U-20 World Athletics Championships: ಲಾಂಗ್‌ ಜಂಪರ್ ಶೈಲಿ ಸಿಂಗ್‌ಗೆ ಬೆಳ್ಳಿ

ಬ್ರೇಕಿಂಗ್ ನ್ಯೂಸ್

Neha Hiremath murder case, CM Siddaramaiah: ನೇಹಾ ತಂದೆಗೆ ಕಾಲ್ ಮಾಡಿದ ಸಿಎಂ ; "ವೆರಿ ಸ್ವಾರಿ...ನಾವು ನಿಮ್ಮ ಜೊತೆ ಇರ್ತೀವಿ" , ಕ್ಷಮೆ ಕೇಳಿದ ಸಿದ್ದರಾಮಯ್ಯ | Raichur accident: ರಾಯಚೂರು ; ಹನುಮ ಪೂಜೆಗಾಗಿ ನದಿಯಿಂದ ನೀರು ತರಲು ಹೊರಟಿದ್ದವರ ಮೇಲೆ ಹರಿದ ಪಿಕ್‌ ಅಪ್‌ ಗಾಡಿ, ಮೂವರು ಯುವಕರ ಬಲಿ | Fake CID Officers, arrest, hubballi: ಸಿಐಡಿ ಅಧಿಕಾರಿಗಳು ಎಂದು ಪೋಸ್ ಕೊಟ್ಟ ಮೂವರು ; ಧಮ್ಕಿ ಹಾಕಿ ಮಹಿಳೆಯಿಂದ ಹಣ ಪೀಕಿಸಿದ ಖದೀಮರು, ಗ್ರಹಚಾರ ಬಿಡಿಸಿದ ಹುಬ್ಬಳ್ಳಿ ಪೊಲೀಸರು |

U-20 World Athletics Championships: ಲಾಂಗ್‌ ಜಂಪರ್ ಶೈಲಿ ಸಿಂಗ್‌ಗೆ ಬೆಳ್ಳಿ

23-08-21 10:44 am Mykhel: Sadashiva ಕ್ರೀಡೆ

ಪ್ರತಿಭಾನ್ವಿತ ಲಾಂಗ್ ಜಂಪರ್ ಶೈಲಿ ಸಿಂಗ್ ಕೀನ್ಯಾದ ನೈರೋಬಿಯಲ್ಲಿ ನಡೆಯುತ್ತಿರುವ ಅಂಡರ್ 20 ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನಲ್ಲಿ ಬೆಳ್ಳಿ ಪದಕ ಜಯಿಸಿದ್ದಾರೆ.

ನೈರೋಬಿ: ಪ್ರತಿಭಾನ್ವಿತ ಲಾಂಗ್ ಜಂಪರ್ ಶೈಲಿ ಸಿಂಗ್ ಕೀನ್ಯಾದ ನೈರೋಬಿಯಲ್ಲಿ ನಡೆಯುತ್ತಿರುವ ಅಂಡರ್ 20 ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನಲ್ಲಿ ಬೆಳ್ಳಿ ಪದಕ ಜಯಿಸಿದ್ದಾರೆ. ಇದೇ ವಿಭಾಗದಲ್ಲಿ ಒಂದು ಸೆಂಟಿ ಮೀಟರ್ ಹೆಚ್ಚು ಜಿಗಿದ್ದರೂ ಭಾರತದ ಹೆಸರಿನಲ್ಲೊಂದು ಇತಿಹಾಸ ನಿರ್ಮಾಣವಾಗುತ್ತಿತ್ತು. ಆದರೆ ಶೈಲಿ ಬೆಳ್ಳಿಗೆ ತೃಪ್ತಿಪಟ್ಟರು.

17ರ ಹರೆಯದ ಶೈಲಿ ಸಿಂಗ್‌ ಅವರ ವೈಯಕ್ತಿಕ ಅತ್ಯುತ್ತಮ ಸಾಧನೆ 6.59 ಮೀಟರ್. ಆದರೆ ಈ ದೂರ ಕೂಡ ಶೈಲಿಗೆ ಬಂಗಾರ ಗೆಲ್ಲಲು ನೆರವಾಗಲಿಲ್ಲ. ಈ ವಿಭಾಗದಲ್ಲಿ ಚಿನ್ನ ಸ್ವೀಡನ್‌ನ ಹಾಲಿ ಜೂನಿಯರ್ ಚಾಂಪಿಯನ್ ಮಾಜ ಅಸ್ಕಾಗ್‌ಗೆ ದೊರೆಯಿತು.

ಭಾನುವಾರ (ಆಗಸ್ಟ್ 22) ನಡೆದ ಫೈನಲ್ ಸ್ಪರ್ಧೆಯಲ್ಲಿ ಅಸ್ಕಾಗ್ 6.60 ಮೀ. ಸಾಧನೆಯೊಂದಿಗೆ ಬಂಗಾರ ತನ್ನದಾಗಿಸಿಕೊಂಡರು. ಉಕ್ರೇನ್‌ನ ಮಾರಿಯಾ ಹೋರಿಲೋವಾ ಅವರು 6.50 ಮೀಟರ್ ದೂರದ ಸಾಧನೆಯೊಂದಿಗೆ ಕಂಚು ಪಡೆದುಕೊಂಡರು. ಅಂದ್ಹಾಗೆ ಶೈಲಿ, ದಂತಕತೆ ಅಂಜು ಬಾಬಿ ಜಾರ್ಜ್ ಅವರ ಶಿಷ್ಯೆ.

"6.59 ಮೀಟರ್‌ಗಿಂತ ದೂರ ಜಿಗಿದಿದ್ದರೆ ಬಹುಶಃ ನಾನು ಬಂಗಾರ ಗೆಲ್ಲುತ್ತಿದ್ದೆನೋ ಏನೋ. ಬಂಗಾರ ಗೆದ್ದು ರಾಷ್ಟ್ರಗೀತೆ ಮೊಳಗಿಸು ಎಂದು ನನ್ನ ತಾಯಿ ನನಗೆ ಹೇಳಿದ್ದರು. ಆದರೆ ಅದು ನನ್ನಿಂದ ಈ ಬಾರಿ ಸಾಧ್ಯವಾಗಲಿಲ್ಲ. ಮುಂದೆ ಕೊಲಂಬಿಯಾದಲ್ಲಿ ನಡೆಯಲಿರುವ ಚಾಂಪಿಯನ್‌ಶಿಪ್‌ನಲ್ಲಿ ಖಂಡಿತಾ ಚಿನ್ನ ಗೆಲ್ಲುತ್ತೇನೆ," ಎಂದು ಸ್ಪರ್ಧೆಯ ಬಳಿಕ ಶೈಲಿ ಭಾವುಕರಾಗಿ ಹೇಳಿದ್ದಾರೆ.