Landslide again halts train services on Hassan Mangalore Route, passengers stuck in the middle | Mangalore, Landslide, Train: ಸಕಲೇಶಪುರ ಬಳಿ ಮತ್ತೆ ಗುಡ್ಡ ಕುಸಿತ ; ಮಂಗಳೂರು - ಬೆಂಗಳೂರು ರೈಲು ಸಂಚಾರ ಸ್ಥಗಿತ, ಮಧ್ಯರಾತ್ರಿ ಪರದಾಡಿದ ಪ್ರಯಾಣಿಕರು

Mangalore, Landslide, Train: ಸಕಲೇಶಪುರ ಬಳಿ ಮತ್ತೆ ಗುಡ್ಡ ಕುಸಿತ ; ಮಂಗಳೂರು - ಬೆಂಗಳೂರು ರೈಲು ಸಂಚಾರ ಸ್ಥಗಿತ, ಮಧ್ಯರಾತ್ರಿ ಪರದಾಡಿದ ಪ್ರಯಾಣಿಕರು

ಸಕಲೇಶಪುರ ಬಳಿಯ ರೈಲ್ವೇ ಹಳಿ ಮೇಲೆ ಮತ್ತೆ ಭಾರಿ ಪ್ರಮಾಣದಲ್ಲಿ ಮಣ್ಣು ಕುಸಿತವಾಗಿದ್ದು ಮರಗಳ ಸಮೇತವಾಗಿ ರೈಲ್ವೆ ಹಳಿಗೆ ಬಿದ್ದಿದೆ. ಇದರಿಂದ ಹಾಸನ-ಮಂಗಳೂರು ಮಾರ್ಗದ ರೈಲುಗಳ ಸಂಚಾರ ಮತ್ತೆ ಸ್ಥಗಿತಗೊಂಡಿದೆ.

ಹಾಸನ, ಆಗಸ್ಟ್ 10: ಸಕಲೇಶಪುರ ಬಳಿಯ ರೈಲ್ವೇ ಹಳಿ ಮೇಲೆ ಮತ್ತೆ ಭಾರಿ ಪ್ರಮಾಣದಲ್ಲಿ ಮಣ್ಣು ಕುಸಿತವಾಗಿದ್ದು ಮರಗಳ ಸಮೇತವಾಗಿ ರೈಲ್ವೆ ಹಳಿಗೆ ಬಿದ್ದಿದೆ. ಇದರಿಂದ ಹಾಸನ-ಮಂಗಳೂರು ಮಾರ್ಗದ ರೈಲುಗಳ ಸಂಚಾರ ಮತ್ತೆ ಸ್ಥಗಿತಗೊಂಡಿದೆ.

ಮಣ್ಣು ಕುಸಿದಿರುವ ಘಟನೆ ಸಕಲೇಶಪುರ ತಾಲೂಕಿನ ಬಾಳ್ಳುಪೇಟೆ ಸಮೀಪದ ಕಿಲೋಮೀಟರ್ ಸಂಖ್ಯೆ 42/43 ರ ಮಧ್ಯೆ ನಡೆದಿದೆ. ಶುಕ್ರವಾರ (ಆಗಸ್ಟ್ 9) ಮಧ್ಯರಾತ್ರಿ ಘಟನೆ ನಡೆದಿದ್ದು ಹಾಸನದಿಂದ ಮಂಗಳೂರಿಗೆ, ಮಂಗಳೂರಿನಿಂದ ಹಾಸನಕ್ಕೆ ತೆರಳುತ್ತಿದ್ದ ರೈಲುಗಳ ಸಂಚಾರಕ್ಕೆ ತೊಡಕಾಗಿದೆ.

ಇದರಿಂದ ಮಧ್ಯರಾತ್ರಿ ಈ ದಾರಿಯಲ್ಲಿ ಬೆಂಗಳೂರು ತೆರಳುತ್ತಿದ್ದ ರೈಲುಗಳು ಸಕಲೇಶಪುರ, ಯಡಕುಮೇರಿ, ಶಿರಿಬಾಗಿಲು, ಆಲೂರು ಸೇರಿ ಆರು ಕಡೆ ಆರು ನಿಂತಿದ್ದವು. ದಿಢೀರ್ ರೈಲುಗಳು ಸ್ಥಗಿತಗೊಂಡಿದ್ದರಿಂದ ಪ್ರಯಾಣಿಕರು ಪರದಾಡುವಂತಾಗಿದೆ. ರೈಲುಗಳಲ್ಲಿ ಸಾವಿರಾರು ಪ್ರಯಾಣಿಕರು ಇದ್ದು ಪರ್ಯಾಯ ವಾಹನ ವ್ಯವಸ್ಥೆ ಮಾಡಲಾಗುತ್ತಿದೆ. ಮಣ್ಣು ತೆರವು ಕಾರ್ಯಾಚರಣೆ ಬೆಳಗ್ಗಿನ ವೇಳೆಗೆ ಆರಂಭಿಸಲಾಗಿದೆ.

A massive landslide occurred on the railway track near Ballupete in Sakleshpur Taluk, causing soil and trees to fall onto the tracks between kilometer markers 42 and 43. This incident has disrupted train services on the Hassan-Mangaluru route.