ಮುರುಘಾ ಮಠದ ಸ್ವಾಮೀಜಿಗೆ ಮತ್ತೆ ಜೈಲು ; ಸೆ.14ರ ವರೆಗೆ ನ್ಯಾಯಾಂಗ ಬಂಧನಕ್ಕೆ ಶ್ರೀಗಳು

ಬ್ರೇಕಿಂಗ್ ನ್ಯೂಸ್

Prasad Attavar, Saloon Attack, Mangalore: ಮಸಾಜ್ ಪಾರ್ಲರ್ ದಾಳಿ ಪ್ರಕರಣ ; ರಾಮ ಸೇನೆಯ ಪ್ರಸಾದ್ ಅತ್ತಾವರ್ ಸೇರಿ 11 ಮಂದಿಗೆ ಜಾಮೀನು | SKG Bank robbery, Kinnigoli, Kotekar Robbery, Mangalore: ಕೋಟೆಕಾರು ಬ್ಯಾಂಕ್ ದರೋಡೆಯನ್ನೂ ಮೀರಿಸಿತ್ತು ಕಿನ್ನಿಗೋಳಿ ಬ್ಯಾಂಕ್ ದರೋಡೆ ; ಕೋಟಿಗಟ್ಟಲೆ ಚಿನ್ನ ದೋಚಿದ್ದರೂ, ಕೇಸ್ ಕ್ಲೋಸ್ ಮಾಡಿದ್ದ ಮುಲ್ಕಿ ಪೊಲೀಸರು ! ಆ ಮ್ಯಾಚ್ ಬಾಕ್ಸ್ ಹಿಂದಿತ್ತಾ ಕಳ್ಳರ ಕರಿನೆರಳು ?! | Musical program Swara Sanidhya, Mangalore; ಫೆ.8ರಂದು ಮಂಗಳೂರಿನಲ್ಲಿ 'ಸ್ವರ ಸಾನ್ನಿಧ್ಯ' ರಾಷ್ಟ್ರೀಯ ಮಟ್ಟದ ಯುವ ಸಂಗೀತೋತ್ಸವ |

ಮುರುಘಾ ಮಠದ ಸ್ವಾಮೀಜಿಗೆ ಮತ್ತೆ ಜೈಲು ; ಸೆ.14ರ ವರೆಗೆ ನ್ಯಾಯಾಂಗ ಬಂಧನಕ್ಕೆ ಶ್ರೀಗಳು

05-09-22 12:35 pm HK News Desk ಕರ್ನಾಟಕ

ಪೋಕ್ಸೋ ಪ್ರಕರಣದಲ್ಲಿ ಪೊಲೀಸ್ ಕಸ್ಟಡಿಯಲ್ಲಿದ್ದ ಮುರುಘಾ ಮಠದ ಸ್ವಾಮೀಜಿಯನ್ನು ಕೋರ್ಟಿಗೆ ಹಾಜರು ಪಡಿಸಲಾಗಿದ್ದು ಸೆ.14ರ ವರೆಗೆ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದೆ.

ಚಿತ್ರದುರ್ಗ, ಸೆ.5 : ಪೋಕ್ಸೋ ಪ್ರಕರಣದಲ್ಲಿ ಪೊಲೀಸ್ ಕಸ್ಟಡಿಯಲ್ಲಿದ್ದ ಮುರುಘಾ ಮಠದ ಸ್ವಾಮೀಜಿಯನ್ನು ಕೋರ್ಟಿಗೆ ಹಾಜರು ಪಡಿಸಲಾಗಿದ್ದು ಸೆ.14ರ ವರೆಗೆ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದೆ.

ಭಾನುವಾರಕ್ಕೆ ನಾಲ್ಕು ದಿನಗಳ ಪೊಲೀಸ್ ಕಸ್ಟಡಿ ಅಂತ್ಯವಾದ ಹಿನ್ನೆಲೆಯಲ್ಲಿ ಸೋಮವಾರ ಪೊಲೀಸರು ಸ್ವಾಮೀಜಿಯನ್ನು ಚಿತ್ರದುರ್ಗ ಜೆಎಂಎಫ್‍ಸಿ ಕೋರ್ಟ್‌ಗೆ ಹಾಜರುಪಡಿಸಿದರು. 2ನೇ ಅಪರ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶ ಕೋಮಲ ಅವರು, ಪೊಲೀಸರಲ್ಲಿ ವಿಚಾರಣೆ ಇನ್ನೂ ಇದೆಯೇ ಎಂದು ಪ್ರಶ್ನಿಸಿದರು. ಮತ್ತೆ ಕಸ್ಟಡಿಗೆ ಪೊಲೀಸರು ಕೇಳದ ಕಾರಣ ಜಡ್ಜ್‌ ಸೆ.14ರ ವರೆಗೆ ನ್ಯಾಯಾಂಗ ಬಂಧನ ವಿಧಿಸಿ ಆದೇಶಿಸಿದರು.

ಈ ನಡುವೆ, ಸ್ವಾಮೀಜಿ ಪರ ವಕೀಲರು ಜಾಮೀನಿಗೆ ಅರ್ಜಿ ಸಲ್ಲಿಸಿದ್ದಾರೆ. ಆದರೆ ಪೋಕ್ಸೋ ಕೇಸ್‍ಗಳಲ್ಲಿ ಅಷ್ಟು ಸುಲಭವಾಗಿ ಜಾಮೀನು ಸಿಗುವುದಿಲ್ಲ. ಪೋಕ್ಸೋ ಕೇಸ್‍ನಲ್ಲಿ 16 ವರ್ಷದ ಒಳಗಿನ ಮಕ್ಕಳ ಮೇಲಿನ ಕಿರುಕುಳ ಆರೋಪ ಸಾಬೀತಾದ್ರೆ ಕನಿಷ್ಠ 20 ವರ್ಷ ಜೈಲುವಾಸ ಅಥವಾ ಗರಿಷ್ಠ ಜೀವಾವಧಿ ಶಿಕ್ಷೆ ಇದೆ. 16 ರಿಂದ 18 ವರ್ಷ ಒಳಗಿನ ಮಕ್ಕಳ ಮೇಲಿನ ದೌರ್ಜನ್ಯಕ್ಕೆ ಕನಿಷ್ಟ 10 ವರ್ಷ ಜೈಲು ಶಿಕ್ಷೆ, ಗರಿಷ್ಟ ಜೀವಾವಧಿ ಶಿಕ್ಷೆಯನ್ನು ಶಿಕ್ಷೆ ವಿಧಿಸಲಾಗುತ್ತದೆ. ಹೀಗಾಗಿ ಇಂತಹ ಪ್ರಕರಣಗಳಲ್ಲಿ ಆರೋಪಿಗಳಿಗೆ ಜಾಮೀನು ಬೇಗನೆ ಕೊಡುವುದಿಲ್ಲ.

Another accused in the Murugha Mutt sexual abuse case has been taken into custody by police. The junior pontiff of Murugha Mutt was picked up from Hosapete city of Karnataka on Sunday, making the third arrest in the case.