ವ್ರತ ಆಚರಿಸಿ ಶಾರದೆ ರೂಪ ; ಅಪ್ಪನೇ ನಂಗೆ ಪ್ರೇರಣೆ ಎಂದ ಕ್ರಿಸ್ತಿಯನ್ ಯುವತಿ !

ಬ್ರೇಕಿಂಗ್ ನ್ಯೂಸ್

ನನ್ನ ಮತ್ತು ಸಿಎಂ ನಡುವೆ ಒಂದು ಒಪ್ಪಂದವಾಗಿದೆ ; ಅದರಂತೆ ಸಿಎಂ ಆಗಿದ್ದಾರೆ, ಅವರೆಂದೂ ಐದು ವರ್ಷ ಸಿಎಂ ಆಗಿರಲ್ಲ ಅಂತ ಹೇಳೇ ಇಲ್ಲ ! ಅಚ್ಚರಿ ಮೂಡಿಸಿದ ಡಿಕೆಶಿ ಹೇಳಿಕೆ | ಇಂಟರ್ನ್ಯಾಶನಲ್ ಬುಕ್ ಆಫ್ ರೆಕಾರ್ಡ್ಸ್ ಸೇರಿದ ಮಂಗಳೂರಿನ ಬಾಲಪ್ರತಿಭೆ ಜೋಹಾನ್ ಓಝಿಲ್ ; ವಯಸ್ಸಿಗೆ ಮೀರಿದ ಸಾಧನೆಗೈದ 1.8 ವರ್ಷದ ಪೋರ ! | ಮಹಾನಗರ ಪಾಲಿಕೆ ಪೌರ ಕಾರ್ಮಿಕರ ಖಾಯಮಾತಿಗೆ ಆಗ್ರಹ ; ಸದನದಲ್ಲಿ ದನಿಯೆತ್ತಿದ ಶಾಸಕ ವೇದವ್ಯಾಸ ಕಾಮತ್ |

ವ್ರತ ಆಚರಿಸಿ ಶಾರದೆ ರೂಪ ; ಅಪ್ಪನೇ ನಂಗೆ ಪ್ರೇರಣೆ ಎಂದ ಕ್ರಿಸ್ತಿಯನ್ ಯುವತಿ !

29-10-20 06:23 pm Mangalore Correspondent ಕರಾವಳಿ

ಶಾಖಾಹಾರಿಯಾಗಿದ್ದು ಶಾರದೆಯ ರೂಪದಲ್ಲಿ ಕಾಣಿಸಿಕೊಂಡ ಅನಿಷಾಳ ಫೋಟೋ ಪಾಥ್ ವೇ ಸ್ಪರ್ಧೆಯಲ್ಲಿ ಸೆಲೆಕ್ಟ್ ಆಗಿದೆ. ನವದುರ್ಗೆಯರ ಗೆಟಪ್ ನಲ್ಲಿ ಮಾಡೆಲ್ ಗಳು ಸೇರಿ ಹಲವು ಯುವತಿಯರು ಕಂಗೊಳಿಸಿದ್ದರು.

ಮಂಗಳೂರು, ಅಕ್ಟೋಬರ್ 29: ಕೊರೊನಾ ಮಹಾಮಾರಿಯ ನಡುವೆ ನಾಡಿನೆಲ್ಲೆಡೆ ನವರಾತ್ರಿ ಉತ್ಸವ ಸರಳವಾಗಿ ನಡೆದಿದೆ. ಎಲ್ಲೆಡೆ ಅದ್ದೂರಿಯಾಗಿ ಆಚರಿಸುತ್ತಿದ್ದ ನವರಾತ್ರಿ ಉತ್ಸವವನ್ನು ಅತ್ಯಂತ ಸರಳವಾಗಿ ನಡೆಸಿದ್ದರಿಂದ ಗೌಜಿ, ಗದ್ದಲಕ್ಕೆ ಅವಕಾಶ ಇರಲಿಲ್ಲ. ಈ ನಡುವೆ ಕೆಲವು ಯುವತಿಯರು ವಿಭಿನ್ನವಾಗಿ ಶಾರದೆಯ ರೂಪದಲ್ಲಿ ಫೋಟೋ ಶೂಟ್ ಮಾಡಿಸಿಕೊಂಡು ಗಮನ ಸೆಳೆದಿದ್ದಾರೆ. ಛಾಯಾಗ್ರಾಹಕರು ಮತ್ತು ಮೇಕಪ್ ಕಲಾವಿದರ ಗರಡಿಯಲ್ಲಿ ಸಾದಾ ಸೀದಾ ಯುವತಿಯರು ಕೂಡ ಶಾರದೆಯ ಪೋಷಾಕಿನಲ್ಲಿ ಕಂಗೊಳಿಸಿದ್ದಾರೆ. ಆದರೆ ಇವೆಲ್ಲದರ ಮಧ್ಯೆ ಕ್ರಿಸ್ತಿಯನ್ ಯುವತಿಯೊಬ್ಬಳು ಶಾರದೆಯ ರೂಪದಲ್ಲಿ ಕಾಣಿಸಿಕೊಂಡು ಸುದ್ದಿಯಾಗಿದ್ದಾರೆ.

ಆಕೆ, ಮಂಗಳೂರಿನ ಕುಲಶೇಖರ ನಿವಾಸಿ ಅನಿಷಾ ಅಂಜಲಿನಾ ಮೊಂತೆರೋ. ಮಂಗಳೂರಿನ ಪಾಥ್ ವೇ ಹಾಗು ಮರ್ಸಿ ಲೇಡಿಸ್ ಸಲೂನ್ ಸಹಯೋಗದಲ್ಲಿ ಶ್ಯಾಡೊ ಆಫ್ ನವದುರ್ಗಾ ಸರಣಿ ಫೋಟೋ ಶೂಟ್ ಆಯೋಜಿಸಲಾಗಿತ್ತು. ಇದಕ್ಕಾಗಿ ಫೋಟೋ ಶೂಟ್ ಮಾಡಿಕೊಳ್ಳಲು ಅನಿಷಾಗೆ ಗೆಳೆಯರು ಪ್ರೇರಣೆ ನೀಡಿದ್ದರು. ದುಂಡಗಿನ ಮುಖದ ಸೌಂದರ್ಯ ಶಾರದೆಯ ರೂಪಕ್ಕೆ ಸೂಟ್ ಆಗತ್ತೆ ಅಂತಾ ಪ್ರೋತ್ಸಾಹ ನೀಡಿದ್ದರು. ಈ ಬಗ್ಗೆ ಮನೆಯಲ್ಲಿ ವಿಷಯ ಪ್ರಸ್ತಾಪಿಸಿದಾಗ, ತಂದೆ ಮೊದಲಿಗೆ ಗದರಿದ್ದರಂತೆ. ಫೋಟೋ ಶೂಟ್ ಮಾಡೋದಾದ್ರೆ ಮಾಡು.. ಶಾರದೆ ದೇವತೆಯಾದ್ದರಿಂದ ದೇವಿ ರೀತಿ ಕಾಣಿಸಿಕೊಳ್ಳಲು ವ್ರತಾಚರಣೆ ಮಾಡಬೇಕು ಎಂದಿದ್ದಾರೆ. ಅದರಂತೆ, ಅನಿಷಾ ಮೀನು, ಮಾಂಸಾಹಾರ ಬಿಟ್ಟು 21 ದಿವಸ ವ್ರತ ಆಚರಿಸಿದ್ದಾರೆ. ಹಿಂದುಗಳ ವಿರೋಧ ಬರುವುದು ಬೇಡವೆಂದು ವ್ರತ ಆಚರಿಸಿಯೇ ಶಾರದೆಯ ರೂಪ ತಾಳಿದ್ದು ಅನಿಷಾ ಬಗ್ಗೆ ಕರಾವಳಿಯಲ್ಲಿ ಮತಭೇದ ಮರೆತು ಮೆಚ್ಚುಗೆ ಕೇಳಿಬಂದಿದೆ.

ಅಂದಹಾಗೆ, ಶಾಖಾಹಾರಿಯಾಗಿದ್ದು ಶಾರದೆಯ ರೂಪದಲ್ಲಿ ಕಾಣಿಸಿಕೊಂಡ ಅನಿಷಾಳ ಫೋಟೋ ಪಾಥ್ ವೇ ಸ್ಪರ್ಧೆಯಲ್ಲಿ ಸೆಲೆಕ್ಟ್ ಕೂಡ ಆಗಿದೆ. ನವದುರ್ಗೆಯರ ಗೆಟಪ್ ನಲ್ಲಿ ಮಾಡೆಲ್ ಗಳು ಸೇರಿ ಹಲವು ಯುವತಿಯರು ಕಂಗೊಳಿಸಿದ್ದರು. ಆದರೆ ಇವೆಲ್ಲದರ ನಡುವೆ, ವಿಭಿನ್ನವಾಗಿದ್ದ ಅನಿಷಾ ಫೋಟೋ ತೀರ್ಪುಗಾರರಿಗೆ ಆಕರ್ಷಕವಾಗಿ ಕಂಡಿದ್ದರಲ್ಲಿ ಅಚ್ಚರಿ ಏನಿಲ್ಲ.. ವಿಶೇಷ ಅಂದ್ರೆ, ಅನಿಷಾ ಶಾರದೆಯಾಗಿ ಕಾಣಿಸಿಕೊಂಡಿದ್ದರ ಹಿಂದೆ ಪೋಷಕರ ಸಪೋರ್ಟ್ ಕೂಡ ಇದೆ. ತಂದೆ ದಯಾನಂದ್ ಹಾಗು ತಾಯಿ ಜೂಡಿ ಪ್ರೆಸಿಲ್ಲ ಮಗಳ ಜೊತೆ ಬೆನ್ನಿಗೆ ನಿಂತಿದ್ದರು.

ಅಂದಹಾಗೆ, ಅನಿಷಾ ಶಾರದೆಯಾಗಿ ರೂಪ ತಾಳಲು ಹಲವರು ಪ್ರಯತ್ನ ಪಟ್ಟಿದ್ದಾರೆ. ಸರ್ಪ್ರೈಸ್ ಸ್ಟುಡಿಯೋ ಮಾಲಕ ದೀಪಕ್ ಗಂಗೂಲಿ, ಛಾಯಾಗ್ರಾಹಕ ವರ್ಷಿಲ್ ಅಂಚನ್, ಮೇಕಪ್ ಕಲಾವಿದೆ ಮರ್ಸಿ ವೀಣಾ ಡಿಸೋಜಾ, ಅನಿಷಾಳನ್ನು ವಿಭಿನ್ನವಾಗಿ ಶೃಂಗರಿಸಿ, ಶಾರದೆಯ ರೂಪ ತಾಳುವಂತೆ ಮಾಡಿದ್ದರು. ಇದೇನೇ ಇದ್ದರೂ, ಕೆಥೋಲಿಕ್ ಕ್ರಿಸ್ತಿಯನ್ ಆಗಿರುವ ಅನಿಷಾ ಹಿಂದು ದೇವತೆ ಶಾರದೆಯ ಅವತಾರಕ್ಕಾಗಿ ಶ್ರದ್ಧಾ ಭಕ್ತಿಯಿಂದ ಪ್ರಯತ್ನ ಪಟ್ಟಿದ್ದಂತೂ ಸತ್ಯ. ಯುವತಿಯರು ಶಾರದೆಯರ ರೀತಿ ಶೃಂಗರಿಸಿ ಫೋಟೋ ತೆಗೆಸಿಕೊಳ್ಳುವ ವಿಚಾರದಲ್ಲಿ ಪರ- ವಿರೋಧ ಇದ್ದರೂ, ಈಕೆಯ ನಡೆ ಮಾತ್ರ ಪ್ರಶಂಸೆಗೆ ಕಾರಣವಾಗಿದೆ.

Video:

Mangalore Catholic Christian girl Anisha Angelina Monteiro from Mangaluru has observed fast for 21 days for the shoot. Anisha Angelina Monteiro has discerned fast making sure that her fasting does not affect religious reverence.