ಉತ್ತರ ಚೀನಾದಲ್ಲಿ ಮತ್ತೊಂದು ವೈರಸ್ ದಾಳಿ ; ಕೋವಿಡ್ ರೀತಿಯಲ್ಲೇ ಹೊಸ ನಮೂನೆಯ ನ್ಯುಮೋನಿಯಾ ಹಾವಳಿ, ಮಕ್ಕಳಿಗೇ ಹೆಚ್ಚು ಬಾಧೆ, ಉಸಿರಾಟಕ್ಕೆ ತೊಂದರೆ, ಆತಂಕ ಅಗತ್ಯವಿಲ್ಲ ಎಂದ ವೈದ್ಯರು

ಬ್ರೇಕಿಂಗ್ ನ್ಯೂಸ್

ಜಗತ್ತಿನ ಅತಿ ಎತ್ತರದ ರೈಲ್ವೇ ಸೇತುವೆ ಉದ್ಘಾಟಿಸಿದ ಮೋದಿ ; ತ್ರಿವರ್ಣ ಹಿಡಿದು ಸೇತುವೆಯಲ್ಲಿ ನಡಿಗೆ, 8ನೇ ತರಗತಿ ಇದ್ದಾಗ ಆರಂಭ, 45 ವರ್ಷದ ಬಳಿಕ ಕಾಶ್ಮೀರ ಜನರ ಕನಸು ನನಸು ಎಂದು ಒಮರ್ ಅಬ್ದುಲ್ಲಾ ಮೆಚ್ಚುಗೆ | MLC K. Govindaraj: ಕಾಲ್ತುಳಿತ ಪ್ರಕರಣ ; ಸಿಎಂ ರಾಜಕೀಯ ಕಾರ್ಯದರ್ಶಿ ಗೋವಿಂದರಾಜ್ ಗೇಟ್ ಪಾಸ್, ತರಾತುರಿಯಲ್ಲಿ ವಿಜಯೋತ್ಸವ ಹಿಂದೆ ಇವರದ್ದೇ ಪಾತ್ರ ಆರೋಪ | Mohandas Pai, RCB, Death: ಪೊಲೀಸ್ ಕಮಿಷನರ್ ಸಸ್ಪೆಂಡ್ ಇಲಾಖೆಗೆ ಕೆಟ್ಟ ಸಂದೇಶ, ತನಿಖೆ ಮೊದಲೇ ಬಂಧನ ಯಾಕೆ? ರಸ್ತೆಯಲ್ಲಿ ಅಪಘಾತ ಆಯ್ತೆಂದು ಪೊಲೀಸರನ್ನು ಅರೆಸ್ಟ್ ಮಾಡ್ತೀರಾ..? ಕ್ರೌಡ್ ಪ್ರೊಟೋಕಾಲ್ ಯಾಕೆ ಪಾಲಿಸಿಲ್ಲ ; ಸರ್ಕಾರಕ್ಕೆ ಗಂಭೀರ ಪ್ರಶ್ನೆಗಳನ್ನೆತ್ತಿದ ಮೋಹನದಾಸ್ ಪೈ |

ಉತ್ತರ ಚೀನಾದಲ್ಲಿ ಮತ್ತೊಂದು ವೈರಸ್ ದಾಳಿ ; ಕೋವಿಡ್ ರೀತಿಯಲ್ಲೇ ಹೊಸ ನಮೂನೆಯ ನ್ಯುಮೋನಿಯಾ ಹಾವಳಿ, ಮಕ್ಕಳಿಗೇ ಹೆಚ್ಚು ಬಾಧೆ, ಉಸಿರಾಟಕ್ಕೆ ತೊಂದರೆ, ಆತಂಕ ಅಗತ್ಯವಿಲ್ಲ ಎಂದ ವೈದ್ಯರು

03-01-25 06:22 pm HK News Desk ದೇಶ - ವಿದೇಶ

ಕೋವಿಡ್ ಸೋಂಕಿನ ಮಾದರಿಯಲ್ಲೇ ಐದು ವರ್ಷಗಳ ಬಳಿಕ ಚೀನಾದಲ್ಲಿ ಮತ್ತೊಂದು ರೀತಿಯ ವೈರಸ್ ಸೋಂಕು ಕಾಣಿಸಿಕೊಂಡಿದೆ. ಹ್ಯೂಮನ್ ಮೆಟಾ ನ್ಯೂಮೋ ವೈರಸ್ (ಎಚ್ ಎಂಪಿವಿ) ಎಂದು ಕರೆಯಲಾಗುವ ಈ ವೈರಸ್ ನಿಂದಾಗಿ ಕೋವಿಡ್ ರೀತಿಯಲ್ಲಿ ಜನರು ಸೋಂಕಿಗೆ ಒಳಗಾಗಿದ್ದಾರೆ.

ಬೀಜಿಂಗ್, ಜ.3: ಕೋವಿಡ್ ಸೋಂಕಿನ ಮಾದರಿಯಲ್ಲೇ ಐದು ವರ್ಷಗಳ ಬಳಿಕ ಚೀನಾದಲ್ಲಿ ಮತ್ತೊಂದು ರೀತಿಯ ವೈರಸ್ ಸೋಂಕು ಕಾಣಿಸಿಕೊಂಡಿದೆ. ಹ್ಯೂಮನ್ ಮೆಟಾ ನ್ಯೂಮೋ ವೈರಸ್ (ಎಚ್ ಎಂಪಿವಿ) ಎಂದು ಕರೆಯಲಾಗುವ ಈ ವೈರಸ್ ನಿಂದಾಗಿ ಕೋವಿಡ್ ರೀತಿಯಲ್ಲಿ ಜನರು ಸೋಂಕಿಗೆ ಒಳಗಾಗಿದ್ದಾರೆ.

ಉತ್ತರ ಚೀನಾದಲ್ಲಿ ಅತ್ಯಂತ ವೇಗವಾಗಿ ಹರಡುತ್ತಿರುವ ಈ ಸೋಂಕಿನಿಂದಾಗಿ ತೀವ್ರ ಆತಂಕಿತರಾಗಿದ್ದಾರೆ. ಜನರು ಮಾಸ್ಕ್ ಧರಿಸಿಕೊಂಡು ಓಡಾಡುತ್ತಿದ್ದಾರೆ. ಎಲ್ಲ ವಯೋಮಾನದವರೂ ಈ ಸೋಂಕಿಗೆ ತುತ್ತಾಗುತ್ತಿದ್ದು, ಮಕ್ಕಳೇ ಹೆಚ್ಚು ಬಾಧಿತರಾಗುತ್ತಿದ್ದಾರೆ. ಚೀನಾದಲ್ಲಿ ಗಂಭೀರ ಸ್ಥಿತಿಯಿದ್ದರೂ, ಈ ಬಗ್ಗೆ ಅಧಿಕೃತವಾಗಿ ತುರ್ತು ಸ್ಥಿತಿಯೆಂದು ಘೋಷಣೆ ಮಾಡಿಲ್ಲ. ವಿಶ್ವ ಆರೋಗ್ಯ ಸಂಸ್ಥೆಯೂ ಈ ಬಗ್ಗೆ ತುರ್ತು ಸ್ಥಿತಿ ಘೋಷಣೆ ಮಾಡಿಲ್ಲ.

ಉತ್ತರ ಏಶ್ಯಾ ದೇಶಗಳಲ್ಲಿ ಸೋಂಕು ಹರಡದಂತೆ ಕಟ್ಟೆಚ್ಚರ ವಹಿಸಲಾಗಿದೆ. ಹಾಂಕಾಂಗ್ ನಲ್ಲಿಯೂ ಇದೇ ಮಾದರಿಯ ಸೋಂಕು ಕಾಣಿಸಿಕೊಂಡಿದೆ. ಜಪಾನ್ ದೇಶದಲ್ಲೂ ಸೋಂಕಿನ ಬಗ್ಗೆ ಅಲರ್ಟ್ ಮಾಡಲಾಗಿದೆ. ಜಪಾನ್ ನಲ್ಲಿ 94 ಸಾವಿರಕ್ಕೂ ಹೆಚ್ಚು ಮಂದಿಗೆ ಫ್ಲು ಮಾದರಿಯ ಸೋಂಕು ಕಾಣಿಸಿಕೊಂಡಿದೆ ಎಂದು ಅಲ್ಲಿನ ಆರೋಗ್ಯ ಇಲಾಖೆ ಅಧಿಕಾರಿಗಳು ದೃಢಪಡಿಸಿದ್ದಾರೆ. 2001ರಲ್ಲಿ ಮೊದಲ ಬಾರಿಗೆ ಎಚ್ ಎಂಪಿವಿ ಸೋಂಕು ದೃಢಪಟ್ಟಿದ್ದರೂ, ಈ ಬಗ್ಗೆ ವ್ಯಾಕ್ಸಿನ್ ಬಳಕೆಗೆ ಬಂದಿಲ್ಲ. ಸಾಮನ್ಯ ಶೀತದ ಮಾದರಿಯಲ್ಲೇ ಜ್ವರ, ಕೆಮ್ಮು, ನೆಗಡಿ ಇದರ ಲಕ್ಷಣವಾಗಿದ್ದು, ಆನಂತರ ಉಸಿರಾಟದ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಕೆಲವೊಮ್ಮೆ ಗಂಭೀರ ಸ್ಥಿತಿಯಾದರೆ ತೀವ್ರ ತರದ ನ್ಯುಮೋನಿಯಾ ಆಗುತ್ತದೆ. ಚಿಕಿತ್ಸೆ ಸ್ಪಂದಿಸದಿದ್ದಲ್ಲಿ ಮರಣ ಸಂಭವಿಸುವ ಸಾಧ್ಯತೆಯೂ ಇರುತ್ತದೆ.

ಉತ್ತರ ಚೀನಾ ಪ್ರಾಂತ್ಯದಲ್ಲಿ 14 ವರ್ಷದ ಒಳಗಿನ ಮಕ್ಕಳಿಗೆ ಹೆಚ್ಚಾಗಿ ಈ ಸೋಂಕು ಕಾಣಿಸಿಕೊಂಡಿದೆ ಎಂದು ರಾಯಿಟರ್ಸ್ ಪತ್ರಿಕೆ ವರದಿ ಮಾಡಿದೆ. ಹೀಗಾಗಿ ಸೋಂಕು ಭಾರತಕ್ಕೂ ಹರಡುವ ಭೀತಿ ವ್ಯಕ್ತವಾಗಿದೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ದೆಹಲಿ ಮೆಡಿಕಲ್ ಕೌನ್ಸಿಲ್ ಅಧ್ಯಕ್ಷ ಡಾ.ಅರುಣ್ ಗುಪ್ತ, ಇದು ಕೋವಿಡ್ ಸೋಂಕಿನ ರೀತಿಯದ್ದೇ ಮತ್ತೊಂದು ಸೋಂಕು. ನಿಗಾ ವಹಿಸುವ ಅಗತ್ಯವಿದೆ. ಹಾಗಂತ, ಆತಂಕ ಪಡುವ ಅಗತ್ಯವಿಲ್ಲ ಎಂದಿದ್ದಾರೆ.

China is grappling with a surge of respiratory illnesses, notably human metapneumovirus (HMPV), as winter sets in. The outbreak comes five years after the outbreak of the deadly Covid-19 pandemic with various reports suggesting that hospitals and crematories are struggling to cope with the rising number of cases. Social media posts and online videos depict overcrowded hospitals, while some users claim that multiple viruses, including HMPV, influenza A, Mycoplasma pneumoniae, and even Covid-19.