ಯುನೈಟೆಡ್ ನೇಶನ್ಸ್ ಹೈಕಮಿಷನರ್ ಹೆಸರಲ್ಲಿ ಫೋನ್ ಕರೆ ; ಫೈರ್ ಅಂಡ್ ಸೇಫ್ಟಿ ಸಾಮಗ್ರಿ ಖರೀದಿ ನೆಪದಲ್ಲಿ ವ್ಯವಹಾರ, ಕೀನ್ಯಾ ದೇಶದ ಸರ್ಟಿಫಿಕೇಟ್ ಮಾಡಿಸುತ್ತೇನೆಂದು 57 ಲಕ್ಷ ಪಡೆದು ಮೋಸ !

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ಯುನೈಟೆಡ್ ನೇಶನ್ಸ್ ಹೈಕಮಿಷನರ್ ಹೆಸರಲ್ಲಿ ಫೋನ್ ಕರೆ ; ಫೈರ್ ಅಂಡ್ ಸೇಫ್ಟಿ ಸಾಮಗ್ರಿ ಖರೀದಿ ನೆಪದಲ್ಲಿ ವ್ಯವಹಾರ, ಕೀನ್ಯಾ ದೇಶದ ಸರ್ಟಿಫಿಕೇಟ್ ಮಾಡಿಸುತ್ತೇನೆಂದು 57 ಲಕ್ಷ ಪಡೆದು ಮೋಸ !

28-10-26 10:42 pm HK News Desk ಕ್ರೈಂ

ಫೈರ್ ಅಂಡ್ ಸೇಫ್ಟಿ ಎಕ್ವಿಪ್ ಮೆಂಟ್ಸ್ ಕಂಪನಿಯೊಂದರ ಮಾಲೀಕರಾಗಿರುವ ದಂಪತಿಗೆ ಯುನೈಟೆಡ್ ನೇಶನ್ಸ್ ಹೈಕಮಿಷನರ್ ಫಾರ್ ರೆಫ್ಯುಜಿ ಎನ್ನುವ ಸಂಸ್ಥೆಯಿಂದ ಕರೆ

ಮಂಗಳೂರು, ಅ.28 ಫೈರ್ ಅಂಡ್ ಸೇಫ್ಟಿ ಎಕ್ವಿಪ್ ಮೆಂಟ್ಸ್ ಕಂಪನಿಯೊಂದರ ಮಾಲೀಕರಾಗಿರುವ ದಂಪತಿಗೆ ಯುನೈಟೆಡ್ ನೇಶನ್ಸ್ ಹೈಕಮಿಷನರ್ ಫಾರ್ ರೆಫ್ಯುಜಿ ಎನ್ನುವ ಸಂಸ್ಥೆಯಿಂದ ಕರೆ ಮಾಡುತ್ತಿರುವುದಾಗಿ ಹೇಳಿ ಕೀನ್ಯಾ ದೇಶದೊಂದಿಗೆ ವ್ಯವಹಾರ ಕುದುರಿಸುವ ನೆಪದಲ್ಲಿ ನಾನಾ ಬಗೆಯ ಸರ್ಟಿಫಿಕೇಟ್ ಗಳನ್ನು ಮಾಡಿಸಿಕೊಡುವ ನೆಪದಲ್ಲಿ 57 ಲಕ್ಷ ರೂ.ಗಳನ್ನು ಪಡೆದು ವಂಚನೆ ಎಸಗಿದ್ದು ಸೈಬರ್ ಖದೀಮರ ಕೃತ್ಯದ ಅನುಮಾನದಲ್ಲಿ ಸೈಬರ್ ಪೊಲೀಸರಿಗೆ ದೂರು ನೀಡಲಾಗಿದೆ.

ಮಂಗಳೂರಿನಲ್ಲಿ THAKSHEEL FIRE & SAFTY EQUIPMENTS ಸಂಸ್ಥೆಯನ್ನು ಹೊಂದಿರುವ ದಂಪತಿಗೆ ವಂಚನೆ ಎಸಗಲಾಗಿದೆ.‌ ನಿತೇಶ್ ಕುಮಾರ್ ಹೆಸರಲ್ಲಿ ಮೊದಲಿಗೆ ವಾಟ್ಸಪ್ ಕರೆ ಮಾಡಿದ್ದು ತುಳು ಭಾಷೆಯಲ್ಲಿ ತಾನು ಕೀನ್ಯ ದೇಶದ ನೈರೋಬಿಯಿಂದ ಮಾತನಾಡುತ್ತಿದ್ದೇನೆಂದು ಪರಿಚಯ ಮಾಡಿಕೊಂಡಿದ್ದ. UNITED NATIONS HIGH COMMISSIONER FOR REFUGEES ಸಂಸ್ಥೆಯಲ್ಲಿ ನೌಕರನಾಗಿದ್ದು ಮೂಲತಃ ಉಡುಪಿ ಜಿಲ್ಲೆಯ ಕಾಪು ನಿವಾಸಿಯಾಗಿರುತ್ತೇನೆ ಎಂದು ತಿಳಿಸಿದ್ದ. ಅದಕ್ಕೆ ಇವರು ನಮ್ಮಿಂದ ಏನು ಆಗಬೇಕು ಎಂದು ಕೇಳಿದ್ದು ನಿಮ್ಮೊಂದಿಗೆ ವ್ಯವಹಾರ ಮಾಡಲು ಇಚ್ಚಿಸಿದ್ದು, ನೀವು ಮಾರಾಟ ಮಾಡುವ FIRE EXTINGUISHERS ಗಳನ್ನು ನಮ್ಮ ಸಂಸ್ಥೆಯು ಖರೀದಿಸುವುದಾಗಿ ತಿಳಿಸಿರುತ್ತಾನೆ.

ವ್ಯವಹಾರ ಮಾಡಲು ಇಚ್ಚಿಸಿದಲ್ಲಿ ತನ್ನ ಮೇಲಧಿಕಾರಿ ರಾಜಾಗುರು ರೆಡ್ಡಿಯಾರ್ ಎಂಬವರೊಂದಿಗೆ ಮಾತನಾಡುವಂತೆ ತಿಳಿಸಿದ್ದ. ಮರು ದಿನ ರಾಜಾಗುರು ವಾಟ್ಸಪ್ ನಲ್ಲಿ ಕರೆ ಮಾಡಿ ನಿಮ್ಮಿಂದ FIRE EXTINGUISHERS ಗಳನ್ನು ನಮ್ಮ ಸಂಸ್ಥೆಯು ಖರೀದಿಸಲು ಇಚ್ಚಿಸಿದ್ದು ನೀವು ಕೊಟೇಶನ್ ನೀಡಿದರೆ ನಾವು purchase order ನೀಡುತ್ತೇವೆ ಎಂದು ತಿಳಿಸಿದ್ದ. ಕೆಲವು ದಿನಗಳ ಕಾಲ ವ್ಯವಹಾರ ಕುದುರಿಸಿದ ಬಳಿಕ ವಾಟ್ಸಪ್ ನಲ್ಲಿ ಕರೆ ಮಾಡಿದ ರೆಡ್ಡಿಯಾರ್, ನಮ್ಮ ವ್ಯವಹಾರ ನಡೆಯಬೇಕಾದಲ್ಲಿ ಕೀನ್ಯ ದೇಶದ ನಿಯಮದ ಪ್ರಕಾರ Registration Certificate, Anti Money Laundering Certificate, International Monetary Fund Certificate, Financial Intelligence Authority Cirtificate ಹಾಗೂ Insurance & Bank Storage ಹಣ ಕಟ್ಟಲು ಇರುವುದಾಗಿ ತಿಳಿಸಿದ್ದ. ಅಲ್ಲದೆ, ಸದರಿ Certificate ಮಾಡಲು ನಮ್ಮಲ್ಲಿ ಜನ ಇದ್ದು, ನೀವು ಹಣ ನೀಡಿದಲ್ಲಿ ಕೂಡಲೇ Certificate ಮಾಡಿಕೊಂಡು ವ್ಯವಹಾರ ಮುಂದುವರಿಸುವ ಬಗ್ಗೆ ತಿಳಿಸಿದ್ದ.

ಆನಂತರ, ಅ.23ರಿಂದ 29ರ ವರೆಗೆ Rajaguru Reddiar ಎಂಬಾತ ನೀಡಿದ ಬ್ಯಾಂಕ್ ಖಾತೆಗಳಿಗೆ ದಂಪತಿ ತಮ್ಮ ಬ್ಯಾಂಕ್ ಖಾತೆಗಳಿಂದ RTGS, NEFT, IMPS & SWIFT ಮೂಲಕ ಹಂತ ಹಂತವಾಗಿ ಒಟ್ಟು 57,31,175/- ರೂಪಾಯಿ ವರ್ಗಾಯಿಸಿದ್ದಾರೆ. ನಂತರ ಸದ್ರಿ ವ್ಯಕ್ತಿ ಪುನಃ ಕರೆ ಮಾಡಿ ಮತ್ತೆ ಹಣ ಕಳುಹಿಸಲು ತಿಳಿಸಿದ್ದು ಆಗ ದಂಪತಿಗೆ ಅನುಮಾನ ಬಂದು ನಮ್ಮ ಹಣವನ್ನು ವಾಪಸ್ ನೀಡುವಂತೆ ತಿಳಿಸಿದ್ದಾರೆ. ನಿತೇಶ್ ಕುಮಾ ಮತ್ತು ರಾಜಾಗುರು ಅವರಿಗೆ ಹಲವು ಬಾರಿ ಕರೆ ಮಾಡಿ ರಿಫಂಡ್ ಮಾಡುವಂತೆ ಕೇಳಿಕೊಂಡರೂ ಅವರು ಸಬೂಬು ಹೇಳಿ ತಪ್ಪಿಸುತ್ತಿದ್ದಾರೆ. ಫೋನ್ ಕರೆಯನ್ನು ಸ್ವೀಕರಿಸದೇ ಅನುಮಾನಾಸ್ಪದ ರೀತಿ ನಡೆದುಕೊಂಡಿದ್ದು ಇದೊಂದು ಆನ್ ಲೈನ್ ಸ್ಕ್ಯಾಮ್ ಎಂಬ ಸಂಶಯ ಬಂದಿದೆ ಎಂದು ಹಣ ಕಳಕೊಂಡ ಬಗ್ಗೆ ಮಹಿಳೆ ಸಿಇಎನ್ ಠಾಣೆಗೆ ದೂರು ನೀಡಿದ್ದಾರೆ.