Moral Policing Udupi, Karkala, Doctors: ಕಾರ್ಕಳದಲ್ಲಿ ನೈತಿಕ ಪೊಲೀಸ್ ಹೆಸರಲ್ಲಿ ಗೂಂಡಾಗಿರಿ ; ವಿಭಿನ್ನ ಕೋಮಿನ ವೈದ್ಯರಿದ್ದ ಕಾರನ್ನು ತಡೆದು ಆವಾಜ್, ಐವರ ಬಂಧನ

ಬ್ರೇಕಿಂಗ್ ನ್ಯೂಸ್

Bommai, Ayanur Manjunath, Mangalore: ಕಾರ್ಮಿಕರ ಜೀವವನ್ನು ಕೀಳಾಗಿ ಕಂಡಿದ್ದ ಬೊಮ್ಮಾಯಿ ಸರ್ಕಾರ, ಅದಕ್ಕಾಗಿ ಬಿಜೆಪಿ ಬಿಟ್ಟು ಬಂದಿದ್ದೆ ; ಆಯನೂರು ಮಂಜುನಾಥ್ | ರಾಹುಲ್ ಗೆ ದೇಶದ ಜನರ ನಾಡಿಮಿಡಿತ ಗೊತ್ತಿದೆ, ಅತ್ಯುತ್ತಮ ಪ್ರಧಾನಿ ಆಗಲಿದ್ದಾರೆ ; ಪ್ರಿಯಾಂಕ ಗಾಂಧಿ | ಪ್ರಜ್ವಲ್‌ ರೇವಣ್ಣ ವಿರುದ್ಧ ಕ್ರಮಕ್ಕೆ ನಮ್ಮ ತಕರಾರಿಲ್ಲ, ರೇವಣ್ಣ ಮೇಲೆ ಕೇಸ್ ಸೃಷ್ಟಿಸಿರೋದು ಸರಿಯಲ್ಲ ; 92ನೇ ಜನ್ಮದಿನದಂದು ಎಚ್.ಡಿ ದೇವೇಗೌಡ ಪ್ರತಿಕ್ರಿಯೆ |

Moral Policing Udupi, Karkala, Doctors: ಕಾರ್ಕಳದಲ್ಲಿ ನೈತಿಕ ಪೊಲೀಸ್ ಹೆಸರಲ್ಲಿ ಗೂಂಡಾಗಿರಿ ; ವಿಭಿನ್ನ ಕೋಮಿನ ವೈದ್ಯರಿದ್ದ ಕಾರನ್ನು ತಡೆದು ಆವಾಜ್, ಐವರ ಬಂಧನ

02-08-23 01:16 pm Udupi Correspondent ಕರಾವಳಿ

ಮಂಗಳೂರಿನ ವೈದ್ಯರು ಮತ್ತು ಮೆಡಿಕಲ್ ಕಾಲೇಜಿನ ಪ್ರೊಫೆಸರ್ ಗಳು ಪ್ರಯಾಣಿಸುತ್ತಿದ್ದ ಕಾರನ್ನು ಅಡ್ಡಗಟ್ಟಿದ ತಂಡವೊಂದು ನೈತಿಕ ಪೊಲೀಸ್ ಹೆಸರಲ್ಲಿ ಗೂಂಡಾಗಿರಿ ನಡೆಸಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

ಉಡುಪಿ, ಆಗಸ್ಟ್ 2: ಮಂಗಳೂರಿನ ವೈದ್ಯರು ಮತ್ತು ಮೆಡಿಕಲ್ ಕಾಲೇಜಿನ ಪ್ರೊಫೆಸರ್ ಗಳು ಪ್ರಯಾಣಿಸುತ್ತಿದ್ದ ಕಾರನ್ನು ಅಡ್ಡಗಟ್ಟಿದ ತಂಡವೊಂದು ನೈತಿಕ ಪೊಲೀಸ್ ಹೆಸರಲ್ಲಿ ಗೂಂಡಾಗಿರಿ ನಡೆಸಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ. ಪ್ರಕರಣದಲ್ಲಿ ಐವರನ್ನು ಕಾರ್ಕಳ ಪೊಲೀಸರು ಬಂಧಿಸಿದ್ದಾರೆ.

ಕಾರ್ಕಳ ತಾಲೂಕಿನ ಕುಂಟಲ್ಪಾಡಿ ಎಂಬಲ್ಲಿ ಮಂಗಳೂರಿನ ಕಾಲೇಜಿನ ವೈದ್ಯರ ತಂಡ ತೆರಳುತ್ತಿದ್ದ ಕಾರನ್ನು ತಡೆದು ಅವಾಜ್ ಹಾಕಿದ ಬಗ್ಗೆ ಕಾರ್ಕಳ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಸಂತೋಷ್ ನಂದಳಿಕೆ, ಕಾರ್ತಿಕ್ ಪೂಜಾರಿ, ಸುನೀಲ್ ಮೂಲ್ಯ, ಸಂದೀಪ್ ಪೂಜಾರಿ, ಸುಜಿತ್ ಸಫಲಿಗ ಬಂಧಿತ ಆರೋಪಿಗಳು.

ಮಾಳ ಎಸ್.ಕೆ. ಬಾರ್ಡರ್ ಬಳಿಯಿಂದ ಕಾರನ್ನು ಹಿಂಬಾಲಿಸಿದ್ದ ಗುಂಪು, ಕುಂಟಲ್ಪಾಡಿ ಬಳಿ ಕಾರು ಅಡ್ಡಗಟ್ಟಿ ವಿಭಿನ್ನ ಕೋಮಿಗೆ ಸೇರಿದವರು ನೀವು, ಎಲ್ಲಿಗೆ ಹೋಗುತ್ತಿದ್ದೀರಿ ಎಂದು ಅವಾಜ್ ಹಾಕುವುದರ ಜೊತೆಗೆ ಅವಾಚ್ಯ ಶಬ್ದದಿಂದ ನಿಂದಿಸಿದ್ದಾರೆ. ಕಾರಿನಲ್ಲಿ ಇಬ್ಬರು ಮಹಿಳೆಯರು, ನಾಲ್ವರು ಪುರುಷರು ಇದ್ದರು. ಈ ವೇಳೆ ಕಾರಿನಲ್ಲಿದ್ದ ಒಬ್ಬರು ಮಹಿಳೆ 112ಗೆ ಕರೆ ಮಾಡಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಕೂಡಲೇ ಘಟನಾ ಸ್ಥಳಕ್ಕೆ ಆಗಮಿಸಿದ ಕಾರ್ಕಳ ಸರ್ಕಲ್ ಇನ್ಸ್ ಪೆಕ್ಟರ್ ಟಿಡಿ ನಾಗರಾಜ್ ನೇತೃತ್ವದ ಪೊಲೀಸರು, ಐವರನ್ನು ಬಂಧಿಸಿದ್ದಾರೆ.

In a recent incident of alleged "immoral policing," the Karkala Police in Udupi arrested five activists associated with the Sangh Parivar. The incident came to light after four doctors and two lady professors, who were traveling in a car, reported the incident to the authorities.