ಬಿಜೆಪಿಗೆ 400ಕ್ಕೂ ಹೆಚ್ಚು ಸೀಟ್ ಗ್ಯಾರೆಂಟಿ ಎಂದ ಖರ್ಗೆ ; ಮೋದಿ, ನಡ್ಡಾ, ಪಿಯೂಶ್ ಗೋಯಲ್ ಫುಲ್ ಕುಶ್, ವಿಡಿಯೋ ಶೇರ್ ಮಾಡಿ ಕಾಂಗ್ರೆಸ್ ಕಾಲೆಳೆದ ಬಿಜೆಪಿ

ಬ್ರೇಕಿಂಗ್ ನ್ಯೂಸ್

Mangalore Kodakkena Restaurant owner Suicide: ಹೊಟೇಲ್ ಉದ್ಯಮಿ ಸಾವಿನ ಬಗ್ಗೆ ಗೆಳೆಯರಿಗೆ ಹತ್ತಾರು ಅನುಮಾನ ; ಹಠಾತ್ ಸಾವಿಗೆ ಸೈನೇಡ್ ವಿಷವೇ ಕಾರಣ ! ಐನಾತಿ ಆಂಟಿಯ ಸಂಗ, ಯುವಕನ ದುರಂತ ಅಂತ್ಯ! | Mangalore Police, Ravi Pujari: ಮಂಗಳೂರಿನ ಬಿಲ್ಡರ್ ಕಚೇರಿಗೆ ರವಿ ಪೂಜಾರಿ ಅಣತಿಯಂತೆ ಶೂಟೌಟ್ ; ಹತ್ತು ವರ್ಷಗಳ ಹಳೆ ಪ್ರಕರಣದಲ್ಲಿ ಮಹಾರಾಷ್ಟ್ರ ಮೂಲದ ಶಾರ್ಪ್ ಶೂಟರ್ ಅರೆಸ್ಟ್ ! | Mangalore Roshan Saldanha; Fraud Case, High court: ಬಹುಕೋಟಿ ವಂಚಕ ರೋಶನ್ ಸಲ್ದಾನಗೆ ಹೈಕೋರ್ಟ್ ಬಿಗ್ ರಿಲೀಫ್ ; ಹತ್ತು ಕೋಟಿ ವಂಚನೆ ಪ್ರಕರಣದಲ್ಲಿ ಪೊಲೀಸರ ತನಿಖೆಗೆ ತಡೆಯಾಜ್ಞೆ |

ಬಿಜೆಪಿಗೆ 400ಕ್ಕೂ ಹೆಚ್ಚು ಸೀಟ್ ಗ್ಯಾರೆಂಟಿ ಎಂದ ಖರ್ಗೆ ; ಮೋದಿ, ನಡ್ಡಾ, ಪಿಯೂಶ್ ಗೋಯಲ್ ಫುಲ್ ಕುಶ್, ವಿಡಿಯೋ ಶೇರ್ ಮಾಡಿ ಕಾಂಗ್ರೆಸ್ ಕಾಲೆಳೆದ ಬಿಜೆಪಿ

03-02-24 09:57 pm HK News Desk ದೇಶ - ವಿದೇಶ

ರಾಜ್ಯಸಭೆಯಲ್ಲಿ ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಬಾಯ್ತಪ್ಪಿನಿಂದ ಆಡಿದ ಮಾತು ಬಿಜೆಪಿಗೆ ಹೊಸ ಆಹಾರವಾಗಿ ಪರಿಣಮಿಸಿದೆ. ಖರ್ಗೆಯವರ ಮಾತಿಗೆ ಬಿಜೆಪಿ ಸದಸ್ಯರು ಮೇಜು ಕುಟ್ಟಿ ಉಘೇ ಉಘೇ.. ಎಂದರೆ, ಪ್ರಧಾನಿ ಮೋದಿ ಬಾಯ್ತುಂಬ ನಕ್ಕಿದ್ದಾರೆ.

ಹೊಸದಿಲ್ಲಿ, ಫೆ 03: ರಾಜ್ಯಸಭೆಯಲ್ಲಿ ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಬಾಯ್ತಪ್ಪಿನಿಂದ ಆಡಿದ ಮಾತು ಬಿಜೆಪಿಗೆ ಹೊಸ ಆಹಾರವಾಗಿ ಪರಿಣಮಿಸಿದೆ. ಖರ್ಗೆಯವರ ಮಾತಿಗೆ ಬಿಜೆಪಿ ಸದಸ್ಯರು ಮೇಜು ಕುಟ್ಟಿ ಉಘೇ ಉಘೇ.. ಎಂದರೆ, ಪ್ರಧಾನಿ ಮೋದಿ ಬಾಯ್ತುಂಬ ನಕ್ಕಿದ್ದಾರೆ.

"ಅಬ್ಕಿ ಬಾರ್, 400 ಪಾರ್" ಎಂದು ಮಲ್ಲಿಕಾರ್ಜುನ ಖರ್ಗೆ, ರಾಜ್ಯಸಭೆಯಲ್ಲಿ ತಮ್ಮ ಭಾಷಣದ ವೇಳೆ ಹೇಳಿದ್ದರು. ಖರ್ಗೆಯವರ ಈ ಹೇಳಿಕೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಬಿಜೆಪಿ ಕೂಡಾ ತನ್ನ ಅಧಿಕೃತ X ಹ್ಯಾಂಡಲ್ ನಲ್ಲಿ ಈ ವಿಡಿಯೋ ಹಾಕಿ ಕಾಂಗ್ರೆಸ್ ಕಾಲೆಳೆದಿದೆ.

" 330 - 334 ಸೀಟನ್ನು ನೀವು ಈಗಾಗಲೇ ಹೊಂದಿದ್ದೀರಿ, ಈ ಬಾರಿ ಅದು ನಾಲ್ಕು ನೂರರ ಗಡಿ ದಾಟಬಹುದು" ಎಂದು ಮಲ್ಲಿಕಾರ್ಜುನ ಖರ್ಗೆ, ಬಿಜೆಪಿಯವರನ್ನು ಉಲ್ಲೇಖಿಸಿ ಹೇಳಿದ್ದರು. ಖರ್ಗೆಯವರ ಈ ಹೇಳಿಕೆಗೆ ಬಿಜೆಪಿ ಸದಸ್ಯರು ಮೇಜು ಕುಟ್ಟಿ ಹರ್ಷ ವ್ಯಕ್ತ ಪಡಿಸಿದರೆ, ಇನ್ನು ಮೋದಿ, ನಡ್ಡಾ, ಪಿಯೂಶ್ ಗೋಯಲ್ ಬಾಯ್ತುಂಬ ನಕ್ಕಿದ್ದಾರೆ.

ಬಿಜೆಪಿಯ ಸದಸ್ಯರು ಅವರ ಶಕ್ತಿಯಿಂದ ಆರಿಸಿ ಬರಲಿ ನೋಡೋಣ, ಎಲ್ಲರೂ ಮೋದಿಯ ಹೆಸರಿನಿಂದ ಸಂಸತ್ತಿಗೆ ಆಯ್ಕೆಯಾಗಿದ್ದಾರೆ ಎಂದು ಖರ್ಗೆ, ಬಿಜೆಪಿ ಸದಸ್ಯರಿಗೆ ಅಲ್ಲೇ ತಿರುಗೇಟು ನೀಡಿದ್ದಾರೆ. ’ನನಗೆ ಹೊಸ ದ್ವೇಷಿಗಳು ಬೇಕಾಗಿದ್ದಾರೆ, ನನ್ನ ಹಳೆಯ ದ್ವೇಷಿಗಳು ನನ್ನ ಅಭಿಮಾನಿಗಳಾಗಿದ್ದಾರೆ’ ಎಂದು ಈ ಖರ್ಗೆಯವರ ವಿಡಿಯೋ ತುಣುಕಿನೊಂದಿಗೆ ಬಿಜೆಪಿ ಟ್ವೀಟ್ ಮಾಡಿದೆ.

ಖರ್ಗೆ ತಮ್ಮ ಭಾಷಣವನ್ನು ಮುಂದುವರಿಸುತ್ತಾ, ಒಂದು ಕಡೆ ನಿರುದ್ಯೋಗ ತಾಂಡವಾಡುತ್ತಿದೆ, ಇನ್ನೊಂದೆಡೆ ಲಕ್ಷಾಂತರ ಸರ್ಕಾರೀ ಹುದ್ದೆಗೆಳು ಭರ್ತಿಯಾಗದೇ ಖಾಲಿ ಬಿದ್ದಿದೆ. ಸರ್ಕಾರ ಇನ್ನಾದರೂ ಎಚ್ಚೆತ್ತು ಈ ಹುದ್ದೆಗಳನ್ನು ಭರ್ತಿ ಮಾಡಲಿ ಎಂದು ಹೇಳಿದ್ದಾರೆ.

’ಅಬ್ಕಿ ಬಾರ್, 400 ಪಾರ್’ ಎನ್ನುವ ವಿಡಿಯೋದ ಜೊತೆಗೆ ಖರ್ಗೆಯವರ ಇನ್ನೊಂದು ವಿಡಿಯೋ ಕೂಡಾ ಸಾಮಾಜಿಕ ತಾಣದಲ್ಲಿ ವೈರಲ್ ಆಗುತ್ತಿದೆ. ಅದರಲ್ಲಿ ’ಈ ಬಾರಿ ನೀವು ನೂರರ ಗಡಿಯನ್ನೂ ದಾಟುವುದಿಲ್ಲ. ಇಂಡಿಯಾ ಮೈತ್ರಿಕೂಟ ಬಲಾಢ್ಯವಾಗಿದೆ’ ಎಂದು ಹೇಳಿದ್ದಾರೆ. ಇದನ್ನು ಬಿಜೆಪಿಯ ಸದಸ್ಯರು ಇದಕ್ಕೆ ಲೇವಡಿ ಮಾಡಿದಾಗ ಇಂಡಿಯಾ ಬಲಾಹೀನಾವಾಗಿದೆಯಾ ಎಂದು ಬಿಜೆಪಿ ಸದಸ್ಯರನ್ನು ಖರ್ಗೆ ಪ್ರಶ್ನಿಸಿದ್ದಾರೆ.

ನಾವು ಕನಸನ್ನು ಬಿತ್ತುತ್ತಿಲ್ಲ, ವಾಸ್ತವತೆಯನ್ನು ತೆರೆದಿಡುತ್ತಿದ್ದೇವೆ, ಅದಕ್ಕಾಗಿಯೇ ಜನರು ಮೋದಿಯವರನ್ನು ಮತ್ತೆ ಆಯ್ಕೆ ಮಾಡುತ್ತಿದ್ದಾರೆ. ಕಳೆದ ಬಾರಿಯ ಫಲಿತಾಂಶಕ್ಕಿಂತ ಉತ್ತಮ ಸಾಧನೆಯನ್ನು ನಮ್ಮ ಪಕ್ಷ ಮಾಡಲಿದೆ" ಎಂದು ಬಿಜೆಪಿ ರಾಷ್ಟ್ರಾಧ್ಯಕ್ಷ ಜೆ.ಪಿ.ನಡ್ಡಾ ಕೆಲವು ದಿನಗಳ ಹಿಂದೆ ಹೇಳಿದ್ದರು.

A video of Congress president Mallikarjun Kharge saying ‘Abki Baar, 400 Paar’, referring to the ruling Bharatiya Janata Party, has gone viral on social media.In a clip shared by BJP's official X handle, Kharge is heard saying,"You have majority, with 330-334 seats. This time, it will be above 400." The clipped portion evoked laughter among those seated in the Treasury bench, including Prime Minister Narendra Modi.