ಮಂಗಳೂರಿನ ಮಾನ ಹರಾಜಿಗಿಟ್ಟ ವಿದ್ಯಾರ್ಥಿಗಳು ; ಕಿಸ್ಸಿಂಗ್ ಬೆನ್ನಲ್ಲೇ ಸೆಕ್ಸ್ ವಿಡಿಯೋ ಲೀಕ್, ಪೋಕ್ಸೊ ಕೇಸು, ಸಿಸಿಬಿ ತನಿಖೆ

ಬ್ರೇಕಿಂಗ್ ನ್ಯೂಸ್

ನೀಟ್ ಪರೀಕ್ಷೆಗೆ ಒತ್ತಡ ಹೇರಿದ್ದಕ್ಕೆ ತಂದೆಯನ್ನೇ ಕೊಂದ ಮಗ ; ತಂಗಿಯ ಎದುರಲ್ಲೇ ದೇಹವನ್ನ ತುಂಡು ತುಂಡಾಗಿ ಕತ್ತರಿಸಿ ಡ್ರಮ್ ಗೆ ತುಂಬಿದ ಕಟುಕ, ಕಥೆ ಕಟ್ಟಲು ಹೋಗಿ ಪೊಲೀಸರ ಕೈಗೆ ತಗ್ಲಾಕೊಂಡ ನರರಾಕ್ಷಸ ! | ವಂದೇ ಮಾತರಂ ಕಡ್ಡಾಯ ಕ್ರಮಕ್ಕೆ ಜಮಾತೆ ಉಲೆಮಾ ಹಿಂದ್ ವಿರೋಧ ; ಏಕಪಕ್ಷೀಯ, ನಿರಂಕುಶ, ಸಂವಿಧಾನ ವಿರೋಧಿ ಎಂದ ಉಲೆಮಾ ಅಧ್ಯಕ್ಷ ಮೌಲಾನಾ ಅರ್ಷದ್ ಮದನಿ | ಮೋದಿ ಹೆಸರಲ್ಲಿ ಹತ್ತು ನಮೋ ಕುಟೀರ ನಿರ್ಮಾಣ ಯೋಜನೆ ; ಅಡ್ಕ ಭಗವತಿ ಕ್ಷೇತ್ರದ ದರ್ಶನ ಪಾತ್ರಿಗೆ ಏಳನೇ ಮನೆ ಶಿಲಾನ್ಯಾಸದಲ್ಲಿ ಸಂತೋಷ್ ಬೋಳ್ಯಾರ್ |

ಮಂಗಳೂರಿನ ಮಾನ ಹರಾಜಿಗಿಟ್ಟ ವಿದ್ಯಾರ್ಥಿಗಳು ; ಕಿಸ್ಸಿಂಗ್ ಬೆನ್ನಲ್ಲೇ ಸೆಕ್ಸ್ ವಿಡಿಯೋ ಲೀಕ್, ಪೋಕ್ಸೊ ಕೇಸು, ಸಿಸಿಬಿ ತನಿಖೆ

21-07-22 09:39 pm Mangalore Correspondent ಕರಾವಳಿ

ಕಾಲೇಜು ವಿದ್ಯಾರ್ಥಿಗಳ ಸ್ವೇಚ್ಛಾಚಾರದ ಮತ್ತೊಂದು ವಿಡಿಯೋ ಲೀಕ್ ಆಗಿದ್ದು, ಮಂಗಳೂರಿನ ಜನರ ಮಾನವನ್ನೇ ಹರಾಜು ಹಾಕಿದೆ.

ಮಂಗಳೂರು, ಜುಲೈ 21: ಕಾಲೇಜು ವಿದ್ಯಾರ್ಥಿಗಳ ಸ್ವೇಚ್ಛಾಚಾರದ ಮತ್ತೊಂದು ವಿಡಿಯೋ ಲೀಕ್ ಆಗಿದ್ದು, ಮಂಗಳೂರಿನ ಜನರ ಮಾನವನ್ನೇ ಹರಾಜು ಹಾಕಿದೆ. ಲಿಪ್ ಲಾಕ್ ಮಾಡಿದ್ದ ವಿದ್ಯಾರ್ಥಿನಿಯ ಜೊತೆಗೇ ಸೆಕ್ಸ್ ನಡೆಸುವ ವಿಡಿಯೋ ಬಹಿರಂಗ ಆಗಿದ್ದು, ಪ್ರತಿಷ್ಠಿತ ಕಾಲೇಜು ಹೆಸರಲ್ಲಿ ವಿದ್ಯಾರ್ಥಿಗಳು ಮಾನಗೆಟ್ಟ ಕೆಲಸವನ್ನು ಮಾಡುವುದಕ್ಕೂ ಹೇಸುವುದಿಲ್ಲ ಎನ್ನುವುದನ್ನು ತೋರಿಸಿಕೊಟ್ಟಿದ್ದಾರೆ.

ಘಟನೆ ಬಗ್ಗೆ ಮಂಗಳೂರಿನ ಬಂದರು ಠಾಣೆಯಲ್ಲಿ ಪೋಕ್ಸೋ ಮತ್ತು ಐಟಿ ಆಕ್ಟ್ ಅಡಿ ಕೇಸು ದಾಖಲಾಗಿದ್ದು, ಸಿಸಿಬಿ ಪೊಲೀಸರು ಆರೋಪಿಗಳಿಗೆ ಬಲೆ ಬೀಸಿದ್ದಾರೆ. ಈಗಾಗಲೇ ವಿಡಿಯೋ ಮಾಡಿರುವ ವಿದ್ಯಾರ್ಥಿಯನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಘಟನೆಯಲ್ಲಿ ಎಂಟಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಪಾಲ್ಗೊಂಡಿದ್ದಾರೆ ಎನ್ನಲಾಗುತ್ತಿದ್ದು, ಅವರನ್ನು ಕಾಲೇಜಿನಿಂದ ವಾರದ ಹಿಂದೆಯೇ ಡಿಬಾರ್ ಮಾಡಲಾಗಿತ್ತು. ಟ್ರುತ್ ಅಂಡ್ ಡೇರ್ ಹೆಸರಲ್ಲಿ ವಿದ್ಯಾರ್ಥಿನಿಯನ್ನು ಅಪ್ಪಿಕೊಂಡು ಲಿಪ್ ಲಾಕ್ ಕಿಸ್ ಮಾಡಿದ್ದ ವಿದ್ಯಾರ್ಥಿಯೇ ಆನಂತರ ಆಕೆಯನ್ನು ಅತ್ಯಾಚಾರ ನಡೆಸಿದ್ದಾನೆ ಎನ್ನಲಾಗುತ್ತಿದ್ದು ಸ್ವತಃ ವಿಡಿಯೋ ಮಾಡಿಕೊಂಡಿದ್ದ. ಸೆಕ್ಸ್ ವಿಡಿಯೋವನ್ನು ಬಾವುಟಗುಡ್ಡೆಯ ಪಿಜಿ ಒಂದರಲ್ಲಿ ಮಾಡಲಾಗಿದ್ದು ಎನ್ನಲಾಗುತ್ತಿದೆ.

ಸೆಕ್ಸ್ ನಡೆಸುವ ವಿಡಿಯೋವನ್ನು ಸ್ವತಃ ಮಾಡಿಕೊಂಡಿದ್ದು, ಆಕೆಗೆ ಅಮಲು ಬರಿಸುವ ಪದಾರ್ಥ ನೀಡಿ ಕೃತ್ಯ ಎಸಗಿದ್ದಾನೆಯೇ ಅನ್ನೋದರ ಬಗ್ಗೆ ತನಿಖೆ ನಡೆಯಬೇಕು. ಅಲ್ಲದೆ, ವಿಡಿಯೋ ಮುಂದಿಟ್ಟು ವಿದ್ಯಾರ್ಥಿನಿಯನ್ನು ಬ್ಲಾಕ್ಮೇಲ್ ಮಾಡಿದ್ದಾರೆಯೇ ಅನ್ನುವ ಬಗ್ಗೆಯೂ ಪೊಲೀಸರು ತನಿಖೆ ನಡೆಸಬೇಕಾಗಿದೆ. ಸದ್ಯಕ್ಕೆ ವಿದ್ಯಾರ್ಥಿನಿ ಅಪ್ರಾಪ್ತಳು ಅನ್ನುವ ಕಾರಣಕ್ಕೆ ಪೋಕ್ಸೋ ಕೇಸು ದಾಖಲಿಸಿದ್ದು, ಅದನ್ನು ಜೊತೆಗಿದ್ದು ನೋಡಿದವರು ಕೂಡ ಅಪರಾಧಿಗಳಾಗುತ್ತಾರೆ. ಆರೋಪಿಯ ಜೊತೆಗೆ ಇತರರನ್ನೂ ಬಂಧಿಸಬೇಕಾಗಿದೆ. ಪೊಲೀಸರ ಪ್ರಕಾರ, ಈ ಲಿಪ್ ಲಾಕ್ ಕಿಸ್ಸಿಂಗ್ ಕೃತ್ಯ ಐದು ತಿಂಗಳ ಹಿಂದೆಯೇ ನಡೆದಿತ್ತು ಎನ್ನಲಾಗುತ್ತಿದೆ. ವಿದ್ಯಾರ್ಥಿ ತನ್ನ ಮೊಬೈಲಿನಲ್ಲಿ ವಿಡಿಯೋ ಮಾಡಿಟ್ಟಿದ್ದ. ಆದರೆ, ಈಗ ವಿಡಿಯೋ ಹೇಗೆ ಲೀಕ್ ಆಗಿದೆ, ಯಾಕಾಗಿ ಲೀಕ್ ಮಾಡಿದ್ದಾನೆ ಅನ್ನೋದು ತಿಳಿದುಬಂದಿಲ್ಲ.

ಎಂಟು ಮಂದಿ ವಿದ್ಯಾರ್ಥಿಗಳ ವಿರುದ್ಧ ಪೋಕ್ಸೋ ಕೇಸು ದಾಖಲಿಸಿದ್ದು ಬಂಧನಕ್ಕೆ ಪೊಲೀಸರು ಬಲೆ ಬೀಸಿದ್ದಾರೆ.

ಪ್ರತಿಷ್ಠಿತ ಕಾಲೇಜಿನ ವಿದ್ಯಾರ್ಥಿಗಳ ಕಿಸ್ಸಿಂಗ್ ವಿಡಿಯೋ ವೈರಲ್ ; ಪಂಥ ಕಟ್ಟಿ ಕಿಸ್ಸಿಂಗ್, ಒಬ್ಬ ಹುಡುಗ ಪೊಲೀಸ್ ವಶಕ್ಕೆ, ಕಾಲೇಜಿನಿಂದ ಅಮಾನತು ಶಿಕ್ಷೆ !

Mangalore Students Kissing Video viral, eight college students booked under POCSO act. A video went extremely viral in which Students of Aloysius college were found kissing and after police investigation it is come to light that a sex video of the couple also has been recorded and has been leaked.