ಡಿಆರ್‌ಡಿಒ ವಿಜ್ಞಾನಿ ಹನಿಟ್ರ್ಯಾಪ್‌ ಕೇಸ್ ; ಬ್ರಹ್ಮೋಸ್‌ ರಹಸ್ಯ ಬಗ್ಗೆ ವಿವರ ಕಲೆ ಹಾಕಲು ಸ್ಕೆಚ್ ಹಾಕಿದ ಐಎಸ್‌ಐ ಲೇಡಿ ಏಜೆಂಟ್‌, ವಾಟ್ಸ್ಆ್ಯಪ್ ಚಾಟಿಂಗ್ ನಲ್ಲಿ ಬಹಿರಂಗ

ಬ್ರೇಕಿಂಗ್ ನ್ಯೂಸ್

Udupi, Surat Murder, Arrest: ವೃದ್ಧ ದಂಪತಿಯನ್ನು ಕಟ್ಟಿಹಾಕಿ, ಅಡ್ಡಬಂದ ಸೆಕ್ಯುರಿಟಿ ಗಾರ್ಡ್ ಹತ್ಯೆಗೈದು ಚಿನ್ನಾಭರಣ ದರೋಡೆ ; 19 ವರ್ಷಗಳ ಬಳಿಕ ಮೋಸ್ಟ್ ವಾಂಟೆಡ್ ಕ್ರಿಮಿನಲ್ ಉಡುಪಿಯಲ್ಲಿ ಗುಜರಾತ್ ಪೊಲೀಸರ ಬಲೆಗೆ‌ | Bommai, SIT, Dharmasthala, Bommai: ನಿರೀಕ್ಷೆಗೆ ತಕ್ಕಂತೆ ಎಸ್‍ಐಟಿ ತನಿಖೆ ನಡೆಯುತ್ತಿಲ್ಲ ; ಷಡ್ಯಂತ್ರ ಮಾಡಿದವರನ್ನು ಮುಟ್ಟಬೇಡಿ ಎಂದು ರಾಜಕೀಯ ಒತ್ತಡವಿದೆ, ಅದಕ್ಕೆ ಅಧಿಕಾರಿಗಳಿಗೆ ಧೈರ್ಯ ಇಲ್ಲ, ಬೊಮ್ಮಾಯಿ ಕಿಡಿ | Kundapura Accident, Samba Deer, Bike: ಕುಂದಾಪುರ ; ಚಲಿಸುತ್ತಿದ್ದ ಬೈಕ್ ಮೇಲೆ ಹಾರಿದ ಕಡವೆ ; 22 ವರ್ಷದ ಯುವಕ ಬಲಿ, ಕಮಲಶಿಲೆ ದೇವಸ್ಥಾನದಿಂದ ಬರ್ತಿದ್ದ ವೇಳೆ ಅಪಘಾತ |

ಡಿಆರ್‌ಡಿಒ ವಿಜ್ಞಾನಿ ಹನಿಟ್ರ್ಯಾಪ್‌ ಕೇಸ್ ; ಬ್ರಹ್ಮೋಸ್‌ ರಹಸ್ಯ ಬಗ್ಗೆ ವಿವರ ಕಲೆ ಹಾಕಲು ಸ್ಕೆಚ್ ಹಾಕಿದ ಐಎಸ್‌ಐ ಲೇಡಿ ಏಜೆಂಟ್‌, ವಾಟ್ಸ್ಆ್ಯಪ್ ಚಾಟಿಂಗ್ ನಲ್ಲಿ ಬಹಿರಂಗ

31-07-23 03:01 pm HK News Desk ದೇಶ - ವಿದೇಶ

ಬೇಹುಗಾರಿಕೆ, ದೇಶ ದ್ರೋಹ ಆಪಾದನೆಯ ಮೇರೆಗೆ ಬಂಧಿತರಾಗಿರುವ ಡಿಆರ್‌ಡಿಒ ಮಾಜಿ ವಿಜ್ಞಾನಿ ಪ್ರದೀಪ್‌ ಕುರುಲ್ಕರ್‌ ಅವರು ಪಾಕಿಸ್ತಾನ ಮೂಲದ ಯುವತಿಯ ಮುಖವಾಡದಲ್ಲಿ 'ಐಎಸ್‌ಐ ಗೂಢಚಾರಿ' ಜತೆಗೆ ನಡೆಸಿದ ವಾಟ್ಸ್‌ ಆ್ಯಪ್‌ ಚಾಟ್‌ಗಳನ್ನು ಮಹಾರಾಷ್ಟ್ರದ ಉಗ್ರ ನಿಗ್ರಹ ಪಡೆ (ಎಟಿಎಸ್‌) ವಿಸ್ತೃತವಾಗಿ ಪರಿಶೀಲಿಸಿದೆ.

ಹೊಸ ದಿಲ್ಲಿ, ಜುಲೈ 31: ಬೇಹುಗಾರಿಕೆ, ದೇಶ ದ್ರೋಹ ಆಪಾದನೆಯ ಮೇರೆಗೆ ಬಂಧಿತರಾಗಿರುವ ಡಿಆರ್‌ಡಿಒ ಮಾಜಿ ವಿಜ್ಞಾನಿ ಪ್ರದೀಪ್‌ ಕುರುಲ್ಕರ್‌ ಅವರು ಪಾಕಿಸ್ತಾನ ಮೂಲದ ಯುವತಿಯ ಮುಖವಾಡದಲ್ಲಿ 'ಐಎಸ್‌ಐ ಗೂಢಚಾರಿ' ಜತೆಗೆ ನಡೆಸಿದ ವಾಟ್ಸ್‌ ಆ್ಯಪ್‌ ಚಾಟ್‌ಗಳನ್ನು ಮಹಾರಾಷ್ಟ್ರದ ಉಗ್ರ ನಿಗ್ರಹ ಪಡೆ (ಎಟಿಎಸ್‌) ವಿಸ್ತೃತವಾಗಿ ಪರಿಶೀಲಿಸಿದೆ. ಪಾಕಿಸ್ತಾವು ದೇಶೀಯ ಕ್ಷಿಪಣಿ 'ಬ್ರಹ್ಮೋಸ್‌' ಬಗ್ಗೆ ವಿವರಗಳನ್ನು ಕಲೆ ಹಾಕಲು ತುದಿಗಾಲಲ್ಲಿ ನಿಂತಿದೆ ಎಂದು ತಿಳಿದು ಬಂದಿದೆ.

ಬ್ರಹ್ಮೋಸ್‌ ಕ್ಷಿಪಣಿ ಯೋಜನೆಯ ಕುರಿತ ಅತ್ಯಂತ ರಹಸ್ಯ ದಾಖಲೆಗಳನ್ನು ತೋರಿಸುವಂತೆ ಪಾಕಿಸ್ತಾನಿ ಗುಪ್ತಚರ ಮಹಿಳೆ (ಐಎಸ್‌ಐ ಏಜೆಂಟ್‌) ಡಿಆರ್‌ಡಿಒ ಮಾಜಿ ವಿಜ್ಞಾನಿ ಪ್ರದೀಪ್‌ ಕುರುಲ್ಕರ್‌ ಅವರಿಗೆ ಹಲವು ಬಾರಿ ಒತ್ತಾಯಿಸಿದ್ದಳು ಎನ್ನುವುದು ಎಟಿಎಸ್‌ ತನಿಖೆಯಲ್ಲಿ ಬಯಲಾಗಿದೆ.

ಪಾಕ್‌ ಏಜೆಂಟ್‌ ತನ್ನನ್ನು ಝಾರಾ ದಾಸ್‌ ಗುಪ್ತಾ ಎಂದು ಗುರುತಿಸಿಕೊಂಡಿದ್ದಳು. ಭಾರತದಲ್ಲಿನ ವಿವಿಧ ಡಿಆರ್‌ಡಿಒ ಮತ್ತು ರಕ್ಷಣಾ ಯೋಜನೆಗಳ ಬಗ್ಗೆ ಡಿಆರ್‌ಡಿಒ ಮಾಜಿ ವಿಜ್ಞಾನಿ ಪ್ರದೀಪ್‌ ಕುರುಲ್ಕರ್‌ ಅವರಿಂದ ಗೌಪ್ಯ ಮಾಹಿತಿಯನ್ನು ಹೊರ ತೆಗೆಯಲು ಝಾರಾ ದಾಸ್ ಗುಪ್ತಾ ಬಯಸಿದ್ದಳು. ತನ್ನ ಬಳಿ ಇದ್ದ ಗೌಪ್ಯ ಮಾಹಿತಿಯನ್ನು ಆಕೆಯ ಜತೆ ಡಿಆರ್‌ಡಿಒ ಮಾಜಿ ವಿಜ್ಞಾನಿ ಪ್ರದೀಪ್‌ ಕುರುಲ್ಕರ್‌ ಹಂಚಿಕೊಂಡಿದ್ದಾರೆ ಎಂದು 1,837 ಪುಟಗಳ ಆರೋಪ ಪಟ್ಟಿಯನ್ನು ಪುಣೆಯ ವಿಶೇಷ ನ್ಯಾಯಾಲಯಕ್ಕೆ ಎಟಿಎಸ್‌ ಅಧಿಕಾರಿಗಳು ಸಲ್ಲಿಸಿದ್ದಾರೆ.

DRDO Scientist Told Pakistani Agent He Would Show Her BrahMos Missile Report, Discussed Drones And Other Missiles: Report

ಚಾರ್ಚ್‌ ಶೀಟ್‌ನ ಪ್ರಕಾರ ಡಿಆರ್‌ಡಿಒ ಮಾಜಿ ವಿಜ್ಞಾನಿ ಪ್ರದೀಪ್‌ ಕುರುಲ್ಕರ್‌ ಹಾಗೂ ಝಾರಾ ದಾಸ್‌ ಗುಪ್ತಾ ಇಬ್ಬರೂ ಬ್ರಹ್ಮೋಸ್‌ ಕ್ಷಿಪಣಿ ಬಗ್ಗೆ ಚಾಟ್‌ ಮಾಡಿದ್ದಾರೆ. 'ಬೇಬಿ, ಅಪಾಯಕಾರಿ ಬ್ರಹ್ಮೋಸ್‌ ನಿಮ್ಮ ಆವಿಷ್ಕಾರ ಅಲ್ವೇ?' ಎಂದು ಝಾರಾ ದಾಸ್ ಗುಪ್ತಾ ಕೇಳಿದ್ದಳು. ಅದಕ್ಕೆ ಪ್ರತಿಯಾಗಿ, 'ನನ್ನ ಬಳಿ ಎಲ್ಲಾ ಬ್ರಹ್ಮೋಸ್‌ ಆವೃತ್ತಿಗಳ ಆರಂಭಿಕ ವಿನ್ಯಾಸ ಇದೆ' ಎಂದು ಕುರುಲ್ಕರ್‌ ಉತ್ತರಿಸಿದ್ದಾರೆ.

ನಾನು ಕ್ಷಿಪಣಿ ದಾಖಲೆಗಳನ್ನು ವಾಟ್ಸ್‌ ಆ್ಯಪ್‌ ಅಥವಾ ಮೇಲ್‌ನಲ್ಲಿ ಕಳುಹಿಸಲು ಸಾಧ್ಯವಿಲ್ಲ. ಅದು ತುಂಬಾ ರಹಸ್ಯವಾಗಿದೆ. ನಾನು ಅದನ್ನು ಪತ್ತೆ ಹಚ್ಚಿ ಸಿದ್ಧವಾಗಿಡುತ್ತೇನೆ. ನೀವು ಇಲ್ಲಿ ಬಂದಾಗ ತೋರಿಸುತ್ತೇನೆ' ಎಂದು ಪಾಕ್‌ ಐಎಸ್‌ಐ ಏಜೆಂಟ್‌ ಝಾರಾ ದಾಸ್‌ ಗುಪ್ತಾಗೆ ಡಿಆರ್‌ಡಿಒ ಮಾಜಿ ವಿಜ್ಞಾನಿ ಪ್ರದೀಪ್‌ ಕುರುಲ್ಕರ್‌ ತಿಳಿಸಿದ್ದಾರೆ ಎನ್ನಲಾಗಿದೆ. ಬ್ರಹ್ಮೋಸ್‌ ಜತೆಗೆ ಅಗ್ನಿ - 6, ರುಸ್ತುಮ್‌ (ಡ್ರೋನ್‌), ರಫೇಲ್‌ ಯುದ್ದ ವಿಮಾನ ಹಾಗೂ ಆಕಾಶ್‌ ಕ್ಷಿಪಣಿಗಳ ಬಗ್ಗೆ ಕೂಡ ಡಿಆರ್‌ಡಿಒ ಮಾಜಿ ವಿಜ್ಞಾನಿ ಪ್ರದೀಪ್‌ ಕುರುಲ್ಕರ್‌ ಚಾಟ್‌ ಮಾಡಿರುವುದು ಎಟಿಎಸ್ ತನಿಖೆ ವೇಳೆ ತಿಳಿದು ಬಂದಿದೆ.

ವಿದೇಶೀ ಗುಪ್ತಚರ ಸಂಸ್ಥೆಗಳ ಗಾಳಕ್ಕೆ ಬಿದ್ದಿದ್ದ ಡಿಆರ್‌ಡಿಒ ಮಾಜಿ ವಿಜ್ಞಾನಿ ಪ್ರದೀಪ್‌ ಕುರುಲ್ಕರ್‌, ಹನಿ ಟ್ರ್ಯಾಪ್‌ಗೆ ಒಳಗಾಗಿ ದೇಶದ ಪ್ರತಿಷ್ಠಿತ ಹಾಗೂ ರಹಸ್ಯ ಮಾಹಿತಿಗಳನ್ನು ಸೋರಿಕೆ ಮಾಡಿದ ಗಂಭೀರ ಪ್ರಕರಣ ಇದಾಗಿದೆ.

“During the investigation into the Defence Research and Development Organisation (DRDO) espionage case, the Maharashtra Anti-Terrorism Squad (ATS) found that scientist Pradeep Kurulkar had expressed his intention to show a “highly classified” report on the BrahMos missile project with a female Pakistani Intelligence Operative (PIO) named “Zara Dasgupta” when they meet in person.