ಶೈಲಜಾ ಅಮರನಾಥ್ ಬಗ್ಗೆ ವಿಕ್ರಮ ಯೂಟ್ಯೂಬ್ ಚಾನೆಲ್ ನಲ್ಲಿ ಪ್ರಚೋದನೆ ; ಪುತ್ತೂರಿನಲ್ಲಿ ಎಫ್ಐಆರ್

ಬ್ರೇಕಿಂಗ್ ನ್ಯೂಸ್

ಧರ್ಮಸ್ಥಳ ಕೇಸ್ ; ವಿಚಾರಣೆ ಮುಗಿಸಿ ಸತ್ಯಕ್ಕೆ ಜಯ ಎನ್ನುತ್ತ ತೆರಳಿದ ಕೇರಳದ ಯೂಟ್ಯೂಬರ್, ಬಂಗ್ಲೆಗುಡ್ಡೆ ಕಾಡಿಗೆ ವಿಠಲ ಗೌಡ ಕರೆದೊಯ್ದು ಮತ್ತೆ ಮಹಜರು | Yenepoya Hospital, Mangalore: ಯೆನಪೋಯ ಆಸ್ಪತ್ರೆಯಲ್ಲಿ ದಕ್ಷಿಣ ಏಷ್ಯಾದ ಮೊದಲ ಆರ್ಥೊ ರೊಬೋಟಿಕ್ ಸರ್ಜರಿ ವ್ಯವಸ್ಥೆ ; ಅಮೆರಿಕದ ಸಂಸ್ಥೆ ಸಹಭಾಗಿತ್ವದಲ್ಲಿ ಸರ್ಜರಿ ಉಪಕ್ರಮ | ಕೊಲ್ಲೂರು ಮೂಕಾಂಬಿಕೆಗೆ ನಾಲ್ಕು ಕೋಟಿ ಮೌಲ್ಯದ ವಜ್ರ ಖಚಿತ ಕಿರೀಟ ಅರ್ಪಿಸಿದ ಖ್ಯಾತ ಸಂಗೀತ ನಿರ್ದೇಶಕ ಇಳಯರಾಜ |

ಶೈಲಜಾ ಅಮರನಾಥ್ ಬಗ್ಗೆ ವಿಕ್ರಮ ಯೂಟ್ಯೂಬ್ ಚಾನೆಲ್ ನಲ್ಲಿ ಪ್ರಚೋದನೆ ; ಪುತ್ತೂರಿನಲ್ಲಿ ಎಫ್ಐಆರ್

20-06-22 03:07 pm Mangalore Correspondent ಕರಾವಳಿ

ರಾಮ ದೇವರ ನಿಂದೆಗೈದ ಆರೋಪ ಹೊತ್ತಿರುವ ಕಾಂಗ್ರೆಸ್ ಐಟಿ ಸೆಲ್ ಕಾರ್ಯದರ್ಶಿ ಶೈಲಜಾ ಅಮರನಾಥ ಗೌಡ ಅವರು ತನ್ನ ಮನೆ ಮೇಲೆ ದಾಳಿಗೈದ ಆರೋಪಿಗಳ ವಿರುದ್ಧ ಮತ್ತು ತನ್ನ ಬಗ್ಗೆ ಪ್ರಚೋದನಕಾರಿ ಸುದ್ದಿ ಮಾಡಿದ್ದ ವಿಕ್ರಮ ಯೂಟ್ಯೂಬ್ ಚಾನೆಲ್ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದಾರೆ.

ಪುತ್ತೂರು, ಜೂನ್ 20: ರಾಮ ದೇವರ ನಿಂದೆಗೈದ ಆರೋಪ ಹೊತ್ತಿರುವ ಕಾಂಗ್ರೆಸ್ ಐಟಿ ಸೆಲ್ ಕಾರ್ಯದರ್ಶಿ ಶೈಲಜಾ ಅಮರನಾಥ ಗೌಡ ಅವರು ತನ್ನ ಮನೆ ಮೇಲೆ ದಾಳಿಗೈದ ಆರೋಪಿಗಳ ವಿರುದ್ಧ ಮತ್ತು ತನ್ನ ಬಗ್ಗೆ ಪ್ರಚೋದನಕಾರಿ ಸುದ್ದಿ ಮಾಡಿದ್ದ ವಿಕ್ರಮ ಯೂಟ್ಯೂಬ್ ಚಾನೆಲ್ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದಾರೆ.

ತನ್ನ ಹೆಸರು ಮತ್ತು ಮೊಬೈಲ್ ನಂಬರನ್ನು ಉಲ್ಲೇಖಿಸಿ, ಎಡಿಟೆಡ್ ಆಡಿಯೋವನ್ನು ತೋರಿಸಿ ವಿಕ್ರಮ ಯೂಟ್ಯೂಬ್ ಚಾನೆಲಿನವರು ಸುದ್ದಿ ಮಾಡಿದ್ದಾರೆ. ಅದರಿಂದಾಗಿ ತನಗೆ ಜೀವ ಬೆದರಿಕೆ ಕರೆಗಳು ಬರುತ್ತಿವೆ. ಪುತ್ತೂರಿನ ಬಪ್ಪಳಿಗೆಯ ನನ್ನ ಮನೆಗೆ ಬೈಕಿನಲ್ಲಿ ಬಂದಿದ್ದ ಮೂವರು ಯುವಕರು ದಾಳಿ ಮಾಡಿದ್ದಾರೆ. ನನ್ನ ಬಗ್ಗೆ ತೇಜೋವಧೆ ಮಾಡಿದ ಯೂಟ್ಯೂಬ್ ಚಾನೆಲ್ ಮತ್ತು ದಾಳಿ ಮಾಡಿದ ಯುವಕರ ವಿರುದ್ಧ ಪೊಲೀಸರು ಕ್ರಮ ಕೈಗೊಳ್ಳಬೇಕೆಂದು ಕೋರಿ ದೂರು ನೀಡಿದ್ದಾರೆ.

ಅಲ್ಲದೆ, ನನ್ನ ಬಗ್ಗೆ ಪ್ರಚೋದನಕಾರಿ ಸುದ್ದಿ ಮಾಡಿರುವ ವಿಕ್ರಮ ಚಾನೆಲಿನ ನಿರೂಪಕಿ ಎಂ.ಎಸ್.ಮುಮ್ತಾಸ್ ವಿರುದ್ಧವೂ ಕ್ರಮ ಕೈಗೊಳ್ಳಬೇಕೆಂದು ದೂರು ನೀಡಿದ್ದಾರೆ. ಮನಗೆ ದಾಳಿ ನಡೆಸಿದ ಮೂರು ಮಂದಿ ಅಪರಿಚಿತ ಯುವಕರು ಮತ್ತು ಯೂಟ್ಯೂಬ್ ಚಾನೆಲ್ ವಿರುದ್ಧ ಪುತ್ತೂರು ನಗರ ಠಾಣೆಯಲ್ಲಿ ಪ್ರತ್ಯೇಕ ಎಫ್ಐಆರ್ ದಾಖಲಾಗಿದೆ. ರಾಜ್ಯ ಕಾಂಗ್ರೆಸ್ ಮಹಿಳಾ ಘಟಕದ ಕಾರ್ಯದರ್ಶಿಯೂ ಆಗಿರುವ ಪುತ್ತೂರಿನಲ್ಲಿ ವಕೀಲೆಯಾಗಿರುವ ಶೈಲಜಾ ಅಮರನಾಥ್, ಇತ್ತೀಚೆಗೆ ಕ್ಲಬ್ ಹೌಸ್ ಚರ್ಚೆಯಲ್ಲಿ ಪಾಲ್ಗೊಂಡು ರಾಮ, ಸೀತೆ, ಹನುಮಂತನ ಬಗ್ಗೆ ಅವಹೇಳನಕಾರಿ ಮಾತನಾಡಿದ್ದರು.

ರಾಮ, ಸೀತೆಯ ಬಗ್ಗೆ ಅವಹೇಳನ, ಸಲಿಂಗಕಾಮಿ ಎಂದು ನಿಂದನೆ ; ಕಾಂಗ್ರೆಸ್ ನಾಯಕಿ ವಿರುದ್ಧ ದೂರು ಬೆನ್ನಲ್ಲೇ ಮನೆಗೆ ಕಿಡಿಗೇಡಿಗಳ ದಾಳಿ !

Accusation of insulting Hindu Gods, Shailaja Amaranath files complaint against Vikrama Channel at Puttur police station. The accusation on Shailaja Amarnath, secretary of IT cell of Congress, of insulting Hindu Gods and subsequent attack on her house by Hindu right wing activists has taken a new turn. Shailaja filed a complaint in city police station saying that she is receiving life threat calls as the audio and video about Lord Ram was edited by a YouTube channel Vikram with her photo and cell number. The complaint is filed against the YouTube channel and its anchor M S Mumtas.