ಕಾಂಗ್ರೆಸಿಗರು ತಾಲಿಬಾನಿಗರ ರೀತಿ ಕುರುಡು ಸಿದ್ಧಾಂತ ಅನುಸರಿಸುತ್ತಿದ್ದಾರೆ, ಕಾಂಗ್ರೆಸನ್ನು ಬಹುಸಂಖ್ಯಾತರು ನಂಬುವುದಿಲ್ಲ !

ಬ್ರೇಕಿಂಗ್ ನ್ಯೂಸ್

Mangalore, Robbery, Crime : ಕೊಲ್ಯದ ಜಾಯ್ ಲ್ಯಾಂಡ್, ಕೋಟೆಕಾರಿನ ಶಾಲೆಗಳಿಗೆ ಕನ್ನ ; ಸಿಸಿಟಿವಿ ತಿರುಚಿ ಬೀಗ ಮುರಿದ ಚಾಲಾಕಿ ಕಳ್ಳರು, ಕಚೇರಿಯಲ್ಲಿ ತಡಕಾಡಿ ಮಕ್ಕಳ ಪಿಕ್ನಿಕ್ ಶುಲ್ಕ ದೋಚಿ ಪರಾರಿ | ರಸ್ತೆ ಬದಿ ಮಲಗಿದ್ದ ಅಲೆಮಾರಿ ಗುಂಪಿನ ಮೇಲಿಂದ ಹರಿದ ಟಿಂಬರ್ ಲಾರಿ, ಇಬ್ಬರು ಮಕ್ಕಳ ಸಹಿತ ಐವರು ಮೃತ್ಯು | Naxal, Vikarm Gowda, Fake Encounter, Number, Muneer Katipalla: ನಕ್ಸಲ್ ವಿಕ್ರಂ ಗೌಡನದ್ದು ಎನ್ಕೌಂಟರ್ ಅಲ್ಲ, ಪೊಲೀಸರ ಯೋಜಿತ ಹತ್ಯೆ, ಎಲ್ಲೋ ಬಂಧಿಸಿ ತಂದು ಗುಂಡು ಹಾರಿಸಿ ಕೊಂದಿದ್ದಾರೆ ; ಮುನೀರ್ ಕಾಟಿಪಳ್ಳ ಆರೋಪ |

ಕಾಂಗ್ರೆಸಿಗರು ತಾಲಿಬಾನಿಗರ ರೀತಿ ಕುರುಡು ಸಿದ್ಧಾಂತ ಅನುಸರಿಸುತ್ತಿದ್ದಾರೆ, ಕಾಂಗ್ರೆಸನ್ನು ಬಹುಸಂಖ್ಯಾತರು ನಂಬುವುದಿಲ್ಲ !

03-01-22 11:56 am HK Desk news ಕರ್ನಾಟಕ

ತಾಲಿಬಾನ್ ಸಿದ್ಧಾಂತ ಎನ್ನುವುದು ಧಾರ್ಮಿಕ ಕುರುಡುತನ. ಅಲ್ಪಸಂಖ್ಯಾತರ ಮತದ ಮೇಲೆ ಕಣ್ಣಿಟ್ಟುಕೊಂಡು ಕಾಂಗ್ರೆಸ್ ಈ ರೀತಿಯ ಕುರುಡುತನವನ್ನು ಪ್ರದರ್ಶಿಸುತ್ತಿದೆ. ಕಾಂಗ್ರೆಸಿಗರ ವರ್ತನೆಯನ್ನು ನೋಡಿದರೆ ತಾಲಿಬಾನಿಗರ ರೀತಿಯೇ ಕಾಣುತ್ತದೆ.

ಬೆಂಗಳೂರು, ಜ.3 : ತಾಲಿಬಾನ್ ಸಿದ್ಧಾಂತ ಎನ್ನುವುದು ಧಾರ್ಮಿಕ ಕುರುಡುತನ. ಅಲ್ಪಸಂಖ್ಯಾತರ ಮತದ ಮೇಲೆ ಕಣ್ಣಿಟ್ಟುಕೊಂಡು ಕಾಂಗ್ರೆಸ್ ಈ ರೀತಿಯ ಕುರುಡುತನವನ್ನು ಪ್ರದರ್ಶಿಸುತ್ತಿದೆ. ಕಾಂಗ್ರೆಸಿಗರ ವರ್ತನೆಯನ್ನು ನೋಡಿದರೆ ತಾಲಿಬಾನಿಗರ ರೀತಿಯೇ ಕಾಣುತ್ತದೆ. ಈ ರೀತಿಯ ವರ್ತನೆಯಿಂದಾಗಿ ಬಹುಸಂಖ್ಯಾತ ಹಿಂದುಗಳು ಕಾಂಗ್ರೆಸನ್ನು ನಂಬುವ ಸ್ಥಿತಿಯಲ್ಲಿ ಇಲ್ಲ ಎಂದು ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಸಿ.ಟಿ.ರವಿ ಹೇಳಿದ್ದಾರೆ.

ಈ ಬಗ್ಗೆ ಮಾಧ್ಯಮಕ್ಕೆ ಪ್ರತಿಕ್ರಿಯೆ ನೀಡಿರುವ ಸಿ.ಟಿ.ರವಿ, ಕಾಂಗ್ರೆಸ್ ಪಕ್ಷವು ಬಹುಸಂಖ್ಯಾತರ ಭಾವನೆಗಳಿಗೆ ಒಂದಂಶದ ಗೌರವವನ್ನೂ ನೀಡುತ್ತಿಲ್ಲ. ಕಾಂಗ್ರೆಸ್ ಹಳೆಯ ಸಾಮ್ರಾಜ್ಯಶಾಹಿ ಪದ್ಧತಿಯಲ್ಲೇ ಇದ್ದು, ಪ್ರಭುತ್ವದಿಂದ ಆಳಲ್ಪಡುತ್ತಿದೆ. ಕಾಲಕ್ಕೆ ತಕ್ಕಂತೆ ಬದಲಾಗುವ ಮಾನಸಿಕತೆಯನ್ನೂ ಬೆಳೆಸಿಕೊಳ್ಳದೆ ಹಳ್ಳ ಹಿಡಿದಿದೆ. ಬಿಜೆಪಿಯ ಪ್ರತಿ ನಡೆಯನ್ನು ವಿರೋಧಿಸುವುದನ್ನೇ ಕಾಂಗ್ರೆಸಿಗರು ಹವ್ಯಾಸ ಮಾಡಿಕೊಂಡಿರುವುದು ದುರದೃಷ್ಟಕರ ಎಂದು ಹೇಳಿದರು.

ಈವತ್ತಿನ ಕಾಂಗ್ರೆಸ್ ಅನ್ನುವುದು ಹಳೆಯ ಮಹಾತ್ಮ ಗಾಂಧಿ ಇದ್ದಾಗಿನ ಕಾಂಗ್ರೆಸ್ ಆಗಿ ಉಳಿದಿಲ್ಲ. ಈಗ ಇರುವುದು ಸೋನಿಯಾ ಗಾಂಧಿ ಪ್ರಣೀತ ಕಾಂಗ್ರೆಸ್. ಇತ್ತೀಚಿನ ಚುನಾವಣಾ ಫಲಿತಾಂಶಗಳನ್ನು ನೋಡಿಯಾದರೂ ಕಾಂಗ್ರೆಸಿಗರು, ತಮ್ಮ ನಿಲುವುಗಳನ್ನು ಬದಲಿಸಿಕೊಳ್ಳಬೇಕಿತ್ತು. ತಮ್ಮದೇ ನಿಲುವುಗಳನ್ನು ತೋರಿಸುತ್ತಾ ಮುನ್ನಡೆದರೆ, ಜನರೇ ಅವರಿಗೆ ಪಾಠ ಕಲಿಸುತ್ತಾರೆ. ಕಾಂಗ್ರೆಸಿಗರ ಭ್ರಷ್ಟಾಚಾರ, ಒಡೆದಾಳುವ ನೀತಿಯನ್ನು ಇಂದಿನ ಜನರು ಒಪ್ಪಿಕೊಳ್ಳವುದಿಲ್ಲ ಎಂದರು ಸಿಟಿ ರವಿ.

ಸ್ವಾತಂತ್ರ್ಯ ಬಂದು 75 ವರ್ಷಗಳಾದರೂ, ಸರಕಾರ ದೇಗುಲದ ಆದಾಯಕ್ಕೆ ಕಣ್ಣು ಹಾಕುವುದು, ಅದರ ಮೇಲೆ ಪ್ರಭುತ್ವ ಸಾಧಿಸುವುದು ಅಂದರೆ, ಸ್ವಾತಂತ್ರ್ಯದ ಕಲ್ಪನೆಯನ್ನೇ ವಿರೋಧಿಸಿದಂತೆ. ಕೆಪಿಸಿಸಿ ಅಧ್ಯಕ್ಷ ಡಿಕೆಶಿಯವರು ದೇಗುಲದ ಮೇಲೆ ಕೈಯಿಟ್ಟರೆ ಬಿಜೆಪಿಯವರು ಭಸ್ಮವಾಗಲಿದ್ದಾರೆ ಎಂದಿದ್ದಾರೆ. ಆದರೆ, ಅವರಿಗೆ ಒಂದು ಹೇಳಬೇಕಾಗುತ್ತದೆ. ಈಗಲೇ ಸಿಬಿಐ, ಇಡಿಗಳಿಂದ ತನಿಖೆ ಎದುರಿಸುತ್ತಿರುವ ಡಿಕೆಶಿಯವರೇ ಭಸ್ಮಾಸುರ ಇದ್ದಂತೆ. ಯಾರ ತಲೆ ಮೇಲೆ ಕೈಯಿಟ್ಟರೂ ಭಸ್ಮ ಆಗುತ್ತಿದ್ದಾರೆ. ಜೊತೆಗಿದ್ದವರೇ ಕೈಬಿಟ್ಟು ಹೋಗುತ್ತಿದ್ದಾರೆ. ಇನ್ನು ತನ್ನದೇ ತಲೆ ಮೇಲೆ ಕೈಯಿಡುವ ಸ್ಥಿತಿ ಬರಲಿದೆ, ತನ್ನನ್ನೇ ಭಸ್ಮ ಮಾಡಿಕೊಳ್ಳಲಿದ್ದಾರೆ ಎಂದು ವ್ಯಂಗ್ಯವಾಡಿದರು.

“The ideology of Taliban is religious blindness. Congress follows blindness for the sake of minority votes. The attitude of Congress is in line of Taliban. Majority Hindus are not in a position to believe Congress,” said National chief secretary of BJP C T Ravi. Speaking at a press conference in the city on Sunday, Ravi said, “Congress party is not giving an ounce of respect to the feelings of majority. The party which is led by dynasty, does not have the mental status of changing according to times. It is unfortunate that Congress has the habit of opposing every change the BJP tries to implement.