Bangalore crime, cyber Fruad: ಸೈಬರ್ ವಂಚಕರ ಹೊಸ ವರಸೆ ; ಕ್ರೆಡಿಟ್ ಕಾರ್ಡ್ ಹೆಸ್ರಲ್ಲಿ ಮೊಬೈಲ್ ಗಿಫ್ಟ್ ಮಾಡಿ 2.8 ಕೋಟಿ ರೂ. ಎಗರಿಸಿದ ದಗಾಕೋರರು, ಟೆಕ್ಕಿ ಅಕೌಂಟ್ ಖಾಲಿ..ಖಾಲಿ, ಖದೀಮರಿಗೆ ಜಾಲಿ..ಜಾಲಿ !

ಬ್ರೇಕಿಂಗ್ ನ್ಯೂಸ್

Mangalore Kotekar bank robbery, Update, Crime: ಕೋಟೆ(ಕಾರು) ಬಾಗಿಲು ಹಾಕದೆ ಬ್ಯಾಂಕ್ ದೋಚಲು ಬಿಟ್ಟಿತೇ ಆಡಳಿತ ವರ್ಗ ; ಹೋಗಿದ್ದು ಹತ್ತು ಕೋಟಿಗೂ ಹೆಚ್ಚು, ಪೊಲೀಸರ ಲೆಕ್ಕ ನಾಲ್ಕೇ ಕೋಟಿ, ದರೋಡೆಗೂ ಲಾಕರ್ ತೆರೆದಿಟ್ಟಿದ್ದಕ್ಕೂ ನಂಟು! 19 ಕೋಟಿ ವಿಮೆಯಲ್ಲಡಗಿದೆ ಅಭಯ | International Kite Festival 2025, Thannirbhavi Beach , Mangalore: ಬಾನಂಗಳದಲ್ಲಿ ಹಾರಿದ ರೆಕ್ಕೆ ಪುಕ್ಕ ; ತಣ್ಣನೆಯ ಕಡಲ ತೀರದಲ್ಲಿ ಚಿತ್ತಾರ ಮೂಡಿಸಿದ ಚಿತ್ರಪಟಗಳು ! | ಮಂಗಳೂರಿನ ಕುದುರೆಮುಖ ಕಬ್ಬಿಣ ಅದಿರು ಕಂಪನಿ ಎನ್ಎಂಡಿಸಿ ಜೊತೆಗೆ ವಿಲೀನಕ್ಕೆ ಪರಿಶೀಲನೆ ; ಕೇಂದ್ರ ಸಚಿವ ಎಚ್ಡಿಕೆ |

Bangalore crime, cyber Fruad: ಸೈಬರ್ ವಂಚಕರ ಹೊಸ ವರಸೆ ; ಕ್ರೆಡಿಟ್ ಕಾರ್ಡ್ ಹೆಸ್ರಲ್ಲಿ ಮೊಬೈಲ್ ಗಿಫ್ಟ್ ಮಾಡಿ 2.8 ಕೋಟಿ ರೂ. ಎಗರಿಸಿದ ದಗಾಕೋರರು, ಟೆಕ್ಕಿ ಅಕೌಂಟ್ ಖಾಲಿ..ಖಾಲಿ, ಖದೀಮರಿಗೆ ಜಾಲಿ..ಜಾಲಿ !

19-01-25 12:13 pm HK News Desk ಕ್ರೈಂ

ಕ್ರೆಡಿಟ್ ಕಾರ್ಡ್ ಮಂಜೂರಾಗಿದೆ ಎಂದು ನಂಬಿಸಿದ ಸೈಬರ್ ವಂಚಕರು ಮೊಬೈಲ್ ಗಿಫ್ಟ್ ಕಳುಹಿಸಿ ಸಾಫ್ಟ್‌ವೇರ್ ಉದ್ಯೋಗಿಯೊಬ್ಬರ ಖಾತೆಯಿಂದ 2.8 ಕೋಟಿ ರೂ. ದೋಚಿರುವ ಪ್ರಕರಣ ಬೆಂಗಳೂರಿನಲ್ಲಿ ವರದಿಯಾಗಿದೆ.

ಬೆಂಗಳೂರು, ಜ 19: ಅಪರಿಚಿತರಿಂದ ಗಿಫ್ಟ್ ಹೆಸರಿನಲ್ಲಿ ಮೊಬೈಲ್ ಫೋನ್‌, ಟ್ಯಾಬ್ ನಿಮ್ಮ ಮನೆ ಬಾಗಿಲಿಗೆ ಬಂದರೆ ಅವುಗಳನ್ನ ಬಳಸುವ ಮುನ್ನ ಎಚ್ಚರವಿರಲಿ. ಇದು ಸೈಬರ್ ವಂಚಕರ ಹೊಸ ವರಸೆಯೂ ಆಗಿರಬಹುದು. ಕ್ರೆಡಿಟ್ ಕಾರ್ಡ್ ಮಂಜೂರಾಗಿದೆ ಎಂದು ನಂಬಿಸಿದ ಸೈಬರ್ ವಂಚಕರು ಮೊಬೈಲ್ ಗಿಫ್ಟ್ ಕಳುಹಿಸಿ ಸಾಫ್ಟ್‌ವೇರ್ ಉದ್ಯೋಗಿಯೊಬ್ಬರ ಖಾತೆಯಿಂದ 2.8 ಕೋಟಿ ರೂ. ದೋಚಿರುವ ಪ್ರಕರಣ ಬೆಂಗಳೂರಿನಲ್ಲಿ ವರದಿಯಾಗಿದೆ. ಖಾಸಗಿ ಬ್ಯಾಂಕ್ ಪ್ರತಿನಿಧಿಗಳ ಹೆಸರಿನಲ್ಲಿ ತಾವೇ ಮೊಬೈಲ್ ಫೋನ್ ಕಳಿಸಿ ವಂಚಿಸಿರುವ ಖದೀಮರ ವಿರುದ್ಧ ವೈಟ್ ಫೀಲ್ಡ್ ಸಿಇಎನ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ದೂರುದಾರ ವ್ಯಕ್ತಿಗೆ ನವೆಂಬರ್ ತಿಂಗಳಲ್ಲಿ ಕರೆ ಮಾಡಿದ್ದ ವಂಚಕರು, ನಿಮ್ಮ ರಿವಾರ್ಡ್ ಪಾಯಿಂಟ್ಸ್ ಉತ್ತಮವಾಗಿರುವುದರಿಂದ ಕ್ರೆಡಿಟ್ ಕಾರ್ಡ್ ಆಫರ್ ಮಾಡುತ್ತಿದ್ದೇವೆ ಎಂದು ನಂಬಿಸಿದ್ದರು. ಬಳಿಕ ಹೊಸ ಸಿಮ್‌ ಕಾರ್ಡ್‌ ಒಂದನ್ನ ಖರೀದಿಸಿ ಅದರ ನಂಬರ್ ನೀಡುವಂತೆ ಕೇಳಿ ಪಡೆದುಕೊಂಡಿದ್ದರು. ಇದಾದ ಬಳಿಕ ಡಿಸೆಂಬರ್ ಮೊದಲ ವಾರದಲ್ಲಿ ದೂರುದಾರರ ವಿಳಾಸಕ್ಕೆ ತಾವೇ ಹೊಸ ಮೊಬೈಲ್ ಫೋನ್‌ವೊಂದನ್ನ ಕಳಿಸಿದ್ದರು.

ವಂಚಕರ ಕುರಿತು ಸುಳಿವಿರದ ದೂರುದಾರರು, ಹೊಸ ಮೊಬೈಲ್ ಫೋನ್‌ನಲ್ಲಿ ತಾವು ಖರೀದಿಸಿದ್ದ ಹೊಸ ಸಿಮ್ ಕಾರ್ಡ್ ಹಾಕಿ ಬಳಸಲಾರಂಭಿಸಿದ್ದಾರೆ. ಆದರೆ ಹೊಸ ಸಿಮ್ ಕಾರ್ಡ್ ಆ್ಯಕ್ಟಿವೇಟ್ ಆಗುತ್ತಿದ್ದಂತೆ ವಂಚಿಸಲು ಅಗತ್ಯವಿರುವಂತೆ ಕ್ಲೋನಿಂಗ್ ಮತ್ತು ಆ್ಯಪ್‌ಗಳನ್ನ ಇನ್‌ಸ್ಟಾಲ್ ಮಾಡಿಟ್ಟಿದ್ದ ವಂಚಕರು, ಬ್ಯಾಂಕ್‌ನಿಂದ ಯಾವುದೇ ಸಂದೇಶ ಅಥವಾ ಮೇಲ್ ಬಾರದಂತೆ ಮೊಬೈಲ್ ಫೋನ್‌ನಲ್ಲಿ ಸೆಟ್ ಮಾಡಿಟ್ಟಿದ್ದರು. ಒಂದು ವಾರದ ಬಳಿಕ ತಮ್ಮ ಎಫ್‌ಡಿ ಖಾತೆಯಲ್ಲಿ ಹಣ ಕಡಿತವಾಗಿರುವುದನ್ನ ಗಮನಿಸಿದ ದೂರುದಾರರು, ಬ್ಯಾಂಕ್‌ಗೆ ತೆರಳಿ ವಿಚಾರಿಸಿದಾಗ ಹಣ ವಂಚಕರ ಪಾಲಾಗಿರುವುದು ತಿಳಿದು ಬಂದಿದೆ.

ಹಣ ಕಳೆದುಕೊಂಡಿದ್ದ ವ್ಯಕ್ತಿ ತಕ್ಷಣ ವೈಟ್ ಫೀಲ್ಡ್ ಸಿಇಎನ್ ಠಾಣೆಗೆ ದೂರು ನೀಡಿದ್ದಾರೆ. ಅದರನ್ವಯ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು, ವಂಚಕರು ಕಳಿಸಿದ್ದ ಮೊಬೈಲ್ ವಶಕ್ಕೆ ಪಡೆದಿದ್ದಾರೆ. ಹಾಗೂ ಹಣ ವರ್ಗಾವಣೆಯಾದ ಖಾತೆಗಳ ವಿವರವನ್ನ ಕಲೆಹಾಕುತ್ತಿದ್ದಾರೆ‌.

ಮೊಬೈಲ್ ಗಿಫ್ಟ್ ಕಳಿಸಿ ಬ್ಯಾಂಕ್ ಖಾತೆಗೆ ಕನ್ನ: ಸೈಬರ್ ವಂಚಕರು ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ ವಂಚನೆಗೆ ಅನುಕೂಲ ಆಗುವಂತಹ ಆ್ಯಪ್ಗಳನ್ನು ಮೊಬೈಲ್ಗಳಲ್ಲಿ ಇನ್ಸ್ಟಾಲ್ ಮಾಡಿ ಅವುಗಳನ್ನೇ ಬ್ಯಾಂಕ್ ಹೆಸರನಲ್ಲಿ ಜನರಿಗೆ ಗಿಫ್ಟ್ ಆಗಿ ಕಳುಹಿಸುತ್ತಾರೆ. ಜನರು, ಆ ಮೊಬೈಲ್ಗೆ ಸಿಮ್ ಹಾಕಿದ ಬಳಿಕ ಅವರ ಬ್ಯಾಂಕ್ ಖಾತೆಯಿಂದ ಹಣ ಎಗರಿಸುತ್ತಾರೆ. ಬ್ಯಾಂಕ್ ಖಾತೆಯಿಂದ ಹಣ ಕಟ್ ಆದ ಸಂದೇಶ ಕೂಡ ಬರದಂತೆ ಮಾಡುತ್ತಾರೆ.

In the tech city of Bengaluru, Karnataka, a sophisticated cyber crime has unfolded, defrauding a technology professional of Rs 2.80 crore. The scam began when the individual received a new mobile phone as a supposed gift, complete with a new SIM card. Unbeknownst to the recipient, the phone was part of a elaborate plot by cyber criminals to gain unauthorized access to his bank funds. Shortly after inserting the SIM into his mobile, the techie found that a staggering Rs 2.80 crore had been illicitly transferred from his account to that of the fraudsters