ಪವರ್ ಸ್ಟಾರ್ ಟೀವಿ ಜರ್ನಿ ; ಕನ್ನಡದ ಕೋಟ್ಯಧಿಪತಿ ಟು ಫ್ಯಾಮಿಲಿ ಪವರ್ !

ಬ್ರೇಕಿಂಗ್ ನ್ಯೂಸ್

Activists Mahesh Shetty Thimarodi, Harish Poonja: ಎಡಿಟೆಡ್ ವಿಡಿಯೋ ನಂಬಿ ಇಂಗು ತಿಂದ ಮಂಗನಂತಾದ್ರು ‘ನಾಯಕರು’ ; ಸದನದಲ್ಲಿ ತಿಮರೋಡಿ ಬಂಧನಕ್ಕೆ ಒಕ್ಕೊರಳ ಆಗ್ರಹ, ಕ್ರಮಕ್ಕೆ ಸೂಚಿಸಿದ್ದೇನೆಂದ ಗೃಹ ಸಚಿವ, ವಕಾಲತ್ತು ವಹಿಸಿ ಬೇಸ್ತು ಬಿದ್ದ ಬಿಜೆಪಿ ಶಾಸಕರು! | Unidentified Girl Body Found, Dharmasthala, RTI: ಧರ್ಮಸ್ಥಳ ಸ್ನಾನಘಟ್ಟದ ಬಳಿ 15 ವರ್ಷದ ಅಪರಿಚಿತ ಹುಡುಗಿಯ ಶವ ; ಮೃತದೇಹ ಸಿಕ್ಕ ದಿನವೇ ವಿಲೇವಾರಿ, ಪೊಲೀಸರ ನಿರ್ಲಕ್ಷ್ಯ ಎತ್ತಿ ತೋರಿಸಿದ ಆರ್ಟಿಐ ಮಾಹಿತಿ | ಮುಖ್ಯ ಚುನಾವಣಾ ಆಯುಕ್ತರ ವಿರುದ್ಧ ಇಂಡಿಯಾ ಒಕ್ಕೂಟದಿಂದ ಮಹಾಭಿಯೋಗ ? ಬಿಹಾರ ಮತಪಟ್ಟಿ ಪರಿಷ್ಕರಣೆ, ಮತಗಳವು ಆರೋಪಕ್ಕೆ ಆಯೋಗದ ತಿರುಗೇಟು ಬೆನ್ನಲ್ಲೇ ಬಿರುಸಿನ ಚಟುವಟಿಕೆ |

ಪವರ್ ಸ್ಟಾರ್ ಟೀವಿ ಜರ್ನಿ ; ಕನ್ನಡದ ಕೋಟ್ಯಧಿಪತಿ ಟು ಫ್ಯಾಮಿಲಿ ಪವರ್ !

29-10-21 10:01 pm Bengaluru, HK Desk ಕರ್ನಾಟಕ

ಕನ್ನಡ ಚಿತ್ರರಂಗದ ಅಪ್ಪು ಬಾರದ ಲೋಕಕ್ಕೆ ಹೋಗಿದ್ದಾರೆ. ಆದರೆ, ತಮ್ಮ ಆರು ತಿಂಗಳ ಹಸುಗೂಸಿನಿಂದ ತೊಡಗಿ ಕನ್ನಡದ ಕೋಟ್ಯಧಿಪತಿಯಾಗಿ ಆರು ಕೋಟಿ ಕನ್ನಡಿಗರನ್ನು ಗೆದ್ದ ರಾಜಕುಮಾರನ ತನಕದ 46 ವರ್ಷಗಳ ತುಂಬು ಹರೆಯದ ಜರ್ನಿ ಕನ್ನಡ ಜನಮಾನಸದಲ್ಲಿ ರೆಕಾರ್ಡ್ ಆಗಿದೆ.

ಬೆಂಗಳೂರು, ಅ.29: ಕನ್ನಡ ಚಿತ್ರರಂಗದ ಅಪ್ಪು ಬಾರದ ಲೋಕಕ್ಕೆ ಹೋಗಿದ್ದಾರೆ. ಆದರೆ, ತಮ್ಮ ಆರು ತಿಂಗಳ ಹಸುಗೂಸಿನಿಂದ ತೊಡಗಿ ಕನ್ನಡದ ಕೋಟ್ಯಧಿಪತಿಯಾಗಿ ಆರು ಕೋಟಿ ಕನ್ನಡಿಗರನ್ನು ಗೆದ್ದ ರಾಜಕುಮಾರನ ತನಕದ 46 ವರ್ಷಗಳ ತುಂಬು ಹರೆಯದ ಜರ್ನಿ ಕನ್ನಡ ಜನಮಾನಸದಲ್ಲಿ ರೆಕಾರ್ಡ್ ಆಗಿದೆ. ಆರು ತಿಂಗಳ ಹಸುಗೂಸು ಆಗಿದ್ದ ಪುನೀತ್, ತಂದೆ ರಾಜಕುಮಾರ್ ಅಭಿನಯಿಸಿದ್ದ ಪ್ರೇಮದ ಕಾಣಿಕೆ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಅದೇ ಮೊದಲು ಆನಂತರದ ಸಿನಿ ಜರ್ನಿಯಲ್ಲಿ ಅವರು ಹಿಂತಿರುಗಿದ್ದೇ ಇಲ್ಲ. ಹಾಡುಗಾರನಾಗಿ, ನಟನಾಗಿ, ಚಿತ್ರ ನಿರ್ಮಾಪಕನಾಗಿ, ಅನಾಥರು, ವೃದ್ಧರಿಗೆ ಮಿಡಿಯುವ ಹೃದಯವಂತನಾಗಿ, ಗೋವುಗಳ ಆರಾಧಕನಾಗಿ ಹೀಗೆ ಅವರು ತಮ್ಮ 46 ವರ್ಷದ ಜೀವನ ಪಯಣದಲ್ಲಿ ಮಾಡಿದ ಪಾತ್ರಗಳು ಹಲವಾರು.

ಇಂಥ ಪುನೀತ್, ಟಿವಿಯಲ್ಲೂ ಕಾಣಿಸಿಕೊಂಡು ಸೈ ಎನಿಸಿದ್ದರು. ಹಿಂದಿ ಭಾಷೆಯಲ್ಲಿ ಬಿಗ್ ಬಿ ಅಮಿತಾಬ್ ಬಚ್ಚನ್ ನಡೆಸಿಕೊಡುತ್ತಿದ್ದ ಕೌನ್ ಬನೇಗಾ ಕರೋಡ್ ಪತಿ ಕಾರ್ಯಕ್ರಮದ ಪಡಿಯಚ್ಚನ್ನು ಕನ್ನಡದಲ್ಲೂ ಮಾಡಿ, ಆಕರ್ಷಣೆ ಮೂಡಿಸಿದ್ದು ಪುನೀತ್. 2017ರಲ್ಲಿ ಕಲರ್ಸ್ ವಾಹಿನಿಯಲ್ಲಿ ಕನ್ನಡದ ಕೋಟ್ಯಧಿಪತಿ ಮೊದಲ ಸೀಸನ್ ಬಂದಿತ್ತು. ಅದನ್ನು ನಡೆಸಿಕೊಟ್ಟು ಕನ್ನಡ ಜನಮಾನಸದಲ್ಲಿ ಪುನೀತ್ ಹೊಸ ಛಾಪು ಮೂಡಿಸಿದ್ದರು.

ಕೋಟ್ಯಧಿಪತಿ ಕ್ವಿಜ್ ಕಾರ್ಯಕ್ರಮದ ಎರಡನೇ ಸೀಸನಲ್ಲಿಯೂ ಪುನೀತ್ ಆತಿಥ್ಯ ವಹಿಸಿಕೊಂಡಿದ್ದರು. ಕನ್ನಡದಲ್ಲಿ ಅಪಾರ ಜನಮನ್ನಣೆ ಗಳಿಸಿದ್ದ ಕಾರ್ಯಕ್ರಮ ಅದಾಗಿತ್ತು. ಮೂರನೇ ಸೀಸನಲ್ಲಿ ರಮೇಶ್ ಅರವಿಂದ್ ಇದೇ ಕಾರ್ಯಕ್ರಮ ನಡೆಸಿದ್ದರು. ಆನಂತರ, 2019ರಲ್ಲಿ ಮತ್ತೆ ಪುನೀತ್ ರಾಜ್ ಕುಮಾರ್ ಅವರೇ ಕನ್ನಡದ ಕೋಟ್ಯಧಿಪತಿ ನಡೆಸಿಕೊಟ್ಟಿದ್ದರು.

ಕನ್ನಡದ ಕೋಟ್ಯಧಿಪತಿ ಸೂಪರ್ ಹಿಟ್ ಆದಬಳಿಕ ಕಲರ್ಸ್ ವಾಹಿನಿಯವರೇ ಪುನೀತ್ ಅವರನ್ನು ಕರೆತಂದು ಫ್ಯಾಮಿಲಿ ಪವರ್ ಎನ್ನುವ ವಿಶಿಷ್ಟ ರಿಯಾಲಿಟಿ ಶೋ ನಡೆಸಿದ್ದರು. 2017ರ ನವೆಂಬರ್ ನಿಂದ 2018ರ ಎಪ್ರಿಲ್ ವರೆಗೆ ನಿರಂತರವಾಗಿ ನಡೆದುಬಂದಿದ್ದ ಕಾರ್ಯಕ್ರಮವೂ ಹಿಟ್ ಆಗಿತ್ತು. ಪವರ್ ಸ್ಟಾರ್ ಆನಂತರ, ಟೀವಿ ಕಾರ್ಯಕ್ರಮಗಳ ನಿರ್ಮಾಣದಲ್ಲಿಯೂ ತೊಡಗಿಸಿದ್ದರು. ಪುನೀತ್ ಟಿವಿ ಶೋ ನೇತ್ರಾವತಿ ಉದಯ ಟಿವಿಯಲ್ಲಿ ಪ್ರಸಾರವಾಗುತ್ತಿತ್ತು.

ಕನ್ನಡ ಚಿತ್ರರಂಗದಲ್ಲಿ ಅತಿ ಹೆಚ್ಚು ಅಭಿಮಾನಿಗಳನ್ನು ಹೊಂದಿರುವ ಸೆಲೆಬ್ರಿಟಿಯಾಗಿದ್ದ ಪುನೀತ್ ರಾಜಕುಮಾರ್ ತಂದೆಯ ರೀತಿಯಲ್ಲೇ ಅಭಿಮಾನಿಗಳನ್ನು ಪ್ರೀತಿಸುತ್ತಿದ್ದರು. ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ಅಣ್ಣಾವ್ರ ರೀತಿಯಲ್ಲೇ ಅತ್ಯಂತ ವಿಭಿನ್ನ ರೀತಿಯಲ್ಲಿ ಅಭಿಮಾನಿಗಳ ಆದರಕ್ಕೆ ಪಾತ್ರರಾಗಿದ್ದರು. ಪುನೀತ್ ಇನ್ ಸ್ಟಾ ಗ್ರಾಮ್ ಒಂದರಲ್ಲೇ 1.5 ಮಿಲಿಯನ್ ಫಾಲೋವರ್ ಗಳನ್ನು ಹೊಂದಿದ್ದು ಅವರ ಜನಪ್ರಿಯತೆಗೆ ಸಾಕ್ಷಿಯಾಗಿತ್ತು.

Kannada actor Puneeth Rajkumar passed away at the age of 46 today, October 29, after suffering a heart attack. The actor, who is known for his films Appu and Bettada Hoovu. The 46-year-old actor, who made his acting debut when he was six months old in the thriller film Premada Kanike, was first seen on TV as a host in 2017.