ಗೋರಖನಾಥ ಮಂದಿರದ ಭದ್ರತಾ ಸಿಬಂದಿಗೆ ದಾಳಿ ನಡೆಸಿದ್ದ ಅಹ್ಮದ್ ಮುರ್ತಜಾಗೆ ಗಲ್ಲು ಶಿಕ್ಷೆ

ಬ್ರೇಕಿಂಗ್ ನ್ಯೂಸ್

ಎಲ್ಲ ಶಾಸಕರ ಕ್ಷೇತ್ರದ ಅಭಿವೃದ್ಧಿಗೆ ತಲಾ 50 ಕೋಟಿ ಅನುದಾನ ; ಹಣದ ಕೊರತೆ ಎಂದ ಬೆನ್ನಲ್ಲೇ ಸಿಎಂ ಸಿದ್ದರಾಮಯ್ಯ ಭಾರೀ ಗಿಫ್ಟ್ | ರಾಜ್ಯದಲ್ಲಿ ಪರಮಾಣು ಸ್ಥಾವರಕ್ಕೆ ಒಪ್ಪಿಗೆ ; ಮತ್ತೆ ಮೂರು ಉಷ್ಣ ಸ್ಥಾವರ ನಿರ್ಮಾಣಕ್ಕೆ ಪ್ರಸ್ತಾಪ, ಸ್ಥಳ ಗುರುತಿಸಲು ರಾಜ್ಯದಲ್ಲಿ ಅಧ್ಯಯನ, ಸಚಿವ ಸಂಪುಟ ಸಭೆ ನಿರ್ಣಯ | Thokottu, Mangalore: ತೊಕ್ಕೊಟ್ಟು ನಾಗರಿಕರ ಎಪ್ಪತ್ತೈದು ವರುಷಗಳ ಬೇಡಿಕೆ ಸಾಕಾರ ; ಒಳಪೇಟೆಗೆ ರೈಲ್ವೇ ಅಂಡರ್ ಪಾಸ್, ಉಳ್ಳಾಲ ಹೆಬ್ಬಾಗಿಲ ರೈಲ್ವೇ ಓವರ್ ಬ್ರಿಡ್ಜ್ ಸೇರಿ ಉಳ್ಳಾಲ ಬೈಲ್ ತನಕದ ರಸ್ತೆ ಅಗಲೀಕರಣ, ಸ್ಥಳ ಪರಿಶೀಲಿಸಿದ ಸ್ಪೀಕರ್ ಖಾದರ್ |

ಗೋರಖನಾಥ ಮಂದಿರದ ಭದ್ರತಾ ಸಿಬಂದಿಗೆ ದಾಳಿ ನಡೆಸಿದ್ದ ಅಹ್ಮದ್ ಮುರ್ತಜಾಗೆ ಗಲ್ಲು ಶಿಕ್ಷೆ

30-01-23 10:08 pm HK News Desk ದೇಶ - ವಿದೇಶ

ಉತ್ತರ ಪ್ರದೇಶದ ಗೋರಖನಾಥ ಮಂದಿರದ ಭದ್ರತಾ ಸಿಬಂದಿ ಮೇಲೆ ದಾಳಿ ಮಾಡಿದ್ದ ಅಹ್ಮದ್ ಮುರ್ತಜಾ ಅಬ್ಬಾಸಿಗೆ ಎನ್ಐಎ ವಿಶೇಷ ಕೋರ್ಟ್ ಮರಣ ದಂಡನೆ ಶಿಕ್ಷೆ ವಿಧಿಸಿದೆ.

ಲಕ್ನೋ, ಜ.30: ಉತ್ತರ ಪ್ರದೇಶದ ಗೋರಖನಾಥ ಮಂದಿರದ ಭದ್ರತಾ ಸಿಬಂದಿ ಮೇಲೆ ದಾಳಿ ಮಾಡಿದ್ದ ಅಹ್ಮದ್ ಮುರ್ತಜಾ ಅಬ್ಬಾಸಿಗೆ ಎನ್ಐಎ ವಿಶೇಷ ಕೋರ್ಟ್ ಮರಣ ದಂಡನೆ ಶಿಕ್ಷೆ ವಿಧಿಸಿದೆ.

ರಾಜ್ಯ ಕಾನೂನು ಸುವ್ಯವಸ್ಥೆ ವಿಭಾಗದ ಎಡಿಜಿಪಿ ಪ್ರಶಾಂತ್ ಕುಮಾರ್ ಮಾಧ್ಯಮಕ್ಕೆ ಹೇಳಿಕೆ ನೀಡಿದ್ದು ಆರೋಪಿಗೆ ಐಪಿಸಿ 121 ಪ್ರಕಾರ ಗಲ್ಲು ಶಿಕ್ಷೆ ವಿಧಿಸಲಾಗಿದೆ. ಪೊಲೀಸ್ ಸಿಬಂದಿಗೆ ಹಲ್ಲೆ ಮಾಡಿದ್ದಕ್ಕಾಗಿ ಐಪಿಸಿ 307 ಅಡಿ ಜೀವಾವಧಿ ಶಿಕ್ಷೆ ನೀಡಲಾಗಿದೆ ಎಂದು ತಿಳಿಸಿದ್ದಾರೆ.

ಗೋರಖನಾಥ ಮಂದಿರದಲ್ಲಿ ಭದ್ರತೆ ನೋಡಿಕೊಂಡಿದ್ದ ಸಶಸ್ತ್ರ ದಳದ ಸಿಬಂದಿಗೆ ಕಳೆದ ಎಪ್ರಿಲ್ ತಿಂಗಳಲ್ಲಿ ಕೈಯಲ್ಲಿ ಹರಿತ ಆಯುಧ ಇಟ್ಟುಕೊಂಡಿದ್ದ ಮುರ್ತಜಾ ಅಬ್ಬಾಸಿ ದಾಳಿ ನಡೆಸಿದ್ದ. ಆನಂತರ, ಭದ್ರತಾ ಸಿಬಂದಿ ಬೆನ್ನಟ್ಟಿ ಹಿಡಿದಿದ್ದರು. ಮುರ್ತಜಾ ಅಬ್ಬಾಸಿ ಕೆಮಿಕಲ್ ಇಂಜಿನಿಯರ್ ಪದವೀಧರನಾಗಿದ್ದು, ವಿಚಾರಣೆ ವೇಳೆ ಆತನಿಗೆ ಸಿರಿಯಾದ ಐಸಿಸ್ ಸಂಪರ್ಕ ಇರುವುದು ಪತ್ತೆಯಾಗಿತ್ತು. ಐಸಿಸ್ ಪರವಾಗಿ ಹೋರಾಡಲು ಹಣಕಾಸು ನೆರವನ್ನೂ ಪಡೆಯುತ್ತಿದ್ದ ಎನ್ನುವುದು ತಿಳಿದುಬಂದಿತ್ತು.

2015ರಲ್ಲಿ ಮುಂಬೈ ಐಐಟಿಯಲ್ಲಿ ಇಂಜಿನಿಯರಿಂಗ್ ಪೂರೈಸಿದ್ದ ಅಹ್ಮದ್ ಮುರ್ತಜಾ ಎರಡು ಕಂಪನಿಗಳಲ್ಲಿ ಕೆಲಸ ಮಾಡಿದ್ದ. ಆನಂತರ, 2017ರಲ್ಲಿ ಮಾನಸಿಕ ಅನಾರೋಗ್ಯಕ್ಕೆ ಒಳಗಾಗಿದ್ದ ಮುರ್ತಜಾಗೆ ಹಲವು ಡಾಕ್ಟರ್ ಗಳಿಗೆ ತೋರಿಸಿ ಚಿಕಿತ್ಸೆ ನೀಡಲಾಗಿತ್ತು ಎಂದು ಆತನ ಕುಟುಂಬಸ್ಥರು ತಿಳಿಸಿದ್ದರು. ಮದುವೆಯಾಗಿದ್ದರೂ, ಮಾನಸಿಕ ಅಸ್ವಸ್ಥನೆಂಬ ಕಾರಣಕ್ಕೆ ಪತ್ನಿ ಬಿಟ್ಟು ಹೋಗಿದ್ದಳು. 2022ರ ಎಪ್ರಿಲ್ ನಲ್ಲಿ ಗೋರಖನಾಥ ಮಂದಿರಕ್ಕೆ ಬಂದಿದ್ದ ಅಲ್ಲಿನ ಅರ್ಚಕನಿಗೆ ಹಲ್ಲೆ ಮಾಡಲೆಂದು ಒಳಗೆ ತೆರಳುತ್ತಿದ್ದಾಗಲೇ ಭದ್ರತಾ ಸಿಬಂದಿ ತಡೆದಿದ್ದು, ತನ್ನಲ್ಲಿದ್ದ ಚೂರಿಯಿಂದ ಅವರ ಮೇಲೆಯೇ ಹಲ್ಲೆ ನಡೆಸಿ ಬಂಧನಕ್ಕೊಳಗಾಗಿದ್ದ.

An NIA court on Monday, January 30, sentenced Gorakhnath Temple attack accused Ahmed Murtaza Abbasi to death, after 60 days of continuous hearing. The NIA and Uttar Pradesh Anti-Terrorism Squad (ATS) completed the investigation of the case within 9 months and Abbasi was found guilty under the provisions of the Unlawful Activities (Prevention) Act and convicted for waging a war against the nation on Saturday.