ಬ್ರೇಕಿಂಗ್ ನ್ಯೂಸ್
Mangalore Crabs, Fishing: ಮಂಗ್ಲೂರು ಏಡಿಗಳಿಗೆ ಚೀನಾ, ಮಲೇಶ್ಯಾದಲ್ಲಿ ಭಾರೀ ಬೇಡಿಕೆ ; ವಿಮಾನ ಹತ್ತಿ ಹೋಗುತ್ತೆ ಜೀವಂತ ಏಡಿ, ಹಾವು, ಇಲಿ ತಿನ್ನೋರಿಗೆ ರುಚಿ ಹತ್ತಿಸಿದ್ಯಂತೆ ಕಲ್ಲು ಏಡಿ, ಒಂದು ಮಡ್ ಕ್ರಾಬ್ ರೇಟ್ ಎರಡು ಸಾವಿರ ರೂ. !
23-10-23 05:38 pm Mangalore Correspondent ಕರಾವಳಿ
ಮಂಗಳೂರು, ಅ.23: ಏಡಿ ಯಾರಿಗೆ ಗೊತ್ತಿಲ್ಲ ಹೇಳಿ. ಹಳ್ಳಿಗಳಲ್ಲಿ ತೋಡಿನಲ್ಲಿ ಸಿಗುವ ಏಡಿ ಬೇರೆ, ಕಡಲಿನಲ್ಲಿ ಸಿಗುವ ಏಡಿಯೇ ಬೇರೆ. ಇವೆರಡೂ ಅಲ್ಲದ ಇನ್ನೊಂದು ಏಡಿ ಇದೆ. ನದಿ ಕಡಲು ಸೇರುವಲ್ಲಿ ಕಲ್ಲು ಬಂಡೆಗಳ ಎಡೆಯಲ್ಲಿ ಬೆಳೆಯುವ ಏಡಿಗಳು ಗಾತ್ರದಲ್ಲೂ ದೊಡ್ಡದು. ರುಚಿಯಲ್ಲೂ ವಿಭಿನ್ನವಾದದ್ದು. ಇಂಥ ಏಡಿಗಳು ಮಂಗಳೂರಿನಿಂದ ಹಿಡಿದು ಕಾರವಾರದ ವರೆಗೂ ಎಲ್ಲ ಕಡೆಯೂ ಕರಾವಳಿಯಲ್ಲಿ ಕಾಣಸಿಗುತ್ತದೆ. ಅವುಗಳನ್ನು ಜತನವಾಗಿ ಹಿಡಿದು ಮಾರುವ ವರ್ಗವೇ ಇದೆ. ಇಂಥ ಏಡಿಗಳೀಗ ವಿಮಾನ ಹತ್ತಿ ಚೀನಾಕ್ಕೂ ತಲುಪಿದೆ ಅನ್ನೋದು ಹೊಸ ಸುದ್ದಿ.
ಸಾಮಾನ್ಯವಾಗಿ ಮಂಗಳೂರಿನ ಮೀನುಗಳಿಗೆ ಗಲ್ಫ್ ರಾಷ್ಟ್ರಗಳಲ್ಲಿ ವಿಶೇಷ ಬೇಡಿಕೆ ಇದೆ. ಆದರೆ ಇಲಿ, ಹಾವುಗಳನ್ನು ತಿನ್ನುವ ಚೀನಾ, ಸಿಂಗಾಪುರ, ಮಲೇಶ್ಯಾದವರಿಗೆ ಮಂಗಳೂರಿನ ಏಡಿಗಳಂದ್ರೆ ವಿಶೇಷ ಪ್ರೀತಿಯಂತೆ. ಹಾಗಾಗಿ, ಒಂದು ಏಡಿಗೆ ಎಷ್ಟು ಹಣ ಬೇಕಾದ್ರೂ ಕೊಟ್ಟು ಖರೀದಿಸುತ್ತಾರಂತೆ. ಚೀನಾ ಮಾರುಕಟ್ಟೆಯಲ್ಲಿ ವಿಶೇಷ ಬೇಡಿಕೆ ಇರುವುದನ್ನು ಮನಗಂಡ ಮಂಗಳೂರಿನ ಬಂದರಿನ ಸೋದರರು ಈಗ ಏಡಿಗಳನ್ನು ರಫ್ತು ಮಾಡುವುದನ್ನೇ ಕಾಯಕ ಮಾಡಿಕೊಂಡಿದ್ದಾರೆ.
ಮಂಗಳೂರಿನ ಮೀನುಗಾರಿಕಾ ಬಂದರಿನಲ್ಲಿ ಎಸ್.ಎಂ. ಫಿಶರೀಸ್ ಎನ್ನುವ ಹೆಸರಿನ ಸಂಸ್ಥೆ ಆರಂಭಿಸಿದ ಅಬ್ದುಲ್ ಸಮಾದ್, ಮಹಮ್ಮದ್ ಆಸೀಫ್, ಫಯಾಜ್ ಅಹ್ಮದ್ ಎಂಬ ಸೋದರರು ಈಗ ಜೀವಂತ ಏಡಿಗಳನ್ನು ವಿಮಾನ ಹತ್ತಿಸುವ ಕಾರ್ಯದಲ್ಲಿ ನಿರತರಾಗಿದ್ದಾರೆ. ನದಿ ಕಡಲು ಸೇರುವಲ್ಲಿ ಸಿಗುವ ದೊಡ್ಡ ಜಾತಿಯ ಏಡಿಗಳನ್ನು ಮಡ್ ಕ್ರಾಬ್ ಎನ್ನುತ್ತಾರೆ. ನಸು ಕೆಂಪು ಇರುವ ರೆಡ್ ಕ್ರಾಬ್ ಅನ್ನುವ ಮತ್ತೊಂದು ಜಾತಿಯ ಏಡಿಗೂ ವಿಶೇಷ ಬೇಡಿಕೆಯಿದೆ. ನಾಡದೋಣಿ ಬಳಸಿ ಈ ಏಡಿಗಳನ್ನು ಹಿಡಿಯುವ ಮೀನುಗಾರರಿಂದ ನೇರವಾಗಿ ಖರೀದಿಸುವ ಈ ಸೋದರರು ಅವುಗಳನ್ನು ಜೋಪಾನವಾಗಿ ಪ್ಯಾಕ್ ಮಾಡಿ, ವಿಮಾನದಲ್ಲಿ ವಿದೇಶಕ್ಕೆ ರವಾನಿಸುತ್ತಾರೆ. ಇಂಥ ಒಂದು ಏಡಿಗೆ ಚೀನಾದಲ್ಲಿ ಒಂದರಿಂದ ಒಂದೂವರೆ ಸಾವಿರ, ಎರಡು ಸಾವಿರ ರೂ. ರೇಟ್ ಇದೆಯಂತೆ.
ಸಾಮಾನ್ಯವಾಗಿ ಏಡಿಗಳನ್ನು ಯಾವುದೇ ಗಾಯ ಮಾಡದೇ ಹಿಡಿದು ಬಿಟ್ಟರೆ, ನೀರಿನಿಂದ ಮೇಲೆ ತೆಗೆದರೂ ಮೂರ್ನಾಲ್ಕು ದಿನ ಯಾವುದೇ ಆಹಾರ, ನೀರು ಇಲ್ಲದೆ ಬದುಕುತ್ತವೆ. ನೀರು ಹಾಕಿಟ್ಟರೆ, ಮತ್ತಷ್ಟು ದಿನ ಬದುಕುಳಿಯುತ್ತವಂತೆ. ಇದೇ ಕಾರಣದಿಂದ ವಿಶೇಷ ರೀತಿಯ ಬಲೆಗಳಿಂದ ಏಡಿಗಳನ್ನು ಹಿಡಿದು ಅವುಗಳ ದವಡೆ ರೀತಿಯ ಕೈಗಳನ್ನು ಕಟ್ಟಿ ಜೋಪಾನವಾಗಿ ಪ್ಯಾಕ್ ಮಾಡುತ್ತಾರೆ.
ಹಿಂದೆಲ್ಲ ಚೆನ್ನೈನ ವ್ಯಕ್ತಿಯೊಬ್ಬರು ಮಂಗಳೂರು, ಕಾರವಾರದಿಂದ ಇಂಥ ಏಡಿಗಳನ್ನು ಕಡಿಮೆ ದರಕ್ಕೆ ಪಡೆದು ಅವನ್ನು ಚೀನಾ, ಸಿಂಗಾಪುರಕ್ಕೆ ಕಳಿಸಿಕೊಡುತ್ತಿದ್ದರು. ಇದರ ಬಗ್ಗೆ ತಿಳಿದ ಫಯಾಜ್ ಸೋದರರು 2008ರಲ್ಲಿ ಸಣ್ಣ ಮಟ್ಟದಲ್ಲಿ ರಫ್ತು ಉದ್ಯಮ ಆರಂಭಿಸಿದ್ದರು. ಈಗ ಎರಡು ದಿನಕ್ಕೊಮ್ಮೆ 300 ಕೇಜಿಯಷ್ಟು ಏಡಿಗಳನ್ನು ವಿದೇಶಕ್ಕೆ ಕಳಿಸಿಕೊಡುತ್ತಿದ್ದಾರೆ. ಕರಾವಳಿ ಉದ್ದಕ್ಕೂ ಮಡ್ ಕ್ರಾಬ್ ಹಿಡಿಯುವ ಮೀನುಗಾರರನ್ನು ತಮ್ಮ ಜೊತೆಗಿರಿಸಿ ಮೀನುಗಳನ್ನು ಉತ್ತಮ ದರಕ್ಕೆ ಖರೀದಿಸಿ ವಿದೇಶಕ್ಕೆ ಸಾಗಿಸುತ್ತಿದ್ದಾರೆ. ಜೀವಂತ ಹಿಡಿದು ಸಾಗಿಸುತ್ತಿರುವುದರಿಂದಲೇ ಇಂಥ ಫ್ರೆಶ್ ಏಡಿಗಳಿಗೆ ವಿಶೇಷ ಬೇಡಿಕೆ.
Mangalore crabs are now in high demand, they have been now exported to China and Malaysia as demand for crabs of Mangalore increase.
ಕರ್ನಾಟಕ
13-02-26 10:45 pm
HK News Desk
Hoskote Accident, Latest Update: ಹೊಸಕೋಟೆ ಅಪಘಾ...
13-02-26 09:18 pm
ಹೊಸಕೋಟೆ ಬಳಿ ಸರಣಿ ಅಪಘಾತ ; ಕ್ಯಾಂಟರ್ ಡ್ರೈವರ್ ಎಡವ...
13-02-26 10:41 am
ಖರೀದಿಸಿದ ಕೆಲವೇ ದಿನಗಳಲ್ಲಿ ಕೈಕೊಟ್ಟ ₹52 ಲಕ್ಷದ ಹಿ...
11-02-26 11:02 pm
Breast Cancer Awareness Drive Goes Nationwide...
11-02-26 01:34 pm
ದೇಶ - ವಿದೇಶ
13-02-26 11:00 pm
HK News Staffer
ವಂದೇ ಮಾತರಂ ಕಡ್ಡಾಯ ಕ್ರಮಕ್ಕೆ ಜಮಾತೆ ಉಲೆಮಾ ಹಿಂದ್...
12-02-26 10:51 pm
ನಕಲಿ ಷೇರು ಹೂಡಿಕೆ ಆ್ಯಪ್ ಹೆಸರಲ್ಲಿ ದುಪ್ಪಟ್ಟು ಲಾಭ...
12-02-26 09:31 pm
ಅಮೆರಿಕದಲ್ಲಿ ಪೊಲೀಸ್ ಅಧಿಕಾರಿ ಕಾರು ಗುದ್ದಿ ಭಾರತೀಯ...
12-02-26 09:19 pm
260 ಜನರನ್ನು ಬಲಿ ಪಡೆದ ಅಹಮದಾಬಾದ್ ವಿಮಾನ ಪತನ ; ಇಂ...
12-02-26 01:40 pm
ಕರಾವಳಿ
13-02-26 09:52 pm
Mangalore Correspondent
Pilikula zoo, Mangalore: ಪಿಲಿಕುಳ ಪ್ರಾಣಿ ಸಂಗ್ರ...
13-02-26 06:38 pm
ಪರ್ಸೆಂಟೇಜ್ ಈಗ ಹೆಚ್ಚಾಗಿದೆ, ರಾಜ್ಯದಲ್ಲಿ 37 ಸಾವಿರ...
13-02-26 01:28 pm
ಶಾಲಾ ಮಕ್ಕಳನ್ನು ಟಿಪ್ಪರ್ ನಲ್ಲಿ ತುಂಬಿಸಿ ಅಧ್ಯಯನ ಪ...
13-02-26 01:06 am
ಮೋದಿ ಹೆಸರಲ್ಲಿ ಹತ್ತು ನಮೋ ಕುಟೀರ ನಿರ್ಮಾಣ ಯೋಜನೆ ;...
12-02-26 10:36 pm
ಕ್ರೈಂ
13-02-26 03:35 pm
Mangalore Correspondent
ಕಾಂಬೋಡಿಯಾದಲ್ಲಿ ನಕಲಿ ಭಾರತೀಯ ಪೊಲೀಸ್ ಠಾಣೆ ಪತ್ತೆ...
13-02-26 11:52 am
ರೌಡಿ ಶೀಟರ್ ಬಿಕ್ಲು ಶಿವ ಕೊಲೆ ; ಕೊನೆಗೂ ಭೈರತಿ ಬ...
13-02-26 12:54 am
ವಿಷದ ಲಡ್ಡು ತಿನ್ನಿಸಿ 6 ಜನರ ಹತ್ಯೆ ; ದೆಹಲಿಯಲ್ಲಿ...
12-02-26 02:34 pm
ಫ್ಲ್ಯಾಟ್, ಚಿನ್ನದ ನೆಪದಲ್ಲಿ ಮುಂಬೈನ ಮಹಿಳಾ ಉದ್ಯಮಿ...
11-02-26 10:54 pm