ಕಡೆಗೂ ಸೋಲೊಪ್ಪಿದ ಟ್ರಂಪ್ ; ಜ.20ರಂದು ಅಧಿಕಾರ ಹಸ್ತಾಂತರಕ್ಕೆ ಅಸ್ತು !

ಬ್ರೇಕಿಂಗ್ ನ್ಯೂಸ್

Kukke Subrahmanya Temple, Mangalore: ನ.27ರಿಂದ ಕುಕ್ಕೆ ಸುಬ್ರಹ್ಮಣ್ಯದಲ್ಲಿ ಚಂಪಾಷಷ್ಠಿ ಉತ್ಸವ ; ಸರ್ಪ ಸಂಸ್ಕಾರ, ಆಶ್ಲೇಷ ಬಲಿ ಸೇವೆ ರದ್ದು, ಪ್ರಮುಖ ಸೇವೆಗಳಲ್ಲಿ ವ್ಯತ್ಯಯ | Bjp, D K Shivakumar : ಚನ್ನಪಟ್ಟಣ ಗೆಲ್ಲಲು ಬಿಜೆಪಿ, ಜೆಡಿಎಸ್ ನಾಯಕರು ನೆರವು ನೀಡಿದ್ದಾರೆ, ಇಲ್ಲಾಂದ್ರೆ ಹೆಚ್ಚು ಮತ ಬರ್ತಿರಲಿಲ್ಲ ; ತಿವಿದ ಡಿಕೆಶಿ | Hariprasad, Mangalore, Congress: ಮಹಾರಾಷ್ಟ್ರದಲ್ಲಿ ಟ್ಯಾಂಕರಿನಲ್ಲಿ ಹಣ ತಂದು ಸುರಿದಿದ್ದಾರೆ, ಅಂಪೈರ್ ಜೊತೆ ಸೇರಿದ ಮೇಲೆ ಮ್ಯಾಚ್ ಗೆಲ್ಲದಿರುತ್ತಾ ? ಅಮಿತ್ ಷಾ ಮಗ ತೆಂಡುಲ್ಕರ್ ಗಿಂತ ದೊಡ್ಡ ಕ್ರಿಕೆಟ್ ಪ್ಲೇಯರ್ ; ಬಿಕೆ ಹರಿಪ್ರಸಾದ್ ವ್ಯಂಗ್ಯ |

ಕಡೆಗೂ ಸೋಲೊಪ್ಪಿದ ಟ್ರಂಪ್ ; ಜ.20ರಂದು ಅಧಿಕಾರ ಹಸ್ತಾಂತರಕ್ಕೆ ಅಸ್ತು !

08-01-21 11:58 am Headline Karnataka News Network ದೇಶ - ವಿದೇಶ

ಕೊನೆಗೂ ಜೋ ಬೈಡೆನ್ ಅವರ ಗೆಲುವನ್ನು ಘೋಷಿಸಿದ್ದು ಡೊನಾಲ್ಡ್ ಟ್ರಂಪ್ ತಮ್ಮ ಸೋಲನ್ನು ಒಪ್ಪಿಕೊಳ್ಳುವುದರ ಜೊತೆಗೆ ಅಧಿಕಾರ ಹಸ್ತಾತರಿಸುವುದಾಗಿ ಹೇಳಿದ್ದಾರೆ.

ವಾಷಿಂಗ್ಟನ್, ಜ.8 : ಅಮೆರಿಕ ಕಾಂಗ್ರೆಸ್ ಕೊನೆಗೂ ಜೋ ಬೈಡೆನ್ ಅವರ ಗೆಲುವನ್ನು ಘೋಷಿಸಿದ್ದು ಡೊನಾಲ್ಡ್ ಟ್ರಂಪ್ ತಮ್ಮ ಸೋಲನ್ನು ಒಪ್ಪಿಕೊಳ್ಳುವುದರ ಜೊತೆಗೆ ಇದೇ ಜನವರಿ 20ರಂದು ಅಧಿಕಾರ ಹಸ್ತಾತರಿಸುವುದಾಗಿ ಹೇಳಿದ್ದಾರೆ.

ಜ.7ರಂದು ಅಮೆರಿಕದ ಸಂಸತ್ತು ಮತ್ತು ಎಲೆಕ್ಟೋರಲ್ ಕಾಲೇಜ್ ಫಲಿತಾಂಶವನ್ನು ಅಂಗೀಕರಿಸುವುದಾಗಿ ಹೇಳಿದ್ದು ಈ ಮೂಲಕ ಜೋ ಬೈಡೆನ್ ಅಮೆರಿಕದ 46ನೇ ಅಧ್ಯಕ್ಷರಾಗಿ ಅಧಿಕಾರ ಸ್ವೀಕರಿಸಲು ಅನುವು ಮಾಡಿಕೊಟ್ಟಿದೆ.

2020ರ ಅಧ್ಯಕ್ಷೀಯ ಚುನಾವಣೆಯ ಫಲಿತಾಂಶದ ಘೋಷಣೆಯಾಗುತ್ತಲೇ ಅತ್ತ ಡೊನಾಲ್ಡ್ ಟ್ರಂಪ್ ಬೆಂಬಲಿಗರು ಅಮೆರಿಕದ ಕ್ಯಾಪಿಟಲ್ ಕಟ್ಟಡಕ್ಕೆ ಮುತ್ತಿಗೆ ಹಾಕಿ ದಾಂಧಲೆ ನಡೆಸಿದ್ದರು. ಘಟನೆಯಲ್ಲಿ ನಾಲ್ಕು ಮಂದಿ ಸಾವನ್ನಪ್ಪಿದ್ದು ಐತಿಹಾಸಿಕ ಎನ್ನುವ ರೀತಿ ಟೀಕೆ ಕೇಳಿಬಂದಿದೆ. ‌ಟ್ರಂಪ್ ಬೆಂಬಲಿಗರು ಈ ರೀತಿಯ ಹಿಂಸಾಚಾರ ನಡೆಸಿದ್ದನ್ನು ಅಲ್ಲಿನ ಮಾಧ್ಯಮಗಳು ತೀವ್ರ ಟೀಕಿಸಿದ್ದವು. ಇದರ ಬೆನ್ನಲ್ಲೇ ತಾನು ಚುನಾವಣೆ ಫಲಿತಾಂಶವನ್ನು ಒಪ್ಪಿಕೊಂಡು ಕ್ರಮಬದ್ಧವಾಗಿ ಅಧಿಕಾರ ಹಸ್ತಾಂತರ ಮಾಡಲಿದ್ದೇನೆ ಎಂದು ಟ್ರಂಪ್ ಘೋಷಣೆ ಮಾಡಿದ್ದಾರೆ.‌

ನವೆಂಬರ್ ಮೊದಲ ವಾರದಲ್ಲಿ ಅಮೆರಿಕ ಸಂಸತ್ತಿಗೆ ಚುನಾವಣೆ ನಡೆದಿದ್ದು ತೀವ್ರ ಪೈಪೋಟಿ ಎದುರಾಗಿತ್ತು. ಕ್ಯಾಲಿಫೋರ್ನಿಯಾ, ಫ್ಲೋರಿಡಾ ರಾಜ್ಯಗಳಲ್ಲಿ ಹಣಾಹಣಿ ಏರ್ಪಟ್ಟ ಕಾರಣ ಡೊನಾಲ್ಡ್ ಟ್ರಂಪ್ ಕಾನೂನು ಹೋರಾಟಕ್ಕೆ ಇಳಿದಿದ್ದರು. ತನ್ನ ಅಧಿಕಾರ ಬಲದಿಂದ ಚುನಾವಣೆ ಫಲಿತಾಂಶ ನಿರ್ಬಂಧಿಸಿ ಮುಂದುವರಿಯಲು ಕಸರತ್ತು ನಡೆಸಿದ್ದರು. ಆದರೆ, ಫಲಿತಾಂಶ ತಡೆಹಿಡಿದು ನಡೆಸಿದ ಹೋರಾಟದಲ್ಲೂ ಟ್ರಂಪ್ ಪರವಾಗಿ ಜಯ ಲಭಿಸಲಿಲ್ಲ. ಹೀಗಾಗಿ ಇಲೆಕ್ಟೋರಲ್ ಕಾಲೇಜು ಕಡೆಗೂ ಫಲಿತಾಂಶ ಘೋಷಿಸಿತ್ತು. ಅದರಂತೆ, ಅಧಿಕಾರ ಹಸ್ತಾಂತರ ಮಾಡಲೇಬೇಕಾದ ಅನಿವಾರ್ಯತೆಗೆ ಸಿಲುಕಿದ್ದರು. ಎಲ್ಲವೂ ಅಂದ್ಕೊಂಡ ರೀತಿಯಲ್ಲಿ ನಡೆದರೆ ಜ.20ರಿಂದ ಅಮೆರಿಕದ ದೊಡ್ಡಣ್ಣನಾಗಿ ಜೋ ಬಿಡೆನ್ ಅಧಿಕಾರದ ಗಾದಿ ಏರಲಿದ್ದಾರೆ.

President Donald Trump conceded on Thursday that Joe Biden will be the next US president, a day after his supporters stormed the US Capitol as Congress was certifying Biden's victory in a stunning assault on American democracy.