ಲೇಡಿಸ್ ಚಡ್ಡಿಯಲ್ಲಿ ಚಿನ್ನದ ಗಟ್ಟಿ ; 19 ಲಕ್ಷದ ಚಿನ್ನ ಸೇರಿ ಭಟ್ಕಳದ ವ್ಯಕ್ತಿ ಕಸ್ಟಮ್ ವಶಕ್ಕೆ

23-06-22 11:57 am Mangalore Correspondent ಕ್ರೈಂ

ದುಬೈನಿಂದ ಅಕ್ರಮವಾಗಿ ಬಚ್ಚಿಟ್ಟು ಚಿನ್ನ ತರುತ್ತಿದ್ದ ಭಟ್ಕಳ ಮೂಲದ ವ್ಯಕ್ತಿಯನ್ನು ಮಂಗಳೂರು ಏರ್ಪೋರ್ಟ್ ನಲ್ಲಿ ಕಸ್ಟಮ್ ಅಧಿಕಾರಿಗಳು ಬಂಧಿಸಿದ್ದಾರೆ.

ಮಂಗಳೂರು, ಜೂನ್ 23: ದುಬೈನಿಂದ ಅಕ್ರಮವಾಗಿ ಬಚ್ಚಿಟ್ಟು ಚಿನ್ನ ತರುತ್ತಿದ್ದ ಭಟ್ಕಳ ಮೂಲದ ವ್ಯಕ್ತಿಯನ್ನು ಮಂಗಳೂರು ಏರ್ಪೋರ್ಟ್ ನಲ್ಲಿ ಕಸ್ಟಮ್ ಅಧಿಕಾರಿಗಳು ಬಂಧಿಸಿದ್ದಾರೆ.

ಸ್ಪೈಸ್ ಜೆಟ್ ಎಸ್ ಜಿ 60 ಸಂಖ್ಯೆಯ ವಿಮಾನದಲ್ಲಿ ಮಂಗಳೂರಿಗೆ ಬಂದಿಳಿದ ವ್ಯಕ್ತಿಯ ಬ್ಯಾಗ್ ತಪಾಸಣೆ ವೇಳೆ ಚಿನ್ನದ ಗಟ್ಟಿ ಕಂಡುಬಂದಿದೆ. 364.500 ಗ್ರಾಮ್ ತೂಕದ 24 ಕ್ಯಾರೆಟ್ ಚಿನ್ನ ಪತ್ತೆಯಾಗಿದ್ದು ಅದರ ಮೌಲ್ಯ 18.95 ಲಕ್ಷ ಎಂದು ಅಂದಾಜಿಸಲಾಗಿದೆ.

ಬ್ಯಾಗ್ ಒಳಗಿದ್ದ ಬಟ್ಟೆಗಳ ಮಧ್ಯೆ ಚಿನ್ನವನ್ನು ಬಚ್ಚಿಡಲಾಗಿತ್ತು. ಲೇಡಿಸ್ ಒಳ ಚಡ್ಡಿಯಲ್ಲಿ ಪ್ರತ್ಯೇಕ ಪ್ಯಾಕೆಟ್ ನಂತೆ ರೂಪಿಸಿ, ಅದರಲ್ಲಿ ಚಿನ್ನದ ಗಟ್ಟಿಯನ್ನು ಇಡಲಾಗಿತ್ತು. ಚಿನ್ನವನ್ನು ಪೇಸ್ಟ್ ರೂಪಕ್ಕಿಳಿಸಿ, ಅದನ್ನು ಮುದ್ದೆಯಾಗಿಸಿ ಪ್ಯಾಕೆಟ್ ಒಳಗೆ ಇರಿಸಲಾಗಿತ್ತು. ಕಸ್ಟಮ್ ಅಧಿಕಾರಿಗಳ ತಪಾಸಣೆಯಲ್ಲಿ ಚಿನ್ನ ಪತ್ತೆಯಾಗಿದ್ದು ಆರೋಪಿಯನ್ನು ವಶಕ್ಕೆ ಪಡೆದು ಹೆಚ್ಚಿನ ವಿಚಾರಣೆಗಾಗಿ ಬಜ್ಪೆ ಠಾಣೆಗೆ ಹಸ್ತಾಂತರಿಸಿದ್ದಾರೆ.

The officials of the customs department at Mangaluru International Airport seized gold which was being smuggled by a male passenger on Wednesday, June 22.The passenger had arrived from Dubai by Spicejet flight no SG60. The passenger hailed from Bhatkal.The 24-carat gold weighing 364.500 grams valued at Rs 18,95,400 was seized from the passenger.He had tried to smuggle gold in the paste form packed in a paper and plastic packet which was concealed inside the stiched pocket of ladies undergarment carried in a carton box.