ಡ್ರಗ್ ನಂಟು ; ಬಾಲಿವುಡ್ ಮೂಲದ ನಟ, ಡ್ಯಾನ್ಸರ್ ಮಂಗಳೂರಿನಲ್ಲಿ ಬಂಧನ ! 

19-09-20 09:24 am       Mangaluru Correspondant   ಕ್ರೈಂ

ಡ್ರಗ್ ಪ್ರಕರಣದಲ್ಲಿ ಮಂಗಳೂರು ಮೂಲದ ಖ್ಯಾತ ಡ್ಯಾನ್ಸರ್, ಬಾಲಿವುಡ್ ನಟ ಕಿಶೋರ್ ಶೆಟ್ಟಿ ಎಂಬಾತನನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ. 

ಮಂಗಳೂರು, ಸೆಪ್ಟಂಬರ್ 19: ಡ್ರಗ್ ಪ್ರಕರಣದಲ್ಲಿ ಮಂಗಳೂರು ಮೂಲದ ಖ್ಯಾತ ಡ್ಯಾನ್ಸರ್, ಬಾಲಿವುಡ್ ನಟ ಕಿಶೋರ್ ಶೆಟ್ಟಿ ಅಲಿಯಾಸ್ ಅಮನ್ ಕುಮಾರ್ ಎಂಬಾತನನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ. 

ಸಿಂಥೆಟಿಕ್ ಡ್ರಗ್ ಹೊಂದಿದ್ದ ಆರೋಪದಲ್ಲಿ ಕಿಶೋರ್ ಮತ್ತು ಮತ್ತಿಬ್ಬರನ್ನು ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ. ಇನ್ನೂ ಬಂಧನವನ್ನು ಅಧಿಕೃತಗೊಳಿಸಿಲ್ಲ. ಬೆಂಗಳೂರು ಮತ್ತು ಮುಂಬೈನ ಡ್ರಗ್ ನಂಟಿನಲ್ಲಿ ಪೊಲೀಸರು ಜಾಲಾಡುತ್ತಿದ್ದಾಗಲೇ ಕಿಶೋರ್ ಶೆಟ್ಟಿಯ ಬಂಧನ ಆಗಿರುವುದು ಕುತೂಹಲ ಮೂಡಿಸಿದೆ. 

ಕಿಶೋರ್ ಶೆಟ್ಟಿ ಮೂಲತಃ ಡ್ಯಾನ್ಸರ್. ಝೀ ಟಿವಿ ಹಿಂದಿಯಲ್ಲಿ ಡ್ಯಾನ್ಸ್ ಇಂಡಿಯಾ ಡ್ಯಾನ್ಸ್ ರಿಯಾಲಿಟಿ ಶೋನಲ್ಲಿ ಹೆಸರು ಮಾಡಿದ್ದ ಕಿಶೋರ್ ಬಾಲಿವುಡ್ ನಂಟು ಬೆಳೆದಿತ್ತು. ಆನಂತರ 'ಎಬಿಸಿಡಿ' ಚಿತ್ರದಲ್ಲಿ ನಟನಾಗಿ ಪಾದಾರ್ಪಣೆ ಮಾಡಿದ್ದು ಆ ಚಿತ್ರದ ಎರಡು ಸಿರೀಸ್ ನಲ್ಲಿಯೂ ಕಾಣಿಸಿಕೊಂಡಿದ್ದ. ಡ್ರಗ್ ಸೇವನೆ ಜೊತೆಗೆ ಇತರರಿಗೆ ಪೂರೈಕೆ ಮಾಡುತ್ತಿದ್ದ ಆರೋಪದಲ್ಲಿ ಕಿಶೋರ್ ಶೆಟ್ಟಿಯನ್ನು ಬಂಧಿಸಿರುವ ಬಗ್ಗೆ ಮಾಹಿತಿ ಲಭಿಸಿದೆ. ಆತನಿಗೆ ಬಾಲಿವುಡ್ ಅಥವಾ ಸ್ಯಾಂಡಲ್ ವುಡ್ ಡ್ರಗ್ ನಂಟು ಇತ್ತೇ ಅನ್ನುವ ಬಗ್ಗೆ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ. ಕಿಶೋರ್ ಬಂಧನದೊಂದಿಗೆ ಸಿನಿ ಇಂಡಸ್ಟ್ರಿ ಸಂಬಂಧ ಹೊಂದಿರುವ ನಟರ ಹಿಂದೆ ಮಂಗಳೂರು ಸಿಸಿಬಿ ಪೊಲೀಸರು ಕೂಡ ಬಿದ್ದಿರುವುದು ದೃಢಪಟ್ಟಿದೆ.