ಹಿಜಾಬ್ ಹಾಕದವರ ಮೇಲೆಲ್ಲಾ ಅತ್ಯಾಚಾರ ಆಗಿದ್ಯಾ..? ಇವರಿಗೆ ಹಿಜಾಬ್ ಪ್ರಶ್ನೆಯಲ್ಲ, ಖುರಾನ್, ಷರೀಯತ್ ಹೇರುತ್ತಿದ್ದಾರೆ !

ಬ್ರೇಕಿಂಗ್ ನ್ಯೂಸ್

Lokayukta, Dinesh Gundu Rao: ಜಮೀರ್ ಅಹ್ಮದ್ ಅಕ್ರಮ ಆಸ್ತಿ ತನಿಖೆ ; ಪಾಲುದಾರ ದಿನೇಶ್ ಗುಂಡೂರಾವ್ ತನಿಖೆಗೆ ಲೋಕಾಯುಕ್ತ ನೋಟಿಸ್ | Nanjegowda MLA, Malur: ಮಾಲೂರು ಕಾಂಗ್ರೆಸ್ ಶಾಸಕ ನಂಜೇಗೌಡ ಶಾಸಕ ಸ್ಥಾನದಿಂದ ಅನರ್ಹ ; ಮರು ಮತ ಎಣಿಕೆಗೆ ಹೈಕೋರ್ಟ್ ಆದೇಶ, ಚುನಾವಣೆ ತಕರಾರು ಅರ್ಜಿಯಲ್ಲಿ ಕೋರ್ಟ್ ತೀರ್ಪು | Vijayapura Bank Robbery: ಮಹಾರಾಷ್ಟ್ರ ಗಡಿಭಾಗದ ವಿಜಯಪುರದಲ್ಲಿ ಮತ್ತೆ ಭಾರೀ ಪ್ರಮಾಣದ ಬ್ಯಾಂಕ್ ರಾಬರಿ ; ಬ್ಯಾಂಕ್ ಸಿಬಂದಿ ಕಟ್ಟಿಹಾಕಿ 8 ಕೋಟಿ ನಗದು, 50 ಕೇಜಿ ಚಿನ್ನಾಭರಣ ಲೂಟಿ, ಜನನಿಬಿಡ ಪ್ರದೇಶದಲ್ಲೇ ಮುಸುಕುಧಾರಿಗಳ ಕೃತ್ಯ ! |

ಹಿಜಾಬ್ ಹಾಕದವರ ಮೇಲೆಲ್ಲಾ ಅತ್ಯಾಚಾರ ಆಗಿದ್ಯಾ..? ಇವರಿಗೆ ಹಿಜಾಬ್ ಪ್ರಶ್ನೆಯಲ್ಲ, ಖುರಾನ್, ಷರೀಯತ್ ಹೇರುತ್ತಿದ್ದಾರೆ !

14-02-22 04:06 pm HK Desk news ಕರ್ನಾಟಕ

ಹಿಜಾಬ್ ಧರಿಸದೇ ಇರೋದ್ರಿಂದ ಮಹಿಳೆಯರ ಮೇಲೆ ರೇಪ್ ಆಗುತ್ತಿದೆ ಎಂಬ ಮಾಜಿ ಸಚಿವ ಜಮೀರ್ ಅಹಮ್ಮದ್ ಹೇಳಿಕೆಗೆ ಶ್ರೀರಾಮ ಸೇನೆ ಮುಖಂಡ ಪ್ರಮೋದ ಮುತಾಲಿಕ್ ಕಿಡಿಕಾರಿದ್ದಾರೆ. ಜಮೀರ ಅಹಮ್ಮದ್ ಅವರದ್ದು ಅತ್ಯಂತ ನಿರ್ಲಜ್ಜದ ಹೇಳಿಕೆ.

ಬಾಗಲಕೋಟ, ಫೆ.14 : ಹಿಜಾಬ್ ಧರಿಸದೇ ಇರೋದ್ರಿಂದ ಮಹಿಳೆಯರ ಮೇಲೆ ರೇಪ್ ಆಗುತ್ತಿದೆ ಎಂಬ ಮಾಜಿ ಸಚಿವ ಜಮೀರ್ ಅಹಮ್ಮದ್ ಹೇಳಿಕೆಗೆ ಶ್ರೀರಾಮ ಸೇನೆ ಮುಖಂಡ ಪ್ರಮೋದ ಮುತಾಲಿಕ್ ಕಿಡಿಕಾರಿದ್ದಾರೆ. ಜಮೀರ ಅಹಮ್ಮದ್ ಅವರದ್ದು ಅತ್ಯಂತ ನಿರ್ಲಜ್ಜದ ಹೇಳಿಕೆ. ಇಡೀ ಮಹಿಳಾ ಸಮುದಾಯಕ್ಕೆ ಅವಮಾನ ಮಾಡುವ ಸಂಗತಿಯಾಗಿದೆ ಎಂದು ಹೇಳಿದ್ದಾರೆ.

ಈ ದೇಶದಲ್ಲಿ ಹಿಂದು ಮಹಿಳೆಯರು ಹಿಜಾಬ್ ಇಲ್ಲದೇ ಜೀವನ ಮಾಡ್ತಾ ಇದ್ದಾರೆ. ಇವರ ಹೇಳಿಕೆ ಪ್ರಕಾರ ಹಿಜಾಬ್ ಇಲ್ಲದ ಮುಸ್ಲಿಂ ಮಹಿಳೆಯರ ಮೇಲೆಲ್ಲಾ ಅತ್ಯಾಚಾರಗಳಾಗಿವೆಯಾ? ಮಾತನಾಡ ಬೇಕಾದ್ರೆ ನಾಲಿಗೆ ಬಿಗಿ ಹಿಡಿದು ಮಾತನಾಡಬೇಕು. ಸಮಾಜಕ್ಕೆ ಒಂದು ಒಳ್ಳೆಯ ಸಂದೇಶ ಕೊಡಿ. ಅದು ಬಿಟ್ಟು ಹಿಜಾಬ್ ಸಮರ್ಥನೆ ಮಾಡಿಕೊಳ್ಳುವುದಕ್ಕೆ ಅದನ್ನ ಅತ್ಯಾಚಾರಕ್ಕೆ ಜೋಡಿಸುತ್ತೀರಿ ಎಂದ್ರೆ ನಾನು ಖಂಡಿಸುತ್ತೇನೆ ಎಂದು ಪ್ರಮೋದ್ ಮುತಾಲಿಕ್ ಜಮಖಂಡಿಯಲ್ಲಿ ಮುತಾಲಿಕ್ ಹೇಳಿಕೆ ನೀಡಿದ್ದಾರೆ. ‌

ಹಿಜಾಬ್ ಕುರಿತ ಹಿಡನ್ ಅಜೆಂಡಾ ಹೊರಗಡೆ ಬಂದಿದೆ. ಇದು ಅಂತರಾಷ್ಟ್ರೀಯ ಮಟ್ಟದಲ್ಲಿ ಚರ್ಚೆಯಾಗುತ್ತಿರುವುದು ದುರದೃಷ್ಟಕರ ಸಂಗತಿ. ಆದ್ರೆ ಇದು ಬರೀ ಹಿಜಾಬ್ ಪ್ರಶ್ನೆ ಅಲ್ಲ. ಇದು ಒಂದು ಬಟ್ಟೆಯ ಪ್ರಶ್ನೆ. ಇದರ ಹಿಂದೆ ಇಸ್ಲಾಂ‌‌ ಇದೆ. ಸದ್ಯ ವಿಚಾರ ನ್ಯಾಯಾಲಯದಲ್ಲಿದೆ. ಹೈಕೋರ್ಟನಿಂದ ಹಿಜಾಬ್ ವಿರುದ್ಧ ತೀರ್ಪು ಬಂದ್ರೂ ಇವರು ವಿರೋಧಿಸುತ್ತಾರೆ. ಅವರಿಗೆ ಸಂವಿಧಾನ, ಕೋರ್ಟು, ನ್ಯಾಯ ಅನ್ನುವಂತದ್ದಿಲ್ಲ. ಅವರಿಗೆ ಖುರಾನ, ಶರಿಯತ್ತು ಮಾತ್ರ ಫೈನಲ್. ಇವರ ಒಳಗಿನ ಮರ್ಮ ಈಗ ಹೊರಗೆ ಬಂದಿದೆ. ಹಿಂದು ಸಮಾಜ, ಸರ್ಕಾರ, ರಾಜಕೀಯದವರು‌ ಇದನ್ನು ಗಂಭೀರವಾಗಿ ತೆಗೆದುಕೊಳ್ಳಬೇಕು. ಈವತ್ತು ಹಿಜಾಬ್, ನಾಳೆ ನಮಾಜ್, ಮಸೀದಿ, ಮೈಕು ಒಂದೊಂದಾಗಿ ಆಕ್ರಮಿಸಿಕೊಳ್ಳುತ್ತವೆ. ಈ ರೀತಿಯ ಮಾನಸಿಕತೆ ಡೇಂಜರಸ್ ಎಂದು ಮುತಾಲಿಕ್ ಹೇಳಿದರು.

ಕಾಂಗ್ರೆಸ್ಸಿನವರಿಗೆ ಮಾನ ಮರ್ಯಾದೆ ಇಲ್ಲ. ಹಿಜಾಬ್ ಬಗ್ಗೆ ನಮ್ಮದೇನು‌ ಇಲ್ಲಾಂತಾರೆ ಕಾಂಗ್ರೆಸಿಗರು. ಸುಪ್ರೀಂ ಕೋರ್ಟ್ ಗೆ ತೆಗೆದುಕೊಂಡು ಹೋಗಿದ್ದೇ ರಾಷ್ಟ್ರೀಯ ಯೂತ್ ಕಾಂಗ್ರೆಸ್ ಅಧ್ಯಕ್ಷ. ಇವರಿಗೆ ಮುಸ್ಲಿಂ ಓಟ್ ಮುಖ್ಯ. ಸಮವಸ್ತ್ರ ಮುಖ್ಯವಲ್ಲ. ಕಾಂಗ್ರೆಸ್ಸಿಗರಿಗೆ ಹಿಜಾಬ್ ಮುಖ್ಯ ಹೊರತಾಗಿ ಕಿತಾಬ್ ಮುಖವಲ್ಲ ಎನ್ನುವ ಸಂದೇಶ ಜನಸಾಮಾನ್ಯರಲ್ಲಿ ಹೋಗಿದೆ. ಕಾಂಗ್ರೆಸ್‌ ಈಗಿನ ಸ್ಥಿತಿ‌ ಏನಿದೆಯೋ, ಅದಕ್ಕಿಂತಲೂ ಕೆಳಮಟ್ಟಕ್ಕೆ ಹೋಗ್ತಾರೆ ಎಂದು ಹೇಳಿದರು.

ಹಿಜಾಬ್ ಹಾಕದೇ ಇರೋದ್ರಿಂದ ರೇಪ್ ಹೆಚ್ತಿದೆ, ನಮ್ಮಲ್ಲಿ ಐದು ಬಾರಿ ನಮಾಜ್ ಮಾಡಬೇಕೆಂದಿದೆ, ಯಾರು ಮಾಡ್ತಾರೆ ; ಜಮೀರ್ ಅಹ್ಮದ್

Pramod Muthalik slams Zameer Ahmed for statement made on Hijab in Dharwad. Amid the ongoing row over hijab in Karnataka, state Congress leader Zameer Ahmed on Sunday claimed that India records highest number of rape cases because women don't do "purdah" or veil their face. In a video shared by news agency ANI, Ahmed could be seen as saying, "The concept of hijab is to keep girls, when they grow up, behind a 'purdah' [veil] to hide their beauty. Their beauty should not be visible. I think India has the highest number of rape cases in the world. It is because the women are not doing 'purdah'."