ಝೋಂಬಿ ಶೈಲಿಯ ಬಿಗ್ ಬಜೆಟ್‌ ಸಿನಿಮಾಗೆ 'ಜೋಗಿ' ಪ್ರೇಮ್ ಹೀರೋ; ನಟನೆಗೆ ಮರಳಿದ ಡೈರೆಕ್ಟರ್‌

ಬ್ರೇಕಿಂಗ್ ನ್ಯೂಸ್

ನೀಟ್ ಪರೀಕ್ಷೆಗೆ ಒತ್ತಡ ಹೇರಿದ್ದಕ್ಕೆ ತಂದೆಯನ್ನೇ ಕೊಂದ ಮಗ ; ತಂಗಿಯ ಎದುರಲ್ಲೇ ದೇಹವನ್ನ ತುಂಡು ತುಂಡಾಗಿ ಕತ್ತರಿಸಿ ಡ್ರಮ್ ಗೆ ತುಂಬಿದ ಕಟುಕ, ಕಥೆ ಕಟ್ಟಲು ಹೋಗಿ ಪೊಲೀಸರ ಕೈಗೆ ತಗ್ಲಾಕೊಂಡ ನರರಾಕ್ಷಸ ! | ವಂದೇ ಮಾತರಂ ಕಡ್ಡಾಯ ಕ್ರಮಕ್ಕೆ ಜಮಾತೆ ಉಲೆಮಾ ಹಿಂದ್ ವಿರೋಧ ; ಏಕಪಕ್ಷೀಯ, ನಿರಂಕುಶ, ಸಂವಿಧಾನ ವಿರೋಧಿ ಎಂದ ಉಲೆಮಾ ಅಧ್ಯಕ್ಷ ಮೌಲಾನಾ ಅರ್ಷದ್ ಮದನಿ | ಮೋದಿ ಹೆಸರಲ್ಲಿ ಹತ್ತು ನಮೋ ಕುಟೀರ ನಿರ್ಮಾಣ ಯೋಜನೆ ; ಅಡ್ಕ ಭಗವತಿ ಕ್ಷೇತ್ರದ ದರ್ಶನ ಪಾತ್ರಿಗೆ ಏಳನೇ ಮನೆ ಶಿಲಾನ್ಯಾಸದಲ್ಲಿ ಸಂತೋಷ್ ಬೋಳ್ಯಾರ್ |

ಝೋಂಬಿ ಶೈಲಿಯ ಬಿಗ್ ಬಜೆಟ್‌ ಸಿನಿಮಾಗೆ 'ಜೋಗಿ' ಪ್ರೇಮ್ ಹೀರೋ; ನಟನೆಗೆ ಮರಳಿದ ಡೈರೆಕ್ಟರ್‌

19-10-22 12:40 pm Source: Vijayakarnataka ಸಿನಿಮಾ

ನಟ ಧ್ರುವ ಸರ್ಜಾ ಅವರ ಸಿನಿಮಾದ ಪ್ರಿ-ಪ್ರೊಡಕ್ಷನ್‌ ಕೆಲಸದಲ್ಲಿ ನಿರತರಾಗಿದ್ದಾರೆ ನಿರ್ದೇಶಕ ಪ್ರೇಮ್‌. ಇದರ ಟೈಟಲ್‌ ಲಾಂಚ್‌ ಇದೇ 20ರಂದು ನಡೆಯಲಿದೆ.

ಸ್ಯಾಂಡಲ್‌ವುಡ್‌ನ ಸ್ಟಾರ್‌ ನಿರ್ದೇಶಕ ಪ್ರೇಮ್‌ ಸದ್ಯಕ್ಕೆ ಆ್ಯಕ್ಷನ್‌ ಪ್ರಿನ್ಸ್‌ ಧ್ರುವ ಸರ್ಜಾ ಸಿನಿಮಾವನ್ನು ನಿರ್ದೇಶನ ಮಾಡುತ್ತಿದ್ದು, ಇದರ ಟೈಟಲ್‌ ಲಾಂಚ್‌ ಇದೇ 20ರಂದು ನಡೆಯಲಿದೆ. ಇದಕ್ಕಾಗಿ ಪ್ರೇಮ್‌ ಭರ್ಜರಿ ತಯಾರಿ ಮಾಡಿಕೊಂಡಿದ್ದು, ಈ ಸಂಬಂಧ ಚೆನ್ನೈ, ಹೈದರಾಬಾದ್‌, ಕೊಚ್ಚಿ, ಮುಂಬಯಿಗೆ ಓಡಾಡುತ್ತಿದ್ದಾರೆ. ಟೈಟಲ್‌ ಟೀಸರ್‌ಗಾಗಿ ಸ್ಟುಡಿಯೋದಲ್ಲಿ ಕುಳಿತು ಕೆಲಸ ಮಾಡುತ್ತಿದ್ದಾರೆ. ಇಷ್ಟೆಲ್ಲಾ ಕೆಲಸಗಳ ನಡುವೆ ಅವರು ಎರಡು ಸಿನಿಮಾಗಳಲ್ಲಿ ನಾಯಕರಾಗಿ ನಟಿಸಲು ಗ್ರೀನ್‌ ಸಿಗ್ನಲ್‌ ನೀಡಿದ್ದಾರೆ.

ಈ ಸಿನಿಮಾಗಳಲ್ಲಿ ಒಂದನ್ನು ಎಂ. ಶಶಿಧರ್‌ ಎಂಬ ಹೊಸ ಹುಡುಗ ನಿರ್ದೇಶನ ಮಾಡುತ್ತಿದ್ದು, ಅವರು ಈಗಾಗಲೇ ಅರುಣ್‌ ರಾಮ್‌ಪ್ರಸಾದ್‌ ನಾಯಕರಾಗಿರುವ 'ಘಾರ್ಗಾ' ಸಿನಿಮಾವನ್ನು ನಿರ್ದೇಶನ ಮಾಡಿದ್ದಾರೆ. ಪ್ರೇಮ್‌ ಸಿನಿಮಾ ಇವರಿಗೆ ಎರಡನೇ ಸಿನಿಮಾವಾಗಿದೆ. 'ನಾನು ಪ್ರೇಮ್‌ರಿಗೆ ಸೈಕಲಾಜಿಕಲ್‌ ಥ್ರಿಲ್ಲರ್‌ ಕಥೆ ಮಾಡಿಕೊಂಡಿದ್ದೆ. ನಮ್ಮ ‘ಘಾರ್ಗಾ’ ಸಿನಿಮಾದ ಟೀಸರ್‌ ಅನ್ನು ಅವರಿಗೆ ತೋರಿಸಿದಾಗ ಖುಷಿಯಾಗಿದ್ದರು. ನಂತರ ನನಗೆ ಕಥೆ ಹೇಳಲು ಹೇಳಿದ್ದರು. ಈಗ ಮಾಡಲು ಹೊರಟಿರುವ ಕಥೆಯನ್ನು ಅವರಿಗೆ ಹೇಳಿದಾಗ ಬಹಳ ಖುಷಿಯಿಂದ ಸಿನಿಮಾ ಮಾಡಲು ಹೇಳಿದರು. ಈ ಸಿನಿಮಾ ಝೋಂಬಿ ಫಾರ್ಮ್ಯಾಟ್‌ನಲ್ಲಿರುತ್ತದೆ' ಎನ್ನುತ್ತಾರೆ ಶಶಿಧರ್‌.

'ಝೋಂಬಿ ಎಂದರೆ ಸತ್ತ ಮನುಷ್ಯರು ಎದ್ದು ಓಡಾಡುವುದು. ಆದರೆ ಅವರಿಗೆ ಮಾತನಾಡುವ ಮತ್ತು ಸರಿಯಾಗಿ ನಡೆಯುವ ಶಕ್ತಿ ಇರುವುದಿಲ್ಲ. ಇಂತಹ ಜಾನರ್‌ನಲ್ಲಿ ಬರುತ್ತಿರುವ ಕನ್ನಡದ ಮೊಟ್ಟ ಮೊದಲ ಸಿನಿಮಾವಿದು. ತುಂಬಾ ದೊಡ್ಡ ಮಟ್ಟದ ಬಜೆಟ್‌ನಲ್ಲಿ ಈ ಸಿನಿಮಾ ಪ್ಲ್ಯಾನ್‌ ಆಗುತ್ತಿದೆ. ಅಕ್ಟೋಬರ್‌ 22ರಂದು ಸಿನಿಮಾದ ಫಸ್ಟ್‌ ಲುಕ್‌ ಲಾಂಚ್‌ ಮಾಡುತ್ತೇವೆ' ಎಂದಿದ್ದಾರೆ ನಿರ್ದೇಶಕ ಎಂ. ಶಶಿಧರ್‌.

ಈ ಸಿನಿಮಾ ಬಗ್ಗೆ ಮಾತನಾಡಿರುವ ನಿರ್ದೇಶಕ ಪ್ರೇಮ್‌, ‘ನಾನು ನಟನೆ ಮತ್ತು ನಿರ್ದೇಶನ ಎರಡನ್ನೂ ಮಾಡಿಕೊಂಡು ಹೋಗುತ್ತಿದ್ದೇನೆ. ಶಶಿಧರ್‌ ಮಾಡಿರುವ ಕಥೆ ಬಹಳ ಚೆನ್ನಾಗಿದ್ದ ಕಾರಣ ಒಪ್ಪಿದೆ. ಇದರ ಜತೆಗೆ ಇನ್ನೊಂದು ಸಿನಿಮಾ ಮಾಡುತ್ತಿದ್ದು, ಅದನ್ನು ಕೂಡ ನಮ್ಮ ಮತ್ತೊಬ್ಬ ಹುಡುಗನೇ ನಿರ್ದೇಶನ ಮಾಡುತ್ತಿದ್ದಾನೆ. ನಾನು ನಿರ್ದೇಶನ ಮಾಡಲು ಆರಂಭಿಸಿದರೆ ಸಮಯವೇ ಸಿಗುವುದಿಲ್ಲ. ಹಾಗಾಗಿ ಮಧ್ಯದಲ್ಲಿ ಶೆಡ್ಯೂಲ್‌ ಬ್ರೇಕ್‌ ಮಾಡಿದಾಗ ನನ್ನ ನಟನೆಯ ಸಿನಿಮಾಗಳನ್ನು ಪೂರ್ಣಗೊಳಿಸಲು ಹೇಳಿದ್ದೇನೆ. ಇದರ ಜತೆಗೆ ಶಶಿಧರ್‌ ಸಿನಿಮಾಗೆ ‘ಜೋಗಿ’ ಸಿನಿಮಾದ ನಿರ್ಮಾಪಕರು ಬಂಡವಾಳ ಹೂಡುತ್ತಿರುವುದು ಖುಷಿಯ ವಿಚಾರ. ಹೊಸ ರೀತಿಯ ಕಂಟೆಂಟ್‌ ಈ ಸಿನಿಮಾದಲ್ಲಿರುತ್ತದೆ’ ಎಂದಿದ್ದಾರೆ. ಹರಿಕೃಷ್ಣ, ಅರ್ಜುನ್‌ ಜನ್ಯ, ಅಜನೀಶ್‌ ಲೋಕನಾಥ್‌ ಈ ಸಿನಿಮಾಗೆ ಸಂಗೀತ ನೀಡುತ್ತಿದ್ದು, ಸಂದೀಪ್‌ ಸಿನಿಮಾಟೋಗ್ರಾಫರ್‌ ಆಗಿ ಕೆಲಸ ಮಾಡುತ್ತಿದ್ದಾರೆ. ನವೆಂಬರ್‌ ಅಥವಾ ಡಿಸೆಂಬರ್‌ನಲ್ಲಿಈ ಸಿನಿಮಾದ ಚಿತ್ರೀಕರಣ ಆರಂಭವಾಗಲಿದೆ.

ಶಶಿಧರ್‌ ನಿರ್ದೇಶನ ಮಾಡುತ್ತಿರುವ ಸಿನಿಮಾದಲ್ಲಿ ನನ್ನದು ರಿಯಲಿಸ್ಟಿಕ್‌ ಕ್ಯಾರೆಕ್ಟರ್‌. ಇದೇ ಕಾರಣಕ್ಕೆ ನಾನು ಅದರಲ್ಲಿ ನಟಿಸಲು ಒಪ್ಪಿದೆ. ಜನರಿಗೆ ಒಳ್ಳೆಯ ಕಂಟೆಂಟ್‌ ಕೊಟ್ಟರೆ ಖಂಡಿತಾ ನೋಡುತ್ತಾರೆ. ಈ ನಿಟ್ಟಿನಲ್ಲಿ ಹೊಸ ಹೊಸ ನಿರ್ದೇಶಕರು ಚಿತ್ರರಂಗಕ್ಕೆ ಬರಬೇಕು. ಹಾಗಾಗಿ ನಾನು ಹೊಸ ನಿರ್ದೇಶಕರ ಸಿನಿಮಾದಲ್ಲಿನಟಿಸುತ್ತಿದ್ದೇನೆ.

Jogi Prem Back To Acting With Zombie Style Movie.