ಗ್ರಾಪಂ ಸದಸ್ಯರಿಂದಲೇ ಪಂಚಾಯತ್ ಕಚೇರಿಯಿಂದ ಮಹತ್ವದ ಕಡತ ಕಳವು ; ಸಿಸಿಟಿವಿಯಲ್ಲಿ ಸೆರೆ !

ಬ್ರೇಕಿಂಗ್ ನ್ಯೂಸ್

ಕಣ್ಣೆದುರೇ ನಡೆದ ಅಚ್ಚರಿ ; 1 ಲಕ್ಷ ರೂ. ಮೌಲ್ಯದ ಚಿನ್ನದ ಸರ ಎಗರಿಸಿದ ಪಾರಿವಾಳ, ವಿಡಿಯೋ ವೈರಲ್, ಕಕ್ಕಾಬಿಕ್ಕಿಯಾದ ಸ್ಥಳೀಯರು ! | ಬಿಜೆಪಿಯವರು ತಿಪ್ಪರಲಾಗ ಹೊಡೆದ್ರೂ ಅಧಿಕಾರಕ್ಕೆ ಬರಲ್ಲ, ಸರ್ಕಾರ ತರೋದು ನಮಗೆ ಗೊತ್ತಿದೆ, ಎಸ್ಐಆರ್ ಬರ್ತಾ ಇದೆ, ಜಾಗ್ರತೆಯಾಗಿರಿ ; ಪುತ್ತೂರಿನಲ್ಲಿ ಡಿಕೆಶಿ ಕಿವಿಮಾತು | ಡಿಕೆಶಿ ಸಿಎಂ ಆಗಿಯೇ ಪುತ್ತೂರು ಕಾಂಗ್ರೆಸ್ ಕಚೇರಿ ಉದ್ಘಾಟಿಸುತ್ತಾರೆ ; ಪುತ್ತೂರಿನಲ್ಲಿ ಕಾಂಗ್ರೆಸ್ ಶಾಸಕ ಅಶೋಕ್ ರೈ, ಮುಖಂಡರಿಂದ 'ಡಿಕೆ ಸಿಎಂ' ಮಂತ್ರಘೋಷ ! |

ಗ್ರಾಪಂ ಸದಸ್ಯರಿಂದಲೇ ಪಂಚಾಯತ್ ಕಚೇರಿಯಿಂದ ಮಹತ್ವದ ಕಡತ ಕಳವು ; ಸಿಸಿಟಿವಿಯಲ್ಲಿ ಸೆರೆ !

28-02-22 01:06 pm HK Desk news ಕ್ರೈಂ

ಮೂವರು ಗ್ರಾಮ ಪಂಚಾಯತ್ ಸದಸ್ಯರು ಸೇರಿ ಶಿರ್ಲಾಲು ಪಂಚಾಯತ್ ಕಚೇರಿಯ ಒಳಗಿನಿಂದ ಮಹತ್ವದ ದಾಖಲೆಗಳನ್ನು ಕಳವು ಮಾಡಿರುವುದು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಈ ಬಗ್ಗೆ ಅಜೆಕಾರು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಕಾರ್ಕಳ, ಫೆ.28 : ಮೂವರು ಗ್ರಾಮ ಪಂಚಾಯತ್ ಸದಸ್ಯರು ಸೇರಿ ಶಿರ್ಲಾಲು ಪಂಚಾಯತ್ ಕಚೇರಿಯ ಒಳಗಿನಿಂದ ಮಹತ್ವದ ದಾಖಲೆಗಳನ್ನು ಕಳವು ಮಾಡಿರುವುದು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಈ ಬಗ್ಗೆ ಅಜೆಕಾರು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಶಿರ್ಲಾಲು ಮುಂಡ್ಲಿ ನಿವಾಸಿಗಳಾದ ಸುಜಿತ್ ಕುಮಾರ್ ಶೆಟ್ಟಿ (45), ಗಿರೀಶ್ ಶೆಟ್ಟಿ (40), ಕಿಶೋರ್ (32) ಕಳವು ಮಾಡಿದ ಶಿರ್ಲಾಲು ಗ್ರಾಮ ಪಂಚಾಯತ್ ಸದಸ್ಯರು. ಫೆ.24ರಂದು ಪಂಚಾಯತ್ ಪಿಡಿಓ ಶ್ರೀನಿವಾಸ್ ಅವರಿಗೆ ಮಹತ್ವದ ಕಡತಗಳು ಮಿಸ್ ಆಗಿರುವುದು ತಿಳಿದುಬಂದಿತ್ತು. ಕಂಪನಿ ಒಂದಕ್ಕೆ ಸೇರಿದ ಕಡತ ಇದಾಗಿದ್ದು, ಸಿಸಿಟಿವಿ ಪರಿಶೀಲನೆ ನಡೆಸಿದಾಗ ಗ್ರಾಮ ಪಂಚಾಯತ್ ಸದಸ್ಯರೇ ಕಚೇರಿಯಿಂದ ಕದ್ದೊಯ್ದಿರುವುದು ಕಂಡುಬಂದಿತ್ತು.

ಪಂಚಾಯತ್ ಸಭೆಗಾಗಿ ಕಚೇರಿಗೆ ಆಗಮಿಸಿದ್ದ ಸದಸ್ಯರು, ಕಚೇರಿಯೊಳಗೆ ಕಡತಕ್ಕಾಗಿ ಹುಡುಕಾಟ ನಡೆಸಿದ್ದರು. ಆನಂತರ ಗಿರೀಶ್ ಶೆಟ್ಟಿ ತನ್ನ ಬ್ಯಾಗ್ ಒಳಗೆ ಕಡತವನ್ನು ಹಾಕಿರುವುದು ಸಿಸಿಟಿವಿಯಲ್ಲಿ ಸೆರೆಯಾಗಿತ್ತು. ಈ ಬಗ್ಗೆ ಪಿಡಿಓ ಶ್ರೀನಿವಾಸ್, ಅಜೆಕಾರು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಗ್ರಾಮ ಪಂಚಾಯತ್ ವ್ಯಾಪ್ತಿಯ ಖಾಸಗಿ ಕಂಪನಿ ಒಂದಕ್ಕೆ ಸೇರಿದ ಕಡತ ಆಗಿರುವುದರಿಂದ ಪಂಚಾಯತ್ ಕಚೇರಿಯಿಂದಲೇ ಕಳವಾಗಿರುವುದು ಮಹತ್ವ ಪಡೆದಿದೆ.

A case is registered in Ajekaru police station against three gram panchayat members for allegedly taking away an important file from the gram panchayat office. The accused are identified as Sujit Kumar Shetty (45), Girish Shetty (40), both residents of Shirlalu Mundli and Kishore (32) of Mundli.On February 24, when Srinivas S, PDO of Shiralu gram panchayat, checked for the files kept in the gram panchayat office, it came to light that an important file was missing. It was a file that pertained to a private company that falls under the limits of gram panchayat.