Mangalore Man Missing, Israel: ಉದ್ಯೋಗಕ್ಕಾಗಿ ಇಸ್ರೇಲ್ ತೆರಳಿದ್ದ ಮಂಗಳೂರಿನ ಯುವಕ ನಾಪತ್ತೆ ; ಫೋನ್ ಕರೆಯಲ್ಲಿದ್ದಾಗಲೇ ಕಟ್, 12 ದಿನಗಳಿಂದ ಪತ್ತೆ ಇಲ್ಲ ! ಮನೆಯವರಿಗೆ ಆತಂಕ

ಬ್ರೇಕಿಂಗ್ ನ್ಯೂಸ್

ಉಡುಪಿ ಲಯನ್ಸ್ ಸರ್ಕಲ್‌ ಬಳಿ ಭೀಕರ ಅಪಘಾತ ; ರಸ್ತೆ ಬದಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಬಸ್ ಡಿಕ್ಕಿ, ನಗರಸಭೆ ಮಾಜಿ ಉಪಾಧ್ಯಕ್ಷೆ ಸ್ಥಳದಲ್ಲೇ ಸಾವು ! | ಜಂಕ್‌ಫುಡ್‌ ವಿರುದ್ಧ ಖಾದರ್‌ ಸಮರ ; ಶಾಲಾ–ಕಾಲೇಜುಗಳ 50 ಮೀಟರ್ ಸುತ್ತ ಮಾರಾಟ ನಿಷೇದ, ನಿಯಮ ಉಲ್ಲಂಘಿಸಿದರೆ 3 ಲಕ್ಷದವರೆಗೂ ದಂಡ, ಯಾಕೆ ಈ ಆದೇಶ? | Mangaluru: ಪತ್ನಿಯ ಕಿರುಕುಳ ; ಅಕ್ಕನಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡುತ್ತಲೇ ನೇಣಿಗೆ ಶರಣಾದ ಮೂಡುಬಿದಿರೆಯ ಟೆಂಪೋ ಚಾಲಕ |

Mangalore Man Missing, Israel: ಉದ್ಯೋಗಕ್ಕಾಗಿ ಇಸ್ರೇಲ್ ತೆರಳಿದ್ದ ಮಂಗಳೂರಿನ ಯುವಕ ನಾಪತ್ತೆ ; ಫೋನ್ ಕರೆಯಲ್ಲಿದ್ದಾಗಲೇ ಕಟ್, 12 ದಿನಗಳಿಂದ ಪತ್ತೆ ಇಲ್ಲ ! ಮನೆಯವರಿಗೆ ಆತಂಕ

27-10-26 01:53 pm HK News Desk ಕರಾವಳಿ

ಉದ್ಯೋಗ ನಿಮಿತ್ತ ಇಸ್ರೇಲ್ ತೆರಳಿದ್ದ ಮಂಗಳೂರಿನ ಯುವಕನೊಬ್ಬ ದಿಢೀರ್ ನಾಪತ್ತೆಯಾಗಿದ್ದು ಕುಟುಂಬಸ್ಥರು ತೀವ್ರ ಆತಂಕಿತರಾಗಿದ್ದಾರೆ.

ಮಂಗಳೂರು, ಅ.27 ಉದ್ಯೋಗ ನಿಮಿತ್ತ ಇಸ್ರೇಲ್ ತೆರಳಿದ್ದ ಮಂಗಳೂರಿನ ಯುವಕನೊಬ್ಬ ದಿಢೀರ್ ನಾಪತ್ತೆಯಾಗಿದ್ದು ಕುಟುಂಬಸ್ಥರು ತೀವ್ರ ಆತಂಕಿತರಾಗಿದ್ದಾರೆ.

ಶಕ್ತಿನಗರ ಕಾರ್ಮಿಕ ಕಾಲನಿ ನಿವಾಸಿ ಶೆಡ್ರೆಕ್ ಇಮಾನ್ವೆಲ್ (40) ನಾಪತ್ತೆಯಾದವರು. ಅ.16ರಂದು ಶುಕ್ರವಾರ ರಾತ್ರಿ ಮನೆಯವರ ಜೊತೆಗೆ ವಿಡಿಯೋ ಕರೆಯಲ್ಲಿ ಮಾತನಾಡುತ್ತಿದ್ದಾಗಲೇ ಕರೆ ಕಟ್ ಆಗಿತ್ತು. ಆನಂತರ, ಫೋನ್ ಕರೆಗೆ ಸಿಕ್ಕಿರಲಿಲ್ಲ. ಮರುದಿನವೂ ಫೋನ್ ಕರೆ ಸಿಗಲಿಲ್ಲ. ಹೀಗಾಗಿ ಆತಂಕಗೊಂಡ ಮನೆಯವರು ಅಲ್ಲಿನ ರೂಮ್ ಮೇಟ್ ಜೊತೆಗೆ ಮಾತನಾಡಿದಾಗ, ಕೆಲಸಕ್ಕೂ ಹೋಗಿಲ್ಲ. ರೂಮಿಗೂ ಬಂದಿಲ್ಲ ಎಂದು ಮಾಹಿತಿ ನೀಡಿದ್ದಾರೆ. ‌

ಇಮಾನ್ಯುವೆಲ್ 2025ರ ಮೇ ತಿಂಗಳಲ್ಲಿ ಇಸ್ರೇಲ್ ತೆರಳಿದ್ದರು. ನಾಪತ್ತೆಯಾದ ಸಂದರ್ಭದಲ್ಲಿ ಬೆಡ್ ಶೆಪಾ ನಗರದ ಪಾರ್ಕ್ ಒಂದರಲ್ಲಿದ್ದರು. ಅಲ್ಲಿಂದ ಫೋನ್ ಕರೆಯಲ್ಲಿದ್ದಾಗಲೇ ನಾಪತ್ತೆಯಾಗಿದ್ದರು. ಮಾಧ್ಯಮದ ಜೊತೆಗೆ ಮಾತನಾಡಿದ ಶೆಡ್ರೆಕ್ ಅವರ ತಾಯಿ ರತ್ನಾ ಅವರು ತನ್ನ ಮಗ ಕಾಣೆಯಾದ ಬಗ್ಗೆ ಹೇಳಿಕೊಂಡು ಕಣ್ಣೀರು ಹಾಕಿದರು. ದಿನವೂ ಬೆಳಗ್ಗೆ, ಸಂಜೆ ಕರೆ ಮಾಡುತ್ತಿದ್ದ. ಶುಕ್ರವಾರ ರಾತ್ರಿ ಮಾತಾಡುತ್ತಿದ್ದಾಗಲೇ ಫೋನ್ ಕಟ್ ಆಯ್ತು. ಮರುದಿನ ಶನಿವಾರ 50 ಸಲ ಫೋನ್ ಮಾಡಿದೆ. ಫೋನ್ ಸಂಪರ್ಕಕ್ಕೆ ಸಿಕ್ಕಿಲ್ಲ. ಪರ್ಸನಲ್ ಸಮಸ್ಯೆ ಏನೂ ಇರಲಿಲ್ಲ. ನಾವು ಇಲ್ಲಿನ ಸಂಸದರು, ಕಮಿಷನರ್ ಜೊತೆಗೆ ಮಾತನಾಡಿ, ಸಹಾಯ ಕೇಳಿದ್ದೇವೆ. ಹೇಗಾದ್ರೂ ಮಾಡಿ ಮಗನನ್ನು ಹುಡುಕಿ ಕೊಡಿ ಎಂದರು.

ಶೆಡ್ರೆಕ್ ಪತ್ನಿ ದೈಜಿ ಮತ್ತು ಇಬ್ಬರು ಸಣ್ಣ ಮಕ್ಕಳನ್ನು ಹೊಂದಿದ್ದಾರೆ. ಅಕ್ಕ ಸವಿತಾ ಅವರು ಇಸ್ರೇಲ್ ನಲ್ಲಿರುವ ತನ್ನ ಸ್ನೇಹಿತರಲ್ಲಿ ಹೇಳಿ ಹುಡುಕಾಟ ಮಾಡಿಸಿದ್ದಾರೆ.‌ ಆದರೂ ಎಲ್ಲಿದ್ದಾರೆಂದು ಪತ್ತೆಯಾಗಿಲ್ಲ. ಈ ಬಗ್ಗೆ ಮಾಧ್ಯಮಕ್ಕೆ ಪ್ರತಿಕ್ರಿಯಿಸಿದ ಸಂಸದ ಬ್ರಿಜೇಶ್ ಚೌಟ, ಇಸ್ರೇಲ್ ದೂತಾವಾಸಕ್ಕೆ ದೂರು ಸಲ್ಲಿಸಿದ್ದೇವೆ, ಅಲ್ಲಿ ಹುಡುಕಾಟ ನಡೆದಿದ್ದು ಶೀಘ್ರದಲ್ಲೇ ಪತ್ತೆಯಾಗುವ ವಿಶ್ವಾಸ ಇದೆ ಎಂದರು.‌