ನಟೋರಿಯಸ್ ಗ್ಯಾಂಗ್ ಸ್ಟರ್ 'ಹೇಮಂತ ಪೂಜಾರಿ' ಬಂಧನ ಬಗ್ಗೆ ಗೊಂದಲ ; ಸತ್ತಿದ್ದಾನೆಂದ ವ್ಯಕ್ತಿ ಬದುಕಿದ ಬಗ್ಗೆಯೇ ಅನುಮಾನ, ಡಿಎನ್ಎ ಪರೀಕ್ಷೆಗೆ ಸಿದ್ಧತೆ, ದೃಢಪಡಿಸದ ಪೊಲೀಸರು

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

ನಟೋರಿಯಸ್ ಗ್ಯಾಂಗ್ ಸ್ಟರ್ 'ಹೇಮಂತ ಪೂಜಾರಿ' ಬಂಧನ ಬಗ್ಗೆ ಗೊಂದಲ ; ಸತ್ತಿದ್ದಾನೆಂದ ವ್ಯಕ್ತಿ ಬದುಕಿದ ಬಗ್ಗೆಯೇ ಅನುಮಾನ, ಡಿಎನ್ಎ ಪರೀಕ್ಷೆಗೆ ಸಿದ್ಧತೆ, ದೃಢಪಡಿಸದ ಪೊಲೀಸರು

10-11-26 03:12 pm HK News Staffer ಕರಾವಳಿ

ನಟೋರಿಯಸ್ ಗ್ಯಾಂಗ್ ಸ್ಟರ್ ಹೇಮಂತ ಪೂಜಾರಿ ಮಲೇಶ್ಯಾದಲ್ಲಿ ಬಂಧನ ಆಗಿದ್ದಾನೆಂದು ಹೇಳಲಾಗುತ್ತಿದ್ದರೂ, ಉಡುಪಿ ಜಿಲ್ಲೆಯ ಪೊಲೀಸರು ಖಚಿತಪಡಿಸಿಲ್ಲ. ಎರ್ಮಾಳು ಮೂಲದ ಹೇಮಂತ ಪೂಜಾರಿ ಉಡುಪಿ ಜಿಲ್ಲೆಯ ಉದ್ಯಮಿಗಳಿಗೆ ಬೆದರಿಕೆ ಕರೆ ಮಾಡಿರುವ ಹಿನ್ನೆಲೆಯಲ್ಲಿ ರಾ ಅಧಿಕಾರಿಗಳು ಬಂಧಿಸಿದ್ದಾರೆನ್ನುವುದು ಭಾರೀ ಸುದ್ದಿಗೆ ಗ್ರಾಸವಾಗಿದೆ.

ಉಡುಪಿ, ನ.10: ನಟೋರಿಯಸ್ ಗ್ಯಾಂಗ್ ಸ್ಟರ್ ಹೇಮಂತ ಪೂಜಾರಿ ಮಲೇಶ್ಯಾದಲ್ಲಿ ಬಂಧನ ಆಗಿದ್ದಾನೆಂದು ಹೇಳಲಾಗುತ್ತಿದ್ದರೂ, ಉಡುಪಿ ಜಿಲ್ಲೆಯ ಪೊಲೀಸರು ಖಚಿತಪಡಿಸಿಲ್ಲ. ಎರ್ಮಾಳು ಮೂಲದ ಹೇಮಂತ ಪೂಜಾರಿ ಉಡುಪಿ ಜಿಲ್ಲೆಯ ಉದ್ಯಮಿಗಳಿಗೆ ಬೆದರಿಕೆ ಕರೆ ಮಾಡಿರುವ ಹಿನ್ನೆಲೆಯಲ್ಲಿ ರಾ ಅಧಿಕಾರಿಗಳು ಬಂಧಿಸಿದ್ದಾರೆನ್ನುವುದು ಭಾರೀ ಸುದ್ದಿಗೆ ಗ್ರಾಸವಾಗಿದೆ.

ಆದರೆ ಕರೆ ಮಾಡಿರುವ ವ್ಯಕ್ತಿ ಹೇಮಂತ ಪೂಜಾರಿಯೇ ಅಥವಾ ಈಗ ಬಂಧನ ಆಗಿರುವ ವ್ಯಕ್ತಿ ಆತನೇ ಎನ್ನುವುದನ್ನು ಪೊಲೀಸರು ಖಚಿತವಾಗಿ ಹೇಳುತ್ತಿಲ್ಲ. ಏಕೆಂದರೆ ಬಂಧಿತ ವ್ಯಕ್ತಿ ಹೇಮಂತ ಪೂಜಾರಿಯೇ ಎನ್ನಲು ಆಧಾರವಿಲ್ಲ. ಹಾಗಾಗಿ ಆತನ ತಮ್ಮ ಕಿಶೋ‌ರ್ ಪೂಜಾರಿ ಅಥವಾ ಕುಟುಂಬಸ್ಥರ ಡಿಎನ್ಎ ತೆಗೆದು ಪರೀಕ್ಷೆ ನಡೆಸಲು ಪೊಲೀಸರು ಚಿಂತನೆ ನಡೆಸಿದ್ದಾರೆ ಎನ್ನಲಾಗಿದೆ. ಪರೀಕ್ಷೆಯ ವರದಿ ಬಂದ ನಂತರದಲ್ಲಿ ಪೊಲೀಸರು ಅಧಿಕೃತವಾಗಿ ಆತ ಹೇಮಂತ ಪೂಜಾರಿಯೇ ಎನ್ನುವುದನ್ನು ಖಚಿತಪಡಿಸಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಡೇವಿಡ್ ಹತ್ಯೆ ಬಳಿಕ ಬೆದರಿಕೆ ಕರೆ ಬಂದಿದ್ದರ ಬಗ್ಗೆ ಉಡುಪಿ ಎಸ್ ಹರಿರಾಮ ಶಂಕರ್ ಆರೋಪಿ ಹೇಮಂತ ಪೂಜಾರಿ ಎಂದೇ ಹೇಳುತ್ತಿದ್ದರು. ಹೇಮಂತ್ ಪೂಜಾರಿ ಸತ್ತಿದ್ದಾನೆಂದು ಹೇಳಲಾಗಿದ್ದರೂ, ಅದರ ಬಗ್ಗೆ ಯಾವುದೇ ದಾಖಲೆಗಳಿಲ್ಲ. ಹೀಗಾಗಿ ಬಂಧಿತ ವ್ಯಕ್ತಿ ಹೇಮಂತ ಪೂಜಾರಿಯೋ ಅಥವಾ ನಕಲಿ ವ್ಯಕ್ತಿಯೇ ಎನ್ನುವ ಪ್ರಶ್ನೆಗಳಿಗೆ ಡಿಎನ್ಎ ಪರೀಕ್ಷೆ ಬಳಿಕ ಸ್ಪಷ್ಟ ಉತ್ತರ ಸಿಗಲಿದೆ.

ಭೂಗತ ಲೋಕದಲ್ಲಿರುವ ವ್ಯಕ್ತಿಗಳು ಯಾರನ್ನಾದರೂ ಕೊಲೆ, ಬೆದರಿಕೆ ಕರೆ ಮಾಡಿದ್ದಲ್ಲಿ ಮಾಧ್ಯಮ ಸಂಸ್ಥೆ ಅಥವಾ ಪತ್ರಕರ್ತರಿಗೆ ಕರೆ ಮಾಡಿ ನಾನೇ ಮಾಡಿಸಿದ್ದಾಗಿ ಹೇಳುವುದಿದೆ. ಆದರೆ ಡೇವಿಡ್ ಪ್ರಕರಣದಲ್ಲಿ ಆ ರೀತಿಯಾಗಿಲ್ಲ. ಬದಲಿಗೆ ಕೆಲವು ವ್ಯಕ್ತಿಗಳು ವಿದೇಶದಲ್ಲಿದ್ದ ವ್ಯಕ್ತಿಯೊಬ್ಬನಿಗೆ ಸ್ಥಳೀಯ ಉದ್ಯಮಿಗಳ ನಂಬರನ್ನು ತಲುಪಿಸುವ ಕೆಲಸ ಮಾಡುತ್ತಿದ್ದ. ಆ ವ್ಯಕ್ತಿ ವಿದೇಶದಲ್ಲಿ ಕುಳಿತು ಹೇಮಂತ ಪೂಜಾರಿಯ ಹೆಸರಿನಲ್ಲಿ ಕರೆ ಮಾಡಿ ಹಫ್ತಾ ವಸೂಲಿಗೆ ಇಳಿದಿದ್ದ ಎಂಬುದು ಪತ್ತೆಯಾಗಿತ್ತು. ಹಣ ಸಂಗ್ರಹಿಸುವ ಕೆಲಸವನ್ನು ಸ್ಥಳೀಯ ಕೆಲವರು ಮಾಡುತ್ತಿದ್ದರು. ಡೇವಿಡ್ ಡಿಸೋಜ ಹತ್ಯೆ ಬಳಿಕ ಸ್ಥಳೀಯ ಸಹಚರರ ಮೂಲಕ ಮೊಬೈಲ್‌ ನಂಬರ್ ಪಡೆದು ಉದ್ಯಮಿಗಳಿಗೆ ಕರೆ ಮಾಡುತ್ತಿದ್ದ ವ್ಯಕ್ತಿ 'ಮೇ ಎಚ್‌ಪಿ (ಹೇಮಂತ ಪೂಜಾರಿ) ಬೋಲ್‌ ರಹಾ ಹೇ' ಎಂದು ಹೇಳಿ ಕೋಟಿಗಟ್ಟಲೆ ಹಣಕ್ಕೆ ಬೇಡಿಕೆ ಇಡುತ್ತಿದ್ದ. ಹೆದರಿದ ಕೆಲವರು ಆತ ಸೂಚಿಸಿದ ವ್ಯಕ್ತಿಗೆ ಹಣವನ್ನೂ ಕೊಟ್ಟಿದ್ದಾರೆ.

ಈ ಹಿಂದೆ ಹೇಮಂತ ಪೂಜಾರಿ ಸತ್ತಿದ್ದಾನೆ ಎಂದೇ ಹೇಳಲಾಗಿತ್ತು. ಆದರೆ ಡೇವಿಡ್ ಹತ್ಯೆ ಬಳಿಕ ಆರೋಪಿ ಕಿಶೋ‌ರ್ ಪೂಜಾರಿ, ಹೇಮಂತ್ ಪೂಜಾರಿಯ ಆಣತಿಯಂತೆ ಹತ್ಯೆ ಮಾಡಿದ್ದಾಗಿ ಹೇಳಿದ್ದ. ಪ್ರಕರಣದ ದಿಕ್ಕು ತಪ್ಪಿಸಲು ಮತ್ತು ಹೇಮಂತ ಪೂಜಾರಿಯನ್ನು ಜೀವಂತವಾಗಿರಿಸಲು ಕಥೆ ಕಟ್ಟಿದ್ದಾನೆ ಎಂಬ ಮಾತು ಭೂಗತ ವಲಯದಲ್ಲಿ ಹರಿದಾಡಿತ್ತು. ಇದರ ಬೆನ್ನಲ್ಲೇ ರಾ ಅಧಿಕಾರಿಗಳು ಕರೆಯ ಬೆನ್ನತ್ತುವ ಕೆಲಸಕ್ಕಿಳಿದಿದ್ದರು. ಇಂಟರ್‌ ಪೋಲ್ ಸಹಾಯ ಪಡೆದು ಕರೆ ಮಾಡಿದ ನಂಬರನ್ನು ಬೆನ್ನತ್ತಿ ಆ ವ್ಯಕ್ತಿಯನ್ನು ಬಂಧಿಸಲಾಗಿದೆ. ಈಗ ಬಂಧನ ಆಗಿರುವ ವ್ಯಕ್ತಿ ಹೇಮಂತ ಪೂಜಾರಿಯೇ ಎಂಬ ಬಗ್ಗೆ ದೃಢೀಕರಣ ಆಗಿಲ್ಲ.