ಪೊಲೀಸರ ಸೋಗಿನಲ್ಲಿ ಪ್ರಧಾನಿ ಮೋದಿಯತ್ತ ಆತ್ಮಹತ್ಯಾ ದಾಳಿ ; ಗುಪ್ತಚರ ಏಜನ್ಸಿ ಎಚ್ಚರಿಕೆ

ಬ್ರೇಕಿಂಗ್ ನ್ಯೂಸ್

Udupi Husband wife Death, Lawrence Dsa: ಒಂದೇ ದಿನ ಅಂತರದಲ್ಲಿ ಸಾವನ್ನಪ್ಪಿದ ಪತಿ- ಪತ್ನಿ ; ಉದ್ಯಾವರದಲ್ಲಿ ದಂಪತಿ ದುರಂತ ಸಾವು | Bangalore crime, Murder, Assam, Arrest: ಲವ್ ಮಾಡಿದವಳನ್ನೇ ಕೊಂದೆ ಬಿಟ್ಟ ಕಣ್ಣೂರು ಮೂಲದ ಕೇರಳ ಕುಟ್ಟಿ ; ಡೇಟಿಂಗ್‌ ಆ್ಯಪ್‌ನಲ್ಲಿ ಸ್ನೇಹ, ಅಪಾರ್ಟ್‌ಮೆಂಟ್‌ನಲ್ಲಿ ಹೆಣ, ಕೊಲೆಗೆ ಇದೇ ಕಾರಣ ! | Kasaragod news, Burkha, Mangalore Crime: ಬುರ್ಖಾ ಹಾಕಿ ಮುಸ್ಲಿಂ ಯುವತಿಯರ ಜೊತೆಗಿದ್ದ ಯುವಕ ; ಕುಂಬಳೆ ಪೇಟೆಯಲ್ಲಿ ಆರೋಪಿಗೆ ಬಿತ್ತು ಗೂಸಾ |

ಪೊಲೀಸರ ಸೋಗಿನಲ್ಲಿ ಪ್ರಧಾನಿ ಮೋದಿಯತ್ತ ಆತ್ಮಹತ್ಯಾ ದಾಳಿ ; ಗುಪ್ತಚರ ಏಜನ್ಸಿ ಎಚ್ಚರಿಕೆ

19-10-22 06:54 pm HK News Desk ದೇಶ - ವಿದೇಶ

ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರನ್ನು ಗುರಿಯಾಗಿಸಿ ಆತ್ಮಹತ್ಯಾ ಬಾಂಬ್ ದಾಳಿ ನಡೆಸಲು ಪಾಕಿಸ್ಥಾನದ ಐಎಸ್ಐ ಸಂಚು ಹೂಡಿದೆ ಎಂದು ಗುಪ್ತಚರ ಏಜನ್ಸಿಗಳು ಎಲರ್ಟ್ ಸೂಚನೆ ನೀಡಿವೆ.

ನವದೆಹಲಿ, ಅ.19 : ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರನ್ನು ಗುರಿಯಾಗಿಸಿ ಆತ್ಮಹತ್ಯಾ ಬಾಂಬ್ ದಾಳಿ ನಡೆಸಲು ಪಾಕಿಸ್ಥಾನದ ಐಎಸ್ಐ ಸಂಚು ಹೂಡಿದೆ ಎಂದು ಗುಪ್ತಚರ ಏಜನ್ಸಿಗಳು ಎಲರ್ಟ್ ಸೂಚನೆ ನೀಡಿವೆ. ಮೋದಿ ನಡೆಸುವ ಸಾರ್ವಜನಿಕ ಕಾರ್ಯಕ್ರಮದಲ್ಲಿ ಪೊಲೀಸರ ಸೋಗಿನಲ್ಲಿ ಆತ್ಮಹತ್ಯಾ ಬಾಂಬರ್ ಗಳು ನುಗ್ಗಲಿದ್ದಾರೆ ಎಂದು ಗುಪ್ತಚರ ಮೂಲಗಳನ್ನು ಉಲ್ಲೇಖಿಸಿ ನ್ಯೂಸ್ 18 ಹಿಂದಿ ವಾಹಿನಿ ವರದಿ ಮಾಡಿದೆ.

ಮುಂದಿನ ವಾರದಲ್ಲಿ ಪ್ರಧಾನಿ ಮೋದಿ ಗುಜರಾತ್, ಉತ್ತರಾಖಂಡ ಮತ್ತು ಉತ್ತರ ಪ್ರದೇಶದಲ್ಲಿ ಸಾರ್ವಜನಿಕ ರ್ಯಾಲಿ ನಡೆಸಲಿದ್ದು, ಅದೇ ಸಂದರ್ಭದಲ್ಲಿ ಆತ್ಮಹತ್ಯಾ ಬಾಂಬ್ ದಾಳಿ ನಡೆಸಲು ಪಾಕಿಸ್ಥಾನದ ಐಎಸ್ಐ, ಲಷ್ಕರ್ ಇ-ತೊಯ್ಬಾ ಉಗ್ರರಿಗೆ ಟಾರ್ಗೆಟ್ ನೀಡಿದೆ ಎಂದು ಗುಪ್ತಚರ ದಳ ಮಾಹಿತಿ ನೀಡಿದೆ. ಮೋದಿ ಕಾರ್ಯಕ್ರಮಕ್ಕೆ ಪೊಲೀಸರ ಸಮವಸ್ತ್ರ ಧರಿಸಿ ಉಗ್ರರು ನುಗ್ಗಲಿದ್ದಾರೆ ಎನ್ನುವ ಮಾಹಿತಿಗಳಿದ್ದು, ಈ ಬಗ್ಗೆ ಅಲರ್ಟ್ ಇರುವಂತೆ ಸೂಚನೆ ನೀಡಿದೆ.

ಪಾಕಿಸ್ಥಾನದ ಗುಪ್ತಚರ ಏಜನ್ಸಿ ಐಎಸ್ಐ, ಭಾರತದ ಪ್ರಮುಖ ನಾಯಕರನ್ನು ಈ ಮೊದಲೇ ಕೊಲ್ಲಲು ಟಾರ್ಗೆಟ್ ಮಾಡಿತ್ತು. ಅದರಲ್ಲಿ ಮೊದಲ ಹೆಸರು ಮೋದಿಯದ್ದು ಇದೆ. ಉಗ್ರರು ಪೊಲೀಸರ ವೇಷದಲ್ಲಿಯೇ ಕಾರ್ಯಕ್ರಮದ ಸ್ಥಳಕ್ಕೆ ಸುಸೈಡ್ ಬಾಂಬ್ ಹೊತ್ತುಕೊಂಡು ಬರಲಿದ್ದಾರೆ ಎನ್ನುವ ಮಾಹಿತಿಯನ್ನು ಈ ಬಾರಿ ಗುಪ್ತಚರ ಏಜನ್ಸಿಗಳು ಸರಕಾರಕ್ಕೆ ತಲುಪಿಸಿದೆ. ಲಷ್ಕರ್ ಉಗ್ರರ ಸಂಭಾಷಣೆಯನ್ನು ಆಧರಿಸಿ ಗುಪ್ತಚರ ಏಜನ್ಸಿಗಳು ಈ ವರದಿ ಮಾಡಿದೆ ಎನ್ನಲಾಗುತ್ತಿದೆ.

ಪ್ರಧಾನಿ ಮೋದಿ ಗುಜರಾತ್ ಪ್ರವಾಸದಲ್ಲಿರುವಾಗಲೇ ಇಂಥ ಎಲರ್ಟ್ ಬಂದಿದ್ದು, ಪ್ರಧಾನಿಯ ಭದ್ರತೆಯನ್ನು ಮತ್ತಷ್ಟು ಹೆಚ್ಚಿಸುವ ಸಾಧ್ಯತೆಯಿದೆ. ಪ್ರಧಾನಿ ಮೋದಿ, ಅಮಿತ್ ಷಾ ಬಗ್ಗೆ ಇದಕ್ಕೂ ಹಿಂದೆಯೇ ಉಗ್ರರು ಟಾರ್ಗೆಟ್ ಮಾಡಿರುವುದು, ಪಾಕಿಸ್ಥಾನದ ಐಎಸ್ಐ ಟಾರ್ಗೆಟ್ ಮಾಡಿರುವುದು ವರದಿಯಾಗಿತ್ತು. ಈ ಬಾರಿ ಚುನಾವಣಾ ಪ್ರಚಾರಕ್ಕೆ ಮೋದಿ ಧುಮುಕುವ ಮೊದಲೇ ಇಂಥ ಎಚ್ಚರಿಕೆಯನ್ನು ಗುಪ್ತಚರ ಏಜನ್ಸಿಗಳು ನೀಡಿವೆ.

Ahead of Diwali, intelligence agencies have issued a high alert regarding the security of Prime Minister Narendra Modi. According to intelligence agencies, Prime Minister Narendra Modi is being targeted by Pakistani spy agency ISI and a conspiracy is being hatched to assassinate PM Modi. It is being told that terrorists may take entry in rally or road show to attack PM Modi.