ಈ ರೀತಿ ಆದರೆ ನಿಮ್ಮ ದೇಹದಲ್ಲಿ ವಿಟಮಿನ್‌ ಸಿ ಕೊರತೆಯಾಗಿದೆ ಎಂದರ್ಥ

ಬ್ರೇಕಿಂಗ್ ನ್ಯೂಸ್

ವಿದ್ಯಾರ್ಥಿಗಳ ಕುಸಿತ, ಅಸ್ತಿತ್ವ ಕಳಕೊಂಡ ಸಣ್ಣ ಕಾಲೇಜುಗಳು ; ದಕ್ಷಿಣ ಕನ್ನಡ- ಉಡುಪಿ ವ್ಯಾಪ್ತಿಯಲ್ಲಿ 22 ಕಾಲೇಜುಗಳಿಗೆ ಬೀಗ ! ಮಂಗಳೂರು ವಿವಿಯಿಂದ ಅನುಮೋದನೆ | ಬಜಪೆ ಪಟ್ಟಣ ಪಂಚಾಯತ್ ಚುನಾವಣೆ ; ಬಿಜೆಪಿಗೆ ಸ್ಪಷ್ಟ ಬಹುಮತ, ಎಸ್ಡಿಪಿಐ ಗಾಳಿಗೆ ತೂರಿಹೋದ ಕಾಂಗ್ರೆಸ್ ! | Kudla Rampage, Ajan Anchan, Mangalore: ಕೊಂಡಾಣ ಕ್ಷೇತ್ರದ ಚಿನ್ನ ಕದ್ದ ಬಗ್ಗೆ ತಮ್ಮಣ್ಣ ಶೆಟ್ಟಿ ವಿರುದ್ಧ ಆರೋಪ ; ಕೊಂಡಾಣ ಕ್ಷೇತ್ರದಲ್ಲಿ ತಪ್ಪು ಕಾಣಿಕೆ ಹಾಕಿ ಕ್ಷಮೆ ಕೋರಿದ ರವಿ ಪ್ರಸನ್ನ, ಬೆಂಬಲಿಗರಿಂದ ಯೂಟ್ಯೂಬರ್ ಅಜಯ್ ಅಂಚನ್ ಮೇಲೆ ಹಲ್ಲೆಗೆ ಯತ್ನ |

ಈ ರೀತಿ ಆದರೆ ನಿಮ್ಮ ದೇಹದಲ್ಲಿ ವಿಟಮಿನ್‌ ಸಿ ಕೊರತೆಯಾಗಿದೆ ಎಂದರ್ಥ

05-08-22 08:32 pm Source: Vijayakarnataka ಡಾಕ್ಟರ್ಸ್ ನೋಟ್

ದೇಹಕ್ಕೆ ಬೇಕಾದ ಅಗತ್ಯ ಪೋಷಕಾಂಶಗಳಲ್ಲಿ ವಿಟಮಿನ್‌ ಸಿ ಕೂಡ ಒಂದು, ವಿಟಮಿನ್‌ ಸಿ ಕೊರತೆಯಾದರೆ ಏನಾಗುತ್ತದೆ. ದೇಹಕ್ಕೆ ವಿಟಮಿನ್‌ ಸಿ ಪೂರೈಸುವುದು ಹೇಗೆ ಎನ್ನುವ ಬಗ್ಗೆ ವೈದ್ಯರ...

ದೇಹ ಆರೋಗ್ಯವಾಗಿರಬೇಕೆಂದರೆ ಎಲ್ಲಾ ರೀತಿಯ ವಿಟಮಿನ್‌, ಜೀವಸತ್ವಗಳು ಅಗತ್ಯವಾಗಿರುತ್ತದೆ. ಅದರಲ್ಲಿ ಮುಖ್ಯವಾದುದು ವಿಟಮಿನ್‌ ಸಿ. ನಮಗೆ ಗೊತ್ತೇ ಇಲ್ಲದೆ ನಾವು ದಿನನಿತ್ಯ ಆಹಾರದಲ್ಲಿ ವಿಟಮಿನ್‌ ಸಿಯನ್ನು ಸೇವನೆ ಮಾಡುತ್ತೇವೆ.

ದೇಹದಲ್ಲಿನ ರೋಗ ನಿರೋಧಕ ಶಕ್ತಿಯನ್ನು ಉತ್ತಮವಾಗಿಸುವುದರಿಂದ ಹಿಡಿದು, ಮೂಳೆಗಳನ್ನು ಸದೃಢವಾಗಿರಲು ಕೂಡ ವಿಟಮಿನ್‌ ಸಿ ಅಗತ್ಯವಾಗಿದೆ. ಹಾಗಾದರೆ ಈ ವಿಟಮಿನ್‌ ಸಿ ದೇಹಕ್ಕೆ ಕೊರತೆಯಾದರೆ ಏನೆಲ್ಲಾ ಸಮಸ್ಯೆಗಳಾಗಲಿದೆ. ಅದರ ಲಕ್ಷಣಗಳೇನು ಎನ್ನುವುದರ ಬಗ್ಗೆ ಆಯುರ್ವೇದ ವೈದ್ಯರಾದ ಡಾ. ಶರದ್‌ ಕುಲಕರ್ಣಿ ಮಾಹಿತಿ ನೀಡಿದ್ದಾರೆ ಇಲ್ಲಿದೆ ನೋಡಿ.

ವಿಟಮಿನ್‌ ಸಿ

What is Vitamin C?

ದೇಹಕ್ಕೆ ಅತ್ಯಗತ್ಯವಾದ ಪೋಷಕಾಂಶಗಳಲ್ಲಿ ವಿಟಮಿನ್‌ ಸಿ ಕೂಡ ಒಂದು. ಪ್ರತಿನಿತ್ಯ ನಮ್ಮ ಆಹಾರದಲ್ಲಿ ವಿಟಮಿನ್‌ ಸಿಯನ್ನು ಸೇವನೆ ಮಾಡುವುದು ಒಳ್ಳೆಯದು.

ಪ್ರತಿನಿತ್ಯ ಆರೋಗ್ಯವಂತ ವ್ಯಕ್ತಿ 80 ಎಂಜಿಯಷ್ಟಾದರೂ ವಿಟಮಿನ್‌ ಸಿ ಯನ್ನು ಸೇವನೆ ಮಾಡಬೇಕು. ಚಿಕ್ಕಮಕ್ಕಳಿಗೆ 30 ಎಂಜಿಯಷ್ಟು ಹಾಗೂ ಕ್ರೀಡಾ ಪಟುಗಳು 90 ಎಂಜಿಯಷ್ಟಾದರೂ ವಿಟಮಿನ್‌ ಸಿಯನ್ನು ಸೇವನೆ ಮಾಡಬೇಕು.

ವಿಟಮಿನ್‌ ಸಿ ಕೊರತೆಯ ಲಕ್ಷಣಗಳು

ಆಯಾಸ ಮತ್ತು ದುರ್ಬಲತೆ
ಸ್ನಾಯು ಮತ್ತು ಕೀಲು ನೋವು.
ಬೇಗನೆ ಗಾಯವಾಗುವುದು
ಚರ್ಮದ ಮೇಲೆ ಅಲ್ಲಲ್ಲಿ ಕೆಂಪು ಮತ್ತು ನೀಲಿ ಬಣ್ಣದಲ್ಲಿ ರಕ್ತ ಹೆಪ್ಪುಗಟ್ಟಿದಂತಾಗುವುದು
ಒಣ ಚರ್ಮ
ಸೀಳು ಕೂದಲು
ಮೂಗಿನ ರಕ್ತಸ್ರಾವ
ಹಠಾತ್‌ ದೇಹದ ತೂಕ ಇಳಿಕೆಯನ್ನು ಕಾಣಬಹುದಾಗಿದೆ.

ವಿಟಮಿನ್‌ ಸಿ ಕಡಿಮೆಯಾದರೆ ಏನಾಗುತ್ತೆ?

ಸ್ಕರ್ವಿ ರೋಗ ಕಾಣಿಸಿಕೊಳ್ಳಬಹುದು. ವಿಟಮಿನ್‌ ಸಿಯ ಕೊರತೆಯಿಂದ ಕಾಣಿಸಿಕೊಳ್ಳುವ ಈ ರೋಗದಲ್ಲಿ ವಸಡಿನಲ್ಲಿ ರಕ್ತಸ್ರಾವ. ಅತಿಯಾದ ಸುಸ್ತು, ತಲೆಕೂದಲಿನಲ್ಲಿ ಬದಲಾವಣೆಯನ್ನು ಕಾಣಬಹುದು. ವಿಟಮಿನ್‌ ಸಿಯನ್ನು ಸರಿಯಾಗಿ ತೆಗೆದುಕೊಂಡರೆ ಈ ಕಾಯಿಲೆಗಳನ್ನು ತಡೆಗಟ್ಟಬಹುದಾಗಿದೆ.
ಚರ್ಮದಲ್ಲಿ ಬದಲಾವಣೆ
ಬೇಗನೆ ವಯಸ್ಸಾಗುವಿಕೆ ಉಂಟಾಗುತ್ತದೆ.

ವಿಟಮಿನ್‌ ಸಿ ಈ ಆಹಾರಗಳಲ್ಲಿ ದೊರೆಯುತ್ತದೆ

12 Foods with More Vitamin C than Oranges - Chicago Health

ವಿಟಮಿನ್‌ ಸಿ ಮತ್ತು ಹಣ್ಣುಗಳಿಗೆ ಅವಿನಾಭಾವ ಸಂಬಂಧ. ಏಕೆಂದರೆ ಕಿತ್ತಳೆ, ಮೂಸಂಬಿ, ಕಿವಿ, ಲಿಂಬೆ ಹೀಗೆ ಅನೇಕ ಹಣ್ಣುಗಳಲ್ಲಿ ಸಾಕಷ್ಟು ಪ್ರಮಾಣದ ವಿಟಮಿನ್‌ ಸಿಯನ್ನು ಕಾಣಬಹುದಾಗಿದೆ. ಹೀಗಾಗಿ ವಿಟಮಿನ್‌ ಸಿಯುಕ್ತ ಹಣ್ಣುಗಳ ಸೇವನೆಯಿಂದ ದೇಹದಲ್ಲಿ ರೋಗ ನಿರೋಧಕ ಶಕ್ತಿಯನ್ನೂ ಹೆಚ್ಚಿಸಬಹುದಾಗಿದೆ.
ಇನ್ನು ಮುಖ್ಯವಾಗಿ ಬೆಟ್ಟದ ನೆಲ್ಲಿಕಾಯಿ. ಹೇರಳವಾದ ವಿಟಮಿನ್‌ ಸಿ ಅಂಶ ಹೊಂದಿರುವ ಬೆಟ್ಟದ ನೆಲ್ಲಿಕಾಯಿ ಅಥವಾ ಅದರ ಪುಡಿಯನ್ನು ನಿಯಮಿತವಾಗಿ ಸೇವನೆ ಮಾಡುವುದರಿಂದ ದೇಹಕ್ಕೆ ಪೂರ್ಣ ಪ್ರಮಾಣದ ವಿಟಮಿನ್‌ ಸಿ ದೊರೆಯುತ್ತದೆ.
ತರಕಾರಿ, ಸೊಪ್ಪುಗಳಿಂದಲೂ ವಿಟಮಿನ್‌ ಸಿಯನ್ನು ಪಡೆಯಬಹುದು. ಕೆಂಪು ಕ್ಯಾಬೀಜ್‌, ಕ್ಯಾಪ್ಸಿಕಂ, ಆಲೂಗಡ್ಡೆ, ಕುಂಬಳಕಾಯಿ, ಟೊಮಾಟೋ, ಪಾಲಕ್‌, ಬ್ರೊಕೋಲಿಯಂತಹ ತರಕಾರಿಗಳನ್ನು ಸೇವನೆ ಮಾಡಿ.
ಮುಖ್ಯವಾಗಿ ಲಿಂಬುವಿನ ಬಳಕೆಯಿಂದ ದೇಹಕ್ಕ ಅಗತ್ಯವಿರುವ ವಿಟಮಿನ್‌ ಸಿಯನ್ನು ಪೂರೈಸಬಹುದಾಗಿದೆ. ಲಿಂಬು ಪಾನಕದ ಸೇವನೆ, ಅನ್ನದೊಂದಿಗೆ ಲಿಂಬುವಿನ ಬಳಕೆ ಒಳ್ಳೆಯದು.