ಬೇಸಿಗೆ ಕಾಲದಲ್ಲಿ ನಮ್ಮ ದೇಹವನ್ನು ತಂಪು ಮಾಡಿಕೊಳ್ಳಲು ನಾವು ಬಗೆ ಬಗೆಯ ವಿವಿಧ ಹಣ್ಣುಗಳನ್ನು, ತಂಪು ಪಾನೀಯಗಳನ್ನು, ಐಸ್ ಕ್ರೀಂ ಇತ್ಯಾದಿಗಳನ್ನು ಸೇವನೆ ಮಾಡುತ್ತಿರುತ್ತೇವೆ. ಆರೋಗ್ಯ ದೃಷ್ಟಿಯಲ್ಲಿ ನೋಡುವುದಾದರೆ ವಿವಿಧ ಹಣ್ಣುಗಳ ಸಲಾಡ್ ನಮ್ಮ ಆರೋಗ್ಯಕ್ಕೆ ತುಂಬಾ ಸಹಕಾರಿಯಾಗಿ ಕೆಲಸ ಮಾಡುತ್ತವೆ. ತರಕಾರಿಗಳಲ್ಲಿ ಕೂಡ ಕೆಲವೊಂದು ಹೆಚ್ಚಿನ ಪ್ರಮಾಣದ ನೀರಿನ ಅಂಶವನ್ನು ಒಳಗೊಂಡ ತರಕಾರಿಗಳಿವೆ.

ಕೆಲವೊಂದು ಆಹಾರ ಪದಾರ್ಥಗಳನ್ನು ಒಟ್ಟಿಗೆ ಸೇವಿಸುವುದರಿಂದ ಆರೋಗ್ಯಕ್ಕೆ ಒಳ್ಳೆಯ ಪರಿಣಾಮಗಳು ಉಂಟಾಗಬಹುದು. ಇನ್ನು ಕೆಲವು ಆಹಾರ ಪದಾರ್ಥಗಳನ್ನು ಅವುಗಳ ನೈಸರ್ಗಿಕ ರೂಪದಲ್ಲಿದ್ದರೂ ಕೂಡ ಅವುಗಳನ್ನು ಒಟ್ಟಿಗೆ ಸೇವಿಸುವಂತಿಲ್ಲ. ಉದಾಹರಣೆಗೆ ಈ ಲೇಖನದಲ್ಲಿ ಚರ್ಚೆ ಮಾಡಲಾಗುತ್ತಿರುವ ಟೊಮೆಟೊ ಮತ್ತು ಸೌತೆಕಾಯಿ. ತಜ್ಞರ ಪ್ರಕಾರ ಟೊಮೆಟೊ ಮತ್ತು ಸೌತೆಕಾಯಿಯನ್ನು ಮಕ್ಕಳಾಗಲಿ ಅಥವಾ ದೊಡ್ಡವರಾಗಲಿ ಒಟ್ಟಿಗೆ ತಿನ್ನಬಾರದಂತೆ.ಇದರಿಂದ ಜೀರ್ಣಾಂಗದ ಮೇಲೆ ಹಾಗೂ ನಮ್ಮ ದೇಹದ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುವ ಸಾಧ್ಯತೆ ಹೆಚ್ಚಾಗಿದೆಯೆಂದು ತಜ್ಞರು ವಾದ ಮಾಡುತ್ತಾರೆ.ಹಾಗಾಗಿ ಈ ವಿಷಯವನ್ನು ತಿಳಿದುಕೊಳ್ಳಲು ಮತ್ತು ನಿಮಗಿರುವ ಕಾತರವನ್ನು ದೂರ ಮಾಡಲು ಇವುಗಳ ಬಗ್ಗೆ ಇನ್ನಷ್ಟು ಮಾಹಿತಿಯನ್ನು ಹಂಚಿಕೊಂಡಿದ್ದೇವೆ.

ಸೌತೆಕಾಯಿ ಟೊಮೆಟೊ ಕಾಂಬಿನೇಷನ್ ಬಗ್ಗೆ ತಜ್ಞರು ಏನು ಹೇಳುತ್ತಾರೆ ?

• ತಜ್ಞರ ಪ್ರಕಾರ ಸೌತೆಕಾಯಿಗಳಲ್ಲಿ ಹೆಚ್ಚಿನ ಪ್ರಮಾಣದ ನೀರಿನ ಅಂಶ ಇರುವುದರ ಜೊತೆಗೆ ಸಾಕಷ್ಟು ಬಗೆಯ ಪೌಷ್ಟಿಕ ಸತ್ವಗಳು ಕೂಡ ಅಡಗಿವೆ. ಇವು ನಿಮ್ಮ ದೇಹಕ್ಕೆ ಕೇವಲ ನೀರಿನ ಅಂಶವನ್ನು ಮಾತ್ರ ಒದಗಿಸುವುದಲ್ಲದೆ ವಿಟಮಿನ್ ' ಸಿ ' ಅಂಶವನ್ನು ನಿಮ್ಮ ದೇಹ ಹೀರಿಕೊಳ್ಳುವಂತೆ ನೋಡಿಕೊಳ್ಳುತ್ತದೆ.
• ಟೊಮೆಟೊ ಹಣ್ಣುಗಳಲ್ಲಿ ಆಸಿಡ್ ಪ್ರಮಾಣ ಸ್ವಲ್ಪ ಹೆಚ್ಚಿದೆ. ಹಾಗಾಗಿ ಇದರಿಂದ ಗ್ಯಾಸ್ಟ್ರಿಕ್ ಮತ್ತು ಎದೆಯುರಿ ಉಂಟಾಗಿ ಹೊಟ್ಟೆ ಉಬ್ಬರಿಸಿಕೊಳ್ಳುವ ಸಾಧ್ಯತೆ ಇದೆ. ಇದರಿಂದ ತಿಳಿದು ಬರುವ ಸತ್ಯ ಏನೆಂದರೆ ನಮ್ಮ ದೇಹದಲ್ಲಿ ಸೌತೆಕಾಯಿ ಬಹಳ ಬೇಗನೆ ಜೀರ್ಣವಾದರೆ ಟೊಮೇಟೊ ಆಗುವುದಿಲ್ಲ.
• ಹಾಗಾಗಿ ಇವೆರಡರ ಕಾಂಬಿನೇಷನ್ ನಲ್ಲಿ ಅನುಕೂಲಕ್ಕಿಂತ ಅಪಾಯವೇ ಜಾಸ್ತಿ. ಹಾಗಾಗಿ ಸಾಧ್ಯವಾದಷ್ಟು ಟೊಮೆಟೊ ಮತ್ತು ಸೌತೆಕಾಯಿ ಎರಡನ್ನೂ ಒಟ್ಟಿಗೆ ತಿನ್ನುವುದನ್ನು ತಪ್ಪಿಸಿ ಎಂದು ಸಲಹೆ ಕೊಡುತ್ತಾರೆ.

ಜೀರ್ಣಾಂಗ ವ್ಯವಸ್ಥೆಯ ಮೇಲೆ ಕೆಲವು ಆಹಾರ ಕಾಂಬಿನೇಷನ್ ಗಳ ಪ್ರಭಾವ

• ಪ್ರತಿ ದಿನ ನಾವು ಬೆಳಗ್ಗೆ ಮಧ್ಯಾಹ್ನ ಸಂಜೆ ವಿವಿಧ ಬಗೆಯ ಆಹಾರಗಳನ್ನು ಸೇವನೆ ಮಾಡುತ್ತೇವೆ. ಬೆಳಗಿನ ಒಂದು ಹೊತ್ತು ಉಪಹಾರದಲ್ಲೇ ನಾವು ಬಗ ಬಗೆಯ ಆಹಾರ ಪದಾರ್ಥಗಳನ್ನು ತಿನ್ನಲು ಬಯಸುತ್ತೇವೆ.
• ಹೀಗಿದ್ದ ಮೇಲೆ ಪ್ರತಿಯೊಂದು ಆಹಾರಕ್ಕೂ ಅದರದೇ ಆದ ಜೀರ್ಣಗೊಳ್ಳುವ ಪ್ರಕ್ರಿಯೆ ಇರುತ್ತದೆ. ಒಂದು ಆಹಾರ ಪದಾರ್ಥ ಬಹಳ ಬೇಗನೆ ಜೀರ್ಣವಾದರೆ ಇನ್ನೊಂದು ಆಹಾರ ಪದಾರ್ಥ ನಮ್ಮ ದೇಹದಲ್ಲಿ ಜೀರ್ಣಗೊಳ್ಳಲು ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತದೆ.
• ಈ ಪ್ರಕ್ರಿಯೆಯ ಮಧ್ಯದಲ್ಲಿ ನಮಗೆ ಹೊಟ್ಟೆಯಲ್ಲಿ ಆಮ್ಲ, ಹೊಟ್ಟೆ ಉಬ್ಬರ, ಹೊಟ್ಟೆ ನೋವು, ವಾಕರಿಕೆ ಬಂದಂತೆ ಆಗುವುದು, ಆಯಾಸ ಇತ್ಯಾದಿ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ.
• ಇನ್ನು ಒಂದಕ್ಕೊಂದು ಸರಿ ಹೊಂದದ ಆಹಾರ ಪದಾರ್ಥಗಳನ್ನು ಅಪ್ಪಿ ತಪ್ಪಿ ಸೇವಿಸಿಬಿಟ್ಟರೆ ಎದುರಾಗುವ ಆರೋಗ್ಯ ಸಮಸ್ಯೆಗಳು ಇನ್ನಷ್ಟು ಹೆಚ್ಚಾಗುವುದು ಖಂಡಿತ. ನಮ್ಮ ಮೆಟಬಾಲಿಸಂ ಪ್ರಕ್ರಿಯೆ ಕಡಿಮೆ ಆಗಿ ದಿನ ಕಳೆದಂತೆ ಜೀರ್ಣಾಂಗಕ್ಕೆ ಸಂಬಂಧ ಪಟ್ಟ ಇನ್ನಷ್ಟು ಸಮಸ್ಯೆಗಳು ಇದರ ಜೊತೆಗೆ ಸೇರಿಕೊಳ್ಳುತ್ತವೆ.

​ಟೊಮೆಟೋ ಮತ್ತು ಸೌತೆಕಾಯಿ ಏಕೆ ಪೂರ್ವ ಪಶ್ಚಿಮ?

• ನಿಮಗೆ ನೆನಪಿರಬಹುದು ನಾವು ತರಕಾರಿ ಸಲಾಡ್, ಸೂಪ್, ಸಾಗು, ಸಬ್ಜಿ, ಪಲ್ಯ ಇತ್ಯಾದಿಗಳನ್ನು ತಯಾರು ಮಾಡುವಾಗ ವಿವಿಧ ಬಗೆಯ ತರಕಾರಿಗಳನ್ನು ಕಾಳು ಕಡಿಗಳನ್ನು ಬಳಕೆ ಮಾಡಿ ತಯಾರು ಮಾಡುತ್ತೇವೆ.
• ಆಹಾರ ಪದಾರ್ಥಗಳ ಸ್ವಾದ ಹೆಚ್ಚಿಸಲು ನಾವು ಉಪಯೋಗಿಸುವ ವಿವಿಧ ಬಗೆಯ ತರಕಾರಿಗಳು ನಮ್ಮ ದೇಹದಲ್ಲಿ ಜೀರ್ಣ ಆಗುವ ಸಂದರ್ಭದಲ್ಲಿ ವಿವಿಧ ಪ್ರಕ್ರಿಯೆಗಳಿಗೆ ಒಳ ಪಡುವ ಸಮಯದಲ್ಲಿ ಒಂದೊಂದು ರೀತಿಯ ಪ್ರತಿಕ್ರಿಯೆ ನೀಡುತ್ತವೆ.
• ಕೆಲವು ಆಹಾರ ಪದಾರ್ಥಗಳಿಗೆ ಜಿಗುಟಾದ ಗುಣ ಲಕ್ಷಣ ಇರುವುದರಿಂದ ನಮ್ಮ ಕರುಳಿನ ಭಾಗದಲ್ಲಿ ಹಲವು ದಿನಗಳ ಕಾಲ ಹಾಗೆ ಅಂಟಿಕೊಂಡು ಜೀರ್ಣಾಂಗಕ್ಕೆ ಸಂಬಂಧ ಪಟ್ಟ ಹಲವಾರು ಸಮಸ್ಯೆಗಳನ್ನು ತಂದೊಡ್ಡುತ್ತವೆ. ಟೊಮೆಟೊ ಮತ್ತು ಸೌತೆಕಾಯಿಗಳಿಗೂ ಇದೇ ರೀತಿಯ ಗುಣ ಲಕ್ಷಣಗಳು ಕಂಡು ಬರುತ್ತವೆ. ಸೇವಿಸಿದ ನಂತರ ಬೇರೆ ಬೇರೆ ಸಮಯದಲ್ಲಿ ಜೀರ್ಣ ಆಗುವುದರಿಂದ ಆರೋಗ್ಯಕ್ಕೆ ತೊಂದರೆ ಉಂಟಾಗುವುದು ಖಚಿತ.
• ವಿಪರೀತ ಗ್ಯಾಸ್ಟಿಕ್ ಉಂಟಾದ ಸಂದರ್ಭದಲ್ಲಿ ಸೌತೆಕಾಯಿ ಸೇವನೆ ಮಾಡಿದರೆ ಹೊಟ್ಟೆಯಲ್ಲಿನ ಆಮ್ಲದ ಪ್ರಭಾವ ಕಡಿಮೆ ಆಗುತ್ತದೆ ಎಂದು ಹೇಳುತ್ತಾರೆ. ಆದರೆ ಟೊಮೆಟೊ ಸೇವನೆ ಮಾಡಿದರೆ ಗ್ಯಾಸ್ಟಿಕ್ ಸಮಸ್ಯೆ ಇನ್ನಷ್ಟು ಹೆಚ್ಚಾಗುತ್ತದೆ. ಏಕೆಂದರೆ ಟೊಮೆಟೊ ಬೀಜಗಳು ಅಷ್ಟು ಬೇಗನೆ ನಮ್ಮ ಜೀರ್ಣಾಂಗದಲ್ಲಿ ಜೀರ್ಣ ಆಗುವುದಿಲ್ಲ.

ಜೀರ್ಣಾಂಗ ಪ್ರಕ್ರಿಯೆಯಲ್ಲಿ ಟೊಮೆಟೊ ಮತ್ತು ಸೌತೆಕಾಯಿಗಳ ಪಾತ್ರ

• ನಿಮ್ಮ ಹೊಟ್ಟೆಯಲ್ಲಿ ಯಾವುದೇ ಆಹಾರ ಜೀರ್ಣ ಆಗಬೇಕಾದರೆ, ಅದಕ್ಕೆ ಬೇಕಾದ ಜೀರ್ಣ ರಸಗಳು, ಆಮ್ಲಗಳು ನಮ್ಮ ಹೊಟ್ಟೆಯ ಒಳ ಪದರದ ಭಾಗದಿಂದ ಸ್ರವಿಸಿ ಆಹಾರವನ್ನು ಜೀರ್ಣ ಮಾಡಲು ಮುಂದಾಗಬೇಕಾಗುತ್ತದೆ.
• ಈ ಪ್ರಕ್ರಿಯೆಯಲ್ಲಿ ಗ್ಯಾಸ್ಟಿಕ್ ಉಂಟಾಗುವುದು ಸಾಮಾನ್ಯ. ಸೌತೆಕಾಯಿ ಹೊಟ್ಟೆಯಲ್ಲಿನ ಆಮ್ಲದ ಪ್ರಭಾವವನ್ನು ಕಡಿಮೆ ಮಾಡಲು ಪ್ರಯತ್ನಿಸಿದರೆ, ಟೊಮೆಟೊ ಹಣ್ಣು ಹೆಚ್ಚು ಮಾಡಲು ಪ್ರಯತ್ನಿಸುತ್ತದೆ. ಇದರಿಂದ ಉತ್ಪತ್ತಿ ಆದಂತಹ ಜೀರ್ಣ ರಸಗಳಿಗೆ ಆಹಾರವನ್ನು ಸರಿಯಾಗಿ ಜೀರ್ಣ ಮಾಡಲು ಸಾಧ್ಯ ಆಗುವುದಿಲ್ಲ.
• ಈ ಸಮಯದಲ್ಲಿ ಇದ್ದಕ್ಕಿದ್ದಂತೆ ಎದೆಯುರಿ, ಗ್ಯಾಸ್ಟ್ರಿಕ್ ವಿಪರೀತ ಹೆಚ್ಚಾಗಿ ಆರೋಗ್ಯಕ್ಕೆ ತುಂಬಾ ತೊಂದರೆ ಉಂಟಾಗುತ್ತದೆ. ಆದರೆ ಒಂದು ವಿಚಾರ ಎಂದರೆ ಟೊಮೆಟೋ ಮತ್ತು ಸೌತೆಕಾಯಿ ಎರಡೂ ನಮ್ಮ ದೇಹಕ್ಕೆ ತುಂಬಾ ಒಳ್ಳೆಯದು. ಆದರೆ ಬೇರೆ ಬೇರೆ ಸಮಯಗಳಲ್ಲಿ ಇವುಗಳನ್ನು ಸೇವನೆ ಮಾಡಬೇಕು ಅಷ್ಟೇ.

• Join our WhatsApp group
• Follow us on Facebook 
• Follow us on Twitter 

Never Eat Cucumber And Tomatoes Together It Will Harm Your Digestive System!