ಪುತ್ತೂರಿನಲ್ಲಿ ಪುತ್ತಿಲ ವೀರೋಚಿತ ಸೋಲು ; ಕಡೆಗೂ ಗೆದ್ದ ಅಶೋಕ ರೈ, ಬಿಜೆಪಿಗೆ ಮುಖಭಂಗ !

13-05-23 03:19 pm Mangalore Correspondent ಕರಾವಳಿ

ರಾಜ್ಯದಲ್ಲೇ ತೀವ್ರ ಕುತೂಹಲ ಮೂಡಿಸಿದ್ದ ಪುತ್ತೂರು ವಿಧಾನಸಭಾ ಕ್ಷೇತ್ರದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಅಶೋಕ್ ಕುಮಾರ್ ರೈ ಪ್ರಯಾಸದ ಗೆಲುವು ಸಾಧಿಸಿದ್ದಾರೆ.

ಮಂಗಳೂರು, ಮೇ 13: ರಾಜ್ಯದಲ್ಲೇ ತೀವ್ರ ಕುತೂಹಲ ಮೂಡಿಸಿದ್ದ ಪುತ್ತೂರು ವಿಧಾನಸಭಾ ಕ್ಷೇತ್ರದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಅಶೋಕ್ ಕುಮಾರ್ ರೈ ಪ್ರಯಾಸದ ಗೆಲುವು ಸಾಧಿಸಿದ್ದಾರೆ.

ಮತ ಎಣಿಕೆಯ ಕೊನೆಯ ಹಂತದ ವರೆಗೂ ತೀವ್ರ ಸ್ಪರ್ಧೆ ಒಡ್ಡಿದ ಹಿಂದು ಮುಖಂಡ, ಪಕ್ಷೇತರ ಅಭ್ಯರ್ಥಿ ಅರುಣ್ ಕುಮಾರ್ ಪುತ್ತಿಲ 3351 ಮತಗಳ ಅಂತರದಿಂದ ಸೋಲು ಅನುಭವಿಸಿದ್ದಾರೆ. ಬಿಜೆಪಿ ಅಭ್ಯರ್ಥಿ ಆಶಾ ತಿಮ್ಮಪ್ಪ ಗೌಡ ಅವರು ಮೂರನೇ ಸ್ಥಾನ ಪಡೆದಿದ್ದಾರೆ.

ಅಶೋಕ್ ಕುಮಾರ್ ರೈ 64687, ಅರುಣ್ ಕುಮಾರ್ ಪುತ್ತಿಲ 61336 , ಆಶಾ ತಿಮ್ಮಪ್ಪ ಗೌಡ 36526 ಮತಗಳನ್ನು ಪಡೆದಿದ್ದಾರೆ. ಮತ ವಿಭಜನೆಯಾಗುತ್ತದೆ ಎಂದು ಅಂದಾಜಿಸಲಾಗಿದ್ದ ಎಸ್ ಡಿಪಿಐ ಅಭ್ಯರ್ಥಿ ಶಾಫಿ ಬೆಳ್ಳಾರೆ 2712 ಮತಗಳನ್ನು ಪಡೆದಿದ್ದಾರೆ. ಜೆಡಿಎಸ್ ನ ದಿವ್ಯಪ್ರಭ ಗೌಡ ಅವರು 658 ಮತಗಳನ್ನು ಮಾತ್ರ ಪಡೆದಿದ್ದಾರೆ. ನೋಟಾಕ್ಕೆ 848 ಮತ ಚಲಾವಣೆಯಾಗಿವೆ.

ಭಾರೀ ಹವಾ ಎಬ್ಬಿಸಿದ್ದ ಪುತ್ತಿಲ ಕೊನೆಯ ವರೆಗು ತೀವ್ರ ಹೋರಾಟ ನೀಡಿದ್ದರು. ಬಿಜೆಪಿ ನಾಯಕರ ಕಿತ್ತಾಟ, ಪುತ್ತಿಲರನ್ನು ಸೈಡ್ ಲೈನ್ ಮಾಡಲೇಬೇಕೆಂಬ ಹಠಕ್ಕೆ ಪುತ್ತೂರಿನಲ್ಲಿ ಕಾಂಗ್ರೆಸ್ ಗೆದ್ದಿದೆ. ಪುತ್ತಿಲ ವೀರೋಚಿತ ಸೋಲು ಕಂಡಿದ್ದಾರೆ. ಹಿಂದು ಸಂಘಟನೆಗಳ ಪಾಲಿಗೆ ಜಯವನ್ನೇ ಕಂಡಿದ್ದಾರೆ.

Puttur Congress candidate Ashok Kumar Rai triumphs and defeats Arun Kumar Puthila and Bjp Asha Thimmappa. According to the ECI data, Ashok Kumar Rai has secured over 61,797 votes, and Puthila has secured 59,124 votes. Puthila had quit the Bharatiya Janata Party after being denied a ticket by the party. He decided to contest independently, campaigning with his pro-Hindutva mascot identity.