ಖಾಸಗಿ ವಾಹನಗಳಿಗೆ ಫಾಸ್ಟ್ ಟ್ಯಾಗ್ ಮತ್ತಷ್ಟು ಸುಲಭ ; ಕೇವಲ ಮೂರು ಸಾವಿರಕ್ಕೆ ವಾರ್ಷಿಕ ಪಾಸ್ ಸೌಲಭ್ಯ ಜಾರಿಗೊಳಿಸಿದ ಸಾರಿಗೆ ಸಚಿವ ನಿತಿನ್ ಗಡ್ಕರಿ

ಬ್ರೇಕಿಂಗ್ ನ್ಯೂಸ್

Karkala Abhishek Suicide Case, Arrest: ಅಭಿಷೇಕ್ ಹನಿಟ್ರ್ಯಾಪ್ ಕೇಸ್ ; ನಾಲ್ವರ ವಿರುದ್ಧ ಎಫ್ಐಆರ್, ಡೆತ್ ನೋಟಲ್ಲಿದ್ದ ನರ್ಸಮ್ಮ ನಿರೀಕ್ಷಾ ಬಂಧನ, ಜೊತೆಗಿದ್ದ ಯುವತಿಯ ಅರೆನಗ್ನ ವಿಡಿಯೋ ತೆಗೆದ ಆರೋಪದಲ್ಲಿ ಅರೆಸ್ಟ್ | ಮಂಗಳೂರಿನಲ್ಲಿ 'ಬಿಂದು ಜ್ಯುವೆಲ್ಲರಿ' ನೂತನ ಮಳಿಗೆ ಶುಭಾರಂಭ ; ಬಿಂದು ಕರ್ನಾಟಕದ ಎರಡನೇ ಶೋರೂಂ, 'ಮೈ ಬ್ಲೂ ಡೈಮಂಡ್', 'ಲೈಟ್ ವೈಟ್ ಜ್ಯುವೆಲ್ಲರಿ' ಎಂಬ ಹೊಸ ಬ್ರಾಂಡ್ | ಸೇಡಂನಲ್ಲಿ ಆರೆಸ್ಸೆಸ್ ಪಥಸಂಚಲನ ; ನೂರಾರು ಕಾರ್ಯಕರ್ತರನ್ನು ವಶಕ್ಕೆ ಪಡೆದ ಪೊಲೀಸರು, ಪ್ರಿಯಾಂಕ ಖರ್ಗೆ ವಿರುದ್ಧ ತಿರುಗಿದ ಆಕ್ರೋಶ, ಚಿತ್ತಾಪುರದಲ್ಲಿ ರ್ಯಾಲಿ ಮುಂದೂಡಿಕೆ |

ಖಾಸಗಿ ವಾಹನಗಳಿಗೆ ಫಾಸ್ಟ್ ಟ್ಯಾಗ್ ಮತ್ತಷ್ಟು ಸುಲಭ ; ಕೇವಲ ಮೂರು ಸಾವಿರಕ್ಕೆ ವಾರ್ಷಿಕ ಪಾಸ್ ಸೌಲಭ್ಯ ಜಾರಿಗೊಳಿಸಿದ ಸಾರಿಗೆ ಸಚಿವ ನಿತಿನ್ ಗಡ್ಕರಿ

18-06-25 08:49 pm HK News Desk ದೇಶ - ವಿದೇಶ

ಫಾಸ್ಟ್ ಟ್ಯಾಗ್ ದಿನವೂ ಕಟ್ಟಿ ಸುಸ್ತಾದ ಖಾಸಗಿ ವಾಹನ ಮಾಲೀಕರಿಗೆ ಕೇಂದ್ರ ಸಾರಿಗೆ ಸಚಿವ ನಿತಿನ್ ಗಡ್ಕರಿ ಗುಡ್ ನ್ಯೂಸ್ ಕೊಟ್ಟಿದ್ದಾರೆ. ವಾರ್ಷಿಕ ಪಾಸ್ ಜಾರಿಗೆ ತರಲು ಕೇಂದ್ರ ಸರ್ಕಾರ ನಿರ್ಧರಿಸಿದ್ದು, ಇದೇ ಆಗಸ್ಟ್ 15 ರಿಂದ ವಾರ್ಷಿಕ ಟೋಲ್ ಪಾಸ್ ನೀಡಲಾಗುವುದು.

ನವದೆಹಲಿ, ಜೂನ್ 18 : ಫಾಸ್ಟ್ ಟ್ಯಾಗ್ ದಿನವೂ ಕಟ್ಟಿ ಸುಸ್ತಾದ ಖಾಸಗಿ ವಾಹನ ಮಾಲೀಕರಿಗೆ ಕೇಂದ್ರ ಸಾರಿಗೆ ಸಚಿವ ನಿತಿನ್ ಗಡ್ಕರಿ ಗುಡ್ ನ್ಯೂಸ್ ಕೊಟ್ಟಿದ್ದಾರೆ. ವಾರ್ಷಿಕ ಪಾಸ್ ಜಾರಿಗೆ ತರಲು ಕೇಂದ್ರ ಸರ್ಕಾರ ನಿರ್ಧರಿಸಿದ್ದು, ಇದೇ ಆಗಸ್ಟ್ 15 ರಿಂದ ವಾರ್ಷಿಕ ಟೋಲ್ ಪಾಸ್ ನೀಡಲಾಗುವುದು. ವಾರ್ಷಿಕ 3 ಸಾವಿರ ರೂ.ಗೆ ಟೋಲ್ ಪಾಸ್ ಪಡೆದು ಒಂದು ವರ್ಷ ಕಾಲ ರಾಷ್ಟ್ರ ಹಾಗೂ ರಾಜ್ಯ ಹೆದ್ದಾರಿಯಲ್ಲಿ ಸಂಚರಿಸಬಹುದು ಎಂದು ಸಚಿವ ನಿತಿನ್ ಗಡ್ಕರಿ ಹೇಳಿದ್ದಾರೆ.

ಕಮರ್ಷಿಯಲ್ ಅಲ್ಲದ ವಾಹನಗಳಿಗೆ ಮಾತ್ರವೇ ವಾರ್ಷಿಕ ಟೋಲ್ ಪಾಸ್ ನೀಡಲಿದೆ. ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸಂಚರಿಸುವ ಖಾಸಗಿ ಕಾರು, ಜೀಪ್, ವ್ಯಾನ್ಗಳಿಗೆ ವಾರ್ಷಿಕ ಟೋಲ್ ಪಾಸ್ ಪಡೆಯಬಹುದು. ವಾರ್ಷಿಕ ಪಾಸ್ ಸಕ್ರಿಯಗೊಳಿಸಿದ ದಿನಾಂಕದಿಂದ ಒಂದು ವರ್ಷ ಅಥವಾ 200 ಟ್ರಿಪ್‌ಗಳ ವರೆಗೆ ಪಾಸ್ ಮಾನ್ಯವಾಗಿರುತ್ತದೆ. ಈ ಯೋಜನೆಯು ಖಾಸಗಿ ವಾಹನ ಸವಾರರಿಗೆ ಲಾಭದಾಯಕವಾಗಿದ್ದು, ದೇಶಾದ್ಯಂತ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಸುಗಮ ಪ್ರಯಾಣಕ್ಕೆ ಅವಕಾಶ ನೀಡಲಿದೆ.

ಫಾಸ್ಟ್‌ಟ್ಯಾಗ್ ಈಗಾಗಲೇ ದೇಶಾದ್ಯಂತ ಟೋಲ್‌ ಗೇಟ್‌ಗಳಲ್ಲಿ ಸಮಯ ಉಳಿತಾಯ ಮತ್ತು ಪಾರದರ್ಶಕ ವಹಿವಾಟು ಖಾತರಿಪಡಿಸುವ ಪರಿಣಾಮಕಾರಿ ವಿಧಾನವಾಗಿದೆ. ಆದರೆ ಕೆಲವೊಮ್ಮೆ ಟೋಲ್ ಪಾವತಿಗೆ ವಿಳಂಬ ಆಗುವುದನ್ನು ತಪ್ಪಿಸಲು ಹೊಸ ವಿಧಾನ ಜಾರಿಗೆ ತರಲಾಗಿದೆ. ಆದರೆ ವಾಣಿಜ್ಯ ವಾಹನಗಳಾದ ಟ್ಯಾಕ್ಸಿಗಳು, ಬಸ್‌ ಅಥವಾ ಟ್ರಕ್‌ಗಳಿಗೆ ಈ ಪಾಸ್ ಅನ್ವಯವಾಗುವುದಿಲ್ಲ. ಸದ್ಯಕ್ಕೆ ಖಾಸಗಿ ವಾಹನ ಮಾಲೀಕರು ತಮ್ಮ ಫಾಸ್ಟ್‌ಟ್ಯಾಗ್ ಖಾತೆಗೆ ಈ ವಾರ್ಷಿಕ ಯೋಜನೆಯನ್ನು ಲಿಂಕ್ ಮಾಡಬಹುದಾಗಿದೆ.

Minister of Road Transport and Highways Nitin Gadkari Wednesday announced a FASTag-based annual pass priced at Rs 3,000 for “hassle-free-highway travel”. He said the new system, exclusively for non-commercial private vehicles such as cars, jeeps, and vans, will address the “long-standing concerns” regarding toll plazas.