ಬೆತ್ತಲೆ ವಿಡಿಯೋ ಕರೆ ; ವೃದ್ಧರಿಗೆ ಕರೆಮಾಡಿ ಪಂಗನಾಮ, ನಗ್ನ ತೋರಿಸಿ ಲಕ್ಷಾಂತರ ಪೀಕಿಸಿದ ಮಹಿಳೆ !

02-08-22 10:32 pm HK News Desk ಕ್ರೈಂ

ಖತರ್ನಾಕ್ ಮಹಿಳೆಯೊಬ್ಬಳು ತನ್ನದೇ ಬೆತ್ತಲೆ ವಿಡಿಯೋ ಇಟ್ಟುಕೊಂಡು ಇಬ್ಬರು ಹಿರಿಯ ನಾಗರಿಕರನ್ನು ಬೆದರಿಸಿ 3.63 ಲಕ್ಷ ರೂಪಾಯಿ ಹಣ ಪೀಕಿಸಿಕೊಂಡ ಘಟನೆ ಮುಂಬೈನಲ್ಲಿ ನಡೆದಿದೆ.

ಮುಂಬೈ, ಆಗಸ್ಟ್ 2 : ಖತರ್ನಾಕ್ ಮಹಿಳೆಯೊಬ್ಬಳು ತನ್ನದೇ ಬೆತ್ತಲೆ ವಿಡಿಯೋ ಇಟ್ಟುಕೊಂಡು ಇಬ್ಬರು ಹಿರಿಯ ನಾಗರಿಕರನ್ನು ಬೆದರಿಸಿ 3.63 ಲಕ್ಷ ರೂಪಾಯಿ ಹಣ ಪೀಕಿಸಿಕೊಂಡ ಘಟನೆ ಮುಂಬೈನಲ್ಲಿ ನಡೆದಿದೆ.

ಅಪರಿಚಿತ ಮಹಿಳೆಯೊಬ್ಬಳು ಜುಲೈ 28ರಂದು ಅಂಧೇರಿಯ 86 ವರ್ಷದ ನಿವಾಸಿಗೆ ವಿಡಿಯೋ ಕರೆ ಮಾಡಿದ್ದಳು. ಕರೆ ಸ್ವೀಕರಿಸಿದ ಹಿರಿಯ ವ್ಯಕ್ತಿ ಬೆತ್ತಲೆಯಾಗಿದ್ದ ಮಹಿಳೆಯನ್ನು ನೋಡಿ ಶಾಕ್ ಆಗಿದ್ದರು. ಆದರೆ ವಿಡಿಯೋ ಕಾಲ್ ರೆಕಾರ್ಡ್ ಮಾಡಿಕೊಂಡಿದ್ದ ಮಹಿಳೆ, ಹಣ ಕೊಡದಿದ್ದರೆ ಸಾಮಾಜಿಕ ಜಾಲತಾಣಕ್ಕೆ ಅಪ್ಲೋಡ್ ಮಾಡುವುದಾಗಿ ಬೆದರಿಕೆ ಹಾಕಿದ್ದಳು.

ಇದರಿಂದ ಭೀತನಾಗಿದ್ದ ಹಿರಿಯ ವ್ಯಕ್ತಿ ಹಣ ಕೊಡಲು ಒಪ್ಪಿಕೊಂಡು, 2.99 ಲಕ್ಷ ರೂಪಾಯಿ ಹಣವನ್ನು ಎರಡು ಬ್ಯಾಂಕ್ ಖಾತೆಗಳಿಗೆ ಹಾಕಿದ್ದ. ಹೆಚ್ಚಿನ ಹಣಕ್ಕೆ ಬೇಡಿಕೆ ಇಟ್ಟಾಗ ಜುಲೈ 29ರಂದು ಅಂಬೋಲಿ ಪೊಲೀಸ್ ಠಾಣೆಗೆ ತೆರಳಿ ದೂರು ದಾಖಲಿಸಿದ್ದ.

ಇದೇ ರೀತಿಯ ಮತ್ತೊಂದು ಪ್ರಕರಣ ಅದೇ ಏರಿಯಾದಲ್ಲಿ ನಡೆದಿದ್ದು ಹಿರಿಯ ನಾಗರಿಕನನ್ನು ಟಾರ್ಗೆಟ್ ಮಾಡಿದ್ದ ಖತರ್ನಾಕ್ ಲೇಡಿ ಜುಲೈ 9 ಮತ್ತು ಜುಲೈ 19ರ ನಡುವೆ ಎರಡು ಬಾರಿ ಬೆತ್ತಲೆ ವಿಡಿಯೋ ಕರೆ ಮಾಡಿದ್ದಳು. ರೆಕಾರ್ಡ್ ಮಾಡಿಕೊಂಡು ಬೆದರಿಸಿ, 64 ಸಾವಿರ ರೂ. ಹಣವನ್ನು ವಸೂಲಿ ಮಾಡಿದ್ದಳು. ಪೊಲೀಸರು ಎರಡೂ ದೂರುಗಳನ್ನು ಪಡೆದು ಐಪಿಸಿ ಮತ್ತು ಐಟಿ ಕಾಯ್ದೆಯಡಿ ಎಫ್‌ಐಆರ್ ದಾಖಲಿಸಿದ್ದಾರೆ.

A woman allegedly cheated two senior citizens of Rs 3.63 lakh by blackmailing them with a nude call video. The incident took place in Mumbai's Andheri area and Amboli police have registered an FIR in the case.An unknown woman reportedly made a video call to an 86-year-old Andheri resident on July 28. When he answered the call, the man was shocked to see a naked woman. The woman recorded the video call and blackmailed him to pay by threatening him to upload the video on social media.