ಬೆಂದೂರುವೆಲ್ ಅಪಾರ್ಟ್ಮೆಂಟಿನಲ್ಲೇ ವೇಶ್ಯಾವಾಟಿಕೆ ; ಇಬ್ಬರು ಮಹಿಳೆಯರೇ ಪಿಂಪ್, ಸೂತ್ರಧಾರ ಸೆರೆ ! ನಾಲ್ವರು ಯುವತಿಯರ ರಕ್ಷಣೆ

02-03-22 05:09 pm Mangalore Correspondent ಕ್ರೈಂ

ನಗರದ ಬೆಂದೂರ್ ವೆಲ್ ನ ಆಪಾರ್ಟ್ಮೆಂಟ್ ಒಂದರ ಮನೆಯನ್ನೇ ಕೇಂದ್ರೀಕರಿಸಿ ವೇಶ್ಯಾವಾಟಿಕೆ ದಂಧೆ ನಡೆಸುತ್ತಿದ್ದ ಸ್ಥಳಕ್ಕೆ ಮಂಗಳೂರು ಸಿಸಿಬಿ ಪೊಲೀಸರು ದಾಳಿ ನಡೆಸಿದ್ದು ಮೂವರು ಪಿಂಪ್ ಗಳನ್ನು ವಶಕ್ಕೆ ಪಡೆದು ನಾಲ್ವರು ಯುವತಿಯರನ್ನು ರಕ್ಷಿಸಿದ್ದಾರೆ.

ಮಂಗಳೂರು, ಮಾ.2: ನಗರದ ಬೆಂದೂರ್ ವೆಲ್ ನ ಆಪಾರ್ಟ್ಮೆಂಟ್ ಒಂದರ ಮನೆಯನ್ನೇ ಕೇಂದ್ರೀಕರಿಸಿ ವೇಶ್ಯಾವಾಟಿಕೆ ದಂಧೆ ನಡೆಸುತ್ತಿದ್ದ ಸ್ಥಳಕ್ಕೆ ಮಂಗಳೂರು ಸಿಸಿಬಿ ಪೊಲೀಸರು ದಾಳಿ ನಡೆಸಿದ್ದು ಮೂವರು ಪಿಂಪ್ ಗಳನ್ನು ವಶಕ್ಕೆ ಪಡೆದು ನಾಲ್ವರು ಯುವತಿಯರನ್ನು ರಕ್ಷಿಸಿದ್ದಾರೆ.

ಬೆಂದೂರ್ ವೆಲ್ 3ನೇ ಕ್ರಾಸ್ ರಸ್ತೆಯಲ್ಲಿರುವ PEEBI ರೆಸಿಡೆನ್ಸಿ ಎಂಬ ಅಪಾರ್ಟ್ಮೆಂಟಿನ 2 ನೇ ಮಹಡಿಯ ಮನೆಯಲ್ಲಿ ವೇಶ್ಯಾವಾಟಿಕೆ ನಡೆಸುತ್ತಿದ್ದ ಬಗ್ಗೆ ಖಚಿತ ಮಾಹಿತಿ ಪಡೆದ ಮಂಗಳೂರು ಸಿಸಿಬಿ ಪೊಲೀಸರ ತಂಡ ದಾಳಿ ನಡೆಸಿತ್ತು. ಹಣ ಗಳಿಸುವ ಉದ್ದೇಶದಿಂದ ಹುಡುಗಿಯರನ್ನು ಬಳಸಿಕೊಂಡು ಅನೈತಿಕ ಚಟುವಟಿಕೆ ನಡೆಸುತ್ತಿದ್ದುದನ್ನು ಪತ್ತೆ ಮಾಡಿದ್ದಾರೆ.

ವಿಟ್ಲ ಪಡ್ನೂರು ಗ್ರಾಮದ ಪರ್ತಿಪಾಡಿ ನಿವಾಸಿ ಕೆ.ಪಿ. ಹಮೀದ್(54), ಆಕಾಶಭವನ ಬಳಿಯ ನಿವಾಸಿ ಅನುಪಮ ಶೆಟ್ಟಿ(46), ಎಕ್ಕೂರು ನಿವಾಸಿ ನಿಶ್ಮಿತ(23) ಬಂಧಿತರು. ಈ ಮೂವರು ಪಿಂಪ್ ಗಳಾಗಿ ಕೆಲಸ ಮಾಡುತ್ತಿದ್ದರು. ಅವರ ಬಳಿಯಿಂದ 5 ಮೊಬೈಲ್ ಫೋನ್ ಹಾಗೂ 50,000 ರೂ. ನಗದು, ಮಾರುತಿ 800 ಕಾರನ್ನು ವಶಕ್ಕೆ ಪಡೆಯಲಾಗಿದೆ. ದಾಳಿ ವೇಳೆ ನಾಲ್ವರು ಮಹಿಳೆಯರಿದ್ದು ಅವರನ್ನು ರಕ್ಷಣೆ ಮಾಡಲಾಗಿದೆ. ಈ ಬಗ್ಗೆ ಮಂಗಳೂರು ಪೂರ್ವ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ, ಆರೋಪಿಗಳನ್ನು ಅವರ ವಶಕ್ಕೆ ನೀಡಲಾಗಿದೆ.

ಇತ್ತೀಚೆಗೆ ಇದೇ ಮಾದರಿಯಲ್ಲಿ ನಂದಿಗುಡ್ಡದ ಅಪಾರ್ಟ್ಮೆಂಟಿನ ಮನೆಯಲ್ಲಿ ವೇಶ್ಯಾವಾಟಿಕೆ ನಡೆಯುತ್ತಿದ್ದುದನ್ನು ಪೊಲೀಸರು ಪತ್ತೆ ಮಾಡಿದ್ದರು. ಅದರಲ್ಲಿ ಕಾಲೇಜಿನ ಹರೆಯದ ಯುವತಿಯರನ್ನು ಕೃತ್ಯಕ್ಕೆ ಬಳಸಿಕೊಂಡಿದ್ದು ಪತ್ತೆಯಾಗಿತ್ತು.‌

City crime branch police here arrested three persons including two women in connection to a prostitution racket on Tuesday March 1. The arrested are identified as K P Hameed (54) from Vitlapadnur, Anupama Shetty (46) from Akashbhavana and Nishmitha (23) from Kulkunda Subramanya. It is said that the three accused where running a prostitution racket at Bendorwell Peebi residency which falls under Kadri police station limits. Four girls have been rescued.