BJP B Y Vijayendra Blames System Failure in Wake of Suhas Shetty murder in mangalore | B Y Vijayendra, Suhas Shetty Murder, Mangalore; ಕಾರಿಂಜದಲ್ಲಿ ಸುಹಾಸ್ ಶೆಟ್ಟಿ ಅಂತ್ಯಕ್ರಿಯೆ ; ಕುಟುಂಬಕ್ಕೆ ಬಿಜೆಪಿಯಿಂದ 25 ಲಕ್ಷ ಪರಿಹಾರ ಘೋಷಣೆ, ಜೀವಕ್ಕೆ ರಕ್ಷಣೆ ನೀಡದಿರೋದು ಪೊಲೀಸರ ವೈಫಲ್ಯ - ವಿಜಯೇಂದ್ರ ಆಕ್ರೋಶ

ಬ್ರೇಕಿಂಗ್ ನ್ಯೂಸ್

Ullal, Mangalore, Crime: ಕೋಮು‌ ದ್ವೇಷದ ನೆಲದಲ್ಲಿ ಆಗಂತುಕರದ್ದೇ ಭಯ, ಗೂಗಲ್ ಮ್ಯಾಪ್ ಬೆನ್ನತ್ತಿದರೂ ಸಿಗದ ದಾರಿ ; ನಸುಕಿನಲ್ಲಿ ವಿಳಾಸ ಕೇಳಿದ ರಿಕ್ಷಾ ಚಾಲಕನಿಗೆ ಹೆದರಿ ಓಡಿ ಹೋದ ಮುಸ್ಲಿಂ ಯುವಕರು, ಉಳ್ಳಾಲ ಠಾಣೆಗೆ ದೂರು | Shivamogga Airport, Training: ಶಿವಮೊಗ್ಗ ವಿಮಾನ ನಿಲ್ದಾಣದಲ್ಲಿ ವಿಮಾನ ತರಬೇತಿ ಸಂಸ್ಥೆ ಸ್ಥಾಪಿಸಲು ಒಲವು ; ಟೆಂಡರ್ ಕರೆದ ರಾಜ್ಯ ಸರ್ಕಾರ, ಪ್ರತಿ ವರ್ಷ 100 ಮಂದಿಗೆ ತರಬೇತಿ ಗುರಿ | Tobacco Ban, Karnataka: ಸಾರ್ವಜನಿಕ ಸ್ಥಳಗಳಲ್ಲಿ ತಂಬಾಕು ಪದಾರ್ಥ ಬಳಕೆ ನಿಷೇಧ ; ತಂಬಾಕು ಸೇವಿಸಿ ಉಗಿಯುವಂತಿಲ್ಲ ! ತಪ್ಪಿದರೆ ಸಾವಿರ ರೂ. ದಂಡ, ಹುಕ್ಕಾ ಸೇವನೆಯೂ ನಿಷೇಧ |

B Y Vijayendra, Suhas Shetty Murder, Mangalore; ಕಾರಿಂಜದಲ್ಲಿ ಸುಹಾಸ್ ಶೆಟ್ಟಿ ಅಂತ್ಯಕ್ರಿಯೆ ; ಕುಟುಂಬಕ್ಕೆ ಬಿಜೆಪಿಯಿಂದ 25 ಲಕ್ಷ ಪರಿಹಾರ ಘೋಷಣೆ, ಜೀವಕ್ಕೆ ರಕ್ಷಣೆ ನೀಡದಿರೋದು ಪೊಲೀಸರ ವೈಫಲ್ಯ - ವಿಜಯೇಂದ್ರ ಆಕ್ರೋಶ

02-05-25 06:44 pm Mangaluru HK Staff ಕರಾವಳಿ

ಬಜಪೆಯಲ್ಲಿ ಹತ್ಯೆಗೀಡಾದ ಹಿಂದೂ ಪರ ಸಂಘಟನೆ ಕಾರ್ಯಕರ್ತ ಸುಹಾಸ್ ಶೆಟ್ಟಿ ಮೃತದೇಹದ ಅಂತ್ಯಕ್ರಿಯೆ ಶುಕ್ರವಾರ ಬಂಟ್ವಾಳ ತಾಲೂಕಿನ ಕಾರಿಂಜ ಗ್ರಾಮದ ಪುಲಿಮಜಲು ಎಂಬಲ್ಲಿ ಬಿಜೆಪಿ ನಾಯಕರು, ಸಾವಿರಾರು ಕಾರ್ಯಕರ್ತರ ಸಮ್ಮುಖದಲ್ಲಿ ನಡೆಯಿತು.

ಬಂಟ್ವಾಳ, ಮೇ 2: ಬಜಪೆಯಲ್ಲಿ ಹತ್ಯೆಗೀಡಾದ ಹಿಂದೂ ಪರ ಸಂಘಟನೆ ಕಾರ್ಯಕರ್ತ ಸುಹಾಸ್ ಶೆಟ್ಟಿ ಮೃತದೇಹದ ಅಂತ್ಯಕ್ರಿಯೆ ಶುಕ್ರವಾರ ಬಂಟ್ವಾಳ ತಾಲೂಕಿನ ಕಾರಿಂಜ ಗ್ರಾಮದ ಪುಲಿಮಜಲು ಎಂಬಲ್ಲಿ ಬಿಜೆಪಿ ನಾಯಕರು, ಸಾವಿರಾರು ಕಾರ್ಯಕರ್ತರ ಸಮ್ಮುಖದಲ್ಲಿ ನಡೆಯಿತು.

ಸುಹಾಸ್‌ ಶೆಟ್ಟಿ ತಾಯಿಯ ಮೂಲ ಮನೆಯಾದ ಕಾರಿಂಜ ಸಮೀಪದ ಪುಲಿಮಜಲಿನಲ್ಲಿ ಅಂತ್ಯಕ್ರಿಯೆ ನಡೆಸಲಾಯಿತು. ಇದಕ್ಕೂ ಮುನ್ನ ಮಂಗಳೂರಿನಿಂದ ಸುಹಾಸ್ ಶೆಟ್ಟಿ ಮೃತದೇಹವನ್ನು ಮೆರವಣಿಗೆ ಮೂಲಕ ಬಂಟ್ವಾಳದ ಪುಲಿಮಜಲಿಗೆ ತರಲಾಯಿತು. ಸಾವಿರಾರು ಹಿಂದೂ ಪರ ಸಂಘಟನೆ ಕಾರ್ಯಕರ್ತರು ಭಾಗವಹಿಸಿದ್ದರು. ಕೊನೆಗೆ, ಪುಲಿಮಜಲಿನ ಮನೆಯ ಬಳಿಯಲ್ಲೇ ಅಂತಿಮ ದರ್ಶನಕ್ಕೆ ಅವಕಾಶ ನೀಡಲಾಯಿತು.

ಕೇಂದ್ರ ಸಚಿವೆ ಶೋಭಾ ಕರಂದ್ಲಾಜೆ, ಬಿಜೆಪಿ ರಾಜ್ಯ ಘಟಕ ಅಧ್ಯಕ್ಷ ಬಿವೈ ವಿಜಯೇಂದ್ರ, ವಿಪಕ್ಷ ನಾಯಕ ಆ‌ರ್.ಅಶೋಕ, ಹಿರಿಯ ನಾಯಕ ಸಿ.ಟಿ.ರವಿ, ಕರಾವಳಿ ಜಿಲ್ಲೆಗಳ ಬಿಜೆಪಿ ಶಾಸಕರು ಅಂತ್ಯಕ್ರಿಯೆ ಸಂದರ್ಭದಲ್ಲಿ ಭಾಗಿಯಾಗಿದ್ದರು. ಇದಲ್ಲದೆ, ವಿಜಯಪುರ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್, ಆರ್‌ಎಸ್‌ಎಸ್‌ ಪ್ರಮುಖ ಕಲ್ಲಡ್ಕ ಪ್ರಭಾಕರ ಭಟ್, ವಿಶ್ವ ಹಿಂದೂ ಪರಿಷದ್ ರಾಷ್ಟ್ರೀಯ ಕಾರ್ಯದರ್ಶಿ ಮಿಲಿಂದ್ ಫರಾಂಡ, ಹಿಂದೂ ಸಂಘಟನೆಯ ಮುಖಂಡರಾದ ಪುನೀತ್ ಕೆರೆಹಳ್ಳಿ, ರಘು ಸಕಲೇಶಪುರ, ಶರಣ್ ಪಂಪ್ ವೆಲ್ ಮುಂತಾದವರು ಭಾಗಿಯಾಗಿದ್ದರು.

ಜೀವಕ್ಕೆ ರಕ್ಷಣೆ ನೀಡದಿರೋದು ಪೊಲೀಸರ ವೈಫಲ್ಯ ;

ಮೃತ ಸುಹಾಸ್ ಶೆಟ್ಟಿ ಅಂತಿಮ ದರ್ಶನದ ಬಳಿಕ ಬಿ.ವೈ ವಿಜಯೇಂದ್ರ ಮಾಧ್ಯಮಕ್ಕೆ ಹೇಳಿಕೆ ನೀಡಿದ್ದು, ಕಾಶ್ಮೀರ ಪೆಹಲ್ಗಾಮ್ ಹತ್ಯೆ ಮರೆಯುವ ಮೊದಲೇ ಮಂಗಳೂರಿನಲ್ಲಿ ಕೊಲೆ ಘಟನೆ ನಡೆದಿರುವುದು ಖಂಡನಾರ್ಹ. ಬಿಜೆಪಿ ಈ ಘಟನೆಯನ್ನು ಬಹಳ ಗಂಭೀರವಾಗಿ ತೆಗೆದುಕೊಂಡಿದೆ. ಪೊಲೀಸ್ ಇಲಾಖೆ ವೈಫಲ್ಯ ಮೇಲ್ನೋಟಕ್ಕೆ ಕಂಡು ಬರ್ತಿದೆ. ಹಿಂದು ಕಾರ್ಯಕರ್ತರ ಜೀವಕ್ಕೆ ರಕ್ಷಣೆ ನೀಡದಿರೋದು ಪೊಲೀಸರ ವೈಫಲ್ಯ. ಹಿಂದೂ ಕಾರ್ಯಕರ್ತರಿಗೆ ರಕ್ಷಣೆ ಇಲ್ಲದ ಪರಿಸ್ಥಿತಿಯಾಗಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಮೃತನ ಕುಟುಂಬಕ್ಕೆ ಧೈರ್ಯ ಹೇಳುವ ಪ್ರಯತ್ನ ಮಾಡಿದ್ದೇವೆ. ಬಿಜೆಪಿಯ ಮುಖಂಡರು, ಕಾರ್ಯಕರ್ತರು ಅವರ ಕುಟುಂಬದ ಜೊತೆ ಇದ್ದೇವೆ. ಕುಟುಂಬದ ಆಧಾರ ಸ್ತಂಭ ಕಳಚಿ ಬಿದ್ದಂತಾಗಿದೆ. ಪಕ್ಷದ ಪರವಾಗಿ 25 ಲಕ್ಷ ಪರಿಹಾರ ನೀಡುವ ತೀರ್ಮಾನ ಮಾಡಿದ್ದೇವೆ. ಮುಖ್ಯಮಂತ್ರಿ, ಗೃಹಸಚಿವರು ಘಟನೆಯ ಗಂಭೀರತೆ ಅರ್ಥ ಮಾಡಿಕೊಳ್ಳಬೇಕು. ಸರ್ಕಾರದಿಂದ ಪರಿಹಾರ ನೀಡಬೇಕು. ಕೊಲೆ ಘಟನೆ ಬಗ್ಗೆ ಎನ್ಐಎ ತನಿಖೆಯಾಗಬೇಕು. ರಾಜ್ಯ ಸರ್ಕಾರಕ್ಕೆ ಮನುಷ್ಯತ್ವ ಇದ್ರೆ ಕುಟುಂಬಕ್ಕೆ ಪರಿಹಾರ ನೀಡಬೇಕು ಎಂದು ಹೇಳಿದರು.

Karnataka BJP President B.Y. Vijayendra has condemned the recent murder of Hindu activist Suhas Shetty in Mangaluru, describing it as a "serious failure in the system." He accused the Congress-led state government of fostering an environment that allows repeated attacks on Hindu activists. Vijayendra's remarks highlight concerns over the state's law and order situation and the safety of Hindu activists under the current administration.