ಪೋಕ್ಸೋ ಕಾಯ್ದೆ ; ರಾಹುಲ್ ಟ್ವಿಟರ್ ಬ್ಲಾಕ್, 21 ನಾಯಕರ ಖಾತೆಯೂ ಬಂದ್ ! ಕಾಂಗ್ರೆಸ್ ಅಧಿಕೃತ ಖಾತೆಯೂ ಬ್ಲಾಕ್ !

ಬ್ರೇಕಿಂಗ್ ನ್ಯೂಸ್

Puttur Elephant Attack: ಕಾಡಾನೆ ತಿವಿತಕ್ಕೆ ಪುತ್ತೂರಿನಲ್ಲಿ ವೃದ್ಧ ಮಹಿಳೆ ಬಲಿ ; ಅರಣ್ಯಾಧಿಕಾರಿಗಳ ವಿರುದ್ಧ ಗ್ರಾಮಸ್ಥರ ಆಕ್ರೋಶ, 15 ಲಕ್ಷ ಪರಿಹಾರಕ್ಕೆ ಶಾಸಕ ಅಶೋಕ ರೈ ಸೂಚನೆ | R Ahsok, Cm Siddaramaiah, Pak: ಕಾಂಗ್ರೆಸ್‌ನವರಿಗೆ ನಾಚಿಕೆಯಾಗಬೇಕು, ಪಾಕಿಸ್ತಾನಕ್ಕೆ ಪರೋಕ್ಷವಾಗಿ ಬೆಂಬಲ ಕೊಡ್ತಿದ್ದಾರೆ ; ಪಾಕಿಸ್ತಾನದಲ್ಲಿ ಫೇಮಸ್ ಅಂದ್ರೆ ಸಿದ್ದರಾಮಯ್ಯ, ಸಿದ್ದು ಪಾಕ್ ನಲ್ಲಿ ಸ್ಪರ್ಧೆ ಮಾಡಿದ್ರೆ ಗೆಲ್ಲುತ್ತಾರೆ, ಅಶೋಕ್ ಕಿಡಿ | Mangalore Mudipu Murder, Mob, Police, Crime: ಕುಡುಪು ಗುಂಪು ಹತ್ಯೆ ಪ್ರಕರಣ ; ಗುಪ್ತಚರ ಇಲಾಖೆ ಸಂಪೂರ್ಣ ವಿಫಲ, ಘೋರ ಕೃತ್ಯವಾದರೂ ಪೊಲೀಸರಿಗೆ ಯಾಕೆ ಗೊತ್ತಾಗಿಲ್ಲ, ನಿರ್ಲಕ್ಷ್ಯ ವಹಿಸಿದ್ದೇಕೆ ? |

ಪೋಕ್ಸೋ ಕಾಯ್ದೆ ; ರಾಹುಲ್ ಟ್ವಿಟರ್ ಬ್ಲಾಕ್, 21 ನಾಯಕರ ಖಾತೆಯೂ ಬಂದ್ ! ಕಾಂಗ್ರೆಸ್ ಅಧಿಕೃತ ಖಾತೆಯೂ ಬ್ಲಾಕ್ !

13-08-21 05:19 pm Headline Karnataka Political Bureau ದೇಶ - ವಿದೇಶ

ರೇಪ್ ಪ್ರಕರಣದಲ್ಲಿ ಬಾಲಕಿಯ ಮನೆಗೆ ತೆರಳಿ, ಸಾಂತ್ವನ ಹೇಳಿದ ಫೋಟೋ, ವಿಡಿಯೋಗಳನ್ನು ಟ್ವಿಟರ್ ಮತ್ತು ಇನ್ ಸ್ಟಾ ಗ್ರಾಮಿನಲ್ಲಿ ಹಾಕ್ಕೊಂಡಿದ್ದು ರಾಹುಲ್ ಪಾಲಿಗೆ ಮುಳ್ಳಾಗಿ ಪರಿಣಮಿಸಿದೆ.

ನವದೆಹಲಿ, ಆಗಸ್ಟ್ 13: ಪೋಕ್ಸೋ ಕಾಯ್ದೆಯಡಿ ಸಂತ್ರಸ್ತ ಯುವತಿಯ ಫೋಟೋ, ಆಕೆಯ ಮನೆಯವರ ಫೋಟೋ, ವಿವರಗಳನ್ನು ತೋರಿಸುವಂತಿಲ್ಲ. ಹೇಳುವಂತಿಲ್ಲ. ಆದರೆ, ಈ ಕಾಯ್ದೆಯನ್ನು ಕಾಂಗ್ರೆಸ್ ಉಪಾಧ್ಯಕ್ಷ ರಾಹುಲ್ ಗಾಂಧಿ ಉಲ್ಲಂಘನೆ ಮಾಡಿದ್ದಾರೆ. ರೇಪ್ ಪ್ರಕರಣದಲ್ಲಿ ಬಾಲಕಿಯ ಮನೆಗೆ ತೆರಳಿ, ಸಾಂತ್ವನ ಹೇಳಿದ ಫೋಟೋ, ವಿಡಿಯೋಗಳನ್ನು ಟ್ವಿಟರ್ ಮತ್ತು ಇನ್ ಸ್ಟಾ ಗ್ರಾಮಿನಲ್ಲಿ ಹಾಕ್ಕೊಂಡಿದ್ದು ರಾಹುಲ್ ಪಾಲಿಗೆ ಮುಳ್ಳಾಗಿ ಪರಿಣಮಿಸಿದೆ.

ಸಾಮಾಜಿಕ ಜಾಲತಾಣ ದಿಗ್ಗಜ ಟ್ವಿಟರ್, ರಾಹುಲ್ ಖಾತೆಯನ್ನೇ ಬ್ಲಾಕ್ ಮಾಡಿದ್ದರೆ, ಇನ್ ಸ್ಟಾ ಗ್ರಾಮ್ ಖಾತೆಯೂ ಬ್ಲಾಕ್ ಆಗುವ ಸಾಧ್ಯತೆ ಕಂಡುಬಂದಿದೆ. ಫೋಟೋಗಳನ್ನು ಟ್ವಿಟರ್ ನಲ್ಲಿ ಷೇರ್ ಮಾಡಿದ ಕೂಡಲೇ ರಾಷ್ಟ್ರೀಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗ ಟ್ವಿಟರ್ ಕಂಪನಿಗೆ ನೋಟೀಸ್ ನೀಡಿತ್ತು. ನೋಟೀಸ್ ಆದ ಬೆನ್ನಲ್ಲೇ ಟ್ವಿಟರ್ ರಾಹುಲ್ ಗಾಂಧಿ ಟ್ವಿಟರ್ ಖಾತೆಯನ್ನು ಬ್ಲಾಕ್ ಮಾಡಿದೆ. ಅದಲ್ಲದೆ, ದೇಶಾದ್ಯಂತ ಕಾಂಗ್ರೆಸ್ ಹಲವು ಘಟಕಗಳ ಅಧಿಕೃತ ಟ್ವಿಟರ್ ಖಾತೆಗಳನ್ನೂ ಬ್ಲಾಕ್ ಮಾಡಲಾಗಿದೆ.

ಇನ್ ಸ್ಟಾ ಗ್ರಾಮಿನಲ್ಲಿ ಹಾಕ್ಕೊಂಡಿರುವ ವಿಡಿಯೋದಲ್ಲಿ ಸಂತ್ರಸ್ತ ಯುವತಿ ಸೇರಿ ಆಕೆಯ ಕುಟುಂಬಸ್ಥರು ಇದ್ದಾರೆ. ಇದರಿಂದಾಗಿ ಮಕ್ಕಳ ಹಕ್ಕುಗಳ ಆಯೋಗವು ಫೇಸ್ ಬುಕ್ ಸಂಸ್ಥೆಗೆ ನೋಟೀಸ್ ನೀಡಿದ್ದು ಕ್ರಮಕ್ಕೆ ಆಗ್ರಹ ಮಾಡಿದೆ. ಹೀಗಾಗಿ ರಾಹುಲ್ ಗಾಂಧಿಯ ಇನ್ ಸ್ಟಾ ಗ್ರಾಮ್ ಖಾತೆಯೂ ಬ್ಲಾಕ್ ಆಗುವ ಸಾಧ್ಯತೆ ಎದುರಾಗಿದೆ. ಬಾಲಕಿಯ ಕುಟುಂಬದ ಜೊತೆಗೆ ನಿಂತು ತೆಗೆಸಿಕೊಂಡಿದ್ದ ಫೋಟೋವನ್ನು ರಾಹುಲ್ ಟ್ವಿಟರ್ ನಲ್ಲಿ ಹಾಕಿದ್ದಲ್ಲದೆ, ನಾವು ನ್ಯಾಯ ಸಿಗೋ ವರೆಗೂ ಹಿಂದೆ ಸರಿಯುವುದಿಲ್ಲ ಎಂದು ಬರೆದುಕೊಂಡಿದ್ದರು. ಇದೀಗ ಈ ರೀತಿಯ ನಡೆಯೇ ರಾಹುಲ್ ಪಾಲಿಗೆ ಮುಳ್ಳಾಗಿ ಪರಿಣಮಿಸಿದೆ. ಪೋಕ್ಸೋ ಕಾಯ್ದೆಯಡಿ ಸಂತ್ರಸ್ತರ ಮಾಹಿತಿಯನ್ನು ಪ್ರಸಾರಿಸುವುದು ಅಪರಾಧವಾಗಿರುತ್ತದೆ.

View this post on Instagram

A post shared by Congress (@incindia)

ರಾಹುಲ್ ಗಾಂಧಿಯ ಟ್ವಿಟರ್ ಖಾತೆ ಬ್ಲಾಕ್ ಆದ ಬೆನ್ನಲ್ಲೇ ದೇಶಾದ್ಯಂತ 21 ಮಂದಿ ಪ್ರಮುಖ ನಾಯಕರು, ಐಎನ್ ಸಿ ಇಂಡಿಯಾ (ಕಾಂಗ್ರೆಸ್ ಪಕ್ಷದ ಪ್ರಮುಖ ಖಾತೆ) ಸೇರಿ ವಿವಿಧ ರಾಜ್ಯಗಳ ಅಧಿಕೃತ ಖಾತೆಗಳನ್ನು ಬ್ಲಾಕ್ ಮಾಡಿದ್ದಾರೆ. ನಿಯಮಾವಳಿ ಉಲ್ಲಂಘನೆ ಆರೋಪದಲ್ಲಿ ಈ ಎಲ್ಲ ಖಾತೆಗಳನ್ನು ಬ್ಲಾಕ್ ಮಾಡಿದ್ದಾಗಿ ಟ್ವಿಟರ್ ಹೇಳಿಕೊಂಡಿದೆ.

ಐಎನ್ ಸಿ ಇಂಡಿಯಾ, ಮುಂಬೈ ಪ್ರಾದೇಶಿಕ ಕಾಂಗ್ರೆಸ್ ಸಮಿತಿ, ಮಹಾರಾಷ್ಟ್ರ, ಗುಜರಾತ್, ರಾಜಸ್ಥಾನ, ದಾಮನ್ ಆಂಡ್ ದಿಯು, ತಮಿಳುನಾಡು ಕಾಂಗ್ರೆಸ್ ಸಮಿತಿಗಳ ಖಾತೆ ಬಂದ್ ಆಗಿವೆ. ಕಾಂಗ್ರೆಸ್ ನಾಯಕರಾದ ರಣದೀಪ್ ಸುರ್ಜೇವಾಲಾ, ಅಜಯ್ ಮಾಕೇನ್, ಕೆ.ಸಿ. ವೇಣುಗೋಪಾಲ್, ಮಣಿಕ್ಕನ್ ಟಾಗೋರ್, ಸುಶ್ಮಿತಾ ದೇವ್, ಹರೀಶ್ ರಾವತ್ ಸೇರಿ 21 ನಾಯಕರ ಖಾತೆಗಳು ಬ್ಲಾಕ್ ಆಗಿವೆ. ರಾಹುಲ್ ಖಾತೆ ಬ್ಲಾಕ್ ಆದ ಬೆನ್ನಲ್ಲೇ ರಾಹುಲ್ ಗಾಂಧಿಯ ಫೋಟೋಗಳನ್ನು ಬಹುತೇಕ ನಾಯಕರು ತಮ್ಮ ಪ್ರೊಫೈಲ್ ನಲ್ಲಿ ಹಾಕ್ಕೊಂಡು ಪ್ರತಿಭಟನೆ ಸೂಚಿಸಿದ್ದಾರೆ.

The official Twitter handles of the Congress and around 5,000 of its leaders and workers have been locked, the party claimed Thursday, amid growing controversy over "selective" action against Rahul Gandhi and others for posting photographs that show Mr Gandhi interacting with the family of the nine-year-old Dalit girl who was allegedly raped and killed in Delhi last week.