ಬೇಸಿಗೆಯಲ್ಲಿ ಕಾಡುವ ಬಾಡಿ ಹೀಟ್ ಸಮಸ್ಯೆಗೆ ಇಲ್ಲಿದೆ ನೋಡಿ ಪರಿಹಾರ

21-03-22 09:03 pm Source: Vijayakarnataka ಡಾಕ್ಟರ್ಸ್ ನೋಟ್

ದೇಹದಲ್ಲಿ ಸಮತೋಲಿತ ಉಷ್ಣತೆಯು ಇದ್ದರೆ ಅದರಿಂದ ಯಾವುದೇ ಸಮಸ್ಯೆಯು ಆಗದು. ಆದರೆ ಕೆಲವೊಮ್ಮೆ ಇದು ಏರುಪೇರು ಆಗುವುದು.

ಮನುಷ್ಯನ ದೇಹವು ಕೂಡ ಒಂದು ತಾಪಮಾನವನ್ನು ಹೊಂದಿದ್ದು, ಅದು ತನಗೆ ಬೇಕಾದಂತೆ ಕೆಲವೊಂದು ಸಲ ಏರುಪೇರು ಆಗುತ್ತಲಿರುವುದು. ಆದರೆ ಕೆಲವರ ದೇಹದ ಉಷ್ಣತೆಯು ಅತಿಯಾಗಿ ಇರುವುದು. ಇದರಿಂದ ಅವರ ಕೈಗಳನ್ನು ಹಿಡಿದರೆ ನಿಮಗೆ ಬಿಸಿಯಾಗಿರುವ ವಸ್ತುವನ್ನು ಹಿಡಿದ ಅನುಭವ ಆಗಬಹುದು. ಚಳಿಗಾಲವಾಗಲಿ ಅಥವಾ ಬೇಸಿಗೆಯಾಗಲಿ, ಅವರ ದೇಹದ ಉಷ್ಣತೆ ಮಾತ್ರ ಒಂದೇ ರೀತಿಯಲ್ಲಿ ಇರುವುದು.

ಸಾಮಾನ್ಯವಾಗಿ ಮನುಷ್ಯರ ದೇಹದ ತಾಪಮಾನವು 98.6 ಡಿಗ್ರಿ ಫೇರ್ಹನ್ಹೀಟ್ ನಿಂದ 37 ಡಿಗ್ರಿ ಸೆಲ್ಸಿಯಸ್ ತನಕ ಇರುವುದು. ಕೆಲವೊಮ್ಮೆ ಹೊರಗಿನ ಹವಾಮಾನ, ಅನಾರೋಗ್ಯ ಆಹಾರ, ಸ್ವಚ್ಛತೆ ಇಲ್ಲದೆ ಇರುವುದು ಮತ್ತು ಅನಾರೋಗ್ಯದಿಂದ ದೇಹದ ಉಷ್ಣತೆಯು ಹೆಚ್ಚಾಗಬಹುದು. ಇದನ್ನು ಉಷ್ಣತೆಯ ಒತ್ತಡ ಎಂದು ಹೇಳಲಾಗುತ್ತದೆ.

ನಿರ್ಜಲೀಕರಣ, ಹೆಚ್ಚಿನ ಸಮಯವನ್ನು ಹವಾನಿಯಂತ್ರಿತ ಕೋಣೆಯಲ್ಲಿ ಕಳೆಯುವುದು ಅಥವಾ ಬಿಸಿಲಿನಲ್ಲಿ ಇರುವುದು ಇತ್ಯಾದಿಗಳು ದೇಹದ ತಾಪಮಾನ ಹೆಚ್ಚಾಗಲು ಕಾರಣವಾಗಿದೆ. ತುಂಬಾ ಖಾರದ ಆಹಾರ, ವ್ಯಾಯಾಮದ ಬಳಿಕ ತಕ್ಷಣವೇ ಸ್ನಾನ ಮಾಡದೆ ಇರುವುದು. ಹೈಪರ್ ಥೈರಾಯ್ಡಿಸಂ, ಸಂಧಿವಾತ ಇತ್ಯಾದಿಗಳಿಂದ ಬಳಲುತ್ತಿರುವುದು ಕೂಡ ದೇಹದ ತಾಪಮಾನ ಹೆಚ್ಚಾಗಲು ಕಾರಣವಾಗಿದೆ.

ಉಷ್ಣತೆಯ ಒತ್ತಡದಿಂದಾಗಿ ದೈನಂದಿನ ಚಟುವಟಿಕೆ ಮೇಲೆ ಪರಿಣಾಮ ಬೀರುವುದು. ಇದರಿಂದಾಗಿ ನಿಶ್ಯಕ್ತಿ, ಬಳಲಿಕೆ, ವಾಕರಿಕೆ ಮತ್ತು ತಲೆನೋವು ಕಾಣಿಸಬಹುದು. ಸ್ನಾಯುಗಳಲ್ಲಿ ನೋವು, ತೀವ್ರ ರೀತಿಯ ಬಳಲಿಕೆ ಮತ್ತು ಹೃದಯದ ಸಮಸ್ಯೆಯು ಕಾರಣ. ಇಂತಹ ಸಂದರ್ಭದಲ್ಲಿ ದೇಹದ ತಾಪಮಾನ ತಗ್ಗಿಸಲು ಕೆಲವೊಂದು ಕ್ರಮಗಳನ್ನು ತೆಗೆದುಕೊಳ್ಳಬೇಕು. ದೇಹದ ತಾಪಮಾನ ತಗ್ಗಿಸಲು ಯಾವ ಮನೆಮದ್ದುಗಳನ್ನು ಬಳಸಬೇಕು ಎಂದು ನೀವು ತಿಳಿಯಿರಿ...

ಎಳನೀರು

iTi Tropicals offers coconut water | 2020-02-28 | Food Business News

ಇದು ದೇಹಕ್ಕೆ ಪುನಶ್ಚೇತನ ನೀಡುವುದರ ಜತೆಗೆ ದೇಹವನ್ನು ತಂಪಾಗಿಸುವುದು. ಪ್ರಮುಖ ವಿಟಮಿನ್ ಗಳು, ಖನಿಜಾಂಶಗಳು ಹಾಗೂ ಎಲೆಕ್ಟ್ರೋಲೈಟ್ ಗಳು ಇದರಲ್ಲಿದ್ದು, ಉಷ್ಣತೆಯ ಒತ್ತಡದಿಂದ ಬೆವರುವುದರಿಂದ ಕಳೆದುಕೊಳ್ಳುವ ಪ್ರಮುಖ ಖನಿಜಾಂಶಗಳನ್ನು ಇದು ಒದಗಿಸುವುದು. ಒಂದು ಲೋಟ ಸೀಯಾಳ ಕುಡಿದರೆ ಅದರಿಂದ ದೇಹವನ್ನು ತಂಪಾಗಿ ಇಡಬಹುದು.

ಅಲೋವೆರಾ ಲೋಳೆ

Aloe Vera Juice during Pregnancy - Uses, Benefits & Side Effects

ದೇಹವು ಅತಿಯಾದ ಉಷ್ಣತೆ ಹೊಂದಿದ್ದರೆ ಆಗ ಸ್ನಾನ ಮಾಡಿದ ಬಳಿಕ ಅಲೋವೆರಾ ಲೋಳೆ ಹಚ್ಚಿಕೊಂಡರೆ ಅದರಿಂದ ಚರ್ಮದ ಅಂಗಾಂಶಗಳಿಗೆ ತುಂಬಾ ಒಳ್ಳೆಯದು.
ಅಲೋವೆರಾದ ಒಳಗಿನ ಪದರದಲ್ಲಿ ನೀರಿನಾಂಶ, ಪ್ರಮುಖ ವಿಟಮಿನ್ ಗಳು ಹಾಗೂ ಖನಿಜಾಂಶಗಳಿದ್ದು, ಇದು ಚರ್ಮವನ್ನು ಆಳವಾಗಿ ತಂಪಾಗಿಡುವಂತೆ ಮಾಡುವುದು.

ಪುದೀನಾ ಎಲೆಗಳು

All About Garden Mint: A Refreshing and Fast Growing Herb

ಪುದೀನಾದಲ್ಲಿ ಇರುವಂತಹ ಮೆಂಥಾಲ್ ಎನ್ನುವಂತಹ ಅಂಶವು ದೇಹದ ಅಂಗಾಂಶಗಳಲ್ಲಿ ತಂಪು ಉಂಟು ಮಾಡುವುದು. ಇದು ಅತಿಯಾಗಿರುವ ದೇಹದ ತಾಪಮಾನ ತಗ್ಗಿಸುವುದು.
ಬಿಸಿ ಟೀ ಅಥವಾ ತಂಪಾದ ಪಾನೀಯಗಳಿಗೆ ಪುದೀನಾ ಎಲೆಗಳನ್ನು ಹಾಕಿಕೊಂಡು ಸೇವನೆ ಮಾಡಿ. ಇದರಿಂದೆ ದೇಹವು ತಂಪಾಗುವುದು.

ಮಜ್ಜಿಗೆ

Health Benefits Of Buttermilk - When To Drink Butter Milk?

ದೇಹವನ್ನು ತಂಪಾಗಿಸಲು ಹಿಂದಿನಿಂದಲೂ ಸೇವಿಸಿಕೊಂಡು ಬಂದಿರುವ ಪ್ರಮುಖ ಪಾನೀಯವೆಂದರೆ ಅದು ಮಜ್ಜಿಗೆ.
ಮಜ್ಜಿಗೆಯಲ್ಲಿ ಉತ್ತಮ ಪ್ರಮಾಣದ ಪ್ರೊಬಯೋಟಿಕ್ ಗಳಿದ್ದು, ಇದು ಜೀರ್ಣಕ್ರಿಯೆ ಉತ್ತೇಜಿಸುವುದು ಮತ್ತು ಹೊಟ್ಟೆಗೆ ಶಮನ ನೀಡುವುದು. ಒಂದು ಲೋಟ ಮಜ್ಜಿಗೆ ಸೇವನೆ ಮಾಡಿದರೆ ಅದರಿಂದ ದೇಹದ ಉಷ್ಣತೆ ಕಡಿಮೆ ಮಾಡಬಹುದು.

ತಂಪು ನೀರಿನ ಸ್ನಾನ

ಬಿಸಿನೀರ ಸ್ನಾನ ಪ್ರೀಯರೆ ತಣ್ಣೀರ ಸ್ನಾನದ ಉಪಯೋಗ ಕೇಳಿ ಅಚ್ಚರಿ ಆಗ್ಬೇಡಿ | Bengaluru Adda

ವ್ಯಾಯಾಮದ ವೇಳೆ ದೇಹದ ತಾಪಮಾನವು ಹೆಚ್ಚಾಗುವುದು ಸಹಜ. ಈ ವೇಳೆ ತಂಪಾದ ನೀರಿನಿಂದ ಸ್ನಾನ ಮಾಡಬೇಕು. ಇದರಿಂದ ದೇಹಕ್ಕೆ ಅಂಟಿಕೊಂಡಿರುವ ಬೆವರನ್ನು ಹೋಗಲಾಡಿಸಬಹುದು.
ಬೆವರು ದೇಹದ ಉಷ್ಣತೆ ಇನ್ನಷ್ಟು ಹೆಚ್ಚಿಸುವುದು. ನೀರಿಗೆ ಐಸ್ ತುಂಡುಗಳನ್ನು ಹಾಕಿಟ್ಟುಕೊಂಡು ಅದರಲ್ಲಿ ಕಾಲುಗಳನ್ನು ಅದ್ದಿಟ್ಟುಕೊಳ್ಳಿ. ಇದು ದೇಹದ ತಾಪಮಾನ ಕಡಿಮೆ ಮಾಡುವುದು.

ಹೈಡ್ರೇಟ್ ಮಾಡುವ ಆಹಾರ

210,909 Watermelon Stock Photos, Pictures & Royalty-Free Images - iStock

ಕಲ್ಲಂಗಡಿ, ದಾಳಿಂಬೆ, ಸ್ಟಾಬೆರಿಯಂತಹ ಕೆಲವೊಂದು ಹಣ್ಣುಗಳನ್ನು ನಿಮ್ಮ ಆಹಾರ ಕ್ರಮದಲ್ಲಿ ಸೇರಿಸಿಕೊಳ್ಳಿ.
ಅದೇ ರೀತಿಯಲ್ಲಿ ಮಧ್ಯಾಹ್ನ ಹಾಗೂ ರಾತ್ರಿ ಊಟಕ್ಕೆ ತಾಜಾ ತರಕಾರಿ ಸಲಾಡ್ ಗಳಾಗಿರುವಂತಹ ಸೌತೆಕಾಯಿ ಬಳಸಿ. ಮೊಸರನ್ನು ನಿಮ್ಮ ಆಹಾರ ಕ್ರಮದಲ್ಲಿ ಸೇರಿಸಿ. ಉರಿಯೂತ ಶಮನಕಾರಿ ಗುಣಗಳು ಇರುವಂತಹ ಆಹಾರವು ದೇಹವನ್ನು ತಂಪಾಗಿ ಇಡುವುದು.

ನಿಯಮಿತ ವ್ಯಾಯಾಮ

ದೈಹಿಕ ವ್ಯಾಯಾಮಗಳು ನಿಮಗೆ ಮಾನಸಿಕವಾಗಿ ಹೇಗೆ ಸಹಾಯ ಮಾಡುತ್ತದೆ? - Quora

ಉಸಿರಾಟದ ವ್ಯಾಯಾಮದಿಂದ ದೇಹದಲ್ಲಿ ಬೆವರು ಬರುವುದನ್ನು ನಿಯಂತ್ರಿಸಬಹುದು ಮತ್ತು ದೇಹದ ತಾಪಮಾನ ಪರಿಣಾಮಕಾರಿ ಆಗಿ ಕಾಪಾಡಬಹುದು.
15 ನಿಮಿಷಗಳ ಧ್ಯಾನ ಮತ್ತು ಯೋಗ ಪ್ರತಿನಿತ್ಯವೂ ಮಾಡಿದರೆ ಅದರಿಂದ ದೇಹದ ಉಷ್ಣತೆಯನ್ನು ತಗ್ಗಿಸಬಹುದು. ಇದು ದೈಹಿಕವಾಗಿ ಮಾತ್ರವಲ್ಲದೆ, ಮಾನಸಿಕ ಆರೋಗ್ಯವನ್ನು ಕಾಪಾಡುವಲ್ಲಿ ಪ್ರಮುಖ ಪಾತ್ರ ವಹಿಸುವುದು.

ಸಡಿಲ ಬಟ್ಟೆಗಳನ್ನು ಧರಿಸಿ

ದೇಹದ ಉಷ್ಣತೆ ಹೆಚ್ಚಾಗುತ್ತಿರುವ ಸಂದರ್ಭದಲ್ಲಿ ಬಿಗಿಯಾದ ಬಟ್ಟೆಗಳು ಇನ್ನಷ್ಟು ಉಷ್ಣತೆ ಹೆಚ್ಚಿಸುವುದು.
ಹೀಗಾಗಿ ಸಡಿಲ ಹಾಗೂ ಆರಾಮದಾಯಕ ಬಟ್ಟೆಗಳನ್ನು ಧರಿಸಿ. ತುಂಬಾ ಲಘು, ಉಸಿರಾಡಬಹುದಾದ ಹತ್ತಿ ಬಟ್ಟೆಗಳನ್ನು ಧರಿಸಿದರೆ ಒಳ್ಳೆಯದು. ಜೀನ್ಸ್, ಸಿಂಥೆಟಿಕ್ ನೈಲನ್ ಮತ್ತು ರೆಯಾನ್ ಬಟ್ಟೆಗಳನ್ನು ಧರಿಸಬೇಡಿ.

ತಂಪು ಶಾಖ ಕೊಡಿ

ದೇಹದ ತಾಪಮಾನವು ಹೆಚ್ಚಾಗುವಂತಹ ಸಂದರ್ಭದಲ್ಲಿ ವಿಶೇಷವಾಗಿ ಪಾದಗಳು, ಬೆರಳುಗಳು, ಕೈ ಬೇಗನೆ ತಾಪಮಾನ ಹೆಚ್ಚಿಸುವುದು.
ಕುತ್ತಿಗೆ, ಮೊಣಕೈ, ಎದೆ, ಮುಖ ಈ ಭಾಗದಲ್ಲಿ ಚರ್ಮದ ರಕ್ತನಾಳಗಳು ಇರುವುದು. ತಂಪಾದ ನೀರಿನಿಂದ ಶಾಖ ನೀಡಿದರೆ ಆಗ ಖಂಡಿತವಾಗಿಯೂ ಇದು ಉಷ್ಣತೆ ಕಡಿಮೆ ಮಾಡುವುದು.

ಐಸ್ ಟೀ

ತೂಕ ನಷ್ಟಕ್ಕೆ ಐಸ್ ಟೀ ಎಷ್ಟು ಒಳ್ಳೆಯದು? - Quora

ಬಿಸಿಲಿನಲ್ಲಿ ಹೆಚ್ಚಿನ ಸಮಯವಿದ್ದರೆ ಆಗ ದೇಹ ಉಷ್ಣತೆಯು ಹೆಚ್ಚಾಗುವುದು ಸಹಜ. ಇಂತಹ ಸಂದರ್ಭದಲ್ಲಿ ಐಸ್ ಟೀ ಕುಡಿದರೆ ಒಳ್ಳೆಯದು.
ಒಂದು ಲೋಟ ಐಸ್ ಟೀಗೆ ಸ್ವಲ್ಪ ಲಿಂಬೆ ಮತ್ತು ಜೇನುತುಪ್ಪ ಹಾಕಿಕೊಂಡು ಕುಡಿದರೆ ಅದರಿಂದ ದೇಹವು ಪುನಶ್ಚೇತನಗೊಳ್ಳುವುದು ಮತ್ತು ಮನಸ್ಸಿಗೆ ಮುದ ಸಿಗುವುದು.

ಕೊನೆ ಮಾತು

ಮೇಲೆ ಹೇಳಿರುವಂತಹ ಕೆಲವೊಂದು ಸಲಹೆಗಳ ಜತೆಗೆ ದೇಹದಿಂದ ಎಷ್ಟು ಮಟ್ಟದಲ್ಲಿ ಬೆವರು ಸುರಿಯುವುದು ಎನ್ನುವುದನ್ನು ಗಮನಿಸಬೇಕು. ಅತಿಯಾಗಿ ಬಳಲಿಕೆ ಕಂಡುಬಂದರೆ ಆಗ ನೀವು ಜಾಗ್ರತೆ ವಹಿಸಿ.
ದೇಹದ ತಾಪಮಾನವು ದೀರ್ಘಕಾಲ ತನಕ ಹೆಚ್ಚಾಗಿದ್ದರೆ ಆಗ ನೀವು ವೈದ್ಯರನ್ನು ಭೇಟಿ ಮಾಡಿ ಅವರಿಂದ ಸಲಹೆ ಪಡೆಯಿರಿ. 65ರ ಹರೆಯದ ಮೇಲ್ಪಟ್ಟವರಾಗಿದ್ದರೆ ಆಗ ನೀವು ಇದರ ಬಗ್ಗೆ ಹೆಚ್ಚು ಗಮನಿಸಬೇಕು. 5ರ ಹರೆಯದ ಸಣ್ಣ ಮಕ್ಕಳಲ್ಲಿ ಇಂತಹ ಸಮಸ್ಯೆಯು ಕಂಡುಬಂದರೆ ಆಗ ನೀವು ವೈದ್ಯರಲ್ಲಿ ಈ ಬಗ್ಗೆ ಚಿಕಿತ್ಸೆ ಪಡೆಯಿರಿ.