕೊಲೆ ಪ್ರಕರಣ ದಾಖಲಿಸಿದ್ದಾರೆ.