ಹೊಸ ಕೊಂಕಣಿ ಚಿತ್ರ ಬಿಡುಗಡೆಗೆ ರೆಡಿ ; 'ಆಲ್ಶಿ ರೆಡ್ಡೆ' ಚಿತ್ರ ಆಗಸ್ಟ್ ಕೊನೆಯಲ್ಲಿ ರಿಲೀಸ್

ಬ್ರೇಕಿಂಗ್ ನ್ಯೂಸ್

Mangalore, Dinesh Gundurao: ಇಡಿ ದೇಶದಲ್ಲಿ ಅತೀ ದೊಡ್ಡ ಸುಳ್ಳುಗಾರ ಮೋದಿ, ಟರ್ಕಿ ಬಗ್ಗೆ ಮಾತಾಡೋರು ಚೈನಾ, ಟ್ರಂಪ್ ಬಗ್ಗೆ ಯಾಕೆ ಮಾತಾಡಲ್ಲ, ಮೋದಿ ಹೇಳಿದ್ದೆಲ್ಲ ವೇದವಾಕ್ಯ ಎಂದು ನಾವು ನಂಬಬೇಕಾ..? | Mangalore Cargo Ship, Lakshadweep: ಲಕ್ಷದ್ವೀಪಕ್ಕೆ ತೆರಳುತ್ತಿದ್ದ ಸರಕು ಹಡಗು ಸಮುದ್ರದಲ್ಲಿ ಮುಳುಗಡೆ ; ಮೂರು ದಿನ ಅನ್ನ ನೀರಿಲ್ಲದೇ ಪರದಾಡಿದ ಸಿಬಂದಿಯನ್ನು ರಕ್ಷಿಸಿದ ಮೀನುಗಾರರು | Santosh Lad, Modi, Pak, War: ಪ್ರಧಾನಿ ನರೇಂದ್ರ ಮೋದಿ ತಾವೇ ಸುಪ್ರೀಂ ಎಂಬಂತೆ ವರ್ತಿಸುತ್ತಿದ್ದಾರೆ ; ಪಾಕ್ ಗೆ ನುಗ್ಗಿ ಹೊಡೆಯಬೇಕು ಎಂಬ ನಿರೀಕ್ಷೆ ಇತ್ತು, ಬಿಜೆಪಿಯವರು ತಿರಂಗಾ ಯಾತ್ರೆ ಬದಲು ಟ್ರಂಪ್ ಯಾತ್ರೆ ಮಾಡಲಿ, ಲಾಡ್ ಕಿಡಿ |

ಹೊಸ ಕೊಂಕಣಿ ಚಿತ್ರ ಬಿಡುಗಡೆಗೆ ರೆಡಿ ; 'ಆಲ್ಶಿ ರೆಡ್ಡೆ' ಚಿತ್ರ ಆಗಸ್ಟ್ ಕೊನೆಯಲ್ಲಿ ರಿಲೀಸ್

04-08-22 08:42 pm Mangalore Correspondent ಕರಾವಳಿ

ಸ್ಪಾರ್ಕಲ್ ಪ್ರೊಡಕ್ಷನ್ ಹೆಸರಿನಲ್ಲಿ ಆರ್‌ಆರ್ ಫಿಲ್ಮ್ ಇಂಟರ್ನ್ಯಾಷನಲ್ ಮತ್ತು ಯುಯನ್ನ್ ಸಿನಿಮಾಸ್ ಸಂಸ್ಥೆಗಳ ಸಹಯೋಗದಲ್ಲಿ ಕೊಂಕಣಿ ಚಲನಚಿತ್ರವೊಂದು ತೆರೆಗೆ ಸಿದ್ಧವಾಗಿದೆ.

ಮಂಗಳೂರು, ಆ.4 : ಸ್ಪಾರ್ಕಲ್ ಪ್ರೊಡಕ್ಷನ್ ಹೆಸರಿನಲ್ಲಿ ಆರ್‌ಆರ್ ಫಿಲ್ಮ್ ಇಂಟರ್ನ್ಯಾಷನಲ್ ಮತ್ತು ಯುಯನ್ನ್ ಸಿನಿಮಾಸ್ ಸಂಸ್ಥೆಗಳ ಸಹಯೋಗದಲ್ಲಿ ಕೊಂಕಣಿ ಚಲನಚಿತ್ರವೊಂದು ತೆರೆಗೆ ಸಿದ್ಧವಾಗಿದೆ. ಆಲ್ಶಿ ರೆಡ್ಡೆ ಹೆಸರಿನ ಚಿತ್ರ ರೆಡಿಯಾಗಿದ್ದು ಇದೇ ತಿಂಗಳ ಕೊನೆಯಲ್ಲಿ ಬಿಡುಗಡೆಯಾಗಲಿದೆ ಎಂದು ಚಿತ್ರದ ನಿರ್ದೇಶಕ, ನಟ ಗೋಡ್ವಿನ್ ಸ್ಪಾರ್ಕಲ್ ತಿಳಿಸಿದ್ದಾರೆ.

ನಗರದ ಪ್ರೆಸ್ ಕ್ಲಬ್ ನಲ್ಲಿ ಚಿತ್ರದ ಪೋಸ್ಟರ್ ಬಿಡುಗಡೆ ಮಾಡಿ ಮಾತನಾಡಿದ ಅವರು, ಎಡಪದವು, ಮಂಗಳೂರು, ಉಡುಪಿ ಹಾಗೂ ಬೆಂಗಳೂರಿನಲ್ಲಿ ಚಿತ್ರೀಕರಣ ಮಾಡಲಾಗಿದೆ. ಚಿತ್ರವು ಆಗಸ್ಟ್ ಕೊನೆಯ ವಾರದಲ್ಲಿ ಬಿಡುಗಡೆಗೊಳ್ಳಲಿದೆ ಎಂದರು.

ಹಾರರ್ ಕಾಮಿಡಿ ಮತ್ತು ಹಾಸ್ಯಭರಿತ ಚಿತ್ರ ಇದಾಗಿದ್ದು, ನಿರ್ದೇಶನವನ್ನು ಗೋಡ್ವಿನ್ ಸ್ಪಾರ್ಕಲ್ ಮತ್ತು ಹೆರಾ ಪಿಂಟೋ ಮಾಡಿದ್ದಾರೆ. ಸಹಾಯಕ ನಿರ್ದೇಶಕರಾಗಿ ಯತೀಶ್ ಪೂಜಾರಿ ಹಾಗೂ ರಾಯನ್ ಮ್ಯಾಗ್ನೆಟೊ ಸಹಕರಿಸಿದ್ದಾರೆ ಎಂದವರು ತಿಳಿಸಿದರು.

ಚಿತ್ರದ ಮುಖ್ಯ ಭೂಮಿಕೆಯಲ್ಲಿ ಗೋಡ್ವಿನ್ ಸ್ಪಾರ್ಕಲ್, ಹೆರಾ ಪಿಂಟೋ ನಟಿಸಿದ್ದು ದೀಪಕ್ ರೈ ಪಾಣಾಜೆ, ವಿಲಿಯಂ ಪಿಂಟೋ ಪದರೆಂಗಿ, ಮರ್ವಿನ್ ಶಿರ್ವಾ, ಸಂದೀಪ್ ಮಲಾನಿ, ರಿಚರ್ಡ್, ಹೆನ್ಲಿ ವಿಶಾಲ್, ಶರಣ್ ಶೆಟ್ಟಿ, ಸಂಪತ್ ಲೋಬೋ, ಸುಮನಾ, ರಾಯನ್ ಮ್ಯಾಗ್ನಿಟೋ, ಇಶಾಂತ್, ಮಹೇಶ್, ಪ್ರಣೀತಾ ಹಾಗು ಇತರ ಕಲಾವಿದರು ಚಿತ್ರದಲ್ಲಿ ವಿವಿಧ ಪಾತ್ರಗಳನ್ನು ಮಾಡಿದ್ದಾರೆ. ಪ್ಯಾಟ್ಸನ್ ಪಿರೇರಾ ಸಂಗೀತ ನಿರ್ದೇಶನ ಮಾಡಿದ್ದು, ವಿಲಿಯಂ ಪಿಂಟೋ ಪದರೆಂಗಿ ಅವರ ಸಂಭಾಷಣೆ ಇದೆ. ಸ್ಪಾರ್ಕಲ್ ಪ್ರೊಡಕ್ಷನ್ ತಂತ್ರಜ್ಞರು ಹಾಗೂ ಪ್ರಜ್ವಲ್ ಸುವರ್ಣ ಮತ್ತು ಇರ್ಶನ್ ಅಲಿ ಛಾಯಾಗ್ರಹಣ ಮಾಡಿದ್ದಾರೆ. ಮೆಲ್ವಿನ್ ಮತ್ತು ಕೃತಿಕ್ ರಾಜ್ ಭಟ್ ಸಹಾಯಕ ಛಾಯಾಗ್ರಹಣ ಜವಾಬ್ದಾರಿ ನಿರ್ವಹಿಸಿದ್ದಾರೆ. ಬಾಲಿವುಡ್ ಗಾಯಕರಾದ ಕುನಾಲ್ ಗಾಂಜಾವಾಲ, ಮೋಹಿತ್ ಚೌಹಾನ್ ಮತ್ತು ಲವೀಟ ಲೋಬೊ ಹಾಡಿದ್ದಾರೆ. ಸಾಹಿತ್ಯವನ್ನು ವಿಲ್ಸನ್ ಕಟೀಲ್ ಬರೆದಿದ್ದಾರೆ.

ಜೇಸನ್ ಡಿಸೋಜಾ, ಮರ್ವಿನ್ ಸ್ಪಾರ್ಕಲ್, ಶಾನ್ ಡಿಸೋಜಾ ಮತ್ತು ಸುಶನ್ ರೈ ಮಾವಿನಕಟ್ಟೆ ನಿರ್ಮಾಣ ವ್ಯವಸ್ಥಾಪಕರಾಗಿ ಕೆಲಸ ಮಾಡಿದ್ದಾರೆ. ಸಂಕಲನವನ್ನು ರಾಹುಲ್ ವಶಿಷ್ಠ ಮತ್ತು ಪ್ರತೀಶ್ ಕಾಪು ಮಾಡಿದ್ದಾರೆ. ಹಿನ್ನಲೆ ಸಂಗೀತ ಪ್ರಜೋತ್ ಡೇಸಾ ಮತ್ತು ಎಸ್‌ಎಫ್‌ಎಕ್ಸ್ ಲೊಯ್ ವ್ಯಾಲೆಂಟೈನ್ ನೀಡಿರುವುದಾಗಿ ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ಮರ್ವಿನ್ ಶಿರ್ವಾ, ಜೇಸನ್ ಡಿ ಸೋಜಾ, ಪ್ರತೀಶ್ ಕಾಪು ಉಪಸ್ಥಿತರಿದ್ದರು.

The poster of Konkani movie ‘Allshi Redde’, directed by Godwin Sparkle and Hera Pinto was released on Thursday August 4 at press club here. The poster of Konkani movie ‘Allshi Redde’, directed by Godwin Sparkle and Hera Pinto was released on Thursday August 4 at press club here. The movie is produced by Sparkle Productions. ‘Allshi Redde’ is a comedy horror Konkani movie which is expected to release in end of August. Yatish Poojary and Rayan Magneto are the assistant directors.