ಅರಬ್ಬೀ ಸಮುದ್ರದಲ್ಲಿ ಮಿಗ್ -29 ಪತನ ; ನಾಪತ್ತೆಯಾಗಿದ್ದ ಪೈಲಟ್ ಶವ ಪತ್ತೆ

ಬ್ರೇಕಿಂಗ್ ನ್ಯೂಸ್

Shiradi Ghat Accident, Car: ಶಿರಾಡಿ ಘಾಟ್ ; ರಸ್ತೆ ಬದಿ ಜಲಪಾತ ನೋಡಲು ಹೋಗಿ ಪ್ರಪಾತಕ್ಕಿಳಿದ ಕಾರು, ತಪ್ಪಿದ ಅನಾಹುತ | Dr B Saroja Devi Death: 17ನೇ ವಯಸ್ಸಲ್ಲೇ ಚಿತ್ರರಂಗಕ್ಕೆ ಕಾಲಿಟ್ಟಿದ್ದ ಮಹಾನ್ ನಟಿ ಸರೋಜಾದೇವಿ ಇನ್ನಿಲ್ಲ ; ಹೆಣ್ಮಗು ಎಂದು ದತ್ತು ನೀಡಲು ಮುಂದಾಗಿದ್ದ ತಾತ! ಸಣ್ಣಂದಿನಲ್ಲೇ ಡ್ಯಾನ್ಸ್ ಕಲಿಸಿ ಮಹಾನ್ ನಟಿಯಾಗಿಸಿದ ತಂದೆ | Mangalore, Help: ಅಪಘಾತದಲ್ಲಿ ಬಡ ಮಹಿಳೆಯ ತಲೆಗೆ ತೀವ್ರ ಪೆಟ್ಟು ; ಶಸ್ತ್ರಚಿಕಿತ್ಸೆಗೆ 15 ಲಕ್ಷ ವೆಚ್ಚ, ದಾನಿಗಳ ನೆರವು ಯಾಚಿಸಿದ ಸುಬ್ರಹ್ಮಣ್ಯದ ಮಹಿಳೆ ಕುಟುಂಬಸ್ಥರು |

ಅರಬ್ಬೀ ಸಮುದ್ರದಲ್ಲಿ ಮಿಗ್ -29 ಪತನ ; ನಾಪತ್ತೆಯಾಗಿದ್ದ ಪೈಲಟ್ ಶವ ಪತ್ತೆ

07-12-20 08:59 pm Headline Karnataka News Network ದೇಶ - ವಿದೇಶ

ಹತ್ತು ದಿನಗಳ ಹಿಂದೆ ಪತನಗೊಂಡಿದ್ದ ಮಿಗ್ 29-ಕೆ ಜೆಟ್ ವಿಮಾನದ ಪೈಲಟ್ ಶವ ಗೋವಾ ಕರಾವಳಿಯಿಂದ 30 ಮೈಲ್ ದೂರದಲ್ಲಿ ಸಮುದ್ರದಾಳದಲ್ಲಿ ಪತ್ತೆಯಾಗಿದೆ.

ಪಣಜಿ, ಡಿ.7: ಹತ್ತು ದಿನಗಳ ಹಿಂದೆ ಪತನಗೊಂಡಿದ್ದ ಮಿಗ್ 29-ಕೆ ಜೆಟ್ ವಿಮಾನದ ಪೈಲಟ್ ಶವ ಗೋವಾ ಕರಾವಳಿಯಿಂದ 30 ಮೈಲ್ ದೂರದಲ್ಲಿ ಸಮುದ್ರದಾಳದಲ್ಲಿ ಪತ್ತೆಯಾಗಿದೆ.

ನಿರಂತರ ಕಾರ್ಯಾಚರಣೆಯ ಬಳಿಕ ಸಮುದ್ರ ಮಧ್ಯೆ 70 ಮೀಟರ್ ಆಳದಲ್ಲಿ ಪೈಲಟ್ ನಿಶಾಂತ್ ಸಿಂಗ್ ಶವ ಪತ್ತೆಯಾಗಿದೆ ಎಂದು ನೇವಿ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ರಷ್ಯಾ ಮೂಲದ ಮಿಗ್ -29 ಜೆಟ್ ವಿಮಾನ ಅರಬ್ಬೀ ಸಮುದ್ರದಲ್ಲಿ ಪ್ರಯೋಗಾರ್ಥ ಹಾರಾಟದ ವೇಳೆ ನ.26ರಂದು ಸಂಜೆ 5 ಗಂಟೆಗೆ ಪತನಗೊಂಡಿತ್ತು. ಐಎನ್ಎಸ್ ವಿಕ್ರಮಾದಿತ್ಯ ಹಡಗಿನಿಂದ ಮೇಲೇರಿದ್ದ ಜೆಟ್ ಪತನದಿಂದಾಗಿ ಕೂಡಲೇ ನೌಕಾಪಡೆಯ ಅಧಿಕಾರಿಗಳು ಹುಡುಕಾಟ ಆರಂಭಿಸಿದ್ದರು. ಒಬ್ಬ ಪೈಲಟ್ ಜೀವಂತ ಪತ್ತೆಯಾಗಿದ್ದರೆ, ಇನ್ನೊಬ್ಬ ಪೈಲಟ್ ಕಮಾಂಡರ್ ನಿಶಾಂತ್ ಸಿಂಗ್ ನಾಪತ್ತೆಯಾಗಿದ್ದರು. ನಿರಂತರ ಹುಡುಕಾಟದ ಹತ್ತು ದಿನಗಳ ಬಳಿಕ ನಿಶಾಂತ್ ಶವ ನೀರಿನ ಆಳದಲ್ಲಿ ಪತ್ತೆಯಾಗಿದ್ದು, ಗುರುತು ಸಿಗದ ಸ್ಥಿತಿಯಲ್ಲಿದೆ. ಹೀಗಾಗಿ ನಿಶಾಂತ್ ಸಿಂಗ್ ಕುಟುಂಬ ಡಿಎನ್ಎ ಪರೀಕ್ಷೆ ನಡೆಸಲು ಕೋರಿಕೊಂಡಿದೆ.

ಮಿಗ್ -29 ಜೆಟ್ ಎಲ್ಲ ಹವಾಮಾನಗಳಿಗೂ ಹೊಂದಿಕೊಳ್ಳುವ ಶಕ್ತಿಯಿರುವ ಫೈಟರ್ ವಿಮಾನ ಆಗಿದ್ದು ಹತ್ತು ವರ್ಷಗಳ ಹಿಂದೆ 42 ಮಿಗ್ ವಿಮಾನಗಳನ್ನು ರಷ್ಯಾದಿಂದ ತರಿಸಲಾಗಿತ್ತು. ಇವನ್ನು ನೌಕಾಪಡೆಯ ಐಎನ್ಎಸ್ ವಿಕ್ರಮಾದಿತ್ಯದ ಮೂಲಕ ಕಾರ್ಯಾಚರಣೆಗೆ ತೊಡಗಿಸಲಾಗಿದೆ. ಸದ್ಯ ಭಾರತ, ಅಮೆರಿಕ, ಜಪಾನ್, ಆಸ್ಟ್ರೇಲಿಯಾ ನಡುವಿನ ಜಂಟಿ ನೌಕಾ ಸಮರಾಭ್ಯಾಸದಲ್ಲಿ ವಿಕ್ರಮಾದಿತ್ಯ ಕಾರ್ಯಾಚರಣೆಯಲ್ಲಿದೆ.

Almost 12 days after the tragic crash of MiG-29K aircraft crash in the Arabian Sea, Indian Navy on Monday recovered the body of missing pilot Commander Nishant Singh on the seabed. The body was found 70 metres below water and 30 miles off the Goa coast.