Israel, Arabic Language: ಇಸ್ರೇಲ್ ಸೈನಿಕರಿಗೆ ಇಸ್ಲಾಂ ಅಧ್ಯಯನ, ಅರೇಬಿಕ್ ಭಾಷೆ ಕಲಿಕೆ ಕಡ್ಡಾಯ ; ವೈರಿಗಳನ್ನು ಅರಿಯಲು ಇಸ್ರೇಲಿಗಳ ಹೊಸ ತಂತ್ರಗಾರಿಕೆ !

ಬ್ರೇಕಿಂಗ್ ನ್ಯೂಸ್

Mangalore Congress: ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ವಿಭಜನೆಯ ತಂತ್ರಗಾರಿಕೆ ; ಮಹಿಳಾ ಕಾಂಗ್ರೆಸಿಗೆ ನಗರ, ಗ್ರಾಮಾಂತರಕ್ಕೆ ಪ್ರತ್ಯೇಕ ಅಧ್ಯಕ್ಷರ ನೇಮಕ, ಸಂಘಟನೆ ಕಾರಣಕ್ಕೆ ಎಲ್ಲ ಘಟಕಗಳೂ ಇಬ್ಭಾಗ ! ಅಧ್ಯಕ್ಷ ಸ್ಥಾನಕ್ಕೆ ತೆರೆಮರೆಯ ಕಸರತ್ತು | Mangalore, Dharmasthala Case, SIT, whistle blower: ಧರ್ಮಸ್ಥಳ ಪ್ರಕರಣ ; ಹೆಣ ಹೂತಿದ್ದೇನೆಂದ ವ್ಯಕ್ತಿಗೆ ಸುದೀರ್ಘ 9 ಗಂಟೆ ಎಸ್ಐಟಿ ಡ್ರಿಲ್ ! ಮಂಗಳೂರಿನಲ್ಲೇ ವಿಚಾರಣೆ ನಡೆಸಿದ ಅಧಿಕಾರಿಗಳು | ಸೈಬರ್ ವಂಚಕರ ಜಾಲಕ್ಕೆ ನಕಲಿ ಬ್ಯಾಂಕ್ ಖಾತೆ ಪೂರೈಕೆ ; ಬೆಳಗಾವಿ ಯುವಕರ ಹೆಸರಲ್ಲಿ ಕೋಟ್ಯಂತರ ವಹಿವಾಟು, ಚೆನ್ನೈ ಪೊಲೀಸರಿಂದ ಮೂವರ ಬಂಧನ |

Israel, Arabic Language: ಇಸ್ರೇಲ್ ಸೈನಿಕರಿಗೆ ಇಸ್ಲಾಂ ಅಧ್ಯಯನ, ಅರೇಬಿಕ್ ಭಾಷೆ ಕಲಿಕೆ ಕಡ್ಡಾಯ ; ವೈರಿಗಳನ್ನು ಅರಿಯಲು ಇಸ್ರೇಲಿಗಳ ಹೊಸ ತಂತ್ರಗಾರಿಕೆ !

26-07-25 03:31 pm HK News Desk ದೇಶ - ವಿದೇಶ

ಇಸ್ಲಾಮಿಕ್ ರಾಷ್ಟ್ರಗಳ ವಿರುದ್ಧ ನಿರಂತರ ಸಂಘರ್ಷದಲ್ಲಿ ತೊಡಗಿರುವ ಇಸ್ರೇಲ್ ತನ್ನ ಸೈನಿಕರಿಗೆ ಇಸ್ಲಾಂ ಬಗ್ಗೆ ಅಧ್ಯಯನ ಮತ್ತು ಅರೇಬಿಕ್ ಭಾಷೆ ಕಲಿಕೆಯನ್ನು ಕಡ್ಡಾಯಗೊಳಿಸಿದೆ. ಸುತ್ತ ಮುಸ್ಲಿಂ ರಾಷ್ಟ್ರಗಳಿರುವ ಇಸ್ರೇಲಿ ಗುಪ್ತಚರ ಪಡೆಯನ್ನು ಇನ್ನಷ್ಟು ಪರಿಣಾಮಕಾರಿ ಆಗಿಸಲು ಈ ಕ್ರಮ ಎನ್ನಲಾಗುತ್ತಿದೆ.

ಟೆಲ್ ಅವೀವ್, ಜುಲೈ 26 : ಇಸ್ಲಾಮಿಕ್ ರಾಷ್ಟ್ರಗಳ ವಿರುದ್ಧ ನಿರಂತರ ಸಂಘರ್ಷದಲ್ಲಿ ತೊಡಗಿರುವ ಇಸ್ರೇಲ್ ತನ್ನ ಸೈನಿಕರಿಗೆ ಇಸ್ಲಾಂ ಬಗ್ಗೆ ಅಧ್ಯಯನ ಮತ್ತು ಅರೇಬಿಕ್ ಭಾಷೆ ಕಲಿಕೆಯನ್ನು ಕಡ್ಡಾಯಗೊಳಿಸಿದೆ. ಸುತ್ತ ಮುಸ್ಲಿಂ ರಾಷ್ಟ್ರಗಳಿರುವ ಇಸ್ರೇಲಿ ಗುಪ್ತಚರ ಪಡೆಯನ್ನು ಇನ್ನಷ್ಟು ಪರಿಣಾಮಕಾರಿ ಆಗಿಸಲು ಈ ಕ್ರಮ ಎನ್ನಲಾಗುತ್ತಿದೆ.

ಗುಪ್ತಚರ ಸಿಬ್ಬಂದಿ ಹೌತಿ ಬಂಡುಕೋರರ ಸಂವಹನಗಳನ್ನು ಅರ್ಥೈಸುವಲ್ಲಿ ತೊಂದರೆ ಅನುಭವಿಸುತ್ತಿದ್ದಾರೆ. ಹೀಗಾಗಿ ಅವರ ಭಾಷೆ, ಸಂಸ್ಕೃತಿಯನ್ನೂ ಕಲಿತುಕೊಳ್ಳುವಂತೆ ಇಸ್ರೇಲ್ ಸರ್ಕಾರ ಸೈನಿಕರಿಗೆ ಸೂಚಿಸಿದೆ. ಇಸ್ರೇಲಿ ರಕ್ಷಣಾ ಪಡೆಗಳು, ಗುಪ್ತಚರ ಸೈನಿಕರು ಮತ್ತು ಇತರ ಅಧಿಕಾರಿಗಳು ಅರೇಬಿಕ್ ಭಾಷೆ ಮತ್ತು ಇಸ್ಲಾಮಿಕ್ ಬಗ್ಗೆ ತರಬೇತಿ ಪಡೆಯಬೇಕಿದೆ. ಈ ಕುರಿತು ಜೆರುಸಲೆಮ್ ಪೋಸ್ಟ್ ವರದಿ ಮಾಡಿದ್ದು, ಅಕ್ಟೋಬರ್ 7, 2023ರ ಗುಪ್ತಚರ ವೈಫಲ್ಯದ ಹಿನ್ನೆಲೆಯಲ್ಲಿ ಈ ಕ್ರಮ ಜರುಗಿಸಲಾಗಿದೆ ಎಂದಿದೆ.

ಮುಂದಿನ ವರ್ಷದ ಅಂತ್ಯದ ವೇಳೆಗೆ, 100 ಪ್ರತಿಶತ ಗುಪ್ತಚರ ಸಿಬ್ಬಂದಿ ಇಸ್ಲಾಮಿಕ್ ಬಗ್ಗೆ ಮತ್ತು ಅರೇಬಿಕ್ ಭಾಷಾ ತರಬೇತಿಗೆ ಒಳಗಾಗುತ್ತಾರೆ. ಹೌತಿ ಮತ್ತು ಇರಾಕಿ ಉಪ ಭಾಷೆಗಳ ಬಗ್ಗೆ ವಿಶೇಷ ತರಬೇತಿ ಇರುತ್ತದೆ.

ಹಿರಿಯ ಗುಪ್ತಚರ ಅಧಿಕಾರಿಯೊಬ್ಬರು ಹೇಳಿಕೆಯನ್ನು ಉಲ್ಲೇಖಿಸಿದ್ದು, "ಇಲ್ಲಿಯವರೆಗೆ, ನಾವು ಸಂಸ್ಕೃತಿ, ಭಾಷೆ ಮತ್ತು ಇಸ್ಲಾಂ ಕ್ಷೇತ್ರಗಳಲ್ಲಿ ಪರಿಣತಿ ಪಡೆದಿರಲಿಲ್ಲ. ನಾವು ನಮ್ಮ ಗುಪ್ತಚರ ಅಧಿಕಾರಿಗಳು ಮತ್ತು ಸೈನಿಕರನ್ನು ಹಳ್ಳಿಯಲ್ಲಿ ಬೆಳೆದ ಅರಬ್ ಮಕ್ಕಳನ್ನಾಗಿ ಪರಿವರ್ತಿಸುವುದಿಲ್ಲ. ಭಾಷೆ ಮತ್ತು ಸಾಂಸ್ಕೃತಿಕ ಅಧ್ಯಯನಗಳ ಮೂಲಕ ವೈರಿಗಳ ಭಾಷೆಯಲ್ಲೇ ಅವರನ್ನು ಅರ್ಥ ಮಾಡಿಕೊಳ್ಳಲು ಸಾಧ್ಯವಿದೆ ಎಂದು ಹೇಳಿದ್ದಾರೆ.

In a significant strategic shift, Israel has made Islamic studies and Arabic language training mandatory for its soldiers, particularly those in intelligence and defense roles. Surrounded by Islamic nations and engaged in ongoing regional conflicts, Israel aims to enhance its understanding of its adversaries through cultural and linguistic familiarity.