ಬೆಳಗಾವಿಯಲ್ಲಿ ಪಠಾಣ್‌ ಸಿನಿಮಾ ವಿರೋಧಿಸಿ ಚಿತ್ರಮಂದಿರದ ಮೇಲೆ ಕಲ್ಲು ,  ನಾಲ್ವರು ವಶಕ್ಕೆ ! 

24-01-23 10:02 pm       HK News Desk   ಕರ್ನಾಟಕ

ಹಿಂದಿ ಚಲನಚಿತ್ರ ‘ಪಠಾಣ್‌’ ಪ್ರದರ್ಶನ ವಿರೋಧಿಸಿ, ನಗರದ ಸ್ವರೂಪ ಚಿತ್ರಮಂದಿರದ ಮೇಲೆ ಕೆಲವು ಕಿಡಿಗೇಡಿಗಳು ಕಲ್ಲು ತೂರಾಟ ನಡೆಸಿದರು.

ಬೆಳಗಾವಿ, ಜ 24: ಹಿಂದಿ ಚಲನಚಿತ್ರ ‘ಪಠಾಣ್‌’ ಪ್ರದರ್ಶನ ವಿರೋಧಿಸಿ, ನಗರದ ಸ್ವರೂಪ ಚಿತ್ರಮಂದಿರದ ಮೇಲೆ ಕೆಲವು ಕಿಡಿಗೇಡಿಗಳು ಕಲ್ಲು ತೂರಾಟ ನಡೆಸಿದರು.

ಈ ವೇಳೆ ಸ್ಥಳಕ್ಕೆ ಬಂದ ಪೊಲೀಸರು ನಾಲ್ವರು ಯುವಕರನ್ನು ವಶಕ್ಕೆ ಪಡೆದಿದ್ದಾರೆ.

‘ಶಾರೂಖ್‌ ಖಾನ್‌ ಹಾಗೂ ದೀಪಿಕಾ ‍ಪಡುಕೋಣೆ ಅಭಿನಯದ ‘ಪಠಾಣ್‌’ ಚಿತ್ರದಲ್ಲಿ ಅಶ್ಲೀಲ ದೃಶ್ಯಗಳಿವೆ. ಇಂಥ ಚಿತ್ರ ಪ್ರದರ್ಶಿಸಬಾರದು’ ಎಂದು ಯುವಕರು ಸಿನಿಮಾ ಥೇಟರ್‌ ಮುಂದೆ ಗಲಾಟೆ ಶುರು ಮಾಡಿದರು. ಅದಾದ ಬಳಿಕವೂ ಸಾಯಂಕಾಲದ ಪ್ರದರ್ಶನ ಆರಂಭಿಸಿದ್ದರಿಂದ ಕಲ್ಲು ತೂರಾಟ ನಡೆಸಿದರು ಎಂದು ಪೊಲೀಸರು ತಿಳಿಸಿದ್ದಾರೆ.

Miscreants throw stones at the movie theater in Belagavi for screening Pathaan Movie.